自由之丘 (已結業)

香港食開都係朱古力或士多啤梨SAUCE，而D間令我覺得似日本既係因為佢地係用煉奶！店內其他食品都用日本既材料去整，好似用HOIKAIDO3.16 濃度奶去整既milk pudding咁，香濃又滑！WAITRESS好NICE，PANCAKE入面包左好多生果，真材實料，相比起其他個D得幾粒生果既PANCAKE鋪頭，D間真係好好，仲要係TOURIST SPOT呀！！

9月4日, 食過飽飽一餐結婚一週年紀念lunch之後, 山長水遠坐個昂平360入到昂平市集, 環境地方比想像中乾淨整潔~ 餐廳食肆選擇都唔少, 不過好多都係市區都有嘅連鎖食店, 其實我地食完lunch都飽飽地, 於是都係搵間特別d嘅小食店試下就算~ ::: 牛奶綿綿冰 ::: $38相信係呢度其中一種主打食品綿綿冰, 提供多款口味, 大多數款式有已定好嘅配料. 好似呢個牛奶綿綿冰咁, 就配上果汁爆爆珠, 同埋一d罐頭雜果jelly椰果粒~ 雖然配料好似求求其其咁, 但出奇地可以同綿綿冰擦出火花! 綿綿冰綿得嚟夠奶味, 果汁爆爆珠味道香甜亦唔算好人工, 而且口感一流~ 份量亦比想像中多, 食完成個人真係夠晒透心涼~ 呢間自由之丘都幾得意~ 成間舖裝修成粉紅色公主房咁, 賣嘅野都以得意為主, 除咗綿綿冰、pancake crepe、北海道牛奶布甸、朱古力mousse、紅豆魚仔燒餅等少女小食甜品之外, 仲有好多得意卡通小擺設、可愛糖果售賣, 擺到明就係要吸引d少女或者小情侶入到嚟浪漫一番啦~

星期日，我跟媽咪、姨姨、姨丈同埋3位長輩一齊搭昂坪360遊大嶼山！早上 10:30 一到達，打算先去食齋，然後慢慢行；沿途經過市集，最吸引我非 <自由之丘> 莫屬！呢間童話小店門面夠吸引！令我忍不住駐足影吓相！ 有不少卡通人物公仔，好似同遊客 say hi！ 有小雲、同埋小丸子一家！呢度係一間甜品小食店，店員有禮地介紹受歡迎食品給我，如魔法水晶球 $20、北海道牛奶布甸 $25、斑戟 $30~$40、銅鑼燒、南瓜湯 .......不過，甜品每日限量供應。手快有手慢無！除此之外，仲有琳瑯滿目嘅鎖匙扣！真係唔走入嚟都唔得呀！我對魔法水晶球 $20最有興趣！買嚟同大家分享！呢款甜品限量供應，店員還提醒我，一到下午 2：00 後比較多遊客，好多時已經賣哂！即係唔買走寶！所謂魔法水晶球，原來係七彩繽紛嘅蒟蒻放入水果！驟眼睇幾似波子，透明中清晰可見每款顏色奪目嘅水果：蜜桃、士多啤梨、奇異果。一杯有10 粒，我讓6 位長輩先食，一人一 粒，其中一人食咗兩粒，剩番三粒全部歸我。 蒟蒻味道清甜，能突出各款水果嘅酸甜味！感覺清新！何止哄到小朋友，連大人都一樣！魔法？可能係令人食完一 粒又一