影片
营业时间
今日营业
07:30 - 22:00
星期一至日
07:30 - 22:00
以上资料只供参考，请与餐厅确认详情
今晚路经调景岭，就去彩明商场嘅kfc食新出嘅脆鸡粒咖哩饭，点知食到成肚气，贴钱买难受。晚市高峰期，收银系完全无职员嘅，只可以去自助机买野食，我系㩒左堂食。等左15 分钟左右，终于攞得，但佢帮我装左外卖，而装外卖嘅餐盘系劲污糟，仲有上一手食剩嘅炸鸡碎。目测出餐处清一色都系外卖，咁我谂可能晚市多人，佢地费事烦就全部用外卖装比个客，我体谅佢地，谂住就算数。拎左个外卖返埋位准备开始食嘅时候，发现佢比漏餐具。于是我就行返去出餐处请职员比个匙羹我。点知，两个女职员先后只是面无表情不断重复同一句话「外卖无餐具？」我答「是的，你地无比餐具我，麻烦比个匙羹我。」然后，旁边一个蓝色制服疑似经理嘅男人就劲无礼貌咁插嘴「外卖无餐具呀你明唔明呀！」我这才意会到原来他们的意思是外卖不提供餐具。我本来是选择堂食的，无端端被变成外卖已经好委屈，仲要比佢地当值经理咁恶劣对待，而且kfc从来没提过外卖不提供餐具，我一直以来都keep住有帮衬kfc，每次外卖佢地都会自动入埋餐具比我，通常系我主动要求不用给餐具我添！咩时候转左规矩？定话系呢间分店自把自为改左个规距？当下非常震惊就咦了一声，点知个男经理态度极之恶劣，非常不友善，说「你咦乜嘢呀！外卖无餐具呀你明唔明呀！仲有冇野帮到你！」哗，当值经理带头凶个无辜嘅客，我简直难以置信，嬲到即刻掉头走。虽然系快餐店，但服务态度都不应该差成咁！而个饭同啲脆鸡全部都系劲淋，唔好食，脆鸡唔脆，饭又唔香唔干爽。唔会再去呢间分店。
继续阅读
KFC又推出新口味，今次联乘Pizza Hut推出嘅「蒜蓉包脆鸡系列」，将炸鸡同蒜蓉包嘅蒜蓉牛油结合，简直系双重邪恶嘅组合！趁住「cheat day」，当然要试一试。一打开盒，阵阵蒜蓉香气扑鼻而来，已经勾起食欲。炸鸡表面覆上一层厚厚嘅蒜蓉牛油酱，咬落去炸鸡外皮香脆，肉质唔会过干，算系今次炸得不错。浓郁嘅蒜蓉香气瞬间充满口腔，带少少微酸嘅调味，为口感增添层次。不过，牛油嘅香味比较弱，冇预期咁突出，略嫌美中不足。粗薯条配上芝士粉，闻起嚟有阵似零食芝士圈或者芝士波嘅香味，令人期待。但实际食落去芝士味偏淡，反而粗薯条本身嘅薯仔香味更突出，整体表现未算特别惊喜，属于中规中矩。KFC经典葡挞，依然保持一贯水准，外皮酥脆，内馅滑溜，甜度适中，作为甜品收尾非常合适。
继续阅读
午餐时间，食个快饭见到kfc 冇咩人，就碌咗入去见到期待以久嘅白汁鸡皇桶饭终于唔系净系得磨菇汁了所以就即刻落单买白饭份量够多，男人食就刚刚好鸡扒幸运地，啖啖肉，juicy, 冇俾厚厚嘅炸粉呃到成个饭加鸡扒加埋个白汁，真系好夹鸡丝薯仔红萝卜片份量都刚刚好不过全部都俾块鸡扒遮住，又沈哂底，所以影相见唔到而个汁又唔太稀个饭出来仲热辣辣食几啖就饮返啖百事，真系恰到好处叫无糖百事，真系无糖而餐厅舖面都系neat and tidy呢个时段店员多过客人店员态度就算啦，$30 食个饭都唔好谂了而由落单到 ready 好个饭大约三分钟内会再帮衬
继续阅读
好耐冇食过KFC，咁啱有新野出，咁就黎试吓新出品嘅热浪香辣脆鸡同埋焦糖脆饼葡挞如果系睇广告中嘅图片，热浪香辣脆鸡应该系成只都好红，充满辣粉，但系一见到实物只系加咗少少辣粉系鸡上面，都有少少失望，食落口只系有轻微嘅热浪辣粉嘅味道，同普通香辣脆鸡冇分别如果就咁评论香辣脆鸡系好食嘅系嫩滑系多汁系热既，但系如果系热浪香辣脆鸡就争咁啲啦，冇热浪既味道。焦糖脆饼葡挞个人觉得比较甜，冇乜焦糖脆饼嘅味道，冇乜特别，都系普通葡挞好食啲都系唔好试咁多新野，又浪费左quota添
继续阅读
鸡扒辣汁蘑菇桶饭 $29 🐓磨菇饭上面有一块几大嘅炸鸡，鸡肉质嫩滑，咬开有肉汁流出黎。外皮里上咗炸粉浆，好香脆。蘑菇汁辣辣地加埋胡椒味好香口，而且上面有份量都几多嘅蘑菇，饭都好多，以$29 黎讲性价比高👍🏻👍🏻抵食！葡挞KFC简直系畀炸鸡耽误咗嘅葡挞专门店！🤩葡挞外面酥皮好松化香脆，蛋浆好香蛋味，好滑，面且蛋浆面焗到少少㶶㶶哋，又甜甜地，好味😋😋
继续阅读