腸粉皇

营业中

休息中

The Cheung fun here was really good! It was soft and chewy and of course you get to choose your own sauces. The beef balls on the other hand I found nothing special. I probably won’t have that again. The but jai go wasn’t bad but would’ve been better with more red beans!

逛街路過看見很多人拿著一碟腸粉在吃，剛好又有點餓，就買了一碟試。本來打算試咖哩魷魚，不剛好售罄，所以只買了腸粉。雖然不是即叫即拉的腸粉，（十元一碟，不要太高要求）但吃起來都很滑，加上了麻醬、甜醬和辣醬，再配芝麻就是完美的街頭腸粉。平常不加辣醬的我，這次破例是見其他人都有加，這辣醬不會帶酸，所以配腸粉不錯。路經附近就去試試吧。

喺灣仔區，偶爾想食砵仔糕就會諗起呢間小食店。無他，只係因為佢好抵食，每個只係$4。砵仔糕 ($4)可以揀白糖或黃糖，我就揀咗白糖，唔太食得出椰香味。豆嘅數量唔算好多，堆曬喺一邊。味道OK！

灣仔區對於我哋九龍人實在少出沒，今日約咗舊同事食晚飯，早咗成個幾鐘到，順便去附近行吓，咁啱見到呢檔小店門口好多人係街邊立食緊，應該都叫做好食，行埋去係賣腸粉，仲有燒賣牛肉果啲，小食魚旦牛柏葉果啲都有，仲有砵仔糕添啊，不過我都係選咗眼見最多人買嚟食嘅腸粉，10蚊目測無記錯係4條，食腸粉一定要多醬嘅我仲會要埋辣辣醬㗎，腸粉熱辣辣，皮好薄，食落好滑身好帶一點點水分，好怕食到果啲乾哂身，佢哋嘅醬料都唔錯，豉油都調得幾好

新界同九龍都有好多出色嘅腸粉鋪，但港島區就好少代表，應該係因為腸粉點出色都賣唔到好貴，咁點頂到港島區嘅昂貴鋪租呢？但個日咁岩去灣仔, 經過尼間鋪頭，見到佢自稱腸粉皇，叫得出自己做皇，應該都要有返咁上下嘅水準，10蚊4條腸粉，係灣仔尼d商業區黎講算係好抵啦！店員仲要落左好多醬同芝麻，一d都唔古寒。腸粉好滑呀，卷就唔算卷得好實個隻架啦，但都好飽肚。女仔應該食4條腸粉再加一d魚蛋或者燒賣就一個lunch lu,,係灣仔要20蚊樓下食到一個午餐，尼道一定係其中之一啦！

上星期早上來買早餐，見食評推介腸粉，外賣要用發泡膠盒，當日自己沒有自備環保盒，就要了一份堂食（即企在鋪旁站著吃）。老闆有禮，放醬料也不吝嗇。腸粉不會淋pat pat，不錯，但似乎未到評價中提到的「極品」。當然十元一份絕對物超所值！第二次來，試了粢飯配熱奶茶。飯比平時吃的軟，餡料的肉鬆濕了些，而且沒有油條，有點失望。熱奶茶合格，要叫少甜還是太甜，下次要走糖。

我們一行三人本來是在旁邊排隊等候越南河粉店，但也是太餓和太饞嘴了。其中一人説：喂呢間腸粉好好食架！我們便買了一份三人分享。但其實腸粉應怎樣弄才算好吃呢？一條美味的腸粉，必需要熱辣辣，但這只係基本。腸粉要做得夠滑溜，夠彈性，吃下時要感覺新鮮。絕不可能有碎濕濕的感覺，腸粉黏著一起，分不開更是嘔心。做到這樣高的水準已經不是常見，但腸粉皇就可以。真是美味的前菜！題外話：我們狂下辣醬後，賣相竟然有點像韓式辣年糕！

食腸粉要做到皇者地位其實一點也不簡單，腸粉要滑又要有米香，醬要落得大方！小妹就最愛那股麻醬香氣，坊間大部份麻醬都係買麻醬花生醬自家加油溝成，有些會溝得太油，吃下口的感覺很差，有些則太濃厚，吃下口太漿。。。等等所以說，要做腸粉做到稱霸稱王並非易事啊！今天就來試試這間位於灣仔的腸粉皇，每天放工時間都會大排長龍，很多人站立食完便離開。到底是不是真的可以稱霸稱王？醬夠多！麻醬不過不失！腸粉亦不差！未及王者之位，但下班食反一碟也可令人開心滿足地完結辛勞的一天。

腸粉ok 但其他就......😕😕聽聞呢間腸粉係灣仔係岀名 所以今日去開個頭就去試試😂腸粉最低消費10蚊4條 叫左4條試下先幾爽滑 有芝麻香味配埋d醬一齊食正👍🏻但本人覺得深水埗合益泰好食d🙈***除左腸粉 我地仲叫埋山竹牛肉 粉果 同燒賣先講粉果 皮有點厚 但料係十足嘅不過山竹牛肉同燒賣真係要俾個👎🏻👎🏻牛肉好韌冇口感可言燒賣完全唔彈口 好差***建議大家除左腸粉之外 其他可以唔使試 因為真係冇特別😣

一條橫街窄巷，一條長長人龍，為的是10元一碟腸粉。每次經過我都好奇望一望，心想真的好味嗎？還是平民價錢的原固？今曰終於前來看過究竟，順道品嚐一下。真的十大元一碟，外賣不收盒錢，好平呀，去邊度搵！簡直是窮人的一大喜訉。買完到附近公園坐下，一邊享受陽光帶來的和暖，一邊享受美食，樂事。幼滑度和米香尚算合格，具有彈力不粘口。三款醬汁無限加添，有麻醬，甜醬和辣醬。感覺更加嫰滑和美味。以十元可以飽腹算不錯吧！下次經過不防試下！

已經第6年喺灣仔上日文堂，每次上堂前都會食少少野，光顧次數最多嘅係腸粉皇。由灣仔站行去其實都有少少遠，大概要行10分鐘。因為位處學校區同商業區，所以有好多人光顧。雖然腸粉貌似好平嘅食物，但都有難食同好食嘅分別。（話說曾經喺其它地方食過硬腸粉加粉紅色嘅甜醬🙄)腸粉皇可以選擇"堂食"(用膠碟裝起，企喺附近食)或外賣，我當然外賣返學校舒服地食啦。我今次淨係要$10/4條腸粉。返到學校一坐低即刻打開外賣盒，甜醬同麻醬嘅香味就飄哂出嚟，淨係聞到都覺得好好味。腸粉爽滑兼熱到噴煙，但無蒸到爛哂，而且店方落醬非常大方，每一口腸粉都可以沾到混醬，真係好滿足。天氣凍食暖笠笠嘅野，感覺真係好幸福呢。

午飯時間到動漫基地看老夫子展覽，細心看一遍的話要花上不少時間，索性掃個街醫肚好了。灣仔道近東方188的這邊，跟灣仔電腦城那邊的食街，都是這區的掃街熱點；這邊的食店較多元化，有酸辣粉、港式小食、台式飲品、甜品老字號等，價錢同樣親民，但至少不用捱龍津的馬虎貨色。九龍區要吃合益泰，港島區便要吃腸粉皇；強記也不錯，但那家是賣煎腸粉。豬腸粉不算飽肚得能代替午餐，但在云云小食中，性價比是最高的，十元可以買到七成飽。小店長期都有不少客人光顧，當然適逢午飯時段就更多了。名為腸粉皇，不知是否從始至今都是主打腸粉，這店沒有自家工場弄豬腸粉的皮，只是像一般小食店的買貨回來。其他小食都是基本款式，不多亦不少，但勝在抵食，兩年來才加$1，難怪深受附近的學生歡迎。老闆很和善風趣，醬料也放得慷慨。即點即剪即放醬，跟別的無異，豉油、甜麵醬、辣椒醬和芝麻一一根據客人的喜好加入，拌勻便成。份量大約有4條，$10算是抵食。米香不過不失，無可避免的給醬料蓋過了風頭，但這裡就是嗜醬者的天堂，要嚐本身的真味，不妨少放一點醬。愛這裡的腸粉，主要是爽滑具彈性的質感，永不糊得黏著，捲著的豬腸粉，咬下仍見層次，沒有在咬下的位置膠著；沾上

混醬腸粉係我最愛嘅食物，沒有之一。過海search灣仔食肆已一早鎖定它。剛好到摩利臣山IVE講talk, 差不多才發現就在旁邊，有沒有那麼剛剛好。既然自稱為王咁霸氣，自然對佢期望甚高......但其實還是一般貨色，只是達到了腸粉的基本(雖然依家好多鋪頭連基本爽+滑都達唔到，但仍然成村人排隊去食，e.g.荃灣天天素食)，還是合益泰香滑古早味好多。不過姐姐好好禮貌，服務good.

每次經過時...我都會按捺不住去食番碟腸粉！是日與朋友到灣仔辦完事後，順理成章帶她去品嚐一番。店員手腳快，不下一分鐘已弄好一碟熱騰騰的腸粉！腸粉質感薄身滑溜，甜醬甜度恰到好處，麻醬花生味香濃幼滑。芝麻粒炒得香，食落有微微嚼勁！而且醬料亦都很慷慨地任落唔嬲～

今日同朋友小聚，佢講起大學時代成日黎開腸粉皇食腸粉，不過至出黎做野後，就一直冇再黎食。佢見我黎開呢頭就帶我黎食等我品評下😂呢度除左街坊會幫襯之外，仲有外國人黎食，估唔到外國人都會欣賞呢度腸粉😶店鋪阿姐同我講黎腸粉皇梗係要食腸粉啦，同時阿姐好客熱情，邊整腸粉邊同我地傾計。除左辣醬我咩醬都要，阿姐幫我地加完醬後好好笑容咁同我地講自己鐘意食咩醬自己隨便加，亳不吝嗇。不過我覺得啲醬份量岩岩好，唔需要再加。腸粉熱辣辣，非常軟滑且薄，加上炒香既芝麻，甜醬唔會澀帶少甜，麻醬亦花生味香濃，恰到好處，係灣仔10蚊有咁多腸粉，真係抵食。