肥仔廚房

放假踩下單車周圍遊, 踩住架單車最好就係搵d坐門口, 而門口有位比你泊車的地方, 咁啱撞正賽馬日, 所以呢d地方坐滿哂睇馬的男人, 而且呢頭有間投注站, 就更加人多, 為咗遠離佢地, 我地選擇咗呢間離投注站遠少少, 而坐又唔好坐近電視位, 唔知係咪因為咁樣, 所以冇人招呼我地, 睇完佢有咩下午茶後, 我地有諗過走, 但又走得去邊呢?? 求求其食算啦~~~完全係冇伙計理我地, 要走去搵伙計落單, 真係食完唔比錢走都冇人知................ 炸脾+雙腸包 $26呢個係其中一款常餐, 算係最抵食, 有1隻炸脾+1個雙腸豬仔包...............炸脾size一般啦~~ 但炸得好勁, 非常深色, 但又未至於黑...............個皮真係脆得不得了, 但d肉仲依然好嫩滑.............雙腸包開頭仲估佢係2條都係切開做半條的腸, 但原來唔係wor~~ 真係2條腸仔架!!! 再夾埋生菜蕃茄, 個包又脆, 正~~ 西多士 $21西多通常都係一大塊上, 佢呢度係切開6件, 獨立每件炸的, 我覺得係半煎炸, 因為見到底同面係唔同色, 如果一齊炸係唔會咁lor~~~ 呢個真係唔抵食, 比佢呃咗花生醬, 平時茶餐廳食開果d都有花生醬, 佢呢度冇, 搞到唔夠未................ 熱菜蜜我覺得都甜咗少少, 又要自己加水........... 凍奶茶都幾有茶味, 又唔會太甜…查看更多

食評話吾錯 , 黎 e 度試下, 點知吃到一肚氣..7pm 坐下, 睇完餐牌 , 等左15分鐘先有人行過黎問我地幾多位, 當時只有 6 枱客..等左 70 分鐘先全部黎齊..其間催左不下 3 次.. 可惜全都不是慢工出細貨!! 不嬲對大排檔有喜愛因為價錢實惠及好吃, 今晚吃完 e 度, 我下次一定會小心選擇 !! …查看更多

每次侍奉中間的落場時間都會獨個兒找地方吃份早餐。記得有一次曾來這裡吃過，今次又再度翻兜，不知水準又會如何呢....先例牌喝杯奶茶。今天早上驕陽似火，也就捨熱而取冷喝的。好處當然是勝在夠冰凍，一股凉氣衝入喉頭的感覺固之然夠爽，但缺點則是甜度及茶味好像有些不足。所以喝凍奶茶的最佳方法便是先調好茶，較啱味之後再原杯放入冰櫃。從前灣仔的金鳳也就因此成為小弟的心頭好(不過聽聞水準好像下降了，真要找天過去求證一下才行)....之前的食評也就提過，自己最討厭呈蛋皮狀的所謂炒蛋的，吃起來絕對又乾又嚡。想不到今天又在此與這冤家遇上真糟糕；唯一可堪告慰的，便是這兒是以脆油豬包代替平常吃的"乾爭爭"牛油方包。豬包烘得外皮夠熱且flaky，包身也見軟熟。若果牛油塗得多一些就當然更妙....平常吃茶記麵餐之時，一不就是加兩三塊錢去食一丁麵，不然就只能吃普通的大光麵。記憶之中好像已好久好久沒有遇到福字麵，料不到這天竟可吃到，實在有點預計不到。縱使那麵湯底喝多兩口便會讓人喉乾痕癢不已，麵質本身又是淰得很，但對於我們這一羣由小便吃着福麵長大的人來說，吃的還是回憶多過着重味道多一些....飽餐一頓後，又是時候返回崗位了....…查看更多

本來想去廣東人...但6:30 己好多人.....唸唔到食咩之下撰左佢....因區內都冇咩食店好味....金豪又收 6 點....上菜很快.....因為冇客.......兩個茶味道都好味道......菜用上湯煮........掂 京都骨.......味道不會過酸或過甜.......但做不到開胃凡ge 效果......合格有餘.....重點是價錢就真係貴左d,,,,兩個送兩白飯要一百元,,,,所以搞到冇咩客....可以推出套餐吸引下人.........…查看更多

一大清早會去做侍奉，中場休息，四圍尋找新的早飯落腳地。找到來勵城花園附近，發現原來這間晚上吃打冷及小菜的館子，早上是有早餐供應的。橫豎又沒吃過，而且這區的茶記早餐水準應是相差無幾吧，故此就踏進門內，吃一份"行到不能再行"的ABC餐....想不到此店的ABC食物選擇也頗多的。沒有了"行中之霸"的牛油方包，換來是好像高一個檔次的焗牛油豬包，起碼不會那樣單調啦。包身夠熱，自然亦很flaky，，吃落也軟綿，不過牛油份量太吝嗇，不夠香，由此白白浪費了那鬆軟的豬包了...奶茶帶點酸味，就算加多些糖也是於事無補，還是放棄吧.....雙併通粉要了平常早餐稀客豬軟骨再加上牛腩組成。前者只用鹽醃去處理，沒有了平常鹵水的那樣濃味，但這樣反而更能吃得出肉味及香來，而且軟骨部份又真的極有咬口，咬至卜卜聲，甚過癮；後者只屬普普通通，好像炆得不太入味，不過肉倒是咬得動的，不韌不黐牙，已是謝天謝地了；通粉正正常常，不過淰的，也算不錯；湯底有點師傅，一多喝一點，喉嚨也就馬上不舒服了....不過只要付出二十一大洋而已，份量如此多，可以飽餐一頓。就算食物普通一些，也是可以收貨.....…查看更多

是日無煮飯又唔想去太遠﹐所以只係落街開飯喇!! 見肥仔廚房新開張後都未試過佢地o既晚飯﹐只係試過早餐o既二人﹐去試下佢o既晚飯小炒。經過門口諗住望望有無室內位﹐老實講﹐如果坐街邊我諗我會轉軚... 好彩佢地店入面仲有張吉檯可以俾我地坐。得兩個人而我地又唔係真係好大食﹐只Order在兩碟餸! 菠蘿咕嚕肉同埋西蘭花炒鮮魷! 餸到再加一人一個白飯! 菠蘿咕嚕肉個樣幾靚仔﹐食落都幾好味仲脆o架﹐同埋佢切得剛剛好﹐細細舊﹐一口一件剛剛好! 就算食到底D醬都唔會剩晒係碟底﹐不過如果D洋蔥熟多小小會更好。 至於西蘭花炒鮮魷都Ok﹐不過感覺上比一般小店Order 的細在小小﹐咁當然站係我地兩個黎講就夠食有餘! 望落餐牌感覺唔算超勁多o野食﹐不過一般飯餐想叫o既都有七七八八﹐我下次會再黎試下D煎煎炸炸o野先得!…查看更多

朋友介紹，嚟左呢間新開既小菜館去果日係啱啱開張冇耐，已經好多人，所以都要等一陣等果陣周圍望下，佢個招牌都幾得意，有個肥仔廚師公仔，唔知個廚師係咪真係肥仔黎架呢坐低之後就急不及待叫野食。。。睇下個餐牌，完全啱哂我口味我地一行5人，每人嗌一個餸。。叫左鹽燒烏頭、小炒皇、蒸扇貝、避風塘瀨尿蝦同埋墨魚餅。以上5樣都係my favourite，其中值得一提~鹽燒烏頭：啲肉好滑，估唔到配埋個麵豉醬，仲正！小炒皇：豬頸肉+瀨尿蝦乾，尤其個瀨尿蝦蝦乾令我留下深刻印象！味道好得意，未試過咁食呀！墨魚餅：非常彈牙，我差唔多食左3/5碟！(不過唔記得影相)仲有好多未食，絕對會再去多次！…查看更多