肯德基家鄉雞 (KFC)

营业中

休息中

六月十日(星期一)又係時候進行我地既Project KFC喇!今次好似相隔得唔遠就進行第二場戰役!老公仔呢幾日都睇歐洲國家盃..今朝仲睇埋NBA,訓得咁少!><好啦,快d食完快d番去訓覺啦!!!!去到,4:30都幾多人wor!仲以為呢個時段都唔方人多tim!!呢度幾多位wor!同埋望街既位幾好,好似好寫意咁!仲有好多學生溫書,唔知點解好多人溫accounts.....好啦,老公仔買左個桶餐!仲送3隻巴辣香雞奕tim!!首先個珍珠雞粒幾好食,辣少少會好d!!!薯塊唔錯,幾新鮮!!!!好脆!!^^而主菜d雞胸幾好食呀!!!!!!!幾入味,而且乾乾地,感覺上唔多油呀!!!!而雞骴都唔錯架!^^巴辣香雞奕就一般啦!我地都係中意麥記個隻多d呢!!!........個飯都幾好!!!同又一城分店同得fight!

五月廿一日(三)因為幾日都落雨，所以我同老婆決定去觀塘行。晚餐計劃包括買KFC，排隊時見到新出既珍珠皮巴辣雞粒，於是加多個黎試試～($9.5, 餐+$8)外層改良後有脆口既感覺，內裡雞肉亦都嫩滑，味道不俗。但依然係超細盒裝，得六粒，跟餐$8可以接受，正價$9.5貴左D。不過比芝士波黎講好好多～雞上脾炸得過火，雞由平時淺啡炸到變啡色，雞皮同辣雞一樣都係脆卜卜而且仲有D硬，完全唔似平時家鄉雞，炸到流失左唔小肉汁，味道亦比平時較鹹。好耐無食過咁差既家鄉雞！真係唔明白點解較時間炸野都會過火?格格脆薯塊又係炸得過晒火，大部份連薯塊內部都炸通埋咁滯，完全無左薯塊平時外脆內軟感覺～炸到薯仔味都走晒，似食一舊炸粉咁～辣雞鎚及巴辣香雞翼保持水準，都係好香脆，但唔知點解比平時辣左不小～個珍珠皮食落唔錯，下次可以試埋個珍珠皮咖哩雞扒飯～

記得有篇食評曾寫過肯德雞的員工效卒極慢，3 個人可以讓你等足 15 分鐘。星期日，跟男友到 amc 看早場，未入場前到了肯德雞買早餐，前面只有一位顧客買一個法式牛角酥餐，但我都不明白為何要等足 5 分鐘。輪到我時，要了蜜糖鬆餅和芝士雞扒包餐。眼看那位服務員先從櫃夾了蜜糖鬆餅，施施然用紙包起，跟著再打開櫃拿包與那包好的餅放在一旁；然後到汽水機處斟汽水，蓋了蓋後又放在一旁。回去拿包和餅放到收銀機，隨後拿汽水，方將所有 order 的食品 packing ，最後收錢。喂大姐，話明快餐，邊有人咁做嘢，唔怪得知咁慢啦。說回食物，由於只吃了蜜糖鬆餅，所以惟有簡單點，蜜糖鬆餅完全冇蜜糖味，鬆餅烘得香脆鬆軟卻是事實。

有次同朋友到觀塘睇戲,想了很久還是決定去呢間,我和朋友一齊排隊,一直都好多人排緊雖然我明白佢地成晚都係咁忙不過真係等左好耐先.............動一下好明顯是人手不足的問題不知等了多久終於買了一桶雞回來先簡單說說味道炸雞方面係新鮮熱辣,加埋汽水簡直係完美!不過食食下發現原來少左個薯條,不過睇一睇收銀的再加上趕睇戲,所以都係放棄..總體來說,雖然味道方面沒有太大問題,但是服務方面真係值得改善...不過說回來咁大間KFC,都有唔少機友在對戰快餐廳文化開始因為PSP同NDS而出現變化吧...?

四月十二日(六)由於老婆想食雞翼，個人又覺得赤丸炸雞翼只屬一般貨式，難得外賣當然選擇買較出色的雞翼，雖然要花多一點時間排隊~講起APM尼間KFC，唔知點解每次係度買野食都好似排得特別耐，唔知係APM人多定係佢D員工手腳慢D!? 今次仲慘，前面有一對酷似兩公婆係度買一個$109桶餐，本來都無乜野，KFC姐姐夾完碟雞(9件)返黎，女客人話想換多舊下脾，於是換番，尼度都唔明佢點解唔早D講，跟往換左返黎佢望望下又叫人換多一舊，又要人行多次。都算啦，O念住佢都係一時唔記得。點知到D汽水黎，睇睇下又話嚴多冰要改番小冰，樣樣野都係到左先再叫人去換，擺明玩野咁，難得係果位姐姐都無黑面，值得一讚。明明有兩個人俾完錢個男既都要等十秒先識攞野，點解尼個世界會有D咁既人O家?尼對咁既人樣樣野都好似驚死人地厄佢咁，每樣攞黎既野都會用好疑惑眼神係度望，睇下D野有無黎錯同質素有無問題無可厚非但個樣都唔使咁疑惑假!但果位員工都仲頂得到令我覺得佢地服務有4分!最後攪到買5隻雞翼都排左15分鐘有多=0=好在今次雞翼都保持到平時水準，非常之好味~!係度呼籲下各位，雖然客人有要求係O岩，但都唔好使人使得咁盡，攪到人走黎走去又

四月十二日(星期六)同老公由中環食到觀塘喇!去到kfc,都幾多人!同埋佢地要等多耐!排左一陣終於到我地喇!當然試新出既芝士波啦!個盒好得意!好細個!入面有5粒!炸得幾脆,但係唔太油!質感唔錯!

四月四日(五)清明節拜完山飲完茶緊係出去見下老婆=)，由於已經近三點，所以係返觀塘度行下就算。係APM行左陣係公園度坐左陣就是左KFC度食小小野，起初想睇下有無一午茶餐有巴辣雞翼同葡撻，但完全唔覺有下午茶餐綜影，可能已經無左N年~ ~"因為二點幾先飲完茶食到好飽，所以只係叫左三隻巴辣雞翼(11.5)、一個葡撻($5.5)同一杯檸檬柚子蜜($12)巴辣雞翼叫果時話要等廿分錯=0=，不過想食都係照order。後尾由經理親自攞過黎，感覺不錯。味道方面，一向都覺得KFC巴辣雞翼已經非常好味，但估唔到新鮮炸出黎原來仲可以更好味! 新鮮出爐外皮雖然無咁脆，但亦唔會焗到咁乾身，熱辣辣感覺令雞翼食落更鬆軟，以味道計絕對係5分! 不愧為炸雞專家!葡撻一實的水準，撻皮脆而不厚，但較多油，蛋心香甜有蛋味，表面亦沒燒焦，不錯!檸檬柚子蜜因為KFC熱飲不多而又不想喝啡類便選了這個，味道不算特別，因為只是超市韓國柚子蜜加擰檬沖調，不過不失。價錢以$12來說當然偏貴~最後想叫多個士多啤梨布甸試下，但叫果陣先知已經無再賣，但仲大大個牌show出黎有無攪錯@!#!@服務方便樓面手腳唔算快，雞翼要等廿分鐘都照叫佢俾我反應

其實一直都幾鍾意呢度既巴辣雞腿包，貪佢夠大件，睇電視廣告見倒呢個餐，有個巴辣雞腿包加一件雞仲有薯格同汽水，特價$27.5，原價係成四十幾蚊的，個巴辣雞腿包用o左另一種醬，又貪小便宜又貪新鮮既我當然要去試下啦，巴辣雞腿包依然大件，新醬汁好似無舊既咁濃味不過都係好味的，炸雞水準都仲保持倒，加埋薯格同埋飲杯真係勁飽，但又好老實，如果係原價四十幾蚊我就覺得太貴唔會試了，但點都好，呢度點都好過某條友賣廣告果間，一定唔會去！

惹味! 配合咖哩飯, 唔辣, 岩我.但成間KFC餐廳內的四腳椅子已勞損, 椅腳的防滑膠大部份已磨蝕, 金屬部位直接與地面磨擦, 發出陣陣尖銳的吵耳聲, 聽到我好辛苦, 簡直係活受罪....我以後寧願外賣都唔會再堂食!!

到觀塘吃早餐,試了一個set,腸仔+牛角包+滑旦及凍咖啡.每樣都好好,但無諗過咁多人起身食早餐..這裡勝在舖面闊闊倘..有街景,,好舒服.

七月三十日, 放假 下午茶吃得不夠飽, 又未夠鐘吃晚飯, 經過apm的KFC人不算多而且店舖很大, 就決定坐低吃點小吃點了密密燒雞翼2只, 格格脆薯塊, 阿拉伯凍咖啡, 共$32, 雞翼極好味=P最逗趣的是我問店員咖啡可否少甜, 她說糖水是另上的, 但十秒後又說咖啡是預先調好的…xyz……最後她提議加多點冰溝淡點, ok ~w~

男朋友話KFC 佢巳經多年冇食啦,所以今日我就同佢去回味一下,去左APM 呢間.地方好開揚,我地order左一個一人餐+ 兩件黑椒巴辣脆雞. 脆雞都幾好味,薯蓉都係咁軟滑.男朋友回憶中學時代的一餐.

分量比以前多。足三人分量，抵！

我是寫寶達商場的分店.懶懶地唔想落街,叫外賣.叫了個專享買餐,會員9折優惠.誠惠$133.2燒雞:仍然咁好味薯蓉,雞,磨菇飯,6件雞也唔錯,起碼今次的雞唔算乾啦!葡撻最差外賣等左差唔多一小時.個餐最衰係無飲品,有點美中不足.

我是寫寶達商場的分店.因為要同爸爸慶祝生日,原本打算叫外賣,打到去外賣熱線,又話只會送隻燒雞,套餐無,只可以order定20分鐘落去拎.附近又無野食,自己拎都無法子啦!除了呢個桶餐,妹妹續會有6個葡撻.那6個撻原來唔掂,硬掘掘.party桶有燒雞一隻.呢隻雞雖然同圖片差好遠,味道卻不錯,肉又唔鞋.唔點個燒汁仲好味,最衰就係細隻5隻巴辣香雞翼和6件雞:一般啦!唔算脆.2個磨菇和2個家鄉雞皇飯:汁好少2個薯蓉:麻麻,唔夠熱格格薯塊(細)太熱,麻麻2支薯米:唔知仲乜勁淋,好唔掂4個士多啤利布甸:上面果層醬唔掂,勁甜.布甸麻麻啦汔水3枝服務超慢,仲成日執漏野,等都差唔多半小時,仲已訂定隻雞,唔係要等多20分鐘了