影片
🚩 膳厨作为淑女得来又带少少卖甩嘅我，由我第一日返工嘅时候已经好留意公司附近有冇三𩠌饭食🥹地舖就唔见有，通常都系好正式嘅餐厅Cafe🥲但点知点知行远少少嘅工厂就有一间三𩠌‼️仲要好家庭式，feel到健康𠮶一款，马上gogogo🧡〰️〰️〰️〰️〰️〰️〰️〰️〰️〰️〰️〰️〰️〰️〰️🌈三𩠌饭 $45✨鱼香茄子屋企嘅鱼香茄子永远不及出面好食，所以出街食饭必叫🍆茄子软淋，肉碎份量俾得好多其他𩠌都未食，已经冇咗一半饭✨薯仔炆鸡偏甜口，不过薯仔已经炆得粉粉烂烂好入味不过略嫌鸡翼碎骨偏多✨炒蒜芯蒜芯最紧要够爽嫩，依个就够嫩不过爽脆度就争啲可能系因为要keep住加热✨萝卜牛腩睇色就知入晒味，萝卜嫩口无渣✨咕噜肉酸甜搭配啱啱好，肉肉都系大大旧好得体✨菜心👉🏻所有饭都可以俾你拣炒饭定白饭，超有心！而且仲送埋中汤🍲依一餐令Kyla流下感动嘅泪水🥹
继续阅读
间中午餐我都会拣食两𩠌饭, 因为可以食多个𩠌好似开心啲咁, 早几日发现公司附近工厦楼上新开左间专食两𩠌饭既饭堂, 标榜健康无味精, 所以同同事去试下, 上到去有明确指示牌指向饭堂单位, 非常容易就揾到饭堂内部装修简约整洁, 感觉干净得黎够光猛首先去𩠌菜柜台睇下有今日有咩𩠌好食, 都有数十款选择, 最后我地每人叫左三𩠌饭, 一齐share就可以食到六个唔同既𩠌啦。而个饭就可以拣白饭或者炒饭, 好少两𩠌饭店会有炒饭, 好有heart!我就叫左卤水鸡髀、西芹菇菌炒猪肉同粟米猪扒配炒饭, 是日例汤系椰子鸡汤, 饮落好清甜既椰子味, 一啲味精都无而拣𩠌𠮶时一见到有卤水鸡髀已经哗左一声, 仲要劲大只, 卤得好浓郁, 够哂入味, 而且食落鸡肉仲好滑, 一啲都唔干, 好好食! 西芹菇菌炒猪肉味道正常同适中, 猪肉有调味过之余, 口感几软熟, 粟米猪扒调味都刚刚好, 好似茶餐厅食到既味道咁, 猪扒腌得几入味又唔会太咸, 而炒饭味道正常, 系家既味道, 值得一赞既系啲饭食落唔会有阵味, 真系用靓米煮成既米饭, 食完啲𩠌同个饭完全唔会觉得口渴!我同事就叫左咕噜肉、薯仔炆鸡翼同凉瓜猪什配白饭, 咕噜肉好似真系茶餐厅食到既味道, 肉质软冧适中, 送饭一流! 凉瓜猪什同薯仔炆鸡翼愈食愈有住家饭味, 调味同火喉都较到啱啱好, 唔会话放耐左就走味或者变味, 我地都好钟意!另外饮品叫左冻柠茶同特饮芒果青柠绿茶, 估唔到比想像中大杯之余, 仲要几好饮, 特饮有大量芒果肉, 饮落酸酸甜甜, 好醒胃, 重点系唔会太甜, 平时我都叫开少甜饮品, 完全系我杯茶整体𩠌菜多选择, 而家佢比既份量都唔少, 个人认为两𩠌饭有卤水鸡髀同炒饭底系超有诚意, 自家制特饮真系值得一试, 同埋真系做到健康无味精, 依个价位食到心机真心超值!
继续阅读