影片
港铁北角站 B3 出口
继续阅读
营业时间
星期一至四
08:00 - 21:00
星期五至日
08:00 - 22:00
以上资料只供参考，请与餐厅确认详情
招牌菜
相关文章
今次主要係想讚一讚一位好抵錫ge收銀姐姐。我地兩條友原來諗住叫四件雞 + 兩個飯 + 兩個葡撻 + 一份雞粒，所以眼殘的我們就叫左一個M1 餐同一個M2 餐，再另加果兩個小食，total $100.5。係呢個時候，好好人ge收銀姐姐就同我地講，不如我幫你地轉兩個A2餐再加個雞粒啦，都係咁多野食（其實仲多左有薯格），但抵d。於是，係細心姐姐ge提醒下，我地慳左$9.2，仲食多左野tim，頓時真係連杯可樂都覺得甜d呀😍 ! 比個大心♥比呢位收銀姐姐😘
继续阅读
又是一個加班的日子，幾個人，食桶餐，一個大桶餐（8件雞）加一個細桶餐（6件雞），總共$281，本來想試新口味XO醬雞，可惜桶餐唔可以揀呢款！（加錢都唔得，無彈性）只可以揀燒雞或炸雞，我揀咗8件燒雞，6件炸雞（唔辣）另外有7杯汽水，4個磨菇飯，3個白汁雞皇飯，兩盒薯格，兩盒辣雞粒！4隻雞翼，7個葡撻！因為我得一個人拎所以收銀好幫手，幫我將兩個桶餐盡量打包成兩大袋！食物出得好快手！5分鐘已走得！拎到返公司，都有少少淋咗！味道大部分正常，快餐店唔會有太大分別！自己鍾意燒雞多過炸雞，燒雞皮甜甜地，而且雞肉比較多汁，炸雞雖然皮比較香脆，但雞肉較乾身，磨菇飯好食，但多啲汁會好啲！總覺得食到底已經無哂汁浄食白飯！我無食白汁雞皇飯！但兩個同事食過都話有微酸味not good!薯格，辣雞粒，雞翼都正常！去KFC，我每次都食葡撻，撻皮煙韌，蛋漿微焦，好味！以前KFC有菜絲沙律幾好食，而家無咗！桶餐若可加薯茸或粟米代替白汁雞皇飯就好，因為好味D！$40一個人，都幾抵！
继续阅读
團購瘋系列 – 繼早前試過「肯德基」的封味錫紙烤雞思家醬油口味後，近日又從團購網站發現 KFC 以 $39 再推售另一款「鮮茄菠蘿－封味錫紙烤系列」的套餐。其實對於上一次推出的「思家醬油口味烤雞」印象唔算好好，因烤雞味道調校得比較鹹，甚至有網評形容此烤雞《鹹到無朋友》及《超油》等，不過今次既然換了新口味，亦想一試。選了到港運城分店換領，其實已經很久沒來這 food court 用膳。每次公司放 lunch，不是給同事拉了去飲茶，就是往別處找吃的，還差點忘了這美食坊的存在。晚上的港運城美食廣場，人流不多，店員亦頗悠閒，所以亦一邊替客人落單，一邊有一搭沒一搭地閒聊著。至於這次試的鮮茄菠蘿錫紙烤雞 2 人套餐，除了 4 件鮮茄菠蘿封味錫紙烤雞外，另包 1 客大辣汁蘑菇香飯及 1 盒巴辣雞粒。由於這晚只得我和兒子兩個吃飯，所以只另加兩個葡撻 ($10) 便足夠。基於好奇心，亦上了 KFC 網站看看，原來每包錫紙烤雞，包括上髀及下髀各 1 件，單點售價是 $27，與上次的思家醬油烤雞格價相同 就先說鮮茄菠蘿烤雞，翻開錫紙，噢，竟然烤得有點焦燶，希望是一時失手吧！幸好件雞基本上問題不大，肉質尚算嫩滑，而且以錫紙封存，打開後即吃，入口仍保持熱暖，不過件菠蘿淡而無味，鮮茄消失得無影無蹤，而最大的敗筆當然就是個醬汁，非常稀少，乾憎憎的，與宣傳海報上那兩件鋪滿濃稠酸甜醬汁的模樣，相去甚遠。辣汁蘑菇飯，雖然蘑菇份量不多，但味道還算正常，起碼飯沒糊掉，只是稍嫌辣味不足。不過最令人失望的就是那盒巴辣雞粒和兩個葡撻，全部都凍冰冰，白雪雪；雞粒外皮帶韌，而葡撻酥皮亦不夠鬆脆，相信是放久了所致，不過以一間集團式經營的連鎖店來說，以這樣食物質素奉客，真教人失望，之後再翻看這分店食評，竟然也接近一面倒的劣評，看來筆者有必要把這店列入黑名單之內呢！
继续阅读
每當收到肯德基的優惠卷，放兩張入銀包，以備隨時可以享用節扣，這天剛好覺得有點口渴，想找個地方坐下來，美食廣場內有肯德基，正好用上一張優惠卷。狂惹燒雞腿細細隻，甜甜地有BBQ風味，我覺得很滿足。巨峰提子賓治比預期中好飲，淡紫色的梳打水，有很多蘆薈果肉（因為服務員手鬆 ）。
继续阅读
一向認為KFC係特許經營，即係話D出品係統一、有秘方、有要求既.....但今日，真係跌哂眼鏡，大大改變左我這個諗法。早餐，係最普通同埋簡單既餐單，一般都有腸仔蛋咁，所以都好難煮得好差，但今次真係大開眼界。由買野開始，個服務員已經好唔掂，同一個要求講幾次，叫2個餐都要個客重複又重複，最後仲要係錯既，要換過，浪費時間。個蛋好老好韌，食擦膠咁。汽水冇氣，好似糖水。舊雞超燶，燶得嚟唔脆。死未?!!!一個早上，就咁俾一間連鎖式集團糟蹋左，真慘!!!一定唔會再幫親!!!
继续阅读