肚餓了串燒烤焗專門店 (已結業)

有時想同朋友吹下水，唔一定去酒吧既。去依類型串燒店，食住串燒叫返枝啤酒一樣好正！依到有好多唔同類型既手工啤，仲有經典電影系列(唐伯虎點秋香、食神、家有囍事1992、回魂夜)。睇名雖然唔知係咩，留左份神秘感😂串燒質素唔差，但全部都係即叫即燒，一輪輪咁一次過出菜，候菜時間較耐。不過邊吹水邊等唔成問題。可encore既串燒店！仲有好多款想試！．🔸秘製醬燒豬頸肉 $69 👍🏻份量多👍🏻秘製醬酸酸地，似食泰國野食會跟既醬汁。豬頸肉好爽口，夠juicy，再點一點醬汁酸酸地，中和返啲豬油😆第一碟食黎講，幾開胃！🔸鹽燒厚切牛舌 $59一串有五大舊。一般厚切牛舌都係以片狀上，依到就以一舊舊不規則上😂所以食落口感有啲唔同，個人認為唔夠爽口，有進步空間。🔸芝士金黃醬燒15cm虎蝦 $59/隻 👍🏻賣相打卡一流！15cm長既虎蝦面上舖滿芝士，多到滿瀉！一撩起就有拉絲😍芝士多到食幾啖都未食完，好邪惡但好幸福🤤 隻蝦多肉既，但可能始終冰鮮蝦，肉未夠彈牙。🔸辣味北海道原隻魷魚 $69以為係小辣既朋友你就錯了🙈唔食得辣千其唔好叫食左一啖辣味燒滾了我的舌頭🔥但知道係好惹味的！好香！聽到隔離幾枱都叫好辣😂😂如果出無辣ve

上兩星期已經一約好了食呢班串燒等班好姊妹 等了又等 超肚餓食串燒 係必然眼闊肚窄 因為每一樣你都會好想食叫左好多 但其實每人一件 應該唔會好多姐（我諗）但我地點完左野食之後 個姐姐好好溫馨提示一下我地4個女仔食 應該會好多 **如果太多 可以叫停** 😻服務實在好好，有好多餐廳爲左賺錢，係可以唔會理你由你叫😄茄子🍆加上蒜香辣肉碎👍厚切牛舌 好爽口燒菠蘿 係好甜同好多汁燒雞肉串 味道足夠燒牛柳粒 生熟度到剛剛好既燒扇貝😻配上蒜香燒帶子😻配上黑松露肉碎燒大蝦 🍤燒生蠔兩隻配上蒜香另外兩隻配黑松露肉碎燒粟米好甜@係正既再另加兩串帶子 係燒得幾好味嘅又飲又食又可以坐耐一點，都係大概$3xx左右一個人，而且可以慢慢傾下計，再叫！下次會再叫朋友一齊黎食多轉👍到時再配過啤酒🍻啤一啤

看到評價很高今天前往一試 抱著很大很大的期望。。。點知希望 愈大失望愈大黃金魚皮 4分太咸 很油 說不上好吃 老實說寧願去超市買包魚皮食好過辣雞翼 4 分像焗多於燒。。醬料沒特別 肉汁沒有 蒜蓉扇貝 4 分大量蒜蓉在面 但吃下去完全沒蒜蓉味。扇貝本身完全不新鮮鰻魚 6 分成餐最正常的。。但沒特別 街邊壽司店質素 想叫話拎杯水飲下點知話水都要收錢間野話食串燒但d野似焗多過燒很少打食評 但這間太失敗了無論野食到服務真係食完大叫中伏。。。講真去 食m記 都好過

香港食串燒既地方唔算多，朋友就搵左呢間試下係樓上鋪，鋪面唔算大但全場爆人，我地book左枱都要等一陣佢地既串燒種類好多仲有好多海鮮而佢地呢到有埋手工啤酒因爲我地都唔飲酒，所以最後都無叫到但見隔離枱都好多人叫黎飲牛舌$59安格斯牛柳粒$79自家製雞肉串$39蜜糖雞翼$30勁辣雞翼$30羊架$98燒茄子$49（有肉碎係上面好好食）韭菜$25（佢地放左蜜糖去燒，非常之好食）芝士虎蝦$59（蝦超大隻，芝士味濃）扇貝$59（好大隻，蒜蓉夠多，好新鮮）燒菠蘿（少少酸，可以接受）燒翠玉瓜（有埋醬汁好好食）燒粟米（清甜）蒜蓉燒蠔同黑松露燒蠔（隻隻蠔都好大隻）燒帶子（夠新鮮）

又發現到好西出沒地！唔行入黎阿士厘道都唔知呢度開左咁多好食既餐廳呀！呢晚去到位於阿士厘道17-19號6樓既肚餓了，拆餐勁既！呢度同我之前食過既串酒里有啲似，應該係同一個集團既，menu都差唔多，而且都係同麥子手工啤酒合作。舖面唔係話非常大，但都應該有30-40個座位左右。一上到去係冇咩油煙味，煙霧瀰漫，證明抽油煙做得唔錯每枱都會有調味粉，有辣椒粉、黑椒鹽、孜然粉，可以按照自己口味為串燒調味！Pear cider（$68）朋友叫咗支pear cider，唔錯黃金炸魚皮（$59）首先嚟嘅嘢食係黃金炸魚皮，好好食！外皮用蛋黃包住咁炸，勁香蛋黃味！就算最後我哋食到好飽，都係停唔到食呢個！香燒原條日本鰻魚（$59）呢個價錢有咁大條鰻魚真係好抵，而且好好味！勁辣跳舞餃子雞翼（$49）聽個名都知會辣到跳舞！呢個其實幾好味，但真係有啲辣，鍾意食辣嘅朋友一定好啱！蒜蓉燒虎蝦（$59）隻蝦好新鮮，配上好香嘅蒜蓉一齊勁好食！川式脆燒雞軟骨串（$39）上面灑咗孜然粉，好配，好香～自家製醬燒黑豚肉（$49）呢個唔知係咪因為我哋放咗好耐，變凍曬先食，所以啲肉有啲韌 不過都幾入味嘅～下面就講下蔬菜啦：爆汁車厘茄串（

尋日同老婆去到尖沙咀一家串燒專門店食嘢! 因為佢以前食過四川當地串燒，好懷念嗰陣味，又話香港都食唔番，我自己都覺得香港好多街邊檔整得好差，一係就燒到過咗火攪到D肉好UN，一係就D味普通到自己去BBQ都燒到。奇怪店名叫「肚餓了」但LOGO是隻鳥，咁點解唔索性用個「鳥」字? 哈~店內環境偏暗，地方不大，所有枱櫈都係高坐式。有餐紙自己用筆去揀食咩，如果唔知係點樣都仲有本餐牌可以有圖有真相。驚唔夠飽所以點咗好多樣!先嚟呢個「汁燒BB露筍 $39」真係SURPRISE，好爽之餘仲鎖仲好多水份喺裡面，一咬落去唔乾好Juicy好掂。然後再來「鹽燒牛舌 $59」我係牛舌精超鍾意食牛舌，佢仲要係厚切上，起初擔心會唔太熟或者UN，但係原來超林，一咬就有少少似和牛的溶化(當然未至於咁勁)，同樣唔乾好Juicy。你睇我咬一啖好清脆的切口，絕對冇誇張，唔駛扯唔駛撕肉質好林。「蒜蓉燒虎蝦 $59」同「「黃金醬虎蝦 $59」呢個我覺得有少少貴，蒜蓉OK，但黃金醬就唔夾，其實好似沙津醬咁，蓋過蝦本身的鮮甜嘥咗隻蝦!以下都屬於普通，都好味! 「燒雞軟骨串 $39」「芝士丸 $20」唔夠味可以自己再加辣粉、孜然粉等「安格

🍢肉類👉🏻自家製惹味燒雞肉串兩串)🐔💲39👉🏻鹽燒厚切牛舌🐂💲59👉🏻鹽燒安格斯牛柳粒🐂💲79👉🏻西班牙黑毛豬件🐖💲69雞肉好好食😋雞肉勁大粒又唔鞋👍🏻都幾入味😛牛舌真係勁厚切🤩厚到望落以為係牛柳粒😹牛柳粒都好大粒不過有少少韌🤔豬肉脂比好完美食落好滑唔似食緊豬😋一啲都唔乾👍🏻〰️〰️〰️〰️〰️〰️〰️〰️〰️〰️🌊海鮮👉🏻肚餓了燒扇貝拼盤(六隻)🐚💲168(蒜蓉、芝士🧀、黑松露蘑菇🍄、粟米蟹柳沙律、肉碎、原味)👉🏻 烤焗西京比目魚🐟💲88👉🏻芝士燒廣島蠔(兩隻)💲59好大粒扇貝🤩仲要勁足味🤩佢所有toping都鋪到勁厚 厚好似幫扇貝cum被咁🤤個人認為黑松露蘑菇同蒜蓉係最好食💕食完個after taste好勁🤣燒味好重不過如果燒得冇咁耐粒扇貝入面可以滑啲就好🤪但佢真係好多toping好好食😆比目魚望落好普通但食落係好鮮又幾滑😋👍🏻唔會燒到好乾😛仲要都幾大份😌〰️〰️〰️〰️〰️〰️〰️〰️〰️〰️🌿蔬菜👉🏻微辣肉碎原條條燒茄子🍆💲49👉🏻黑松露蘑菇串🍄💲48我覺得蔬菜類係最好食😻佢個茄子真係好大條🤩滿滿嘅肉碎鋪係面真係好正🤤茄子燒到啱啱好唔會燒到太冧太溶👍🏻而蘑菇粒超香蘑菇味😻佢係細細粒蘑菇入面再擺咗啲蘑菇碎 再加黑松露味

開會開左全日，係全日....中間食左一個包。10 點收工先去搵食。攻煮為了瘦身， 好多野都只可以遠觀但唔可以食。原來肚餓真係會磨滅意志，忍唔住入左間串燒。 間舖有點細, 但野食種類多, 可以補返。個人覺得豬同牛唔錯。鹽燒牛舌算唔錯, 都算厚切。經過高火力的炙烤，牛舌的香味走哂出黎，而且不會帶出太多油脂，吃起來不擔心滿嘴是油， 爽口彈牙。有人話醃牛舌好似海鹽醃製鵝肝一樣，烤完後灑上一d香料同糊椒, 攻煮快要吃酸了..為左減少罪惡感, 攻煮都叫左少少蔬菜, 就係汁燒BB 籚筍。燒過之後呈翠綠色，好大個頭的蘆筍鮮嫩多汁，只需要簡單烤過就很好吃。師傳只需用鹽、黑胡椒調味已經好好食。欣賞師傅細心, 籚筍沒有根沒有渣的。另外重有燒粟米 (唔係粟一焼 🙊） 烤好的粟米棒有甜味有鹹香味,味道層次很豐富，我覺得面頭掃左一層蜜糖, 簡直令人想連粟米芯都食埋, 質地軟熟一d都唔硬。個人推介係鮑魚，有d人因為怕黐牙唔鐘意鮑魚，但呢個網燒鮑魚就完全無呢個問題，因為鮑魚軟腍入味，經炭燒都吊出左鮮味。燒黑松露香菇廣島蠔都唔錯, 重口味的攻煮被香濃既黑松露味征服了, 完全投降。隻蠔燒到七成熟， 滑入喉嚨而且一d都唔腥

六個人嗌左十幾碟野 碟碟都無味 價錢又貴嗌左個生蠔同扇貝拼盤 有一種口味係晤知咩肉碎...勁臭 人生未試過打食評 但食完依間真係忍唔住開返個account 第一round全部野食只叫左一份係明智之舉 食完大家決定去m記醫肚

為左慶祝我同男朋友嘅拖手紀念日，我地決定食餐豐富嘅晚餐。上openrice係咁搵餐廳，都搵到我地肚餓了。突然眼尾望到呢間串燒店嘅名，哈，肚餓了要去肚餓了XD肉類我地叫左燒雞軟骨串（兩份，$39@1）、肉汁燒雞翼（兩份，$30@1）、勁辣跳舞雞翼（$30）、安格斯牛柳粒（$79）、金菇牛肉卷（兩份，$39@1）同燒豬頸肉（$69）我特別鐘意辣味雞翼，雖然佢唔係辣到跳舞，但好惹味XD而男朋友就鐘意豬頸肉，佢話燒得夠香口！海鮮方面，我地叫左蒜蓉扇貝（$59）同金黃醬廣島蠔（$59）都係男朋友食，佢話兩款都好新鮮，但佢鐘意個蠔多d。因為隻蠔肥嘟嘟再加埋醬一齊燒真係好正！蔬菜方面，我地就叫左蒜蓉茄子（$49）、冬菇串（兩份，$25@1）同埋燒韮菜（三份，$25@1）基本上呢三樣都係我食串燒必叫，除左調味適中之外，d蔬菜燒得啱啱好冇變乾！飲品方面，我地都係叫可樂（$18@1）呢到裝修都有花心思，不過餐廳坐滿人，我唔好意思影低XD 今晚爆場d staff做到踢曬腳，但佢地都好有禮貌同笑容，如果增加人手佢地就冇咁辛苦喇！

和前同事聚舊，嚟左尖沙咀呢間串燒店食串燒！入到去覺得環境幾好，感覺幾舒服，唔會好迫！放工勁肚餓，所以我地開始瘋狂勁叫！珍寶帆立貝真係好珍寶！而且好新鮮，又唔會燒到過哂火喉！黑松露扇貝，一嚟見到個樣都嚇親，因為佢落足配料，而且真係好大隻，誠意之作！薑蔥翡翠螺，一份計，有成7至8 隻，熱辣辣，隻隻都好大粒，吸埋D 汁，正！蒜蓉茄子份量超足，蒜蓉入晒味，我同朋友勁快ko 左佢！甜薯一啖一粒，白魚蛋燒到個皮少少脆脆地，唔錯！雞軟骨脆卜卜，食到停唔到口！唔知點解次次食串燒都好鐘意食燒韭菜，呢度都燒得好好食！汁燒秋葵好正，好多人唔鐘意佢滑潺潺嘅感覺，但因為本身勁鐘意食，佢又有加埋醬汁去燒，所以好入味！最後呢個棉花糖多士，真係不得了！無諗過嚟食串燒都可以食甜品， 仲要食過咁正嘅甜品 ！多士脆卜卜加埋烘/燒到半溶嘅棉花糖，同埋我最愛嘅朱古力醬！媽！好邪惡呀！仲要$29 蚊炸，好抵食！今次食完呢餐真係要減肥！

同朋友聚舊黎到呢間有得食有得飲環境又好既地方！食物花多眼亂而且價錢合理，仲有手工啤飲，咁岩我地星期三去啤酒買三送三超抵食野吹水點少得啤酒！汁燒bb露荀好好食，嫩口唔鞋口！火雞腎真係超大粒超好食，唔會好硬魷魚確實好辣，朋友唔食辣食左啖辣到噴火食辣既我都算可以接受既辣道。黃金炸雞同黃金薯條真係好食到暈，果然係招牌小食，俾我見到有喊蛋黃原粒係入面超正，食完一定超哂標，但實在食唔停口！微辣原條茄子真係好大碌，加埋肉碎食味道真係好夾牛舌及牛柳牛柳燒得岩岩好，好嫩口牛舌又係超線大粒，好爽口彈牙餃子雞翼有辣有唔辣，怕辣就食原味扇貝拼盤，一碟六款口味，黑松露、芝士，肉碎、蒜容仲有兩個唔記得黑松露真係好好食，味道太夾了冬陰公翡翠螺螺肉好彈牙好入味，甜甜辣辣好開胃鋪面既雞脾菇都超入味整體店鋪環境清潔，坐位夠大舒服，食物都上得快熱騰騰又好食，服務好，下次同朋友吹水飲野都可以選擇呢到

朋友話好想食串燒，聽講呢間唔錯，喺尖沙咀地理位置好方便，L5出口行幾步就到。有幸坐到近窗口位，風光無限好。睇睇menu，選擇頗多，餐牌都幾得意。牛 豬 羊 雞 海鮮 小菜 啤酒，只有你想不到。總共叫了12樣食物同1杯涼茶。可惜朋友唔飲酒，如果配啤酒應該更有feel【燒韭菜】四川風味但加左小小甜醬，可能為了就香港人口味，但如果係純四川風味應該更好。另外，韭菜真係好難咬斷，大家食嗰陣要小心，我差點噎住。【鹽燒牛舌】牛舌比較硬，但幾入味，雖然睇落黑蒙蒙，食落幾好味。同樣請注意不要噎住自己😿【勁辣跳舞雞亦】真的好辣！係勁辣！唔食辣嘅朋友要小心。雖然辣得黎條利都痛埋，但都幾爽。【汁燒翠玉瓜】清淡解辣，瓜燒得爽口，火候啱啱好。同韭菜一樣有啲甜汁。【火辣牛丸】又係好辣！同雞亦一樣，但辣得開心嘅，因為牛丸彈牙。【微辣肉碎茄子】肉碎好多，好大份，係微辣，茄子好林好入味，加蒜蓉肉碎一齊入口，很滿足【西京比目魚】魚肉鮮嫩，西京醬入味，淡口，最鍾意係呢款。【燒羊架】羊肉夠鮮嫩，多汁，大件，冇乜腥味，但美中不足唔知係咪大廚唔記得落調味料，食落係冇咩燒烤味，好似食緊plain羊肉，要自己落啲辣粉同孜然粉。【牛油粟

鐘意食菜嘅朋友一定要試吓呢間肚餓了！除咗個名夠晒得意～聽到都肚餓！仲有勁多菜可以揀～豬太郎今次雖然都有食啲肉～但想推薦佢地嘅菜多啲！#汁燒bb蘆筍 $39平時唔多鐘意食蘆筍嘅豬太郎～朋友叫我試吓bb 版～青味無咁重！汁燒完之後又幾惹味喎！唔會燒到淋晒～口感keep住爽脆！#醬燒牛油新鮮粟米 $38粟米控現正上線中......識豬太郎嘅朋友應該都個豬有幾愛粟米🤣🤣分開半節更加易食～清甜嘅粟米同牛油永遠無得輸～#芝士煙肉焗大菌 $39博佢係大啡菇嘅大菌比我地撞中咗🤣🤣大菌多汁再加上邪惡芝士～大啡菇絕對係唔食菇嘅豬太郎嘅第一步！#黃金薯條 $59黃金乜乜乜呢度都有！每條薯條都被咸蛋包住～啖啖咸香味十足！仲超飽肚添～#燒菠蘿 $29一定一定要食！要為真係太正了！🤣啲菠蘿燒香之後一咬落去爆汁個吓真係好正！仲要用新鮮菠蘿！絕對唔會失望～#麻吉燒 $20平時打邊爐好常見嘅麻吉燒～ 拎來做串燒有幾得意啊！外面微脆再加上軟綿嘅內餡～絕對可以加入以後嘅燒野食清單！整體所有串燒都好好味～原本想試佢哋嘅手工啤酒因為聽人講都好出名～不過第二日要返工就不了～有機會再食！

今日朋友約飯聚，朋友提議尖沙咀肚餓了串燒烤焗專門店，朋友提議一般都有新意及進取，我自然贊成。餐廳做了一幅啤酒樽牆，非常有特色。播著輕鬆的音樂，不會太大聲妨礙傾計。是朋友約會傾計的好地方。自家製醬燒黑豚肉$49。黑豚肉表面上見到與一般的豚肉一般無二，入口一咬後才發覺與一般的豚肉不同，豚肉肉質非常爽口彈牙，肉味濃郁，真是非常推薦，必食之選。柚子香燒雞翼$30。柚子香燒雞翼，酸酸甜甜的柚子汁令肉嫩多汁的燒雞翼更惹味。香燒金菇牛肉捲$39。金菇牛肉捲雖然有少少煙靭，金菇吸收了牛肉的味道，令金菇覺得嘢味。辣味原隻魷魚(2隻)$69。辣味原隻魷魚見到真是非常吸引，帶㸃爽口，辣度十足，不太食得辣的人要小心了。汁燒翠玉瓜$20。冬菇串$25。汁燒秋葵$29。翠玉瓜真是非常脆口。冬菇串及秋葵燒完後，帶㸃香口，惹味的汁令冬菇串及秋葵更好味。汁燒鮑魚(2隻)$88。燒得金金啡啡的汁燒鮑魚，一上枱已令我垂涎三尺，入口帶㸃煙靭，汁未有蓋過鮑魚的鮮味，值得推薦。冬陰功翡翠螺$89。冬陰功翡翠螺用錫紙原包上，打開還是熱氣騰騰的。大大隻，份量非常多，雖然冬陰功味比較淡，但翡翠螺肉非常脆吸鮮。食燒物肯定要配冰涼的飲品啦