影片
呢间店有好多分店，呢次妹猪仔就去咗湾仔嘅分店。店舖位于小巷，位置唔算太起眼 (如果食过肠粉皇，就知道其实就系喺肠粉皇隔离😝)，但佢主打嘅 ，绝对值得一试！·今次为晚餐加𩠌，买咗半只 ，附上姜蓉、豉油、酸辣汁。鸡肉好嫩滑、肥美，味道唔错😋！我就钟意点酸辣汁嚟食，令到鸡肉更加惹味👍🏻～·✨妹猪仔👧🏻💬: 听讲招牌嘅 一样咁好味，仲要好抵食添，一于揾日买嚟试下先🤤🤤🤤！
继续阅读
同事之前同大食妹推介呢间肥仔海南鸡专门店, 话佢嘅海南鸡饭又抵又好食今日礼拜五冇带饭, 晏昼就同同事一齐嚟食肥仔海南鸡专门店系属于快餐形式经营嘅 店舖, 餐厅除咗厨房外, 就净系得一张长枱 同几张凳, 畀大家坐喺度食个quick lunch餐牌上高嘅嘢食选项唔多, 但系贵精不贵多, 性价比高, 味道都相当唔错去到海南鸡专门店, 梗系要嗌返个佢招牌嘅无骨海南鸡饭啦 如果想要转鸡髀嘅话, 只需加多五蚊 但大食妹今次就悭皮少少 , 食番个正常嘅, 睇下佢嘅质素系咪同传闻一样咁好先 <招牌无骨海南鸡饭>海南鸡饭好大份, 鸡肉亦都好嫩滑, 下低仲配咗啲酸酸嘅青瓜畀你解腻 长枱上高仲有豉油膏同酸辣酱畀你自由配搭鸡油饭都几香, 可惜未能做到粒粒分明, 但以42蚊呢个价钱, 呢种质素我接受<冬瓜鸡汤>跟饭仲送多杯冬瓜鸡汤, 饮落好清甜, 里面仲有两粒嘅冬瓜
继续阅读
公司又唔比我家中工作但又唔想出餐厅食，就只好周围睇下有无正嘅外卖，经同事介绍话呢间海南鸡几出名几好食，于是就试下地点：地理位置唔算太方便，系湾仔188商场对面嘅一条巷仔食街（因为果度又有小食果汁甜品面档），附近仲有摩利臣山IVE环境：舖以外卖形式，一式一样用外卖盒上，不过佢都有一条bar枱比一啲揾唔到地方想快食嘅朋友仔用餐。厨房系开放式，光鲜卫生，店员会将煮好左嘅鸡挂系舖头面前（咁啱果阵新鲜整好店员未挂起啲鸡），十分之吸引☺️食物质素：呢间野主要卖三款野同埋一啲小食，分别系招牌无骨海南鸡、风味泰式状元蹄同埋马沙文咖哩，话晒第一次试，当然系试招牌菜架啦☺️（不过叫完先发现原来加少少钱可以转双并😂）招牌无骨海南鸡饭（$42）讲起份量分面，呢位盒饭一定可以叫做大！无论系鸡同饭都好够份量！首先讲下个饭，佢系用左泰国香米嘅黄油饭，系海南鸡饭必用之选，饭唔会太淋，但黄油味可以再重少少，整体嘅饭都系唔错至于重头戏，海南鸡！佢嘅鸡鲜嫩多汁，肉质较为实嫩，唔似系外国食嘅咁淋身，对于喜欢食比较有质感嘅朋友黎讲，必定系一个好选择！另外又唔会有太多脂肪，而鸡下面又有足料份量嘅青瓜做底，帮大家吸吸鸡油，做到不油腻很健康☺️另外配上海南鸡用嘅黑酱油同埋泰式酸辣酱，捞饭沾鸡一流！鸡饭仲会配上元贝冬瓜鸡汤，饮落清甜，唔系味精汤！而且坚系有冬瓜肉系入面，食完鸡可以饮番杯清清姜葱味道！服务：店舖以外卖形式，店员有礼又快手又会问你要唔要多汁多饭，细心！价钱：饭盒（正常size)划一$42，双并就加多$10，另外设有轻量版（$32）啱啱要节食减肥嘅朋友仔。此外可只买鸡、元蹄同咖哩都得，单位以（1）例牌、（2）半只、（3）一只计，价钱都系$50-168不等，非常抵食！
继续阅读
鸡,,全部都系鸡食饭，最紧要快。所以其实好多店只主打一个产品，海南鸡。午餐时间，只有几个位，但都坐满人，其他人都是外卖为主。外卖的人都好多，要等一阵。叫了迷你海南鸡饭，其实如果女仔，其实都好够饱。佢并唔系真系迷你。几件鸡都好滑，但又不会好多油以及好肥，而且一如以往，一定有酱可以点。仲有冬瓜汤送添，难怪都受到一众食客欢迎。除左海南鸡，店还有其他饭，不过叫既人就相对少。其实味道卖相都不错，外卖买上公司又一餐了。
继续阅读
喺湾仔食午饭想揾平过$50真系有啲难度，基本上得外卖嘅选择。依家肥仔海南鸡饭，系我其中一间外卖最爱。$40蚊一个饭连汤，就算佢加嘢饮都系加五蚊，呢到都系$45咋。个饭唔系白饭嚟，系油饭加咗分👍👍👍份量又够鸡嘅份量都够，肉又几滑，唔会鞋次次去都好多人排紧队，正呀，推荐！
继续阅读