肉肉強食 by 鋒膳 (已結業)

👹肉食小編又出動啦～早排睇foodie友人介紹位於長沙灣嘅呢間「肉肉強食」，淨係個名都夠曬霸氣。單純因為餐廳個名，吸引咗小編入去⋯🥣侍應們好爽手，入座點餐快靚正！小編及朋友都係如假包換嘅食肉獸，一坐低就直接嗌左三份鐵板燒同埋一分漢堡包。🥩鐵板牛柳（$128）：兩大嚿厚切牛柳，好似唔使成本咁樣⋯肉質偏有咬口。友人嗌嘅係七成熟，切開煙見到肉扒粉嫩嘅顏色。講到明係牛柳，故脂肪油香比較少，因此相對更突出牛肉味。🍗鐵板美國雞扒（$58）：又係好似唔駛錢咁，塊雞扒大過小編塊pizza面，雞扒用咗蒜蓉嚟煎，雞肉嫩滑，只係大髀肉。🥓鐵板吉列豬扒（$20）：呢個真係誇張，二十元可以食到三大塊厚切吉列豬扒，仲要係味道唔差！🍔手打牛肉芝士漢堡（$48）：呢個係我最欣賞嘅菜式，亦係小編喺呢一間餐廳嘅強烈推介。成個漢堡每一層都令人驚喜，麵包有蒜香，表層焦脆，但只會咬開表層就感受到內裏嘅溫柔鬆軟！塊漢堡簡直係厚切到爆炸！有成支匙羹咁長⋯蕃茄又係厚切⋯🍽扒餐加$22就可以變成套餐，套餐奉送餐湯、正飯/薯菜、牛油餐包、餐飲，以及甜品。呢個價錢有呢個質量嘅肉食簡直係肉獸們嘅恩物， 尤其係糧尾嘅時候，真係好多謝老闆開呢一

身為食肉獸就緊係要周圍搵扒房黎食啦！今次黎到長沙灣既強強肉食，地鐵站行5分鐘左右就到，都好方便呀！店內環境幾好，好乾淨衛生，雖然近馬路但一啲都唔嘈，靜靜地仲有播一啲懷舊少少既廣東歌， 幾有情懷喎！😋芝士手打牛肉漢堡 $20呢個必推！超抵食！係食得出成塊牛肉扒都係手打既，咬落去好彈牙！😜而且牛味好濃郁，夾埋芝士一齊食，第一啖就比牛味同芝士味佔據晒口腔味蕾，超爽！😙而且份量真係好多，淨係牛肉扒已經差唔多係一隻手指尾長度咁厚！😌加上個包係有烘過，外脆內軟，超正！🥰😋牛柳7成熟 $128牛柳既份量都好多！差唔多有兩隻手掌咁大份！🤪切落去果下已經知肉質好軟熟，又冇筋 ， 叫7成熟真係岩岩好，因為鐵板上啲熱仲會繼續整熟塊扒嫁！ 😌食落啲肉質軟熟到唔洗大力咬，但餐廳係唔用任何鬆肉粉嫁！做到呢個質感真係用左好多功夫！😘😋西冷牛扒7成熟 $88呢塊牛扒又同牛柳個質感唔同，比較有咬勁，但又唔會韌，真係做得好出色！😜食落既牛味都同先前既唔同，多左一陣牛脂既香味！🤩今次配埋黑椒汁，食落更惹味呀😍薯條都做得好好，係仲脆既，但要快啲食，淋左汁上去就會變林嫁喇😌加22蚊仲可以跟餐包、飲品、湯、甜品，真係超抵！ 😍

肉肉強食 by 鋒膳 (長沙灣)真係想像唔到$20可以食到鐵板餐？今日竟然在長沙灣發現了這間港式餐廳，真的$20就食吉列豬柳鐵板餐，價錢令人驚訝！🌀吉列豬柳鐵板餐 $20 （可另加$22配羅宋湯、餐包、薯條、飲品、雪糕）不要以為$20肉的份量會很少，店員呈上放了兩大塊吉列豬柳的鐵板連薯條，再淋上黑椒醬汁，「滋滋聲」的聲音很震撼。羅宋湯也很足料，入面有蔬菜、蘿蔔，酸酸甜甜很開胃。飲品揀了紅豆冰，餐廳用了椰奶和碎冰，好似椰汁紅豆糕的味道。🌀手打牛肉漢堡$48漢堡包非常巨型，入面有很厚的牛肉漢堡扒，還夾着了沙律菜、新鮮蕃茄，好足料，把漢堡包切開一半，漢堡扒的肉汁溢出來，還看見牛肉有點粉嫩，不會煎得過熟。🌀法式西多士 $28一整支糖漿由自己控制分量，牛油也是另上，西多士炸得金黃，入面塗滿了花生醬，是新鮮即炸，推介。🌀魚柳青瓜沙律 $38魚柳炸得很香脆，查粉不會太多，魚肉也很亂畫，再配上沙律醬和沙律🥗，多了一份清新感。*無需加一服務費地址：長沙灣東京街31號1樓

長沙灣餐廳及小店有很多，但這間肉肉強食一直都受到網民推薦，說是性價比極高的扒房，「肉食者」最愛之類，因此我和太太便決定前去會一會位置（9/10）：位於東京街商廈1樓，由港鐵長沙灣站A2出口步行只需約3分鐘，附近就是長沙灣道及青山道，小巴及巴士線有不少，交通十分便利環境（8/10）：餐廳面積不少，一張張紅白格仔枱布，甚具傅統港式扒房的風格，餐桌大部份是卡位，而且比較為大張，令人感覺舒適服務（7/10）：餐廳設於1樓，需行樓梯前往，對走路不便的人及長者來說有點吃力。上菜算快，但鐵板有點太熱，上菜時牛扒已超過7成熟食物（8/10）：餐廳主打廉價港式鐵板及漢堡，其中最有名的是$20的鐵板餐，而且不不止便宜，份量也很足夠，味道亦算不錯，性價比十足西冷牛扒 $88西冷牛扒頗大塊，餐廳選用紐西蘭Affco牛肉，肉質嫩滑，沒有雪藏味，牛扒比較薄身所以較容易切，侍應弄錯了蒜茸汁，倒上了黑椒汁，很香帶點胡椒辣，味道不錯肉眼 $88肉眼同樣用上紐西蘭牛肉，比較厚身多汁，而且牛肉味濃，配上黑椒汁更突出肉眼的香濃可惜鐵板比較易熟，上枱已不慎超過七成了轉餐 (+$22/位)兩份牛扒都加配了套餐，包括餐湯、餐包、主

〰️比目魚扒 $98全部扒可以揀黑椒汁/蒜蓉汁或者洋蔥汁。比目魚扒配左洋蔥汁，分開上😆魚扒好鮮味，又滑嫩，仲要超大塊，長過個鐵板！🤣配菜都好豐富，有翠玉瓜、車厘茄、甘荀、西蘭花、粟米同埋洋蔥。〰️黑椒西冷牛扒 $88塊扒又係勁大…..雖然鐵板會慢慢加熱塊扒，但肉汁依然保持到！加埋黑椒汁食別有一番風味🥸〰️吉列豬柳$20豬柳係選用宮崎快樂豬，店員話每日限量50份，即刻叫個試下😆先二十蚊，諗住都係份量得好小。本身諗住當小食，但點知原來有成兩大塊豬柳！豬柳食落爽滑有嚼勁，食得出無用鬆肉粉😎〰️扒餐加$18加$18有埋牛油餐包、餐湯、白飯/意粉/薯條同埋甜品🍮甜品係由香港製造嘅雪糕，比利時焦糖餅味🤩，食到焦糖嘅香味之餘仲有粒粒餅碎～性價比不俗，啱哂食肉獸😝〰️〰️📍 肉肉強食 by 鋒膳 (長沙灣)長沙灣東京街31號1樓

🍽肉肉強食最近發現原來長沙灣呢度有一間超平價嘅平民扒房，平均唔使$100就有成塊鐵板扒，而且環境唔迫仲幾舒適，食肉獸千祈唔可以錯過！🤍紐西蘭西冷牛扒（$88）（跟餐+$22）呢塊西冷牛扒可以選擇五成熟或者七成熟，因為係鐵板上嘅關係，有機會會比預期中熟，所以我都係揀咗五成～雖然出到嚟真係偏熟咗少少，但係未至於覺得靭，當然由於佢嘅價錢太吸引嘅關係，所以我對佢嘅要求都唔算太高！🤍比目魚扒（$98）（跟餐+$22）呢塊比目魚扒好大塊，仲大過塊鐵板，性價比極高！而且佢本身已經煎到有啲金黃色，食落啱啱好。比目魚扒一樣可以揀黑椒/蒜蓉/洋蔥汁，我哋揀咗黑椒汁，感覺唔係話十分之夾，下次再試嘅話應該會揀另外嗰兩個汁🤍吉列豬柳（$20）呢個用鐵板上嘅吉列豬柳，足足有3塊咁多，而佢嘅價錢只係$20!!!上菜嘅時候見到有鐵板，我哋仲以為係鐵板餐上錯咗，點知原來佢就係$20既豬柳！佢同其他鐵板餐一樣可以揀黑椒蒜蓉洋蔥汁，亦都有少量蔬菜伴碟。雖然佢嘅價錢好平，但係味道亦都唔錯，絕對唔輸蝕塊牛扒同比目魚！💰人均消費：約$120📍長沙灣東京街31號一樓

今日約左個朋友係長沙灣 佢話宇宙廣場對面街有間食扒好抵食 加上佢份人又大食 就決定跟佢意思餐單好簡單 朋友除左扒餐 另外叫多左個芝士漢堡包 我見到有加$20 吉列豬柳 幾抵食都諗住試下 紅白餐湯 另外配餐包朋友點的西冷牛扒（五成熟） 配埋黑椒汁肉質唔難切 邊位有少少牛根我點的比目魚扒 份量十足 有成3 舊魚扒肉質都嫩滑 值得一試芝士漢堡包 加埋茄汁食會惹味d 一樣都係大大份最surprise 係e 個廿蚊的份量 個刻即刻諗點樣食得完 好彩朋友係大胃王 我主要食粟米😅跟餐仲有野飲同甜品人均百幾蚊 真係好抵食😅 如果唔大食 都係建議叫一個扒餐好了

孤獨的美食家 (山寨) 第一集夜晚6點幾，放工，全日只係食左早餐，我已經好肚餓。。。即刻去揾野食，之前同朋友係青山道食過野，係鋸扒，好想食，哎哎哎，行到十字路口，呢間鋪名好吸引，睇下價錢，78蚊雜扒，合理，上馬。樓梯上去一樓冷氣已經吸緊我成個人入去，有鋸扒feel，不過加上一班姐姐waiter，有啲擔心，坐低有鐵水壺放枱面，細心加分，餐牌已經係枱面張紙，第一吸引我有限量50呢幾個字，重只係20蚊有吉豬鋸鐵板扒，好過份。問姐姐有冇，已經問我要咩汁，實在係唔想徒時間，加18有飯湯飲，點都要課金，就咁落單。白湯我最愛，點知入面有粟米同磨菇，驚喜。鐵板到，落汁炸炸聲有彈到啲係手，小痛，不過開心。兩件吉豬加粟米甘筍脆瓜，呢到已經係超過20蚊既組合，刀一落，兩份豬排同時入口，佢地已經係我口入面爭寵，要比我知道佢地邊個更好味，好有趣。扒上面有啲乜呢，嘩嘩。。。係我最愛既蒜泥，因為我叫蒜汁，再加一匙羹咁多比我，已經令我想同呢到既廚師結婚。凍檸茶因為叫走甜，茶底放耐左啲，算係我同鋪頭既小吵鬧。最後埋單諗緊，幾多錢呢，咩話，凍飲加5蚊都只係43，呢個數完全令我想即時鼓掌，有單據冇大話，加一都唔洗，呢間鋪令

一直睇到唔少人去食去介紹呢間，好似好好食咁，尤其睇樣真係好吸引，鐵板餐已經唔多餐廳供應睇環境，佢有8-10張枱都係窗口枱，雖然只係街景，不過我好鍾意望住窗外景色咁食飯另外枱布應該係佢特色，舊式紅白格仔枱布呢個係鐵板餐餐牌，雞牛豬羊全齊，$20吉列豬柳我地冇試，雖然話限量50份，不過當晚7：00都仲見到有人叫到鐵板餐要＋$18轉套餐，包埋麵包，湯，甜品，飲品，呢個羅宋湯唔錯，少油芝士焗白汁魚柳 $58可以揀要炒飯，意粉，天使麵，我地揀左天使麵，質地比較軟，過左西餐果種煙韌度，魚柳一開二，似係鯰魚柳，汁唔夠多，焗完仲乾身左，係少油呢點要讚美式什扒餐 $78有薄牛扒，豬扒，雞全翼，腸仔，煙肉，配薯條，牛扒豬扒應該係因為佢「唔落鬆肉粉同食粉」嘅關係，加上鐵板上，變到好柴好乾。。。其實黎得呢度食都唔會為健康，我覺得落適量係可接受，可惜鐵板係夠熱，啲汁炸炸聲，彈到周圍係甜品有雪糕或者啫喱，我地揀左啫喱，味道夠，不過質地居然好「動L」，好嘢其實以$78食個鐵板唔包餐係貴左啲，佢唔係服務特別好，食物出色，純粹鋪位景色好，反而焗類叫做ok，$58-70左右包埋湯同飲品，食鐵板餐我諗我會返深水埗果間「西

平時既我路過見到唔會有太大興趣食肉..直至我而家懷孕後期..突然變左食肉獸......有日上Openrice睇下啲食評..見到評價唔錯..所以有日夾岩老公收早就上去試試..門口燈光光猛.. 樓梯寛落.. 對於我呢個孕婦黎講都無問題.. 餐牌簡單易明.. 我見當日係閒日所以上左個列豬扒.. $20超抵❤️❤️❤️配埋Set都係$38.. 裝修同價錢都好親民.. 伙記態度仲好好悿呀👍🏼因為我去過兩次..兩次都麻煩佢要幫我叮熱個包..由於係我既童年回憶..去餐鋸扒都1定係要個麵包夠熱..因為咁先溶到舊牛油呀麻🤤🤤🤤呢款餐包先係我既主菜🤭🤭🤭$38 鐵板上.. 有湯有包有主菜有野飲有甜品.. 仲要倒個啲汁時有埋『炸炸聲』.. 真係咩都抵晒.. 另外.. 老公叫個個牛柳CP值都好高👍🏼👍🏼👍🏼真心推介大家去食呢個平民扒餐..

同朋友一起去呢間試下，見d食評好多正評，但去到之後有點失望。一個雜扒餐隻雞全翼冇乜味，豬扒好乾同硬，好彩個雞同牛扒好味d,個蒜泥汁唔錯，希望野食可以改善，加油💪有機會下次

餐單有啲取巧，話就話88蚊扒餐，但配菜餐湯要加18，凍飲又加5蚊，即係111蚊，這個價錢金鳳都食到。但啲料堅新鮮，牛有牛味，薯條都脆，黑椒汁都夠味，焗飯都ok。而且唔收加一，因為啲服務真係有問題，可能人手唔夠，啲人做到short short地，送餐湯唔記得比餐包，個侍應望著張單寫明凍咖啡，但照比熱檸茶，叫蕃茄海鮮焗飯，佢黎左白汁海鮮焗飯，好彩個侍應無死撐，拿拿聲換返啱比我，最後想埋單時，佢先話我知有甜品未上。

心血來潮想鋸扒，搵到長沙灣有間樓上舖有得食，去到先知個舖位就係我好耐之前食小菜嘅餐廳，估唔到執左🤭 餐廳格局無點變，只係鋪左紅色格仔枱布非常搶眼。我擇左牛柳七成熟配洋蔥汁$128 免收加一，另加$18 轉套餐，擇左羅宋湯 + 意粉+ 牛油餐飽 + 甜品😋羅宋湯望落去平平無奇，但其實好足料，有椰菜、牛肉、紅蘿蔔條，味道幾濃，帶些少微辣。員工幫忙淋洋蔥汁喺鐵板，香氣撲鼻，但一切開發現裡面超紅，我諗得二成，即刻叫員工幫我整熟啲，之後再拎出嚟就無問題！牛柳厚身好大舊，肉質軟腍腍，餐牌更註明絕不採用鬆肉粉同食粉醃製肉類👍🏻 伴菜有大量洋蔥、粟米、車厘茄等。甜品有雲呢拿雪糕 ，奶味較重，食埋真係飽晒！

跟餐啫喱肉眼扒配薯菜是日收工禮拜6，指定動作行果欄買平靚生果戰鬥完畢後唸住好耐無食過劉森記，於是搭巴士去元州村落唸住行去天悅廣場落車行無耐見到一間要上樓嘅餐廳，號稱使用紐西蘭Affco牛肉同埋絕對唔落梳打粉醃肉，咁神奇?仲要賣得咁平?? 一於改變主意挑機上到去唔算太多客，平均等10分鐘都可以入座。餐廳鋪面都幾大，但樓面係明顯唔夠，目測只有3個樓面仲要負責收埋錢所以佢地都滾水淥腳咁來去沖沖，擺低D食物都係擺低後就馬上走左去餐飽：交黎嘅餐包無咩好評，仲有啲微溫不過表面已乾硬疑似翻熱焗過龍羅宋湯：湯幾夠傑身無話稀冷冷，酸辣咸齊味而且幾濃味，當中仲有幾舊疑似改完牛扒頭頭尾尾嘅牛肉，以呢個+18蚊出嘅餐湯算係幾有驚喜。不過比起Wheatfield嘅招牌海派羅宋湯就仲有一段距離肉眼扒配薯菜：塊肉眼大過我兩隻手掌而且有我隻食指咁厚，我叫5成熟佢真係俾到medium rare我（牛扒上仲有血水就知），咬落相當淋而且只有少少筋，不過略嫌牛肉味淡左少少，薯條同配菜就一般茶記質素。佢話絕對無落食粉醃肉老實講我就老西都唔信嫁喇，不過佢只係賣88咋，呢個出品我覺得係好食得下嫁喇冬0T走甜：雖然茶味較淡但起碼仲飲

呢間開左好耐都無唸過要黎幫襯。後尾見食評話呢間唔錯，又咁近，就黎試一次啦。一到門口，見佢有個特價餐，咁無理由唔試嫁一個吉列豬柳鐵版，居然買$20痴線價，咁當然會試埋我最愛嘅羅宋湯，咁就要加$18，配湯加餐包同飲品一杯。個吉列豬柳真係啖啖肉，肉質彈牙唔韌，份量都算ok。個意粉同餐飽就小許失望，意粉唔夠爽口彈牙，餐包無乜味，唔熱唔吸引，係個餐湯個味唔算濃，但係都入味，小辣，都好味嘅。加$5凍飲，但紅豆冰價錢一樣，都係痴線價。同埋佢懷舊feel，用椰汁，唔係淡奶，整餐加裝修都好有懷舊感覺，加個價錢抵到不得了，值得試。不過留意返佢一至五夜晚先有六日先下午屙始，同埋限售，唔一定食到嫁。