肯德基家鄉雞 (KFC)

营业中

休息中

今晚路經調景嶺，就去彩明商場嘅kfc食新出嘅脆雞粒咖哩飯，點知食到成肚氣，貼錢買難受。晚市高峰期，收銀係完全無職員嘅，只可以去自助機買野食，我係㩒左堂食。等左15 分鐘左右，終於攞得，但佢幫我裝左外賣，而裝外賣嘅餐盤係勁污糟，仲有上一手食剩嘅炸雞碎。目測出餐處清一色都係外賣，咁我諗可能晚市多人，佢地費事煩就全部用外賣裝比個客，我體諒佢地，諗住就算數。拎左個外賣返埋位準備開始食嘅時候，發現佢比漏餐具。於是我就行返去出餐處請職員比個匙羹我。點知，兩個女職員先後只是面無表情不斷重複同一句話「外賣無餐具？」我答「是的，你地無比餐具我，麻煩比個匙羹我。」然後，旁邊一個藍色制服疑似經理嘅男人就勁無禮貌咁插嘴「外賣無餐具呀你明唔明呀！」我這才意會到原來他們的意思是外賣不提供餐具。我本來是選擇堂食的，無端端被變成外賣已經好委屈，仲要比佢地當值經理咁惡劣對待，而且kfc從來沒提過外賣不提供餐具，我一直以來都keep住有幫襯kfc，每次外賣佢地都會自動入埋餐具比我，通常係我主動要求不用給餐具我添！咩時候轉左規矩？定話係呢間分店自把自為改左個規距？當下非常震驚就咦了一聲，點知個男經理態度極之惡劣，非常不友善

KFC又推出新口味，今次聯乘Pizza Hut推出嘅「蒜蓉包脆雞系列」，將炸雞同蒜蓉包嘅蒜蓉牛油結合，簡直係雙重邪惡嘅組合！趁住「cheat day」，當然要試一試。一打開盒，陣陣蒜蓉香氣撲鼻而來，已經勾起食慾。炸雞表面覆上一層厚厚嘅蒜蓉牛油醬，咬落去炸雞外皮香脆，肉質唔會過乾，算係今次炸得不錯。濃郁嘅蒜蓉香氣瞬間充滿口腔，帶少少微酸嘅調味，為口感增添層次。不過，牛油嘅香味比較弱，冇預期咁突出，略嫌美中不足。粗薯條配上芝士粉，聞起嚟有陣似零食芝士圈或者芝士波嘅香味，令人期待。但實際食落去芝士味偏淡，反而粗薯條本身嘅薯仔香味更突出，整體表現未算特別驚喜，屬於中規中矩。KFC經典葡撻，依然保持一貫水準，外皮酥脆，內餡滑溜，甜度適中，作為甜品收尾非常合適。

午餐時間，食個快飯見到kfc 冇咩人，就碌咗入去見到期待以久嘅白汁雞皇桶飯終於唔係淨係得磨菇汁了所以就即刻落單買白飯份量夠多，男人食就剛剛好雞扒幸運地，啖啖肉，juicy, 冇俾厚厚嘅炸粉呃到成個飯加雞扒加埋個白汁，真係好夾雞絲薯仔紅蘿蔔片份量都剛剛好不過全部都俾塊雞扒遮住，又沈哂底，所以影相見唔到而個汁又唔太稀個飯出來仲熱辣辣食幾啖就飲返啖百事，真係恰到好處叫無糖百事，真係無糖而餐廳舖面都係neat and tidy呢個時段店員多過客人店員態度就算啦，$30 食個飯都唔好諗了而由落單到 ready 好個飯大約三分鐘內會再幫襯

好耐冇食過KFC，咁啱有新野出，咁就黎試吓新出品嘅熱浪香辣脆雞同埋焦糖脆餅葡撻如果係睇廣告中嘅圖片，熱浪香辣脆雞應該係成隻都好紅，充滿辣粉，但係一見到實物只係加咗少少辣粉係雞上面，都有少少失望，食落口只係有輕微嘅熱浪辣粉嘅味道，同普通香辣脆雞冇分別如果就咁評論香辣脆雞係好食嘅係嫩滑係多汁係熱既，但係如果係熱浪香辣脆雞就爭咁啲啦，冇熱浪既味道。焦糖脆餅葡撻個人覺得比較甜，冇乜焦糖脆餅嘅味道，冇乜特別，都係普通葡撻好食啲都係唔好試咁多新野，又浪費左quota添

雞扒辣汁蘑菇桶飯 $29 🐓磨菇飯上面有一塊幾大嘅炸雞，雞肉質嫩滑，咬開有肉汁流出黎。外皮裏上咗炸粉漿，好香脆。蘑菇汁辣辣地加埋胡椒味好香口，而且上面有份量都幾多嘅蘑菇，飯都好多，以$29 黎講性價比高👍🏻👍🏻抵食！葡撻KFC簡直係畀炸雞耽誤咗嘅葡撻專門店！🤩葡撻外面酥皮好鬆化香脆，蛋漿好香蛋味，好滑，面且蛋漿面焗到少少燶燶哋，又甜甜地，好味😋😋

肯得基KFC（調景嶺）食物: 辣汁蘑菇香飯（大）😋😋狂野香燒雞😋😋經典葡撻😋😋辣汁蘑菇香飯（大）：辣汁份量適中，有雞汁，但我揀左辣汁，辣汁好味好多，有黑胡椒味，令個汁更好味😋。飯粒大細適中，帶爽唔會太軟綿綿👍🏻。狂野香燒雞：佢有三款雞，原味、辣味同燒雞，三款之中燒雞最受歡迎最好味😋。經典葡撻：呢度啲葡撻亦好出名好好味😋。總結: 環境唔錯，位唔算多，食物幾好味，值得一試。分數 食物: 7/10環環: 6/10衛生: 5/10服務: 6/10推介: 7/10上菜速度: 7/10地址: 將軍澳調景嶺彩明街1號彩明商場2樓256號舖

由於我擔心最近「西貢」來往「九龍」的交通，經常會受到「西貢」日益頻繁的交通意外，或者忽然出現的緊急交通道路維修工程所影響，導致「西貢」出現嚴重交通擠塞。如果晚上我不需要急着趕回「西貢」家裡面看電視節目的話，乘搭巴士外出前往「香港島」「九龍」，趁堂食時間完結之前光顧食店，享用晚餐過程會比較輕鬆一點。我最怕原本一早已經計劃好，星期日於市區食店裡面享用完晚餐之後，再乘搭交通工具返回「西貢」，回家看電視的計劃，受到不必要的交通擠塞所影響。所以我今次星期日，最後還是決定放棄了在「香港島」或者「九龍」區裡面享用晚餐，改為選擇在「將軍澳」區內的商場食店裡面食晚飯。但是乘客想在「西貢」市中心的巴士總站，乘搭巴士前往「將軍澳」，所需要的實際總時間，也不見得比乘搭專綫小巴來得長，如果可以中途在「調景嶺」落車，就變得更加方便了。所以我在「西貢」巴士總站，乘搭「西貢」來回「將軍澳站」的巴士，然後等到巴士去到「調景嶺」巴士站的時候中途下車，很快就成功徒步到達「彩明商場」了。不過，實際上距離享用晚餐的時間還未到達，所以還是需要在「調景嶺」「彩明商場」繼續等候。我曾經想過在附近的其他商場裡面閒逛和尋找食店，可惜最後

現在有個優惠99元三人套餐：六件雞，三個飯，三個葡撻，脆薯格，三杯飲品。雖然是三人餐，但我們兩個人把它吃光了。這一次外賣，到家仍然好吃，雖然沒有一炸出來那麼熱和脆，但可以接受。薯格已變軟，但味道還是很好。葡撻仍然是我的最愛，超級喜歡它的味道，皮也做得很好。

好耐都冇食炸雞，即上網order任你嘆套餐 ⋯⋯另加雞寶、家鄉雞同鬆餅。30分鐘後就送到，趁仲係熱辣辣熱辣辣，即時開動，凍左就唔好食㗎喇😀正當大家瘋搶之際，才發覺內裏少了一件雞，唯有通知餐廳，負責職員態度好好，事情完滿解決，抵讚。

KFC出新嘢，全新的肉丸大桶飯，蘑菇汁撈飯真係不得了，啖啖蘑菇粒，如果可以再多啲汁會更加好。肉丸都唔錯，味道鹹鹹地，有咬口。原來去KFC都唔一定要食炸雞㗎，期待KFC有更加多唔同嘅款式嘅食物。

肯德基家鄉雞(KFC)對我嚟講真係百吃不厭，今日又來啦😄。話說好一段日子冇行過調景嶺的彩明苑商場，原來全部重新裝修過，又有我最愛的炸雞食，今日叫左雞扒餐肉桶飯餐，塊餐肉有成部手機咁厚，塊雞扒香辣度適中又鬆脆。👍😋

九月初約左朋友去食中秋節團體飯,就人腳去左好遠既彩明商場原來調景領既商場又係同將軍澳一樣用天橋搭通曬,好方便但估唔到呢邊好多餐廳都要排隊,我地一大班人就過去KFC食少少野等住先每人食件雞,頂下肚先叫左個套餐,有四件辣雞,一份薯格,2杯可樂,仲有2個飯當係打個底先,炸雞都係咁啦,要等5分鐘先有得拎,新鮮炸起係好食D既薯格就唔夠脆身,可樂就完全無氣,有待改善,得個甜字飯就太濕水,唔好食將軍澳調景嶺彩明街1號彩明商場2樓256號舖襯住中秋佢仲清貨賣緊雞味月餅,好搞笑,不過無人想試就無買

Every now and then KFC in Hong Kong will have some strange and wonderful things.This time was the sweet potato balls which I believe I have tried before.Also new was the cheesy chicken.They had the self ordering kiosks so it made life convenient but one machine allows octopus while the other kiosk is for credit cards only, probably intended so it it convenient for them at the end of the day to do the cashing up.The balls were smaller than expected.There were purple and orange balls and inside it

真心幾好食，牛油味香濃，外脆內軟，雞皮本身已經沾有濃濃牛油味道，雞皮就算擺耐左都脆到索索聲，雞肉就算是雞胸都非常嫩滑，不過比較重口味，建議撈飯食，今次的新口味算不上特別，但味道確實不錯，會回購的。

25/3/2019 彩明邨kfc今日心情比較好，返工之前食咗個早餐，因為做咗kfc會員有coupon，所以去咗kfc度食咗個鮮茄雞扒扭扭粉早晨餐， 用coupon仲送咗個薯餅先食薯餅的而且確冇m記嗰塊熟悉嘅薯餅咁好食，但係都好香好脆，只係冇人哋咁鬆， 不過都係好食嘅輪到我最鍾意嘅鮮茄湯扭扭粉，之前喺隔離m記食過，啲粉勁腍，煮到爛咁濟，好難食……相反呢度嘅扭扭粉煮得啱啱好 唔會太硬亦都唔會太腍，有啲咬口而且扭扭粉粒粒都好完整，載到番茄湯係入面 雞蛋亦都大大塊煎得好香有炭燒嘅味道$30.5 我覺得都幾抵食