肥仔銘茶餐廳

营业中

休息中

去到叫左炒豬扒公仔麵，豬扒又乾又“鞋”，個公仔麵正常但係成碟野勁油膩，可能一般茶餐廳都係咁，但係我淨係食到油味，豬扒冇豬扒味，淨係有陣醃過嘅鹼水味。另外試左同行嘅人叫的炒烏冬，都係好難食，麵粉味。完全唔值$52 出面大把茶餐廳好味過佢

聽講呢間茶記出名既係豬扒飯, 所以lunch就泥試下～但場內外都幾full下, 最後lunch hour 一點度等左約廿分鐘就係門口開左張枱~招牌豬扒腸腿飯@$47平時食開既豬扒飯都偏硬唔好食, 都係見啲人話幾好食所以試下咦!!! 啲豬扒都真係出奇地香脆可口食落口硬度岩岩好! 個匙油汁又幾match粒粒飯～而餐牌既腸腿其實指平時既腸仔整體泥講, 招牌豬扒飯無失望但份量可以多番少少~~

呢一間小店嘅環境完全係港式茶餐廳風味，食物質素可謂超水準！今次呢個鰻魚飯真係抵食！【特大盛鰻魚飯】$88一睇到個鰻魚都不禁嘩一聲，差唔多有成隻碟嘅直徑咁長呀！重要係啖啖肉，好厚身，好多汁！如果中意嘅乾身d嘅朋友可能會嫌佢濕左d！而個招牌炒飯底超有鑊氣，超香！性價比極高，咁大碟，男仔食都覺得飽😋

近呢幾年好食嘅茶餐廳已經少之又少，有時為咗填包個求其食個快餐都會選擇茶記。但有幾多間真係你鐘意食又會keep住去嘅呢？肥仔銘茶餐廳係新蒲崗已經開業多年，一直深受街坊鄰歡迎。佢位於一條橫街入面，一個唔起眼嘅小鋪位經常有人排隊等待。朋友話呢間茶記炒飯炒麵都好有鑊氣，我今次就試下非常多推薦嘅常餐pancake🥞+鮑片米Pancake好厚！好重蛋味！賣相好吸引，食落去每一啖都好香蛋同奶味。而鮑片米就正常發揮，冇話特別吸引。呢間店通常到3-4點左右就會close，而且星期日唔開。要去嘅朋友要早少少同留意時間啦！

今日 絕對要支持 聯同  送貨更加要支持 ($20運輸費)今次點左白咖哩豬扒飯 + 凍飲 ($48) 今次凍飲唔洗加錢豬扒略咸不過肉質夠鬆軟唔會有好強鬆肉粉乸過龍感覺白咖哩汁絕對值得一讚自從知道沙嗲王係藍之後已經好耐無食過好食既白咖哩豬扒飯今次全民感恩日 外賣仔行動每個餐送左一枝 奶茶通常對呢D贈送飲品唔會抱有好大期望但今次有驚喜 呢枝奶茶絕對推介首先佢唔係頹廢超甜奶水而係一枝茶味濃郁既奶茶係好有生命力既奶茶😍😍

#肥doi遊新蒲崗新蒲崗食晏選擇都幾多，今次就經網上外賣平台叫左肥仔銘既外賣，送到黎仲係熱辣辣，唔會因為外賣影響左佢原本既質素！今次主要叫左一啲炒飯同炒烏冬，食物味道同一般茶記差唔多，但係份量都幾多，女仔晏晝食未必食得晒，價錢都幾合理，即使我經網上外賣平台叫都你50幾蚊一個飯（雖然唔包野飲），堂食就40幾蚊一個，都幾抵食！#楊州炒飯唔會偷工減料，飯入面好多餸同埋蝦，食落都幾乾身唔會好油。#肥仔銘粒粒炒飯飯如其名，啲飯真係炒到一粒粒，炒飯入邊有紅腸火腿蛋絲，雖然只係一個普通嘅炒飯，但係火候十足，令呢個炒飯變到好有鑊氣！#乾炒豬扒烏冬豬扒好鬆軟，唔會癡牙，烏冬都唔會煮得太淋，如果唔鍾意食芽菜或者洋蔥可以叫佢走，因為成個烏冬都好香芽菜同洋蔥味。另外，可能我哋係叫外賣，食嘅時候就係爭啲辣醬，就係爭左啲啲就唔夠完美！#招牌貴妃雞飯 午市黎講，經網上外賣平台叫呢個飯都係40幾蚊連野飲，絕對係抵食之選。不過味道方面，就同普通切雞飯差唔多，唔算特別。

起床已過午飯時間，正可吃個下午茶餐開工。搵食期間見這小店坐到出門口，就試試。店面不大，放4張6人枱，門外再放3-4張。提供很多組合的麵餐，下午茶餐等。最後選了午白咖哩豬扒意粉+凍齋啡 $44豬扒挺大塊，又入味，意粉也不錯；白咖哩汁的咖哩味略輕，重味點會更好。醬汁濃度剛好掛在意粉上，ok!凍齋啡也不錯，夠香濃。另一半選了麵餐E $33；沙爹牛肉通粉，沙爹醬做得不錯，牛肉片也多，惟有2,3片比較韌，煎蛋與火腿正常，麵包軟熟。華田走，阿華田濃度可以, 不會只有顏色而沒華田味。離開時見到鄰枱點的干炒牛河，賣相吸引，可再來試試。

發現新蒲崗原來係黃色經濟圈地帶！今次首先介紹黃到金茶餐廳，學生哥黎寫低「香港人_ _！」就有飲品送💛 xo醬仲係招牌產品。老實講食物質素唔算特別出色，係正常茶餐廳發揮，不過老闆員工服務好友善，價錢合理，住果頭嘅去食下早餐午餐下午茶都幾好。💛黃店認證：參與罷市；收入捐星火；fb po文宣；店內貼有抗爭祝福圖和你鈎鎖匙扣宣傳。.👓自家製xo醬豬扒飯 $46xo醬另上，可以自行調配份量撈飯食，份量都比得好多，當中有好多蝦乾同辣椒，所以味道明顯比平時食嘅辣，係中辣帶點鹹。豬扒好大塊係有調過味，但吾係果種炸到脆返香脆果種。飯底多，有椰菜伴碟。評分：6.5/10👓法蘭西多士 $16面頭炸到脆，不過麵包唔夠鬆軟同厚身。評分：6/10👓香脆炸雞翼 $25/4隻缺少咗酸辣醬，整體無麥記好食🥺不過就咁原味都夠味嘅，炸得香脆唔算好油膩。評分：6/10

肥仔銘既XO粒粒湯通粉 超好味😋！樓面姐姐態度好好 又欣勤 主動問洗唔洗加埋茶粒 話健康啲同食落口清新啲！個XO醬撈埋湯底 一流！👍🏻👍🏻又香辣又鮮味！係出面食唔到既野 ！仲聽到其他客講原來有好多隱藏餐單 係可以自己去發揮叫！野食又好味 樓面姐姐又好服務！又請學生食飯！加油呀！下次會試埋你好出名既 見到隔離枱食緊大大件熱香餅 炸豬扒 好吸引仲有炸雞髀🍗都好想食！強烈要求開夜啲

💛💛💛黃店推介💛💛💛又到lunch time啦，今日揀咗一間離公司遠少少嘅黃店食—肥仔銘茶餐廳。呢間茶餐廳本來lunch time有好多學生哥食，但停課之後就少咗好多生意。但佢都仲繼續多次派發抗疫物品，又表明肯請被捕手足。仲曾經免費派豬排飯比學生💛 而且服務態度非常好，店員都好有禮貌好主動同好helpful。今次就黎食吓佢個招牌XO醬先！招牌XO醬豬扒飯 ✨XO醬係另上嘅，可以按自己鍾意嘅份量加。個飯都幾大個，女仔可能會食唔曬。豬扒好香口好好味😋XO醬好正，但食到尾會覺得偏醎少少，不過送飯係好match！價錢都好平民，下次再黎試其他嘢😛

第一次去，亦會係最後一次價錢便宜但食物質素同態度都差叫左兩個下午茶餐，一個星洲炒米，完全冇咖哩味一個餐可以揀3款，叫左西多，火腿卷同漢堡扒首先已經等左好耐，一黎到，漢堡扒變左薯條，同落單既阿姐講錯左，佢唔認，話要拎番寫果張單睇，睇完，真係佢落錯左，就話：不如算啦你食呢個啦錯就係錯架啦，咁都得？！ 講左我唔想食薯條，唔肯換，咁既服務態度都得，好野講番野食，西多同火腿卷都極油膩，仲話火腿卷係招牌菜，真係笑左出黎，招牌菜都咁難食，而黎錯左迫我地要既薯條，炸得極燶咁既餐廳真係一次夠晒

茶餐廳免費派豬扒飯俾有需要嘅學生，非常值得大家支持呀！！！🍜自選麵餐雙拼（$32）五香肉丁+餐肉麵水準麻麻地喔😕餐肉厚薄適中，但煎得唔夠香口五香肉丁唔夠辣...對於辣控嘅我嚟講有d失望，但加d辣椒油係可以補救得到嘅😛🍜迷你干炒豬扒公仔麵（$38）雖然話係迷你，但豬扒都唔算細件呀！ 公仔麵炒得好香，好好味！唔油膩又唔太鹹👍🏻💯between... 西多士只係$16咋😱下次會再嚟食喔！！！！

Very good local feeling stalk and food are tasty! I will come again next time if pass by. You can have local hk food here but course not to expect v comfortable sitting. And the important thing is there is a Good owner with kind heart! 👍🏻👍🏻👍🏻👍🏻👌🏻👌🏻👌🏻👌🏻👌🏻👌🏻

價錢👌🏻，選擇多，但啲嘢食太鹹，招牌豬扒無想像中咁特別，只係鹹為主，招牌炒飯亦都無特別，都係太鹹，奶茶一般，個茶底差，所以沖出黎真係麻麻，試過幾次，因為想試咪其他嘢，但總括有啲失望，因為食唔出味道，太鹹啦！..............................

呢間野睇落無特別, 但肥仔老闆炒野手勢唔錯, 普通茶餐廳有既菜色, 佢地味道勝人一籌, 只係有時阿姐落單要落幾次先得, 去過好多次, 好少唔好食, 尤其下午時間要等, 但佢地可以開多幾張台SERVE食客都係唔錯安排, 新蒲崗多隱世食店, 同埋好多老字號都OK, 但第二代接手就保持唔到質素, 同一條街對面有間主打豬扒麵, 真係好正, 但好多冒時無位, 真係煮得好正, 湯底又正 !!! 又係坐位唔多, 要坐店出面, 不過又另一返風味.