肥仔麵家

营业中

休息中

大家都知道銅鑼灣食飯不便宜，估唔到麵搵到間性價比高既傳統麵店。店內裝潢充滿濃厚的傳統文化韻味，結合了木雕裝飾和磚牆設計，營造出溫暖而舒適的用餐氛圍。牆上的菜單清晰易懂，各種招牌麵食一目了然，讓人一進門就感受到家的親切感。店內的座位安排緊湊但不壅擠，適合三五知己共享美食。1. 腩汁牛肚這道牛肚絕對是必點！牛肚處理得非常乾淨，口感滑嫩而不失彈性，滷汁有著濃郁的香氣，滲入每一絲肉質之中，每一口都令人回味無窮。2. 酥炸墨魚丸墨魚丸外酥內嫩，搭配一旁的甜辣醬，帶來鹹香與微辣的絕妙平衡。這份小食有著令人懷念的街頭風味。3. 雙拼/3拼河粉選擇了魚片頭拼墨丸，仲有魚片頭鯪魚球和雲吞。幾款都食得出真材實料，雲吞入邊蝦同肉嘅比例好好。鯪魚球都好足料。4. 白灼肥牛配蒜蓉豉油白切肥牛的肉質鮮嫩，與蒜蓉豉油的濃烈香氣形成絕佳搭配。5. 蠔油菜心青菜燙得剛剛好，保持了翠綠和脆口的質感，作為配菜非常清爽解膩。服務人員態度親切，對每位顧客的需求都細心照顧。無論是加湯還是加點小菜，都迅速又貼心。

一入到餐廳，陣陣牛味！！我地叫左枝竹羊腩飯 ❤️ 大大份！羊腩唔肥零騷味，食落仲好軟冧柱侯牛腩大 ❤️仲包埋牛筋❤️叫一碟做餸，兩個人share岩岩好，牛腩大大件，肥瘦岩岩好，牛筋夠煙un彈牙。菜心全走 ❤️正常發揮，可以再大碟d更正白灼肥牛小 ❤️點埋佢哋個蔥油汁，好有打邊爐既味道原汁牛肚 ❤️ 勁爽口彈牙餐廳仲有好多唔同碟頭飯或者粉面，甚至乎可以自己買佢哋嘅生餃返屋企慢慢煮，選擇都好多！而且座位都坐得好舒服，正！

肥仔麵家 (銅鑼灣)地址: 香港銅鑼灣波斯富街84號地舖佢有麵有飯架，原本想食麵但想起夏天食到熱出汗，就改左食飯啦 $52 瑞士汁雞脾飯,皮都吸曬個甜架顏色同味道，雞髀肉質好滑，甜香架醬汁好岩撈飯架加個淨食當小食$38鮮蝦雲吞，一大口一粒有蝦同豬肉作餡，仲可以平d點野飲凍檸檬茶！銅鑼灣抵食平民小店下次可以試埋佢架燉湯，跟飯$25only環塊又夠光猛，recommend 比local 本地人或者旅客哦！welcome

🍜 柱侯牛腩/鳳城水餃米粉牛腩燜得軟淋入味，柱侯醬香濃得嚟唔會過咸，每一啖都充滿肉香。鳳城水餃皮薄餡靚，入面嘅蝦肉同豬肉比例剛剛好，鮮味十足。湯底清甜冇味精，飲完唔會口渴，整體配搭非常平衡！ 🥟 魚肉春捲/墨丸米粉魚肉春捲炸得金黃香脆，外皮松化，入面魚肉鮮甜。墨丸彈牙有嚼勁，咬落去仲有淡淡嘅陳皮香，同清甜嘅米粉湯底好夾。 🐟 炸魚皮炸魚皮超級脆口，完全冇油膉味。可以直接食，亦可以浸落湯幾秒，吸少少湯汁又保持脆度，系絕佳嘅小食選擇！ 🦢 白灼鵝腸鵝腸處理得非常乾淨，冇任何異味，灼得剛剛好，爽脆得嚟帶少少韌勁。配搭嘅豉油同姜絲提鮮又解膩，簡單但好食🤤🍲 五指毛桃燉脊骨湯呢盅燉湯好足料，五指毛桃嘅香氣溫和，飲落去有淡淡嘅藥材香但唔會苦。脊骨燉到軟爛，精華全部溶入湯中，飲完成個人暖笠笠，喉嚨好舒服，好適合香港嘅冷氣天氣！ 🏠 環境同服務店內環境乾淨企理，木色桌椅擺放得整齊，冷氣充足，坐得舒服。店員態度友善，手腳快又有耐性！

一向都好鍾意食牛腩麵嘅我.經過見到銅鑼灣呢間好多人食.餐廳都好多種類所以決定試吓!食物:-(牛筋牛肚牛腩)三拼米粉-炸魚皮-炸鮮蝦雲吞-紅豆冰叫咗一個自製牛三寶米粉.牛筋同牛腩都炆得好腍好入味.係我鍾意嘅質感唔會太腍保持應有嘅口感.牛肚非常爽口彈牙👍🏻份量都好多.配埋米粉可以吸晒滷水汁😜炸魚皮非常脆同新鮮冇油益味.鮮蝦雲吞非常大粒都有好多蝦好彈牙.餐廳仲有紅豆冰唔會太甜好味👍🏻整體餐廳夠大坐得好舒適.而且冷氣都好夠.食物種類有好多.仲有提供飯.而且定價都好合理性價比高！

完左training 去左時代廣場行街，行完出面就有間肥仔麵家，竟然唔算貴，5點半食飯仲未有人，包場幾爽😂 嗌左個主食：牛筋牛腩飯牛筋透亮，咬落黏唇膠質爆棚；牛腩燜至鬆化，白飯轉眼清碟！難得是筋腩比例各半，每啖都掛滿肉香。 配個蟲草花燉烏雞湯真・住家火候味！湯色金黃無油花，烏雞燉到肉離骨，蟲草花甜味滲透湯底，飲完喉嚨暖笠笠。 小食即炸蝦卷 外皮超脆，咬開係完整彈牙蝦肉，蘸泰式醬汁係一流！即叫即炸熱辣上桌。

銅鑼灣平民恩物😆幾抵食嘅粉麵家 仲有碟頭飯 原盅燉湯 啱晒上班族價錢經濟實惠 環境乾淨企理 味道都唔錯👍🏻🍲蟲草花燉烏雞湯 單點$43估唔到會有呢啲燉靚湯 睇到啲湯渣都知道幾真材實料 飲落有啲藥材香 味道清甜 好滋補🍜三拼粉麵 $54粉麵可以揀單拼 雙拼或者三拼 價錢$38起今次叫咗鳳城水餃 魚肉春卷 貢丸三款淨餸 但係都好豐富湯底係大地魚湯 濃味但唔油膩 配麵應該唔錯水餃足料大粒 香菇貢丸就好彈牙 春卷口感爽彈 店員仲送咗杯豆漿🥛整體係唔錯嘅平民小店🍜會再幫襯

📍肥仔麵家 (銅鑼灣)銅鑼灣波斯富街84號地舖👉手打墨魚丸拼牛筋粗麵😋😋😋😋.8/5呢碗手打墨魚丸同牛筋粗麵實在好味！墨魚丸彈牙，口感滑溜，牛筋煮得剛好，軟嫩入味。粗麵吸收咗湯底，濃郁嘅味道令人忍唔住想多食一碗。👉白灼鵝腸(小)😋😋😋😋.8/5呢個白灼鵝腸簡直係清新之選！鵝腸鮮嫩，口感爽脆，另上嘅醬油，更加提升咗味道。絕對食！👉炸雞翼😋😋😋😋.8/5炸雞翼外脆內嫩，香氣四溢，真係好惹味！每一啖都有滿滿嘅雞肉，醃製得恰到好處，咬下去汁液四溢，絕對係必點！👉杜候牛腩(小)😋😋😋😋.8/5杜候牛腩煮得超級入味，牛腩軟腍，湯底濃郁，帶有一絲香料味。每一口都令人感受到肉質嘅鮮美，勁惹味！雖然話係小份，但份量絕對唔少！👉蟲草花燉烏雞湯😋😋😋😋.8/5呢碗蟲草花燉烏雞湯味道清淡，但非常滋補。湯底鮮甜，烏雞肉質滑嫩，蟲草花更添一份獨特香氣。每一口都好舒服，特別適合養身，令人飲完之後覺得精神焕發！👉菜芯😋😋😋😋.8/5保留咗菜心本身嘅清甜味，味道更加突出，口感爽脆!!👉凍檸啡😋😋😋😋.8/5凍檸啡清涼爽口，酸酸甜甜嘅味道非常提神。咖啡香氣濃郁，搭配檸檬嘅清新，飲落去好過癮！夏天飲呢杯正好，真係一個完美嘅

上星期約咗朋友喺銅鑼灣食飯，但係約得好晏又肚餓，所以就諗住食少少嘢先。喺附近睇過魚蛋燒賣等等嘅小食都好貴，經過呢間肥仔麵家，見佢一款餸嘅魚蛋粉麵都係38蚊姐。我同朋友一人一碗，鮮蝦雲吞河和墨魚丸粗麵，店員仲不停問我哋夠㗎喇？夠㗎喇？菜呢？小食呢？😂好似覺得我哋嗌太少嘢食咁。不過兩碗麵都唔錯嘅，湯底都ok，墨魚丸味道唔錯，爽口彈牙。鮮蝦雲吞就一般唔算好好食，又唔算太差，合格水準。不過喺銅鑼灣黎講每碗38蚊都算係幾抵啦。但又唔算特別推薦囉。

我點了一碗雲吞麵，湯底淡而無味，卻發現裡面有一隻蒼蠅。這讓我感到非常不適，於是我立即向服務員反映此情況。不過，令我失望的是，服務員只是簡單地抹走了蒼蠅，並沒有對此給予適當的處理或道歉，讓我覺得這樣的服務態度非常不專業。餐飲業的衛生標準至關重要，這樣的事件不僅影響了顧客的用餐體驗，也可能對餐廳的聲譽造成損害。我希望您能重視這個問題，並加強對食品安全的管理。出品完全唔得，態度一般，價錢唔算好平，但完全唔係正常嘅雲吞麵。

今天下午，我同朋友去咗銅鑼灣波斯富街嘅肥仔麵家餐廳吃午餐。一入店，就聞到陣陣香氣，實在太吸引人喇！我哋點咗鮮蝦雲吞河粉，嗰雲吞粉皮薄，鮮蝦好彈牙，湯汁鮮甜，一口咬落，幸福感滿滿。鳳城水饺米粉都好有特色，水饺皮薄餡嫩，搭配嘅米粉吸滿咗湯汁，味道一流。柱候牛腩軟爛入味，菜心同生菜清甜爽脆，正好中和咗牛腩嘅油膩。最後嘅熱杏仁霜同熱菜蜜，杏仁霜香濃滑順，菜蜜甜而不膩，完美結束咗呢頓午餐。下次一定還要來，繼續探索更多美味！

平日午飯時間，經常光顧肥仔麵家，今天連晚餐都光顧上，真的是打工仔理想飯堂 😂😂😂餐廳環境挺好，帶點古色古香，喜歡他的中式枱櫈，感覺高級。座位比起一般麵店闊落得多，舒適自在。是夜的豐富晚餐，小錢大滿足。點了兩份超值套餐，先來牛筋拼貢丸粗麵 ，加蠔油菜心及紅豆冰 👍牛筋軟腍，貢丸美味。菜心腍甜，連同紅豆冰的套餐，性價比甚高。再來另一份套餐，是紫菜牛腩拼魚片頭，跟蠔油菜心 及凍檸茶紫菜不韌，牛腩鬆化軟腍，配合魚片頭，大滿足。小食點了酥炸鯪魚球，外層微脆，鯪魚肉軟熟，要是配搭蜆蚧醬，就更完美。酥炸雞翼，雞中翼外層香脆，即叫即炸，是燙咀的，要小心吃。松草花燉烏雞，湯料充足，不算很濃味，仍算得上是不錯的燉湯霸黃花燉脊骨，霸王花清熱，燉脊骨味道不錯，忙碌的生活中，喝碗燉湯，滋補一下，挺好的

呢日喺銅鑼灣嚟咗呢間粉麵飯店食咗個簡單嘅 late lunch 🤣叫咗一碗三拼麵，$54「柱侯牛腩拼貢丸拼雪花肥牛粗麵」再加「紫菜」：雪花肥牛薄切肥瘦適中，貢丸幾彈牙，柱侯牛腩肉質幾軟熟，粗麵幾煙韌幾彈牙份量仲好多🤣跟麵加 $16「油菜」：揀咗菜心，菜心夠新鮮，白灼簡單幾爽脆幾好食，仲大大碟😋跟麵加 $5「熱奶茶」：大大杯，夠濃郁夠滑😋仲叫咗「豬肚燉土雞湯」：湯底味道幾鮮甜，真係食到豬肚同埋土雞👍

💁🏻‍♀️新開張餐廳搵唐詩詠麵包店經過 見夠企理價錢又相宜 重點係夠晒多卡位 一於幫襯下見有粉麵、有飯又有燉湯 款式都好多元化❣️牛腩雲吞撈麵牛腩係柱侯牛腩 食落偏瘦啖啖肉 見個色水都知夠晒入味電吞充滿蝦肉 蝦肉新鮮彈牙 個清湯底有韭黃有誠意❣️水餃墨魚丸牛肚河水餃係兒時嘅味道 夠晒飽滿 有筍、木耳、蝦肉食落冇好多肥豬肉嘅感覺 仲加咗少少冬菇夠晒特別墨魚丸食得出係貴價貨 有鮮味爽口彈牙 唔會咬落得啲粉❣️炸魚皮炸魚皮香脆可口 一碟份量都唔少❣️炸鯪魚球鯪魚球即叫即炸 大大粒 炸到好香口唔會腥有別於坊間用蜆芥 唔係個個接受到 呢度配嘅係泰式辣醬 更啱年輕人口味❣️山藥燉脊骨燉湯睇落好清 飲落就有濃郁嘅肉味 熱辣辣夠晒火喉

食材味道係可以嘅，但腩汁湯底很淡冇咩味，重點係服務態度極之惡劣，職員完全冇任何笑容，黑口黑面，埋單都淨係手指指，完全唔會講多謝，一食完就收碗碟，仲要開聲直接趕你走，問你係咪食完，即係預咗食完就即刻閃人先好入去食，重點係當時店內不是爆曬場滿枱架，而且都係啱啱食完嘢一陣就已經俾人咁樣問，所以咁嘅服務態度，以後都唔會再食👎🏻👎🏻👎🏻👎🏻