肥仔海南雞專門店 (駿業街) (已結業)

第五波疫情殺到埋身， 食飯都冇乜心機🤷🏻‍♀️。 每次中午經過位於觀塘駿業街49號佳貿中心地舖的肥仔海南雞專門店都好多人排隊， 今次我又試下先😊。 雖然這裏海南雞出名，但我就先試馬沙文咖哩牛腩飯$47、 凍奶茶$7。 馬沙文咖哩牛腩飯椰香味好重，帶點微辣，幾惹味。 奶茶茶味香濃，都幾好飲。 另外送上一個冬瓜湯， 味道正常。 咖哩牛腩飯都不錯，下次一定要食海南雞飯。肥仔海南雞專門店地址: 觀塘駿業街49號佳貿中心地舖電話: 31040872

肥仔海南雞飯，係我係觀塘返工既指定飯店🤤🤤🤤每個星期幾乎都會去買一次！如果可能，盡量我係lunch都會食菜。喺肥仔嘅選擇入邊，有一個輕盈版海南雞飯，份量就比正常嘅細。相對上亦都平咗。圖中嘅就係呢個輕盈版喇❤️ 跟餐會有一杯雞湯的，同埋海南雞醬。咁我就會另外叫一個菜，通常都係娃娃菜份量正常啦☺️咁樣嘅配搭係50幾蚊，平時食個lunch都要。而家就營養均衡好多啦👍🏻👍🏻👍🏻佢係我喺觀塘食嘅海南雞飯暫時最正嘅！不過就只得外賣了