影片
招牌菜
相关文章
见新出了双料韩脆鸡, 就试下! 个样果然同广告相片不同, 卖相不太讨好! 细看其实只是在家乡鸡表皮加上了韩式辣酱, 但加了酱后令表皮变得不脆身, 再另配上一包芝士酱, 加上后两者根本不搭, 唔好味..有点伏的感觉! 真是新不如旧!最后我放弃包芝士酱 , 撕走层皮, 净食鸡肉!
继续阅读
排队排左半个钟，女经理做野已经慢吞吞，仲要系度吹水，排到我啦，已经话无炸鸡架啦，你知无炸鸡即系变左好多野都无，好啦谂住转烧鸡扒啦，点知又话无，即系连等嘅时间都无，乜都话无，叫我地散叫呀？
继续阅读
平日多数选择K.F.C外卖速递，已经很久没有堂食，这躺品尝超值价堂食二人餐，其实说实话当然堂食好食一点，堂食的家乡鸡热腾腾脆卜卜，连杯可乐的气都较多！☆家乡鸡自选了两件辣，两件原味，可以一次尝到两种经典味，炸鸡皮脆肉嫩，沾上的秘制炸粉，味道独特，不会在别的店吃得到，所以家乡鸡一直长青未曾被淘汰是有其独特之处！磨茹饭，味偏浓带微辣。鸡皇饭，味偏淡配些青豆萝卜，口感较丰富，两者伴饭吃，相当开胃！☆格格薯块，薯味不突出，口感过于油腻。
继续阅读
星期日晚七点几行开始慈云山中心谂起想去食KFC, 就入咗去, 今次嘅用餐经验就唔系咁好啦, 点解唔好呢? 食客都唔系好多但我排队排左成20分钟先到我点餐, 谂住食快餐点知变咗食超级慢餐! 我嘅观察,问题唔系出于餐厅内嘅员工, 而系餐厅里面个work flow嘅问题, 收银员要负责埋执餐,依个系问题嘅根本所在, 留意到啲食客平均要等成分钟先至完成个 buying process, 其实香港Yum嘅管理层,真系要学习下另外一间美式快餐厅嘅营运模式,人家的分流作业模式张点餐同埋取餐分开,食客等候时间大大缩短,餐厅亦都可以应付更多嘅客流量!食物方面,今次我点嘅系家乡鸡皇桶饭餐, 依个桶饭嘅内容有炸鸡粒,鸡丝条,红萝卜,青豆,薯仔粒, 同埋白汁. 鸡粒嘅味道唔错, 但系佢单独食嘅味道会俾同埋个饭一齐食嘅味道更好, 鸡丝条份量唔多,鸡丝条嘅口感较为滑口,比起鸡粒同个白汁更加match, 佢嘅白汁方面我谂系面粉加牛油开嘅, 一啲creamy or cheesy 嘅味道都冇! 总括嚟讲廿零蚊仲要包埋汽水饮,佢嘅性价比都算高,喺快餐厅食嘢我唔会要求佢嘅食物质素要好高, 所以我都系觉得佢食得过, 大家不妨试下!
继续阅读
每次KFC出新口味既鸡我都会去试一试，最难忘当然系狂野香烧鸡既出现，仲记得当日佢推出，一放入口果一啖充满香烤肉汁既美味，可惜，近年佢既质素已经保持唔到，除左d鸡好似收干左汁之外，佢个味道仲同之前唔同左，变得得个咸字。果阵最期待系佢咁岩一批批卖哂，即刻俾d即整既我地，即整即食既烧鸡相信大家都知道一定系最好味既！！！回到今天，KFC又有新鸡出，系大板烧味，由于我本身都钟意食大板烧，所以对于今次既口味都抱有期待，想知同炸鸡夹唔夹，叫完后佢话要等15分钟好！非常好！为左热辣辣即整既鸡，我等！系我等左半个钟，催中两次后，终于有得食！大致上个出品都可以话图文相付既，但一食就知中伏，如果要形容佢有几差，最深深明白既句子就系，佢系一款即整热辣辣都唔好食既炸鸡！相信大家明白我既意思，平时炸鸡最好食就系岩岩整起，果阵最多汁，皮最脆，最嫩滑既时候。但我果日食到既，系一只因为俾大板酱汁整淋左，而搞到皮肉严重分开既鸡，咁都算，因为重点系只鸡，系同白切鸡既味道差唔多 味道好淡，完全无腌制过咁，所以今次对依款口味相当失望依幅就系我一咬落去，成块皮淋左，甩出黎既一刻，个鸡肉我系食都食唔到既，钟意食大板烧同鸡既我今次只系觉得相当失望。至于环境，都无特别，一向KFC都比较污秽，我习惯了，但系要提既系佢之前有个洗手位俾人洗手，依家无左之余仲要唔知点解连湿纸巾都无埋！用手食鸡无得洗手无湿纸巾加上我怀疑我只鸡淋哂都系因为个经理挂住同班员工倾计，我催第二次佢先记得溜左，即刻去个柜度夹俾我，所以先等左半个钟先有得食，所以服务都一般。最正常当然就只有系依盒橙汁
继续阅读