肥南燒鵝風味小廚

营业中

休息中

店名: 肥南燒鵝風味小廚地址: 屯門鳴琴路1號山景邨景樂樓冬菇亭1-4號舖今次黎到屯門嘅肥南燒鵝風味小廚，不論係小菜，烤魚，羊腩煲等都十分高質，天氣開始轉涼，食呢啲就啱哂😆今次就同朋友試左好幾款👍🏻正宗萬州烤魚冬天當然要食烤魚，魚肉嫩滑，口感滑溜，上面鋪滿配料，食落更香口惹味，土豆片煮至軟腍入口，必叫‼️八珍豆腐煲小菜又點少得豆腐煲，豆腐香滑軟腍又重豆香，加上特製醬汁，食落惹味又易送飯🥰古法羊腩煲天氣凍左咁多，食翻個熱辣辣嘅羊腩煲就啱哂😌羊腩份量超大，落足料，炆至軟腍，又唔會有陣膻味，暖胃之選😍

今日專程入屯門探朋友👯‍♂️👯‍♂️👯‍♂️ 順便跟朋友去食當地好西😋😋😋 今次㨂左間夠曬風味既中式小炒店🤩🌟 ：肥南燒鵝風味小廚👍👍👍首先叫咗招牌肥南小炒皇❤️ 師父炒得超夠穫氣❤️‍🔥❤️‍🔥❤️‍🔥 D 腰果超香口又酥脆😍🫶 送酒做下酒菜超級正呀🥰❤️ 之後叫咗個超級邪惡既酥炸牛坑腩🥴👍 師父好手勢，火喉控制得啱啱好😘 食落乾身鬆脆，完全唔油😁 裡面既腩肉仲保持軟嫩😚😚 牛肉味超濃郁😋 無得頂👍👍 最後叫番個送飯一流既八珍豆腐煲🥰 D 豆腐煮得超入味🤤 食落又滑又嫩🤭 加埋d 超惹味既醬汁，送幾碗飯都得😆😆😆 今次真係食得超開心超滿足🤤❤️ 下次入屯門一定會再黎喲😚

入左屯門同朋友食飯就近樓下有間餐廳話幾好食幾多人幫襯，就去試一試星洲橋底骨 $98呢個係用左豆瓣醬同雞醬，即係泰式辣醬口味混合嘅金沙骨！佢味道冇咕嚕咁酸，多左豆瓣醬嘅香同微微嘅辣，非常開胃新鮮！金沙骨外面帶焦香，肉質爽嫩唔會痴骨！對小編黎講非常新鮮好食！非常推薦！乾鍋福花菜 $98呢個帶川味嘅乾鍋菜，最大特點當然係泡椒同豬肉。泡椒微微香辣，加上爆炒豬肉嘅肉香同油香！重口味人士最愛。豬油炒菜非常香，加埋香香辣辣，秋冬食簡直係絕配！臘味煲仔飯 $88講起秋冬，點可以唔提煲仔飯！而呢度最招牌嘅就係煲仔飯，負責任地講句，真係10台客起碼8台都有叫。我地都唔執輸叫番一煲試一試！可能老闆見我地生面口，煲仔飯一黎到佢就非常熱情咁埋黎教我地點樣食煲仔飯，講下呢度有咩招牌菜咁。非常有人情味！講到煲仔飯，臘味排骨同煲仔飯都係非常夾，煲仔飯非常香又勁足料，一開始唔洗攪鬆個飯，食幾多就夾幾多，等個煲仔飯收下水，最尾食到尾愈食愈乾身，愈食愈香，仲要非常多飯焦！秋冬食真係一流！

天氣涼涼哋 掛住大排檔風味約中學同學屋企附近食飯 山景邨冬菇亭 老字號～肥南燒鵝風味小廚 🥳🥳屯門區來講算吾錯 輕鐵站隔離算方便地方好大，有分室內外室外攞左牌照食得放心👍室內座位好大好闊，落乾淨企理飲番杯，吹吓水，賞心樂事！燒鵝好正！佢哋嘅招牌菜當然要叫個下庄啦🥰🥰鵝皮仲有少少脆，醬汁好惹味，鹹淡適中鵝油非常香口，啖啖肉！真係好正😋😋連墊底嘅花生都做依然脆口真難得🤩🤩水煮魚窩 正宗，夠麻夠辣！食物大份 魚肉非常嫩滑厚薄適中，完全冇骨，用上生魚片好鮮甜，配菜有蓮藕片 木耳豆卜 入晒味😝蝦多士冰骨老闆話佢哋嘅招牌菜之一 同樣份量足 冰梅骨好入味，好嫩口 ！酸酸甜甜有十幾支骨呢😬😬蝦多士爽脆、有蝦味！加上芝麻脆卜卜送酒一流😉菜式選擇非常之多，見到佢哋羊腩煲上市啦下次一於帶埋屋企人過嚟試吓😌😌

肥南燒鵝風味小廚 (屯門)屯門鳴琴路1號山景邨景樂樓冬菇亭1-4號舖自家製燒汁野菌豆腐好好味嘅燒汁野菌豆腐，豆腐滑滑嫩嫩，燒汁香口正，令人食到停唔住！豉油王吊桶原條魷魚燒食過豉油王吊桶原條魷魚燒，真係叫人驚艷！魷魚鮮嫩彈牙，夾住豉油王嘅香氣，一口咬落去，絕對令人回味無窮！萬洲烤魚萬洲烤魚真係一絕！魚肉鮮美多汁，外皮烤得香脆，配上獨特嘅調味料，味道鮮明，令人垂涎欲滴！叫咗枝大藍妹啤啤佢，爽，冬菇亭就有佢嘅鑊氣味道，夠暖身心。

最近天氣急降就最啱打邊爐！但係自細就食慣羊腩煲嘅我地除左鍾意食牛肉放題 都好鍾意食返D傳統嘅羊腩煲！呢間大排檔係三聖南記嘅分店 有好多明星來過架！當日去到都好好生意 忙唔過來🤣🍲羊腩煲💰198羊腩煲呢個價錢真係好抵食！幾乎每台都有嗌到 而姨姨會每台都送一碟生菜先 可以淥落去好吸湯！羊腩煲唔好睇佢價錢較平 但係份量一D都唔少！入面有好多就冬筍 腐竹同埋幾塊冬菇 羊腩都可以食到啖啖肉 配上特有嘅腐乳特別惹味 羊肉唔羶 腩汁味會比較突出～🍲八珍豆腐煲💰88食落發現八珍有豬潤 豬腸 蝦仁 白菜 豆卜 肉片 豬肚 但係最特別嘅係豆腐反而唔見左 同老闆講返原來真係唔記得擺豆腐 變成八珍煲🤣不過整體味道都幾濃厚 個人特別鍾意豬腸 個質感好好！🦑椒鹽鮮魷💰88椒鹽鮮魷配喼汁瞬間減少左炸魷魚嘅油膩感 呢度嘅魷魚係攞超大塊嘅魷魚塊炸成 特別多汁 炸皮香口 就算唔食炸皮味道都幾好！🍲鹹蛋豆腐肉片湯💰98呢個湯反而係最遲到 有個碟裝曬D菜渣 入面都有好多白菜 豆腐同肉片 但係咸蛋原來係打散曬之後倒入湯 個人覺得味道唔重 湯嘅性價比真係不太高來大排檔食飯都係食小炒比較好！而且冬天真係唔食羊腩煲唔得！大家都要及時

鑊氣十足！ 燒鵝 唔算肥 幾好食！海鮮係我地買去 再加工的 鑊氣到 頭髮都會有油煙味 但炒蟹 都炒到 平時唔食蟹既人 都覺得好好味6人份！ 環境似舊式酒樓， 係廁所環去屋村廁所🤦🏼‍♀️ 泊車都 算方便 既但九龍人入去 十分唔就腳 謝謝朋友買左勁新鮮海鮮 整體 炒得唔錯！

過新年假前，約朋友食返餐海鮮餐先清蒸鮑魚仔蒜蓉蒸扇貝避風塘賴尿蝦 鹹蛋黃大蝦生蠔煲豉椒炒鮮魷 燒鵝整體質素好好價錢貴少少但係值得呢個餐係朋友特別訂枱叫 如果想食就要打個電話去問下先啦

昨日一家人到附近搵食。因為山景酒樓執左。就想起肥南，好耐之前食過印象一般及價錢幾貴的。今次再比機會試下。結果今次覺得好左小小。係室內人多就比較嘈吵。坐低冇耐有個叔叔熱情介紹有咩好食。推介左招牌燒鵝例牌一份。冰梅骨。豆豉蒜香雞煲。一味2食蒸魚。食物上台新鮮夠鑊氣。雖然份量有點小。但都足夠嘅。味道偏咸。尚可。應該仲有下次嘅

今日一行八人，當中七個成人、一個學生，學生就身穿校服，喺山景冬菇亭嘅肥南食飯。約莫一點到，一點十分齊人，開始落單嘅時候，落完第一個，個啊姐就走左去，搞下搞下去到一點半都未落完，但隔離枱遲過我地到，但已經食完埋單走人。落完單啲飯黎到，仲要錯哂，熱咖啡變凍咖啡，意粉變埋飯，叫個啊姐改又要西口西臉，「摺摺」聲，服務態度認真「一流」！我就叫左個ｘｏ鮑魚素粒炒飯，但飯入面食到幾啖鹽，係鹽啊！到埋單嘅時候，明明有個學生餐係３０蚊，但佢就收３８蚊，但見唔到有學生，見唔到着校服，擾攘左差唔多五分鐘先收返３０蚊，最後畀哂8個錢，又話差一個未畀錢，又曬左成分鐘。山景肥南真係劣食之首，不論味道、服務，定係額錢，都令人「為之驚嘆」。