影片
招牌菜
睇左「扇稿」讲道以家庭式煮法,不加味精的泡饭汤底,加埋吸引既图片,好想黎试。点知又「领野」。拣了手打紫菜猪肉丸汤饭。先滔一匙汤,哼!得咸味,我意思唔系指佢咸度太咸,而系所谓猪骨汤,味道轻轻,调味既咸味仲重。而那紫菜肉丸用了脢头肉打成,没肥肉,口感系与别不同,加左马蹄,都颇似食生竹牛肉,软软腍腍。落左紫菜,味道都唔系咁出。成碗汤饭,整体好寡。呢个星洲food court过江龙,价钱真不廉宜。下次都系帮衬番Toast Box肯定好食先啦!
继续阅读
天不造美，放假先来横风横雨，费事去到咁远，醒起有报章介绍过奥海城food court开左间新店食汤饭几好，于是近近地走去帮衬。其实自从呢度大改，变左做大食代后，都好少帮衬，因为觉得门面虽然好似high左，但系食物质素冇乜改善，有d就贵，有d就唔系咁好食，有d就唔吸引，所以通常都系过门而不入。今次都系姑且试下先啦。叫左个自选三𩠌一菜汤饭，跟报章盛赞嘅猪骨汤底。因为叫左要加钱嘅手打紫菜猪肉丸关系，盛惠$35（不过呢度所有食店惯例都系唔包饮品架，真系一个唔贴心嘅安排）。落单后，等左5到10分钟左右，终于有嘢食，系白饭一碗同汤+𩠌（叫左手打紫菜猪肉丸、猪膶、鱼片同唐生菜）一大碗。连随将成碗饭倒落个汤度捞匀佢，呷啖猪骨汤先，发觉味道甚淡（虽然话冇味精啫），唔系咁合自己口味。再试下佢d𩠌料，猪肉丸松就松啦，但食唔出有紫菜味，正确点讲，应该系冇乜味道，淡得很！其他𩠌料就一般啦，份量都算ok嘅。顺带一提嘅系，明明自己叫嘅系唐生菜，但结果拿来的却系西生菜，呢样嘢就真系大意左d啦！总括来讲，呢度应该都唔会再帮衬lu！（呢个世界实在有太多不尽不实的报导了）话时话，其实呢头咁多选择，食店要突围而出有好生意，真系要好食，物有所值先得！
继续阅读