肯德基家鄉雞 (KFC) (已結業)

阿叔話想試下新出的錫紙焗牛油雞，所以我們唯有跟他來這兒吃。我叫了錫紙焗牛油雞（不跟套餐）、一個芝士焗雞皇飯加一件炸雞髀及一杯熱奶茶－好好味，而且好滑，不錯。而芝士焗雞皇飯亦好濃厚芝士味！叔叔和媽媽真的叫了錫紙焗牛油雞，一個跟薯蓉、一個跟蘑菇及一個葡撻。不過，服務明顥差了，因為個芝士焗雞皇飯要等半個鐘才來到，這點真係要改善一下！其他不過不失啦！…查看更多

住喺呢頭附近，其實日日都喺食肯德基的早餐~真系日日食都唔厭~以前最中意的是8號餐，雞扒番茄蜆殼粉~我喺食肉獸，咁大塊雞扒先至可以滿足到我。番茄湯底酸酸甜甜，醒神又開胃~分量唔少，一個女仔食，就夠曬飽啦~不過杯蜂蜜綠茶就奇怪D，可能我唔喺好中意飲綠茶掛~ 宜家加左價，有D貴。今日食左3號餐，都系我噶至愛~炒蛋、番茄同雞扒可以一次過滿足曬味覺~認真方便~不過宜家肯德基加左價，就真系貴左D~希望遲D物價可以降翻啦~~…查看更多

雖然各大連鎖快餐店都係差唔多,有時都不過係為左醫肚而幫襯~不過有時覺得既然拎左Coupon,就會比平時覺得抵D而去左果間,就好似KFC咁, 佢地成日都派唔同的Coupon, 等大家都成日記得起佢都不失為一個好辨法。我之前係公司樓下就拎左張kfc Coupon, 雖然比起以前係咁抵,不過星期六番工就好想食個Full D的早餐~~因為星期6要做野真係好慘….叫左個雞肉粟米烤餅 + 香脆薯餅 + 奶茶香脆薯餅其實我覺得咁多間快餐店黎講,尼到的薯餅係最好食,可能係因為佢岩岩炸起喇~而且又比較大件~所以我會勁點茄汁~~~Yummy,不過又係果句…好熱氣…雞肉粟米烤餅而個雞肉粟米烤餅我之前係旺角果間食過,真係有D分別因為旺角果間比較淡味,所以好似唔係好高期望~不過唔知係唔係唔同人整分別都幾大尼間就岩岩焗起,就”農”味D加埋杯奶茶 (其實佢唔係好夠茶味,所以每次我都會自己加多一屯Lipton茶包)加埋用左Coupon都係HK14一個Good Morning~~好醒神呀~ …查看更多

呢個早上，有野要上水做。就呢度食個早餐先啦，呢度得上水廣場先有KFC。不過都ok啦，因為呢度算係最就腳既地方架啦。但早上好似唔多夠人，手腳有慢。:(蕃茄湯貝殼粉好好味，因為好濃同好香蕃茄味。貝殼粉又唔會太韌，係一個唔錯既早餐選擇。:)香蜜鬆餅一個得早餐先有得食既餅，真係好好食，因為個餅面係有小小蜜糖。甜甜地又幾好食架，所以我次次早餐一定要食。薯餅同M記既差唔多，但又好食過M記。個薯餅辣辣地，算幾好食。咖啡又係普通一杯咖啡，不過好似唔夠熱。飲到最後，糖竟然溶唔哂。:)都係15蚊一個早餐，之前鬆餅同薯餅既優惠價10蚊。加多個粉都係15蚊，個粉都值5蚊。…查看更多

其實記得細個食肯德基辣雞真係辣架。點解無左呢。香港真係好多人食得辣架尼。搞返d真係辣既野唻剌激下啦。係近一年先醒覺，無再嗌辣雞成日比佢個辣厄左。厄左十幾年。反正都唔辣嗌左普通雞，普通雞個皮同肉係會滑小小架。脆雞乾身d近日推出果個燒雞好食！！！！香料整得好香。好濃味！翻身之作，最好佢長期推出！如果收錢可以爽收d會好d囉。夾幾件雞，收錢，汽水要幾耐。。。。就係唔明點解佢比起其他快餐。要等多咁多時間。。。。…查看更多

前幾排過左黎呢度，行左個圈都唔知食乜好。就用優惠券食個平既餐啦。呢頭話就話lunch，但人都唔算太多。蜜蜜燒雞翼都唔錯既，係幾好食既雞全翼。蜜糖搽得幾均勻，而雞肉又唔會鞋口。幾好既，皮脆肉嫩。雞皇飯都唔差既，不過個飯可以落多小小汁，咁就無咁乾。葡撻縮水得幾緊要，但都好有蛋香。個皮又唔會太油，可以接受既。椰果紅豆冰紅豆都唔算太甜，加椰果都幾好飲。不過佢落得太多冰，就唔係太抵飲。:(其實都幾抵食既，因為燒雞翼同葡撻我平時都唔會點食既。:)…查看更多

今天不想行太遠食午飯，就近去了樓下的 KFC 吃炸鷄，見櫃枱上這個 Set B 有磨菰飯、有炸雞翼、炸鷄上脾、粟米及汽水，食物種類頗均衡，不只是一味的吃炸鷄。 最喜歡吃送的蘑菰飯，蘑菰汁撈飯都幾好味道；炸鷄没有像以前那樣表面黏滿炸粉，也不會過鹹，比以前有改進，這類油炸食物雖然高脂，但間中食下香口嘢過下口癮又無妨。發覺現在KFC不再供應濕紙巾給人客，吃完炸鷄双手油漉漉的很不衞生又唔方便。…查看更多

一向對KFC沒有好感，但上水廣場所有食肆都爆滿，無奈要在KFC吃，但這次有驚喜!辣汁蘑菇香飯--質素不錯，幾香!格格脆薯塊--不太油膩，很香脆。家鄉雜菜雞湯--味道不錯，但嫌雜菜太多，湯水大少。瑪嘉烈葡撻--最愛菜式，仍保持水準!香蜜鬆餅--蜜糖味很香，鬆餅香軟!家鄉雞--有進步。焗朱古力迷你班朗尼蛋糕--即Brownies，非常出色!阿拉伯加咖啡--咖啡味濃。服務不錯, 職員面帶笑容…查看更多

好耐無食過KFC，但又唔想凍冰冰行出去買，所以就打熱線叫外賣速遞算喇~ 今次叫左以下既食品﹕星級美食﹕8件辣雞，包括上、下髀及4件蜜蜜燒雞翼。d炸雞送到來時仍然係熱辣辣的，速遞員既效率真係值得一讚 咁耐無食，熱氣一次都唔怕啦 雞皮脆卜卜的，真係好好味呀!!! 不過，我個人覺得今次d雞既size好似細左dd....... 燒雞翼依然咁好味 如果可以再蜜蜜d就更加好啦小食拼盤﹕雞串骨，初初出時食過一次，果時覺得好好食，但今次就覺得麻麻......好似得顏色，但就無咩味:(:( 巴辣雞粒，都幾夠辣喎 脆脆地，辣辣地，幾好味巴辣雞翼，今次d雞翼又幾大隻喎 炸得剛剛好，唔會過左火兼乾身，好好味蜜蜜燒雞﹕賣相幾好，但味道就一般，應該無下次 兼且售 $88......貴左dd，跟呢隻雞果4件葡撻就好食好多啦經此一役，以後都係食辣雞件、巴辣雞翼及葡撻最穩陣…查看更多

在那8層廣告的誘惑下，使遠離KFC已久的我決定一試那至爆的感覺。而且新推出的棉心朱古力批更加吸引我這甜魔的注意，又怎能有不試的藉口呢？恰巧月尾出糧，我就用幫妹妹補習的工資，在星期六中午和她去了撐台腳。十二時半左右，人不算太多，等了五鐘就有位置。八掛的我，當然少不了就四周望望客人的食物，見到那比M記細了一半的朱古力派，有點失望。因為怕吃不完，所以我只點了一個八層漢堡至爆餐，要了杯熱的cappuccino。那收銀的似乎是新人，動作慢，連單買的價錢也不清楚，要問人。看見幾個放在櫃上的幾個八層包，心知有點不妙，可是礙於妹妹肚子打鼓，不顧大的也要顧細的嘛。跟餐有幾塊薯格，一件原味雞垂，cappuccino的味很普通，覺得加錢去轉有點不值。包其實沒有想像中的大，當然也沒有圖片的漂亮。拿上手只是暖，而且底層的紙還帶點濕氣，未吃已經扣分。張開大口，務求一口可以咬到八層，鞋道不太高，但味道有點平凡。吃不到芝士味，只吃到變淋而油膩的薯餅。雖然夾層生菜蕃茄新鮮，千島醬也足，但之後的炸雞扒又是已經變淋，時間使它變了質。吃了大半，把上層的薯餅分給了妹妹，不禁對這個套餐有點沮喪。不肯就此作罷的我，決定再點多一個蜜蜜燒雞翼至爆餐，希望朱古力批能補償我的心靈。朱古力批沒有包裝盒，就這樣放在薯格上面。棉心朱古力批四四方方，派面的味道很想消化餅的味，比平時的批有點不同。裡面一黑一白，黑色的朱古力漿不多，沒有任何流心效果。上層的棉花糖有點喧賓奪主，糖味搶了朱古力味，加上批皮比較厚，朱古力味更是不特出。不及M記來得好，但單買竟要$8。磨菇飯卻出其地令我驚喜，黑椒汁惹味，蘑菇也不少。米飯煮得剛好，一粒粒的很有口感，是珍珠米嗎？蘑菇吃完後，我就用剩下不多的汁來撈飯，讓從不愛米飯的我成功清碟。那邊廂的妹妹要努力地埋頭苦吃，繼雞垂之後，又連吃兩隻燒雞翼。見她吃得如此滋味，我也引不了吃了幾口，甜甜的，老味道，但肉質有點兒鞋。看著妹妹吃得開懷，仿如看見了以往的自己。和媽媽來這一人三隻燒雞翼，是我的至愛下午茶。最後薯格吃不到幾件就交給了妹妹。飽卻不滿足，特別是看見有人吃著剛做好的八層包，更是有點生自己的悶氣。而飽滯感的湧現令我不得不說一句：我飽死了！…查看更多

試左 KFC 既 蜜蜜雞翼 至爆套餐~ $ 27.8 既 至爆套餐，真係幾多野食喎~ 我個人就覺得算抵食啦，野食多過m記既套餐呀!!套餐有以下的食物﹕ 2隻蜜蜜燒雞翼﹕一如以往既蜜蜜雞翼，好好味~~ 雞翼一向都係我既至愛架啦~~格格脆薯塊﹕又係KFC既招牌美食 夠脆、脆味，真係好好味~ 因為係套餐既關係，所以就只得細細既份量...如果可以多d既話，咁就最好喇~~辣汁蘑菇白飯﹕一碗既份量，好多辣汁蘑菇呀!! 俾我用黎撈飯就一流~~ 今次d飯煮得幾好喎~ 唔會太硬or 爛哂~good 如果次次都係咁就最好喇~棉心朱古力批﹕size好似細左dd啦.... 不過味道就確係幾好喎 一咬落去，d朱古力醬流出黎咁架 棉花糖又好好味 整體來說都好好中 汽水，揀左 百事，無咩特別，不詳述~以上咁多野食，售價就係 $27.8 我個人就覺得真係好抵啦~…查看更多

::)近日KFC推出了新一系列的早餐款式，我個人較喜歡這款家鄉鷄肉蕃茄蛋熱烤卷，長係型烤卷包著KFC的首本戲烤鷄肉、juicy的鮮茄碎及很嫩的滑蛋，入口鬆軟而且材料提供均衡營養，外面以沙紙包著方便食用，唔怕饀料好似三文治般好易跌出來。一條熱烤卷加杯香濃 Arabica咖啡就是我這新一天的開始。…查看更多

今日lunch個陣..阿嫂放工買左皇牌一桶雞返黎我地食有勁多野食啊!!!!我就食左1件雞,1個蘑菇飯,1個葡撻雞 – 冇咩特別!!都係炸得咁脆...但d肉唔滑蘑菇飯 – 唔知係唔係太多汁..d飯好似好綿咁葡撻 – 最好食!!甜甜地...個皮又ok鬆化..幾好味!!原本想食埋個沙律...但唔知點解個盒有陣"叔"味...所以冇食到…查看更多

:)近日多了幫襯公司樓下這間肯德基買早餐，我常會買鮮茄雞絲通粉或者是雞扒芝士包，加上一杯香濃的Arabica咖啡，店方揚言咖啡是用真正混合了南美及非洲的亞拉伯加咖啡豆沖泡而成，它的香味和味道的確比普通茶記和快餐店出品高出很多，多幫襯了KFC也部份是為了這杯咖啡。 它的雞扒芝士包也比麥記的早食包足料味美，在厚身的鷄扒上塗上很多沙律醬，不像老麥的那麼乾身不好入口。這店近日請了幾個較生手的員工，客人不多但個別的員工連拿基本的輕便早餐也十分慢，增加不少等候時間，有時甚至連餐具和咖啡糖也給漏了，店方真的要給這些新員工多些訓練！…查看更多

主要係評一評珍珠脆皮雞扒飯，比想像中好味好多~雞扒大塊又多汁，而且塊皮好脆。咖喱汁好好味，甜中帶一點辣，比得上味千既咖喱汁!加左$5將飲品轉左意大利泡沫咖啡，一般，都ok。其他食評所講既衛生問題我又遇唔到，反而係覺得食物製作時間太耐，友人差唔多食完佢個餐，我個雞扒飯先有.....…查看更多