影片
以上资料只供参考，请与餐厅确认详情
自从肥妈小食店改左名做“9砌” 专卖即点即造嘅汉堡之后，Miss O' 第一次帮衬，只能够讲.....真系好好好食呀！🥰Miss O' 叫左个猪肉汉堡，点左烧烤酱，个包胀卜卜好软熟，加埋$3多只蛋真系绝配😍下次等Miss O' 又试下其他配料先，大家记得去帮衬下👍🏻P.S.: 依间小店入面有部机可以抽Yell Card架！
继续阅读
本来想去买肠粉但冇晒，哥哥仔推介新品， 厚切午餐肉流心汉堡 。 流心蛋坚正， 午餐肉煎得好香， 汉堡包皮超松软又多芝麻！ 本来是买来做下午茶，点知饱到夜晚𠮶餐都唔使食。 廿蚊简直超值！ Sorry 食完先醒起唔记得影相
继续阅读
去朋友屋企行过呢间舖头，见到好多文宣都行咗入去食嘢。𠮶阵本身想买下午茶餐，叫咗烧卖蛋同杯嘢饮，但店主话分开买会平啲，原本系应该$29，最后净系收咗$25。如果佢唔讲其实我唔知但佢好心提醒我觉得好开心，良心小店！食物方面烧卖嘅话同渣哥𠮶啲有啲似，鱼蛋方面佢好特别，佢有五只味嘅鱼蛋可以买，最后尾我就叫店主每样比一粒我试吓，个人觉得青咖喱系最好食嘅。🤤🤤🤤如果唔系已经食饱咗，会想试埋佢个鸡髀同吞拿鱼沙律牛角包，见到有人买超大个但系好平！
继续阅读
买左芝士火腿牛角包同吞拿鱼沙律牛角包。2个都好好食，size唔算细。我个人比较钟意芝士火腿牛角包，可能因为有焗返热过所以牛油味好出好香，配上芝士火腿，𠮶种咸香系好经典嘅味道。吞拿鱼沙律就系另一种享受，如果钟意有超多馅的满足感，呢个就非常之合适。下午茶食下系一种很好的享受。
继续阅读
强中自有强中手，由黄埔慢慢经过土瓜湾途中，离远看到一间超级深黄的小食店，被它所吸引而行入去，没想到店内系比所有我看过的店更多文宣和海报，老板只有１位男生，默默在付出，包括落单、煮食、收钱、包装等等，最有趣是墙上贴满手画的文宣餐牌，都是各种各样便宜到核爆的小食，早前已经吃过下午茶，所以只能够再点一些较为简单的小食。因此，我就选择左牛丸和龙虾丸，但老板竟然再多送４粒小肠仔没有收贵，我实在不好意思在跟老板交谈中我感受到他的热情，他一定是一位深爱香港手足的好老板，真的非常感谢他为香港人付出，希望各位手足落力惩罚这间土瓜湾的小黄店，让它永远存在，谢谢。土瓜湾黄店ＮＯ. 1当之无愧!我发誓下次会再来大力惩罚食正餐!
继续阅读