肉餅哥小炒料理 (已結業)

假日想叫外賣 周圍都要個半鐘，醒起屋企附近有肉餅可冇奔波已經唔係第一次食，不過咁啱次次都外賣。有選擇困難症嘅我見到佢咁多款肉餅真係頭都大埋，本住一定要食d特別嘅心情去揀。今次揀左芫茜煎肉餅同埋糖醋汁煎肉餅，小弟認為肉餅可以再香口dd, 味道都算好食套餐可以加錢轉菜飯又有湯飲，都算抵食！P.S. 外賣自取店員會話埋你知幾耐先有，可1預返時間去拎，仲會有個外賣編號，去到報返number畀錢就得，非常方便。

有一段時間冇過嚟荃灣食肉餅哥，今日咁啱喺附近做嘢，又有少少時間，不防行多兩步過去探下肉餅哥， 之前都食過足三兩花膠肉餅，金沙蛋黃煎肉餅等，今次決定再食令我念念不忘嘅金沙蛋黃煎肉餅，肉餅上面嘅金沙分量依然好多，依然非常香口惹味，依然起曬沙😍配合煎香咗嘅肉餅，不能夠不說一句perfect match ，為咗減輕油膩嘅感覺，配咗個菜飯， 一份肉餅，一個菜飯，剛剛好的分量。見到餐牌中加咗唔少新嘅肉餅款式，以往的特色肉餅我仍然未有勇氣試，例如果醬肉餅。🤣🤣🤣

之前聽朋友講話荃灣有間好好食既肉餅,叫肉餅哥,話佢成日專登渣車入去拜訪佢,成日叫我去試下,講真我有時都會浦下荃灣,咁岩今日唔知食咩好,咪睇下肉餅哥係咪真係咁好食,就同朋友過黎造訪下！黎到見到成個餐牌都係肉餅,其實都好吸引😆又好多菜式都好有gimmick,不過第一次黎,就諗住叫d classic款先,叫個土魷蒸肉餅😆餐送到黎,肉餅真係好大份好厚,早知叫菜飯就更香啦！食落口好有屋企既味道,唔同出面中菜小館果d咁薄又蒸得老,土魷都好有咬口,加埋甜豉油食好正,不過唔知係咪我屋企都成日整肉餅呢,我自己就覺得無咩特別喇,可能下次叫d新穎款會好d😁

和朋友在荃灣睇戲，記起早前電視還是雜誌介紹過的肉餅哥，就來試試。我們點了兩份套餐一份小食，一個是咸蛋肉餅，一個是芝士肉餅，有湯和菜飯，另加了一份拍青瓜。肉餅配飯已是一種絕配，再加上不同的味道和口感，更令人胃口大增。以非常受香港人歡迎的一種普通家常小菜蒸肉餅為主題而創出特別口味的食店，實在吸引，好有家的味道，加上非常健康的菜飯，還有湯，真是不錯的選擇。雖然地點不在最旺的街道，但勝在附近多新樓盤，應該吸引到很多無飯家庭。

鹹蛋黃肉餅飯😍😍香濃！！完全滿足嗅覺同味覺🤤佢仲有好多其他唔同既肉餅$75 連例湯，白飯/油飯/菜飯/米粉/白粥呢個餐加$1 就有4條菜心環境都唔錯鍾意食肉餅飯既話一定要去試下😛

今日收工，細佬過左黎荃灣買野，約食晚餐。問我有咩好介紹，我見咁多人贊就試下啦。一開始碗湯就唔錯ge，味道幾好，仲有隻雞腳，免費黎講算好啦。之後上左個花膠肉餅加油飯，花膠算淋ge，但無咩花膠味，個汁鹹得齊，油飯就唔錯。然後再叫左個蓮藕肉餅，個肉餅超油。。。食左四分一就食唔落啦。。。

✏️足三両花膠肉餅 ($99)充滿骨膠原嘅deluxe版肉餅😂😂呢度嘅肉餅認真多選擇到一個點😂有冇試伏專員可以話我知個咖啡練奶肉餅係點😂見到真心呆左😂夾開係發覺有4大片😦😦係幾足秤冇呃人嘅 雖然食肉餅食99蚊好似好癲 但其實個花膠份量咁多 又包埋例湯 白飯又係好多 我覺得都算幾抵㗎喇🤔🤔個花膠都算幾淋身 但又會有咬口 食完好有充滿骨膠原嘅感覺🤤🤤係食落稍微有種平價花膠嘅膠味 不過呢個價錢呢個份量我絕對接受到🤣 不過記得趁熱食 凍左冇咁好食🤔個肉餅係薄身嘅 煎到好香 但唔會話煎到好油嗰隻 不過當中都混左幾多肥膏喺入面🐷 食落係滑嘅 但我覺得豬肉對比起豬膏份量多翻啲會好啲

去開荃灣拍拖👫💕梗係要去試下肉餅哥😎一早聽過肉餅哥好多人排隊👫👬👭👫所以喺佢啱啱開門無耐就到左🤣🤣一坐低就送上左例湯有幾個套餐加一蚊💰仲有油菜添🥦雖然只係三四條😛😛叫得肉餅哥梗係要食肉啦見到餐牌上面有好多款唔同嘅口味😋😋太創新嘅我哋就唔敢試喇😂一於叫兩個望落正正常常嘅試吓啦😃😃.蟹粉肉餅+菜飯🦀一上枱就聞到好濃烈嘅蟹粉味😆食落好似沙嗲王個蟹粉煲，食落鹹鹹地，送飯都唔錯👍🏻肉餅煎到少少燶，好香口😛😛😛不過蟹粉只有肉餅表面嘅一堆，略嫌唔夠🙈🙈如果可以多返少少就更加好啦💕推介程度：👍🏻👍🏻👍🏻👍🏻（5個👍🏻為最推介）.流心芝士肉餅+菜飯🧀驟眼望落呢個係大熱之選😍😍肉餅煎得香脆，仲有大大塊芝士喺面，淨係見到已經流曬口水🤤肉餅中間釀入大量芝士🧀夾起果下仲可以拉絲添😍😍😍芝士迷至愛😆😆😆推介程度：👍🏻👍🏻👍🏻👍🏻👍🏻（5個👍🏻為最推介）

某個星期五晚七點黎到想試下呢間咁出名既 肉餅哥！💁‍♀️ 但係離遠睇到排晒長龍 起碼二十人等緊😨 我哋就唯有走了😂今日收早 未夠六點我地就黎到等佢開門🤓 係第一台客人阿！（但其實食緊既時候都唔覺佢好爆 點解嗰日咁多人等位呢🤔有優惠？🤔) 女朋友我好掙扎阿 喺金沙蛋黃煎肉餅同足三兩花膠煎肉餅中揀咗好耐🙇‍♀️🙇‍♀️ 最後係男朋友嘅建議底下決定要足三兩花膠煎肉餅🙋‍♀️ 男朋友就要乾土魷蒸肉餅🙋‍♂️ 咁就煎同蒸都試晒啦☺️一開始送碗中湯比客人飲💁‍♀️ 都幾甜 無咩味精味💁‍♀️我哋加$12要咗碟菜心 得幾棵 唔抵🤷‍♀️ 足三兩花膠煎肉餅黎到都嚇左一跳😯 咁大舊既😯 都幾足料！ 不過花膠就未燴得夠濃 仲有少少魚肚腥 但起碼夠厚身 鍾意食口感嘅都可以黎試吓😛 但就唔多值$99🙅‍♀️乾土魷蒸肉餅其實就似正常住家食咁嘅 土魷都幾香！可惜就油左少少🤷‍♂️ 可能係肥豬肉嘅比例多咗啲🤔 每塊肉餅都好大塊 其實一個餐兩個人share都夠食💁‍♀️ 不過成晚最油其實係個菜飯🤷‍♀️ 如果再食都係要白飯算啦😂

之前食過第二間元朗嘅榴槤肉餅，好有驚喜！但係由於咁樣太遠冇辦法成日去，於是乎周圍搵吓其他好食嘅肉餅，朋友上網睇到肉餅哥既片，睇到芫荽肉餅勁多芫荽即刻tag左我，因為本人大愛芫荽呢一間有幾間連鎖店嘅肉餅哥，又係有好多種特別口味，都幾有期待去到好多款都好想食，不過由於本人鍾意食芫荽嘅關係，一定要捧下場先！雖然見到好多人都嗌黃金蛋黃肉餅，朋友就叫咗泰式風味醬嘅肉餅，黎到個樣有啲失望囉完全同相個靚仔樣唔同好啦咁我唔睇樣啦可能好好味呢好老實講句佢個外層係煎到有少少香脆不過唔算驚艷芫荽鋪係上面同肉餅嘅味完全係分開我唔知肉餅入面有冇，但係睇唔到亦都食唔到朋友叫的果個更加唔好食只係普通肉餅上淋個泰式酸辣醬我開始懷疑人生究竟係咪要跟風食下第二款肉餅鋪頭有一大張長枱排排坐，多人時好逼服務員唔算好笑容，普通食物份量偏少，細食的人剛好

諗住都幾多人話好味，就試下呢間有d 偏嘅肉餅哥， 小店係幾有特色， 但好迫。坐底服務員即劇過黎落單，叫咗兩款肉餅。滿懷期待，卜到黎我食，原全係overcook 嘅感覺，好油，好乾，好鹹。覺得茶餐廳d 蒸肉餅仲好味。唔會有下次。

呢度有好多款好有創意嘅肉餅，睇到我眼花撩亂，完全唔知揀邊隻試😂所以最尾我都揀咗女仔最愛排行榜入邊其中一個流心芝士煎肉餅🤩聽落都覺得吸引！呢度嘅肉餅係一個套餐，會配湯+白飯白粥或者米線等等，加錢仲可以要個生菜。湯和菜就冇乜特別，朋友話略嫌湯有少少味精味。主角來了！流心芝士肉餅肉餅好厚身，而且面層煎得香脆，外脆內軟，肉汁仲keep到。而啲芝士可以見到係拉到絲架！不過略嫌芝士味可以再重啲。不過整體來講，冇想像中同網上嘅評價講得咁好食😂味道OK但係唔係特別好食，不過創意值得讚賞！

每逢同D朋友去大排檔或者叫小菜食, 有幾隻菜我幾乎係必點, 原因係佢地實好好送飯, 三色蒸水蛋喇, 肥牛粉絲煲, 仲有肉餅, 唔知有無人同我一樣呢?___________________________🔹金沙黃金肉餅 $69熱辣辣嘅肉餅配上一碗飯，諗起都正! 傳統肉餅都係加梅菜, 鮮魷去蒸, 今日食呢間肉餅專門店佢就將肉餅既味道發揚光大, 佢每款肉餅除左可以蒸之外, 仲有揀煎肉餅.除左煮法落左心思, 佢仲有好多新奇有趣既配搭, 例如有果醬肉餅, 咖啡煉奶肉餅, 咖哩肉餅, 蝦膏肉餅等等等等, 幾十款選擇, 真係睇到眼都花!.不過歸根究底肉餅都係樣傳統美食, 加呢D新奇野之餘, 點樣先唔會令到佢又鞋又乾呢? 餐廳係呢方面都有做小功夫, 首先肥肉同瘦肉比例非常好，唔會好肥膩，又唔會乾爭爭, 食落仲有些少肉汁。另外, 肉餅要夠鬆軟就要啲肉剁得夠碎夠多次，雖然唔係咪真，佢餐牌上面寫平均每塊豬肉會打二萬六千八百幾次，不停係禁剁係禁剁，如果真係都應該係機打😅肉餅係鬆軟呢部分都合格，食落唔會好實！.之前食過既咸蛋蒸肉餅，通常都係中間大大一粒，然後每一啖都要就住就住咁分隻蛋黃，如果貪心啲，後面都會唔夠

其實一直都好想搵機會朝聖下荃灣呢間肉餅哥，但係而家夏天lunch hour行到過去又熱又會食得好趕，所以一直都拖住拖住未去食，結果今晚放工後友人終於的起心肝走過來食。只係等左5分鐘左右就入座，坐低無耐，店員就上左例湯和menu，今日既例湯係清甜的青紅蘿蔔煲豬肉湯。我今日點了金沙蛋黃煎肉餅配油飯，肉餅煎得好香，上面有一層好邪惡的金沙，拎來撈飯一流，不過真係少食為妙，食到最後覺得有點鹹，同埋如果真係一個人食哂成個肉餅飯的話會有少少Heavy，但係整體上都覺得好食的！

今天又到肉餅哥晚飯有時想食中式野就會過黎食一黎到又有好味例湯簡單的紅蘿蔔湯，家常味道，無味精，一流！可惜再要都無得添了😛試過不同款的肉餅黑松露帆立貝肉餅，金沙肉餅，流心芝士肉餅今天試下墨汁魷魚煎肉餅呢個晚餐好抵食，加一蚊就有油菜！健康不少！仲可以轉菜飯，不過以前好似唔駛加錢，而家要加一蚊肉餅好香口，香煎過零舍唔同，同屋企做法唔同又有好香魷魚味，但又不同土魷蒸肉餅比流心芝士，金沙肉餅更耐吃，不會膩又發掘一款好味道！😍PS 有心思的poster