至尊雲吞麵雞煲

营业中

休息中

次次同朋友聚會唔係打邊爐就係雞煲，通常都係去佢開嗰幾間，朋友介紹呢間嘅雞煲可以任家，而且味道好好，咁就一於去試吓啦。一去到就見到佢嘅雞煲有好多選擇，但係因為我哋有人唔食辣，所以就叫咗一個麻辣雞煲同一個椰子雞煲啦。麻辣叫咗大辣，因為大家都好鍾意食辣，不過佢嘅辣唔係對喉嚨唔好嗰種，係香香辣辣嗰種，所以大家好快就食晒啲雞啦。呢度竟然仲有得加雞，真係好抵讚。呢度嘅雞肉好嫩滑，而且雞皮好脆，口感好好。而且每一次加雞佢都會加好大嘅份量。除咗雞煲好食之外，佢嘅配料都好好食，我自己就最推薦呢個牛丸，因為雖然睇落普普通通，但係佢嘅牛肉汁好多，推薦鍾意食牛嘅大家嚟試吓啊。呢度嘅環境好好，而且好多打卡位適合打卡，如果一大班朋友好耐冇見嘅聚會非常推薦嚟呢度。

今次同班friend入荃灣試呢間「至尊雞煲」，一入門口就聞到超香花椒味，裝修走工業風，水泥牆加木枱凳，天花掛滿紅色霓虹燈管，暗黑環境幾有格調！叫咗個中辣秘製雞煲，半隻雞份量足，醬汁濃到黐脷，啲雞件煮到啱啱好，嫩滑仲索晒麻辣汁。食完雞煲加湯打邊爐，肥牛、手打丸、脆肉鯇任點，最驚喜係有新鮮鵝腸，服務要讚👍，啲姐姐換碟超勤快，見我哋清晒碟即刻問要唔要加料，態度仲好好笑容。自助區凍櫃放滿罐裝飲品同紙包飲品，啱晒大胃王！

荃灣開咗一間新店“至尊雲吞雞煲”,裝修清雅座位寬敞冷氣充足，火鍋放題/雞煲無限食，任飲任食兩小時都係收$178一位全日免加一，而家仲有九折優惠😍,早鳥五點前入座減20蚊，不包括（收費小食同埋啤酒）,而且仲有十一款雞煲湯底，好多火鍋配料可以選擇，食材非常新鮮.滋潤五指毛桃雞湯煲🐓🫕最啱而家夏天打火鍋湯底，滋潤養肺提升免疫能力，食完曬啲雞件，跟住飲兩碗湯，然後加上湯最用火鍋配料打邊爐👍肩胛肥牛片🐂油脂均勻牛味香濃😋韮菜餃/爽口水餃🥟自家製餃子，皮薄餡靚材料新鮮😋鯇魚腩🐟新鮮肥美新鮮牛丸🦬新鮮彈牙😍脆響鈴卷最啱打邊爐放落去一兩秒已經索曬啲汁非常好味😋竹昇麵爽口彈牙，好少有地方食，用嚟打邊爐一流👍

至尊雲吞麵雞煲今次要介紹一間喺荃灣祐建樓果邊有一間任飲任食火鍋放題，餐廳叫「至尊雲吞麵雞煲」，呢間餐廳除咗平時嘅叫到嘅中菜之外，重點一定要試下佢哋雞煲火鍋任食，呢間餐廳門口係有一級，輪椅人士如果要入嚟試下雞煲嘅話，就要自備斜板啦！佢哋嘅任飲任食雞煲係可以無限加雞，星期一至四Lunch優惠每位只係$158，依家仲有九折優惠添，超過60款火鍋食材比大家任食，飲品方面有羅漢果杞子菊花茶、豆漿、咖啡、奶茶、檸檬茶及各式汽水任飲！1.至尊惹味雞煲（小辣）$158（早鳥優惠）（9.5/10）呢個雞煲辣中帶少少甜，雞肉肉質唔鞋柴唔乾，食完雞煲仲可以加湯打邊爐，呢間只有一種豬骨湯，我就留返幾舊雞加清水當湯底，我嘅食野策略今次錯咗，雞煲實在太好食，叫咗兩次雞煲，搞到我叫咗好少其他火鍋食材，呢間有超過60款食材任揀任食，我覺得雞煲之外，最好食就係鮮牛肉，正到爆！👍👍👍飲品方面都有唔少選擇，有羅漢果杞子菊花茶、豆漿、咖啡、奶茶、檸檬茶及各式汽水任飲，我自己就飲咗咖啡、奶茶同檸檬茶，全部都係凍飲唔洗加錢，咖啡比較酸咗少少，其他飲品都好ok！2人總共價錢$284，仲有九折優惠！**晚市雞煲放題係唔包括收費小食及

今次黎到最近人氣大熱嘅雲吞麵至尊雞煲，原來係任食嘅雞煲放題打邊爐！😆仲要食完一次雞煲就可以免費再加雞！🤤雞件量都多，真係好重料！超級正👍🏻-打邊爐配料都勁多選擇，所有丸類都齊晒！特別點評：獅子竹輪🤤係貴價嗰隻黎！入邊有芝士汁嗰隻 ！！！大愛😍-肥牛order都上得好足！😂重點係一啲都唔韌！-其他打邊爐選擇仲有「鮮魷」、「脆肉鯇」都有！大癲！呢兩樣喺其他都好少有，口感仲好脆口！讚！👍🏻-小食都有好多唔同選擇，「炸饅頭」係最愛，唔可以唔叫🤤外脆內軟，淋埋啲煉奶上去更上一層樓😍-飲品：檸底凍底嘅柚蜜，完全唔手軟，好多柚子蜜喺入面😹👍🏻而其他汽水都係免費🆓

荃灣超抵食任食任飲雞煲晚市至尊雞煲放題 $178/2小時🍲 至尊惹味雞煲這道雞煲的中辣口味，裡面有大量的辣椒和洋蔥，秘製醬汁甜中帶辣，食到最後嘴巴會感到微微麻，非常過癮。雞件口感滑嫩，如果覺得不夠的話，還可以隨意加雞～當吃到一段時間後，可以加水變成打邊爐，旁邊還有自助調料吧，方便客人根據自己的口味調整。飲品方面，羅漢果杞子菊花茶、豆漿、咖啡、奶茶、檸檬茶及各式汽水都可以任飲！我們選擇了豆漿🥛還點了檸底來搭配可樂🥤清新又好喝。火鍋料則是在點心紙上落單，然後交給店員。食材新鮮，像是娃娃菜、金針菇、肩胛肥牛片等都十分美味。還有小食炸饅頭，外脆內軟，讓人一口接一口，搭配雞煲更是絕配。以這個價錢能吃到這麼多美味，真的是相當划算，絕對值得一試！📍 至尊雲吞麵雞煲 (荃灣)荃灣鱟地坊48–68祐建樓地下A號舖

呢間任食雞煲我喺屯元天三間分店都食過，最近喺荃灣開咗新嘅分店，就即管去試吓。.冇諗過平日夜晚都坐滿人，呢度最大嘅特色係食晒啲雞可以再叫過，基本上齋食雞已經係飽咗。😂😂除咗雞煲之外，我最鍾意食佢呢度嘅炸饅頭。都係可以任食！尤其是配煉奶冇得頂！😎我食咗3個😂可以飲埋佢嘅羅漢果菊花茶，清熱氣。食完雞煲之後可以叫火鍋配料。呢度嘅選擇都唔少，我特別鍾意食佢嘅蟹柳，鵝腸！依家新開張有埋9折，$400都唔使！好抵呀😋

見到雞煲邊爐仲可以無限添加雞，鍾意食雞既我見佢新店開張仲有優惠就預先打去訂位。好彩有訂定位，雖然入邊好多座位，閒日去到都已經接近滿座。我同我朋友都鍾意食辣，就揀咗雞煲小辣。雞煲嚟到熱辣辣，每嚿雞都有用惹味醬料醃得好入味，但又唔會死咸，兼且有預先煎炸過，食落幾脆口，配飯配麵一流！食夠雞之後，就可以加豬骨湯打邊爐。邊爐料都有好多唔同選擇，個人都好推介佢嘅肥牛，唔係一般平價，食落好重牛味，亦都唔會太肥膩，大推！每次點菜都係點一份，嚟到都大大份，岩晒我呢啲食得多既朋友仔

🔊🔊加雞啊！吾該！好少雞煲店有得無限加雞！鍾意食雞煲嘅你唔好錯過啦！晚市$178一位，仲要免收+1！食完雞煲之後仲可以打邊爐，有多款肉類🥩、蔬菜🥬等等任食，汽水豆漿任飲。性價比真係好高🤩🤩！雞煲我揀咗BB辣🌶️，成大煲都夠晒兩個人食！雞肉口感嫩滑，好香好惹味，忍唔住叫咗：「🔊🔊加雞啊！吾該！」，職員好快又拎咗一大盆雞過黎，份量同雞嘅質素依然保持，今次我揀咗小辣，食落更加惹味😋😋。打邊爐材料方便我揀咗牛肩胛肉，估唔到勁新鮮🤩！仲有牛丸、墨魚丸、芽菜、海帶、蓮藕、水魷魚🦑、萵筍、魚皮餃、魚糕🍥、豆卜、腐竹同響鈴。佢啲肉同埋牛丸真係好正，牛丸勁彈牙，即刻點完再點😝😝。上菜速度都算快，食物又新鮮。飲品方面佢啲豆漿都幾好飲，好濃郁嘅豆漿味。最後記住記住‼️要點佢個炸饅頭🍞配煉奶多奶😚😚，新鮮即炸，香口得來再點埋煉奶一齊食，簡直Perfect💯💯

🩵至尊惹味雞煲炒得好入味，啖啖肉雞件，食完仲可以加雞，同朋友加左一次雞先再打邊爐，爽！🩵至尊名物—炸饅頭無論幾飽都覺得好食，即叫即炸，煉奶落得完全唔手軟，饅頭炸到金黃色，真係外脆內軟，會想追住食😍🩵火鍋配料牛肩肉、牛丸、芝士竹輪、響鈴、豆腐、萵筍，仲有好多打邊爐必備配料，正常發揮，牛肉肉質以放題黎講，十分唔錯👍🏻👍🏻🩵汽水/奶茶/檸茶/檸水任飲連茶餐廳飲品都任飲，可以實現凍奶茶自由🫢

舊嗰個冇咗之後呢個舖位一直都裝修緊直到幾個月前重新開返變咗任食雞煲依然係有兩層，環境光猛變晒梳化好新淨趁平日收工去食係178一位食兩個鐘其實都做好心理準備佢咁平唔會正得去邊點知認真唔錯～糧尾嗰陣可以去試吓？🤣雞煲揀咗小辣～汁唔多但唔會覺得太乾煎返有少少燶啲雞皮好正！肉唔會柴個味係正常辣唔會太鹹～所以加咗湯打邊爐係偏淡口唔會好濃特別一定要提嘅係雖然佢嘅配料唔多但佢竟然有芝士竹輪！！放題芝士竹輪啊！！肩胛牛/鵝腸/水餃都唔錯～上得快又乾淨每樣嘢少少地咁上，食完先再嗌唔洗急有兩個鐘係可以食得比較chill😝汽水任飲之外仲有啲茶餐廳嘢飲都係任飲唔鍾意飲汽水或者驚肥嘅就有多個選擇佢開到凌晨十二點不過十一點last order 冷氣超強啱晒夏天去食～我食咗兩個鐘唔夠，件衫係冇雞煲邊爐味嘅😆最後想讚吓啲姐姐服務友善又夠主動～任食打邊爐嚟講服務都好重要㗎😆

今日同朋友過咗嚟呢間食嘢，叫咗花甲雞煲，花甲有好多沙，啲雞翼都諧霎霎雖然$158好平，但係呢個質素嘅話我寧願比多幾廿蚊食好少少，或者返大陸食都好質素過呢間舖，嘢食一般都算侍應仲要冇乜禮貌，特別係一個後生嘅瘦瘦地嘅侍應講嘢帶有普通話口音，對客人冇禮貌，至於邊方面冇禮貌，大家自己去試吓啦🤣冇乜試過喺香港食嘢食到咁受氣，天水圍嗰間店舖，相反就好禮貌，呢間真係一般，侍應質素真係有待改善，嗰日係一個非常之唔好嘅體驗

窩夫與蝦子餅之前吃過元朗的「至尊雲吞麵雞煲」不只一次，最近光顧它在荃灣開的新店。荃灣新店有兩層，窩夫與蝦子餅坐在地下的卡位。先來雞煲，可按照個人口味選辣度，窩夫與蝦子餅選了走辣，上桌便傳來芫荽的香味。拌勻一下便開動了，雞的份量不少，頗多肉，肉質不錯，不會太乾。雞煲是任食的，吃完一輪便對職員說句「加雞啊！唔該！」還是走辣的雞煲，繼續大件厚肉。任飲的飲品可選羅漢果杞子菊花茶、豆漿、咖啡、奶茶、檸茶、檸水及各式汽水，窩夫推介自家製的羅漢果杞子菊花茶，健康正氣。炸饅頭新鮮炸起熱辣辣，外脆內軟，難怪人氣那麼高。吃完雞煲便加湯打邊爐，有超過50款火鍋配料任點任食。OPPA魚板是較少見的火鍋配料，值得一試。豬膶處理得不錯。鮮牛丸比魚蛋好吃。蔬菜方面，萵筍和白蘿蔔都好吃，粟米切成薄片，方便進食。芽菜亦屬不常見的火鍋配料，口感爽脆，是蝦子餅的最愛。紅薯粉滑溜溜的，口感彈牙。

今日行經荃灣同朋友上去食雞煲，經過一間店舖店舖入邊很細，但位置尚算闊落！卜卜蜆雞煲小辣$188 （卜卜蜆+98）卜卜蜆份量適中，味道不過不失，呢個價錢算係咁，雞嘅份量好多，淨係食雞都食飽咗了🤣🤣嫩滑的雞肉和新鮮的蜆肉，店內環境舒適，非常適合聚餐。食到中間部份店員會幫你加清水，咁就可以繼續打邊爐啦，我哋叫咗魚片，魷魚，雲吞，烏冬同生菜，魚片好食，好滑，不過好多骨，魷魚脆卜卜好爽口，生菜都係鮮甜可口，雲吞入邊嘅肉好大粒，烏冬煙煙韌韌咁樣忍唔住食咗兩包🤣🤣小食方面我哋仲叫咗炸饅頭添配煉奶食好食！飲品方面就有可樂，忌廉和芬達，凍檸茶等等總括嚟講$188食到咁多嘢都算抵至尊雲吞麵雞煲 (荃灣)荃灣鱟地坊48–68祐建樓地下A號舖

荃灣呢條街好多唔同嘅餐廳！比呢間吸引咗😍門口大大隻字記住火鍋放題，雞煲無限食！即刻就揀咗呢間餐廳食晚餐。佢晚市雞煲放題，平日$178 一個人，仲免加一，唔包括收費小食同啤酒。有張紙仔有11款鍋底同埋好多配菜揀。雞煲揀咗bb辣，好惹味，雞肉好嫩滑！唔會好多碎骨，食得出師傅斬雞嘅刀功好好！雞件大小適中，非常入味！食完唔夠仲可以無限加，真係好抵玩！之後就可以加湯打邊爐。揀咗娃娃菜，生菜，肩胛肥牛片，豬肉片，豬潤，牛柏葉，蕃茄，仲有最最最最吸引嘅芝士竹輪😍😍😍真係太開心！雞煲任飲任食嚟講，呢間真係性價比最高！