影片
【南区】【肥常餐厅】好难先有机会过南区，今日难得有时间就点都要食埋嘢先走。本身谂住去我向往咗好耐嘅田湾商场 food court，因为𠮶度有「逾千呎」嘅「超大型」美食广场，既然想写就梗系要食吓。点知入到去先发现已经执咗，变咗超市。崩溃我有经验，都要带住无奈而失落嘅心情即刻喺附近揾吓嘢食。我发现田湾嘅食肆唔算多，而且都好似开咗一段时间嘅咁，有机会「制霸」吓都几开心㖞。但几间都满座嘅情况下，呢间啱啱有人离座，就即刻入去坐低先。本身谂住食吓常餐算，但之前食得太多，𠮶吓又想食吓其他嘢。见佢一间咁嘅茶记仔居然有炸子鸡食咁搅笑，就叫个 $101 嘅半只「当红南乳炸子鸡」食吓，炸子鸡本身味道唔算特别，不过配埋南乳汁就令佢食落𠮶阵冇咁干身。个餐仲有配「例汤」同「白饭」，个例汤就好例汤，冇乜特别。白饭我叫咗少饭，但好似冇乜点少到咁。本身跟埋热饮，我加 $2 要「冻奶茶」，都系正常茶记水准，冇特别。埋单价 $103 唔过份，系一间水准可以嘅街坊食堂。。。（地址：香港仔嘉禾街13号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南区 #香港仔 #田湾 #肥常餐厅 #当红南乳炸子鸡 #例汤 #白饭 #冻奶茶 #1am1276 #1ambackup
继续阅读
下午茶炒粉面饭餐最抵食，三十八元大大碟有嘢饮。不过水准不太稳定，有时好好有时麻麻地。今日的✳️杂烩炒面就麻麻地。它本身个面底其实唔差，面条脆口不干不油腻，差在个𩠌和献汁。话明杂烩，有虾仁、叉烧、火腿、肉片、鸡肉和椰菜，不过口味偏淡，椰菜虾仁肉片都冇乜味，叉烧好瘦又硬又柴。而且杂烩重头戏的猪润和鱿鱼都没有😢。另外叫了汤面下午茶，✳️榨菜鸡肉汤意粉，这个ok，只系有几件鸡肉又系好干好硬，照计鸡髀肉都好难会这样？！餐飮可以选例汤，好饮。
继续阅读
今日早餐，又去咗帮衬，我同老公一人叫咗一个早餐，我就梗系叫咗豉油王炒面加粥，老公就叫左个沙嗲牛肉面㗎炒蛋同午餐肉，再加一人一杯斋冻咖啡，沙嗲牛肉好入味，面煮到刚刚好，不会太硬！
继续阅读
今日食早餐拣左呢间肥常，就等我写呢度第一个食评啦。呢度早餐偏贵，$30起跳，份量唔大。我今日拣左牛扒双蛋配牛油方包（$32），外卖加$1。牛扒算嫩，牛味还好，配既酱好重手。煎蛋几好，唔算太油。方包软熟，靠佢填肚。叫左热鸳鸯，黎到已经落左糖，好在唔重手，最后都饮完。
继续阅读