肯德基家鄉雞 (KFC)

营业中

休息中

今日放lunch走過嚟食嗌左五隻雞翼加一杯汽水(用優惠券)盛惠$21員工手腳都幾慢明明都係lunch time依啲繁忙時間有一個收銀有個後生男仔基本負責哂所有嘢 夾嘢食 出餐有個斟汽水仲有個似係新嚟 幫唔到手結果啲餐堆哂一齊都等左幾耐如果下次快啲就好

今日經過KFC，見到佢有新出嘅Kitkat朱古力蛋撻及鬆餅，作為朱古力粉絲嘅我，即刻買咗嚟試啦，蛋撻唔記得咗影相，不過味道一般，只係普通蛋撻中間有一層朱古力醬而已， 本身我都幾鍾意食KFC嘅鬆餅，通常我會食之前放入微波爐叮30秒，叮到外脆內軟最好食😁所以對Kitkat朱古力鬆餅充滿期待，估唔到朱古力鬆餅同原味鬆餅嘅味道差唔多，只係多咗少少朱古力嘅香味同埋甜味，味道未至於好好食或者好突出，感覺一般，試過KFC多種唔同嘅甜品、譬如雪糕、葡撻、鬆餅，感覺都係一般，都係佢嘅炸雞及辣汁蘑菇飯最好食😝

好特別見到KFC出素食，仲要指定某d鋪先有得買，咁更加引我要去試下🤤🤤植物肉有兩個餐，我就兩個都叫曬😍😍新世代上校雞寶餐分別有5件雞寶（外表類似麥樂雞）配醬汁+薯格+中汽水 （$39）雞寶比較乾，冇咩味！其實唔知食緊咩！😒😒新世代雞堡包餐有個雞堡包+薯格+中汽水 （$59）雞堡內有墨西哥脆片、蕃茄、芝士、主角植物肉，肉明顯又乾、又‘鞋’,同埋大塊先食得出有豆腐、豆類嘅味！唔係唔好味只係好乾囉😔😔另外亦叫左銅鑼灣旗艦店先有嘅菜色薄餅雞餐（大）薄餅雞（大）+2杯汽水 （$88）用雞扒做底再係上面落大量嘅菠蘿🍍、芝士、粟米粒、茄汁等相比之下呢塊雞扒柔嫩、多汁、有彈性，但感覺上又咸左少少，食第二件開始有d膩🤣🤣做人真係難服侍😂😂

有啲人可能會問，我都只係俾個30幾蚊食個早餐點解又要寫食評阿吱阿咗。其實我係覺得無論你比嘅係幾千蚊也好幾十蚊也好，都值得食好食嘅嘢，而香港呢個美食之都最優勝嘅就係我哋有最精緻嘅星級餐廳，亦都有平民美食。我一向好喜歡肯德基上校嘅炸雞，但午餐食兩舊我覺得太多，反而早餐有一塊雞扒，對我來講係好飽口福亦都係好快買返公司食住來開工嘅一個唔錯嘅選擇。附近嘅家鄉雞舊店冇咗之後就開呢間新店，而呢間新店好多員工亦都係響附近嘅舊店過嚟。呢間店舖我唯一唔喜歡嘅係買嘢已經要行上一樓，如果要堂食嘅就要再行上多一層，快餐店通常係匆匆食個午餐，所以呢個setting我覺得對客人來講唔係咁方便。新店比舊店乾淨好多，冇幫襯一排薯餅亦都轉左貨源。唔知點解呢度無論係雞扒定係薯餅味道都同之前有啲唔一樣，如果以前味道有4分，而家嘅味道就只得返3分。另一個我唔係好alright嘅係執嘢食嘅哥哥仔手腳好慢，唔係力有不及嗰種慢而係發住夢做嘢嗰種慢。響一間快餐店，慢，真係死罪。

今年流行素食，縱使不是佛教徒，也會茹素，因此素食餐廳，如雨後春筍般，越開越多。正常餐廳，也會推出素食，為了吸引一眾素食者。個人平常很少到快餐店吃東西，因為感覺不太健康，同時有什麼東西吸引我。我見肯德基，在打廣告，推廣這100%植物肉，勾起我的興趣，剛巧公司附近的KFC，便有這款植物肉漢堡，所以特意與朋友一起過來午餐，怎料大失所望。植物肉漢堡賣相，與相片相差甚遠，植物肉也沒有什麼口感，所以在漢堡內加了corn chips，增加香脆口感。植物肉Nuggets ，也很一般，難以有第二次嘗試的衝動。值得一讚，是這裏的裝修，挺有風格，還有座位與座位之間，非常寬敞。原來這間KFC，有出售啤酒，下次有機會會過來試試。

終於食到!終於食到!搵咗3間港島專賣店唔係休息，就係賣曬(我老了，腳骨力唔好🤪🤪)呢個100%植物肉系列果然好受歡迎🥰🥰🥰素食者肯定「望穿秋水」因為外國kfc之前出過素burger🍔🍔🍔🍔🍔🍔心諗香港幾時出終於俾我哋恨到啦!!!先講個包包先🍔🍔🍔入面有植物肉、燒烤醬🍢、墨西哥脆片、素芝士🧀同新鮮蔬菜🍅🥬超級惹味😋😋😋配搭又新穎啲植物肉仲有彈性添好過癮😏😏😏而個炸素雞都唔錯🍗🍗🍗可惜我自己覺得個韓式辣醬有啲咸如果配返泰式辣醬應該會更加好味🤗🤗🤗🌶🌶🌶已經連續兩日lunch去左幫襯啦!!!感覺好味好滿足呀！

好少去KFC食早餐......有日不知食乜野.....走咗上去望下.....見到有我喜歡既餐肉.....仲要係成塊咁上.....唔試下都對唔住自己.....不是太餓.......只想食個包，所以單叫了一個餐蛋包....餐肉是圓罐那種.....煎得夠香.....重點是成塊上......更不是茶餐廳的薄切....食落有口感，不會像食風般.....而滑蛋亦夠滑.....麵包是軟軟的........熱辣辣的餐蛋包........真的不錯不錯.....

話說用左kfc app啲e coupon，買野食送杯大既雪糕，天氣熱到就中暑既日子下，梗係黎食個雪糕。見佢咁抵，送杯原價成16蚊既雪糕（冇記錯既話），就試下啦。位都未行到返去，就滴哂係手，頂多叫霜淇林啦。講真如果原價買呢杯雪糕，又真係幾唔抵

We were craving ice cream amidst the super hot weather and passed by KFC so decided to try out its .牛乳新地脆筒(大)  at $14 buy-one-get-one-free There was a buy one get one free offer on the day of our visit. The soft cream was melting fast and we had to eat super quick. The soft cream was a bit icy and not so rich in milk. The oreo stick was not crispy while the waffle cone was thin and crispy. Overall, I would say ok at a half price of $7 but not if priced at $14. It was so hot inside without much a

KFC又有新搞作啦，就係椒麻脆辣雞，用左黑白胡椒、花椒、辣椒和多款香草，原來係期間限定既口味，去到5月27日乍😚🥰嗌左嗰$50 六件雞，椒麻脆辣雞2人餐，有4件椒麻脆辣雞+ 5件巴辣香雞翼+ 1客辣汁蘑菇香飯+家鄉雞皇飯仲嗌左個有寶盒餐，椒麻脆辣雞酥脆既外層將嫩滑雞肉嘅肉汁鎖實，仲有辣味，陣陣既麻香味，雖然味道都蠻重，因為辛香料味很重，但真係好刺激食慾，食完再想食。第一次食上校雞寶，聽講係招牌炸雞塊，不過我還是喜歡第二間既麥樂雞❤️❤️

好耐都無搵雞叔叔食雞🐔，自從‪銅鑼灣概念店‬開咗後，其實阿叔👨🏻都只嚟過一次渣，哈哈😅！咁啱呢期佢哋出咗新口味嘅雞，又見咁耐無食，趁著之前假期晏晝一個人🚶🏻‍♂️唔知食咩好，就嚟幫襯吓啦！😆.今次新口味嘅 #椒麻脆辣雞 用咗黑胡椒、白胡椒、花椒、辣椒🌶同埋多種香料炮製。熱辣辣嘅雞披住金黃色戰衣，外層雞皮炸得夠酥脆，內層肉質鮮嫩夠多汁🤤，食落味道有陣陣麻香味，惹味得嚟又唔會太辣，辣度啱啱好，啱晒唔太辣得嘅阿叔👍🏼，新口味嘅雞又係期間限定，要食就要快！.同期推出嘅 #荔枝火龍果梳打 🥤，冰凍清甜嘅荔枝味道，配上粒粒火龍果肉，食完咁惹味嘅雞飲番啖，簡直爽！😙

kfc嘅旗艦店開咗咁耐終於有機會試到呢間概念店同其他舖頭唔同嘅地方係即整嘅燒春雞同埋以前係期間限定嘅pizza雞 燒春雞唔算平同埋要等幾十分鐘想試嘅話就要有多啲時間先試到 上菜後就會發現等嘅時間都係值得嘅因為熱辣辣新鮮燒起嘅真係超好食肉質嫩滑而且多汁pizza雞就好好食不過就唔太鍾意雞上面嘅菠蘿啦好似有少少唔係太夾旗艦店嘅環境都算大有大枱可以容納到十幾人嘅聚會雖然而家只限四人聚會但希望過咗肺炎之後可以約埋一大班friend嚟食

不嬲對快餐店嘅雪糕系列都唔會抱太大嘅期望，期望越大失望就會越大，你懂的快餐店食返漢堡包薯片都係穩陣啲，通常雪糕都只係額外嘅恩物不過有時候食完漢堡包薯條都想食返啲甜品，快餐店嘅的雪榚真係幾平嘅<紫薯味新地筒$8>紫薯味新地筒係淡淡的紫色，隻色有啲似薰衣草口味，幾靚新地筒上面仲有一支黑白配過，以快餐店平價雪糕黎講都算系幾有心思一枝$8嘅新地筒，食到淡淡清香嘅紫薯味，份量同埋麥記嘅新地筒差唔多，食完都好滿足

或許真的因為香港近年的政治環境，加上「武漢肺炎」對香港經濟的嚴重打擊，所以我忽然發現，「麥當勞」跟「肯德基家鄉雞」在農曆新年「元宵」過後，竟然還有農曆新年期間限定食品供應。「肯德基家鄉雞」今年農曆新年主打限定推廣的家鄉雞食品，名稱叫做「牛油粟米黃金雞」。顧名思義，即是「肯德基家鄉雞」在雞肉裡面，加入很多的粟米跟牛油，令雞肉有來自牛油跟粟米的甜味。我在以前曾經光顧過，銅鑼灣「軒尼詩道」的「肯德基家鄉雞」概念店裡面，購買了一份「牛油粟米黃金雞」，連同細份版本「馬鈴薯蓉」，跟一杯汽水。「馬鈴薯蓉」相對於「辣汁蘑菇飯」，「馬鈴薯蓉」裡面的口感因為馬鈴薯被磨到變成糊狀，所以非常吸收口水唾液，剛剛開始感覺還接受到，再食下去就會令口腔感覺很乾，有喝水的衝動。即使「馬鈴薯蓉」裡面的醬汁，也有辣味的蘑菇汁，還是十分開胃的辣味蘑菇醬汁，但是辣味蘑菇醬汁還是改變不到馬鈴薯蓉口感很乾，很吸收口水的事實。至於主角家鄉雞食品「牛油粟米黃金雞」，我原本還以為「牛肉粟米黃金雞」實際味道，會跟其他家鄉雞都差不多，都是醃料味道只能去到雞皮，而去不到雞肉裡面。但是今次「牛油粟米黃金雞」實際味道教我有點出乎意料，因為兩件「牛

今日經過呢間KFC概念店，實在忍唔住要黎食下，因為之前好多報導話呢度有幾特別。上到黎發現真係好多打卡位，真係不得了。餐牌都有好多其他分店無嘅，好似pizza雞。我今日揀左牛油粟米黃金雞餐（$49），可以試下廣告入面嘅黃金雞有幾特別！本身跟左葡撻同蘑菇飯，真係好飽肚好正！