臺北棧 (世貿中心)

营业中

休息中

今晚到銅鑼灣逛街，路過這裏正值晚飯時間，便來到這裏一試。這裏坐擁維多利亞港景色，裝修雅致，可惜用餐時間只有90分鐘。招牌滷肉飯$68，脂肪甘香，肉質軟腍腍，帶點醬油的甜味，加上溫泉蛋的味道和蘿蔔的爽口，味道層次豐富。黑蒜牛肉台灣寬粉絲$128，牛肉軟腍腍可口，湯底蒜香味道十足，寬粉有點像薯粉，同樣爽口彈牙，如果喜歡點辣，可以加點辣椒油，味道層次，便更加豐富。蒜香三色香腸$75，三款不同顏色的香腸經過加熱之後，帶出了香味，配合香脆的蒜片，味道更佳。開心果奶奶麻糬$98 ，店員示範如何處理這個麻糬，只需用筷子箱麻糬捲起，撈勻開心果碎，便可進食。質地煙煙韌韌，加上開心果碎的味道，作為飯後甜品非常合適。香水檸檬台南冬瓜茶$48，香水檸檬的香味果然吸引，有點像鈦礦的香茅，不過又帶檸檬的香氣，令到冬瓜茶的味道層次更加豐富。百香果綠茶$38，百香果的味道不算太濃，酸甜程度適中，加上濃郁的綠茶味道，清新又可口。

如要搵食，世貿中心其實係一個非常好地方。有不同餐廳選擇，每一間裝潢都各有特色。今日決定台灣菜，環境設計時尚，舒服。甘蔗苦瓜汁/芭樂苦瓜汁台灣苦瓜特別多汁，做果汁一流。苦澀中混合一些甜嘅水果，正。胡麻涼拌苦瓜清爽有嚼口，開胃前菜。麻醬涼拌秋葵黏黏質感，跟麻醬好夾。牛汁滷蘭花干有點似上海菜嘅烤麩，味道十足。黑蒜牛肉麵湯底非常鮮甜，充滿肉香。刀削麵有靱性，彈牙。牛肉軟腍，肉味濃厚。拿破崙酥皮索索聲，好脆啊！頂層鹹蛋碎，配合餡料芋泥和麻糬，層次感豐富。

好耐無食台灣菜，朋友又想搵一間可以打卡嘅餐廳原來係世貿中心開左間以淺粉紅色為主，環境優雅，設計華麗嘅台灣菜店內設有大量梳化卡位，用餐環境舒適，窗邊位仲可以眺望到維港景色餐廳主打台式食物，除必試台式牛肉麵及鴨蛋蛋餅、仲有台式魯肉飯、田園小菜、夜市小吃、涮涮鍋粥、創意甜品、手調飲品等等食物方面:麻辣牛肉麵 : 牛肉厚身又大塊，但都炆得非常軟淋入味，湯底濃郁又帶微辣，再揀選煙煙韌韌嘅手工刀削麵，埋豆皮及炸蟲草花，非常高質嘅一碗台式牛肉麵明太子麻糬蛋餅 : 蛋餅上係明太子醬及櫻花蝦，入便係包住軟綿嘅麻糬，口感煙煙韌韌海鮮炒王子麵蛋餅 : 蛋餅入便係厚厚嘅煎蛋，配上蝦仁、蟹柳及王子麵，再蘸上大板燒醬汁，配搭新穎，味道相當唔錯，口感好似食梗大阪燒開心果奶奶麻糬 : 用上台灣淡水原創配方，不含糯米，採用日本鮮牛乳及木薯粉做成 Q 軟口感，入口即融，冰冰凉家相當軟綿，再配上大量開心果碎，真係食得夠曬開心

星期日和老公到銅鑼灣Check in Taipei吃晚餐。麻醬涼拌秋葵先吃個蔬菜，加了麻醬除去秋葵的草腥味，爽口兼充滿纖維。明太子麻糬蛋餅蛋餅上鋪滿櫻花蝦，麻糬非常煙靭又不會黏牙，底下鋪了明太子，整個蛋餅非常厚身又好吃，很飽肚。松露魯肉飯魯肉飯肥瘦參半，有半顆糖心蛋，撈飯吃一流。擔擔牛肉麵湯底加了很多花生碎，牛腱軟腍，手工刀削麵份量比較少，麵質厚身有彈性。粒粒花生奶奶麻糬冰涼的麻糬口感很水潤，入口即溶，軟綿綿，蘸上有花生粒的花生碎，增添豐富口感，美味可口。

上星期同朋友到世貿到臺北棧午飯，餐廳以臺灣鐵路為設計靈感，有皇族花車設計包廂。整個餐廳的裝潢環境精心設計，牆上有漸變日落的阿里山景觀，角落裝飾著原住民色彩元素，營造出充滿臺灣風情的氛圍。Check In Taipei 堅持傳承臺灣料理的傳統風味，同時融入獨特的新派元素，他們以臺灣直送的優質食材為主。招牌牛肉麵 $108招牌牛肉麵配牛脂油令人印象深刻。我選擇了手功刀削麪，粗身口感煙煙韌韌，湯汁特別惹味，牛肉肉質軟淋，搭配自家製的牛脂油更添層次感。招牌滷肉飯 $68滷汁醇厚，肉質混合米飯口感極佳，配上半隻糖心蛋拿破崙 $108招牌之作即叫即整，三層拿破崙夾著不同餡料，口感豐富多層次，鬆脆的餅底配上冰涼的芋泥蓉和煙煙韌韌的麻糬，頂層鋪滿鹹蛋黃碎做點綴🍎蘋果苦瓜汁 $48味道微甘，清熱解毒🧋珍珠奶茶 $45珍珠煙韌口感，奶茶順滑🎈臺北棧 (世貿中心)🎈銅鑼灣告士打道280號世貿中心4樓7號舖

我試左好多間台灣餐廳，呢間係最令我回味既餐廳，簡直係念念不忘！呢間餐廳行中高路線，餐牌只有幾款食物，種類唔多，勝在坐得舒服，環境闊落，唔會有壓逼感，裝修環境又靚，係優雅環境，遠離嘈吵人群！另一方面叫左火鍋，有侍應幫手煮同不粥，拿破倫蛋糕好好味，可惜份量少左啲🥺

人氣台式奶奶麻糬🌟#開心果控餐廳環境超靚，有種格調🥰以淺粉紅色為主，打卡真係一流呀！酸辣牛肉麵🍜呢個超邪惡！但勁惹味～～牛肉麵仲揀咗手工刀削麵，超煙韌對我呢啲食開BB辣嚟講，真係勁辣邪惡鹹蛋黃芋泥蛋餅超厚嘅芋泥～～食落又唔會太甜！#芋泥控 真係必試💕詁梅地瓜薯條🍟地瓜薯條外脆內軟！仲可以根據自己口味沾話梅醬汁📍 臺北棧 (世貿中心) (銅鑼灣)銅鑼灣告士打道280號世貿中心4樓7號舖-#芋泥 #銅鑼灣美食 #coffeelife #香港美食 #台灣菜 #hkcoffeeholic #相機食先 #hkdessert #開心果 #地瓜條 #牛肉麵 #麻辣牛肉麵

無意間碌到朋友社交平臺po咗款皮蛋醬拌麵，我對呢種勁邪惡嘅食物係0抵抗力，一問之下原黎係臺北棧嘅新出品，二話不説第二日即刻放工走去食。個人必須畀皮蛋醬拌麵100分，完全沒有辜負我對佢嘅期待。各方面都好滿意：我揀嘅係冷麵，麵條夠彈，唔會黏成一團，醬料調得好好，非常掛麵，但又唔會太傑身拌不開。味道好香，搭上少少紅油、芫茜，超級香濃惹味。兩隻鮑魚仔都夠嫩滑。成個麵就係令人回味無窮。炒台灣腸超級熱辣辣，落蒜片炒係幾香嘅，味道就偏甜啦。三色鹽酥雞都非常出色，雞件真係好嫩，而且係出乎意料嘅大舊，之前食過好多都係雞粒，呢款個人感覺好似韓式無骨炸雞咁大大件三款醬汁都各有特色，個人好中意佢地嘅柚子醬，有d似蜜糖芥末咁，隻甜味與炸鷄好夾。甜品叫咗花生麻薯，服務員好好，知道我地之前未食過，特等示範一次去教我地點樣食，原黎要用筷子有技巧咁將麻薯分割開。我一直以為係熱食，原黎係凍嘅，長知識了。佢配料分量好多，包極都包唔曬，好香好甜好滿足。總結：我心心念嘅皮蛋拌面果然冇令人失望，大大力推薦。另外其他食物都有水準，環境熱鬧好氣氛，服務員熱情有禮，好滿意

召集#開心果控 #麻糬控 香港都食到超水準台式麻糬啦❣️餐廳環境超好打卡，勁girly💖奶奶麻糬開心果💚呢個真係必試啦！！爆多開心果碎！🥰麻糬好正宗，可以自己整開一嚿嚿再沾滿大量開心果碎，真係超值得食麻辣牛肉麵🍜超推呢個💖必食！！牛肉麵可以揀手工刀削麵，必叫🤤食落好有口感，勁掛湯超惹味，好夠哂麻呀！！勁過癮！伯爵茶凍芋圓🌟伯爵茶唔算十分濃郁，但份量十足！叫一碗4個人share都好夠！芋圓、地瓜、珍珠、啫喱等等，超豐富📍 臺北棧 (世貿中心) (銅鑼灣)銅鑼灣告士打道280號世貿中心4樓7號舖#銅鑼灣美食 ##相機食先 #hkdessert #開心果 #牛肉麵 #香港美食 #台灣菜 #hkcoffeeholic #芋圓 #茶控 #銅鑼灣必食

今日下午茶同朋友去咗銅鑼灣食tea🌟 @checkintaipeihk 呢度完全係台灣嘅風味環境裝修優美，坐得又舒服😌🔶松露玉米起司蛋餅松露味好特出，仲有好多芝士🧀呀拉到絲😁口感好豐富。好有台灣口感。🔶麻辣牛肉麵夠晒辣同惹味，份量好足料。牛肉好淋好味道！🔶拿破崙超好味的甜，層次感超豐富。有肉鬆，麻糬煙煙韌韌嘅口感確實值得一食。🔶蘋果苦瓜汁以為好苦，其實超級好味道。解膩不錯🔶洛神花＋杞子＋桂圓肉超級精神嘅飲品，賣相亦都非常漂亮。

臺北棧轉左餐牌，今日去咗食午餐。🌱荔枝玫瑰提拉米蘇麻糬睇外表只見到一層奶油和玫瑰乾花片，撩開後卻發現內有乾坤。除咗有厚身的奶油，質地幾滑；仲有黏感的麻糬；濕潤有酒香的提拉米蘇；一匙羹放入口中又會食到香甜的荔枝肉，每一口都值得細味品嚐。🌱明太子甜不辣甜不辣口感煙韌，明太子和美奶滋混合後，味道都幾辣。🌱櫻花蝦麻辣魯肉飯魯肉、櫻花蝦和麻辣鋪滿整個飯面，魯肉有肥膏，口感軟綿，起初食的時候都唔覺得好辣，但食到底，辣味出曬嚟。🌱招牌魯肉飯魯肉飯的肥肉份量都幾多，食後會覺油膩。🌱香水檸檬炭燒烏龍茶呢杯要咗少甜，烏龍茶味道較淡，檸檬較酸。🌱檸檬冬瓜茶味道酸酸甜甜，消暑又解渴。餐廳的裝潢很精緻，坐近窗邊更可望海景和遊艇；店員有禮親切。環境和服務真係冇得頂！

之前一直好鍾意嘅Check in Taipei，轉咗menu後第一次食，更啱我心水😋🧡明太子麻糬蛋餅 $98之前食開呢度嘅蛋餅都好高水準，鍾意食芋泥鹹蛋黃口味，今次明太子麻糬都係我鍾意嘅配搭，明太子醬充滿鹹香，十分惹味，入面嘅麻薯好大粒🦀軟殼蟹麻婆豆腐撈麵 $238第一次食，原來呢個配搭係台灣名物，軟殼蟹炸得好出色，唔油膩，冇沾上太多粉漿，都幾多肉，麻婆豆腐微辣，配撈麵很不錯👍🏻🤍Oreo奶奶麻糬 $88甜品一樣好多麻薯系列，今次要咗奶奶麻糬，除咗Oreo口味仲有芝麻/ 花生🥜口味麻薯比小食入面嘅麻薯更軟滑，更水潤，呢到嘅麻薯用咗台灣淡水配方，每天製作，不含糯米，採用日本鮮牛乳、木薯粉製成Q軟口感，食落冰涼軟綿🥛豆漿 $32🚩臺北棧 (世貿中心) (銅鑼灣) @checkintaipei📍銅鑼灣告士打道280號世貿中心4樓7號舖

🫧黑蒜牛肉麵配上香濃的牛骨湯誠意熬足12小時心思烹調用上50磅牛骨配18種特選香料嫩滑的牛肉台灣寬粉絲或者手工刀削麵台灣寬粉絲透明又有咬口推薦😊😊🫧松露芝士玉米蛋餅啱晒素食者有香香的松露🫧海鮮炒王子麵蛋餅勁似日本大阪燒餅🫧手打香水檸檬芭樂苦瓜汁檸檬和苦瓜汁味道較為突出🫧 Oreo奶奶感覺似有糯米但原來不含糯米採用日本新鮮牛乳同埋木薯粉做成軟綿綿口感，入口即溶十分冰涼的非常Q軟推薦🫧黑蒜牛肉麵（台灣寬粉絲）🫧海鮮炒王子麵蛋餅🫧 Oreo奶奶

今日又約朋友去銅鑼灣shopping ，好自然就吃埋晚飯先回家啦！朋友想吃台灣菜即刻帶她來這間店。這裡裝修格局好高級，椅子用上綠白色的絨面包著好軟熟，天花板條子襯圓形大燈很型格。香水檸檬台南冬瓜茶🍹近排大熱的香水檸檬台南冬瓜茶🍹，茶底非常之濃郁配青檸🍋‍🟩拌勻味道好清新開胃。三色鹽酥雞🐥鹽酥雞是台灣興起，雞件炸得很鬆脆內裡肉質仍然嫩滑多汁，而醬汁有三種味道，無論是松露、柚子定水牛芝士醬，配在鹽酥雞上味道也很夾分不到高下。鹹蛋黃芋泥球🍠這款菜式造型非常精緻，圓軲轆的波波球外脆內軟，用上芋泥包着鹹蛋黃一起炸，口感好特別味道軟綿綿嘅芋泥蓉配上鹹蛋黃很搭配。招牌牛肉麵配牛脂油🍜這碗招牌牛肉麵嘅麵底可選手工刀削麵或台灣寬粉絲，今次我們點了台灣寬粉絲，喜歡這裡的粉絲夠粗身口感煙煙韌韌，掛滿湯汁特別惹味，而牛肉牛𦟌很厚肉大大塊，肉質很腍牛肉味濃配埋自家製的牛脂油，令味道更加有層次。芋泥三Q拿破崙🍰這款甜品是這店的招牌菜，三層拿破崙夾著不同餡料，頂層鋪滿忌廉加鹹蛋黃碎，中間是芋泥蓉和麻糬，而底層就是芋泥蓉，拿破崙餅底非常鬆脆加埋冰涼的芋泥蓉口感好豐富，麻糬煙煙韌韌又軟糯一啖咬下吃到多種層次感。

炎炎夏天，嘆住冷氣逛大型商場，晚飯時間於銅鑼灣世貿吃一餐台灣菜。店內裝修非常華麗，各款枱椅都很優雅，好彩嘅被安排近窗口位，望到維港夜景令人豁然開朗。明太子麻薯蛋餅~ 特別嘅新配搭，明太子味道香濃，份量唔細，夠兩、三人分享。秘製椒麻皮蛋醬拌麵~師傅用上兩隻溏心皮蛋製成皮蛋醬，添加椒麻香油，這個味道一試難忘，堅推介要試，微涼的冷麵，仲有蛋絲及芽菜，加入這個獨特醬汁，可以刺激味蕾多角度感覺。櫻花蝦麻辣魯肉飯~魯肉飯係我嘅至愛，今次仲加咗麻辣嘅風味，仲有櫻花蝦，香脆味道同碎肉醬出奇地夾，麻香辣辣地，越食越惹味。開心果奶奶麻薯~期間限定，人氣甜品，這個麻薯由台灣淡水原創配方不含糯米，採用日本鮮牛乳，口感Q彈，入口相當軟綿，麻薯沾上粒粒開心果碎特別可口。香水檸檬炭燒烏龍茶~味道清新，清熱解渴。