肉浦團火鍋放題

营业中

休息中

今日又想打邊爐又想食牛，見到呢間有和牛食，仲要係放題，要試下佢😌叫左set c最貴既餐配麻辣湯底，有三種不同價位，湯底可以加錢揀鴛鴦鍋麻辣湯底唔只得辣仲好香，食完唔會覺得辛苦，反而越食越過癮第一件事梗係試下A4和牛！牛肩胛肉眼、牛胸片、牛後腿肉三款各有特色🤤🥩牛胸片油脂較多，食完滿嘴油香，口感豐富🥩牛後腿肉牛味最濃，亦最有質感🥩牛肩胛肉眼表現最平均，有牛味得黎口感軟嫩，入口即溶🥩薄切封門柳⭐️牛肉方面我都幾推介封門柳，好有牛味，同埋油脂分布都好正同埋好欣賞呢間每款肉上面都有標籤，試完鍾意可以重複再叫，唔會混亂除咗牛肉之外，仲有虎蝦，黑魚片，牛柏葉，牛骨髓同埋雞子，都好新鮮一啲都唔腥。 自助吧設有小食、蔬菜、丸類、飲品。📌小食區提供炸咖哩角、燒賣、雞塊，咖哩魚蛋等等，自己勁鍾意食香口小食！📌蔬菜區中一般蔬菜都有，另外有菇類、筍、南瓜、蓮藕等等，都有唔少選擇超過10幾款丸類📌飲品櫃都有各式各樣的罐裝/紙包/支裝飲品最後會送上甜品Haagen dazs 雪糕🍦，有士多啤梨同藍莓味，都係第一次試呢兩隻味，仲有馬卡龍碎粒係入面，有脆口令雪糕更有層次，滿足總結🫶🏻成晚又食又飲都抵翻曬！ 上菜速度快，

任食火鍋食嚟食去都係幾間連鎖店，所以今次朋友就提議試吓啲新嘢。我哋就近近地喺旺角搵咗間無限時火鍋放題試吓。一去到舖頭店員就好熱烈歡迎我哋啦，仲提供埋圍裙俾我哋打邊爐門口已經大大隻寫住無限時放題，餐廳一共有三個套餐。感覺三個套餐之間嘅差額唔算好多，所以我哋就揀咗最多嘢食嘅set C湯底就揀咗胡椒豬肚湯底非常足料喎，好多豬肚本身已經有好多款肉類同埋海鮮，我哋就梗係主打食牛肉啦！牛肉嘅選擇真係好多，連a4和牛都有好幾個部位可以揀。我自己就最鍾意食a4後腿肉同埋肩胛肉眼！牛味濃郁之餘軟度適中嘢飲櫃亦都好大有好多唔同嘅選擇，包括汽水同埋唔同種類嘅茶。啲牛肉燙幾下就食得啦，唔好浪費咗啲咁靚嘅牛肉除咗用手機點餐揀牛肉海鮮之外，仲可以出去自助吧飲食㗎。例如係啲蔬菜同埋丸等等，公仔麵仲有辛辣麵㖭啊！當然唔少得有自助調味料吧除咗最常用嘅辣椒香蔥芫荽，仲有其他醬料。自助吧區除咗一啲火鍋料同埋飲品之外，佢仲有啲小食可以俾客人任食～有青瓜同埋雲耳，仲有一啲炸物。等緊火鍋嘅時間都可以食住呢啲前菜先總括嚟講呢間火鍋店比起連鎖嘅選擇更多，價錢仲要更平。去開旺角想打邊爐可以一戰

之前食妹記見到呢間打邊爐，咁啱朋友今日話想食，而我又未食過，於是決定試吓呢間有5款牛可以揀，啲牛切得好薄、輕輕擺幾秒就已經可以食得！ 脂肪比例啱啱好，最推介係牛脊背👍🏻配菜方面，海膽丸同埋墨丸都幾好食，值得講嘅就係佢嘅芝士腸係金妹牌！ 啲蔬菜都幾新鮮嘢飲都好多款，常見嘅茶都有，打邊爐都冇咁頸渴， 仲有啲茶包可以即刻沖。 另外，我見都有啲炸物同埋涼拌小食，青瓜同木耳都幾開胃，我仲見到辛辣麵，可惜太飽食唔落～

之前見到朋友社交平台去咗呢間火鍋放題食，對餐廳名印象深刻，終於有機會親自嚟試吓喇！一去到餐廳就得到好好招呼，眼鏡女士由湯底到自取食品都為我哋清楚介紹～一開波朋友就走咗去熟食區，勁多選擇，有KFC失傳嘅薯格、炸燒賣(必食！)、波浪薯條、麥樂雞、咖哩角、咖喱魚蛋，涼拌菜又有拍青瓜同木耳，未有湯底已經有得食！當然醬料及飲品都係要拎定埋位嘅item啦！醬料多到花多眼亂，可以自己配搭，而飲品就有支裝冷泡茶、汽水、台式飲品等等多元化選擇，我就揀咗第二度都比較少見嘅紅豆薏仁飲品啦，唔甜，好飲！我哋揀咗清酒蜆湯底，足本送上一壺酒，餐廳仲話唔夠酒可以再refill！裡面仲有一堆蜆可以食，蜆肉冇沙，好味！打邊爐梗係食牛先！我哋先嚟一round A4和牛，有A4和牛牛胸片、A4和牛後腿肉同埋A4和牛肩胛肉眼，唔同部位有唔同味道及口感，我哋就最鐘意和牛牛胸片，唔好睇佢好似好肥咁，食落嫩滑多汁，係最好食嘅一款牛！當然仲有其他牛肉可以揀啦！牛五花腩、澳洲M5和牛牛肩胛、M8和牛呢啲都可以無限任叫，而我哋比較鐘意美國安格斯牛板腱嘅口感、同埋食落甘香味濃嘅薄切封門柳！餐廳個落單APP仲好貼心咁，每款食物都有簡短介紹，

今日諗住帶皇后同佢嘅朋友去試下香港嘅打邊爐放題，咁我就上openrice揾下邊間好，見到利間食評都唔錯，咁就去試下啦，初頭入利見到啲員工姐姐同有一位比較後生嘅男仕態度都唔錯，幾nice同禮貌，但點知，，入到去坐底就見到有個四眼嘅叔叔個樣黑口黑面望住我地，我心諗都好似無得罪過你呀，點解會咁嘅樣呢🤔但我地都無理佢啦，繼續開始出去攞食物同點肉肉食，先講食物質素都好唔錯，牛肉方面都幾好，以利個價錢利講可以話抵食，但到我地要加湯嘅時候叫左個四眼叔叔加，，點知佢就加湯加到差唔多個鴛鴦湯變咗一個湯底，同埋收肉盤嘅時候又好似大大力咁，最後last order佢就走埋利大大聲話仲有10分鐘就完，其實我地本身都食飽諗住走，但佢嘅態度真係好似想趕我地快啲走咁，感覺真係好奇怪，最後想講出面自助嘅食物好似9：30就無左refill啦

朋友突擊想食打邊爐放題，剛好大家都在旺角~甘就最多選擇！📣📣📣位於旺角通菜街1A-1L號威達商業大厦2樓A舖，名叫”肉浦團”，今晚就決定嚟個大滿足嘅晚餐！🥩🫕🥃🐮🧃🥤🐽🍵🔥☕️🐟♨️🥢🐃店外已看到餐牌，有A~B~C Set任由你選擇！今晚揀左個Set B 💰298+10%🤖🧛🏾👾🧕🏻👹🤵🏻‍♂️🤡🤴🏼👺🧟‍♀️🧖🏼店內裝修：店舖內已掛滿很多不同型格漫畫電影人物及插圖，喜歡漫畫的你一定好鍾意，啡木色枱襯托彩色鐵櫈加上五彩繽紛壁畫，設計另有一番創意及充滿特色！自助區有很多不同調味料、不同丸類、蔬菜類等選擇~~~例如：莞茜丸、流心芝士丸、海膽丸、牛筋丸、台灣一口腸、脆皮腸、唐生菜、菠菜、萵笋、年藕片、金菇等……仲有出前一丁及辛辣麫，簡直包羅萬有！🍀☘️🥬🥒🥦🌽🥕🍄‍🟫🧄🧅🍅🍄選擇胡椒豬肚湯底，個湯好有黑胡椒味道，豬肚彈牙無腥味，非常足料！打邊爐點可以冇肉呢？？🐮🐽🐮🐽🐃牛五花：油脂較多，口感豐富，配埋醬料入口非常滿足！牛肉滑：十分彈牙及好有牛肉鮮味，非常出色，order左幾轉！黑魚片：好滑好爽口，啖啖肉冇骨，正呀！封門柳：見到鮮嫩程度，花紋均勻，好有牛香味！牛背峰：牛味持濃，脂肪分怖均勻，不太肥也不太

肉蒲團🫦本身係一個令人有遐想嘅名字😂，所以同朋友聚會都前來試下。香港人真係好鍾意打邊爐🍲行入店內，藥膳湯味道非濃烈，我都跟着其他客人點了藥膳湯底🥰🥰。呢次我揀咗澳洲M5和牛套餐，肉質夠鮮嫩。令我有驚喜嘅係，其他牛肉嘅質素都唔差！不過再有少少肥，當然肥瘦均勻先最好食啦🥩。值得一提嘅係，餐枱空間非常寬敞，令我呢個鍾意嗌到成枱都係嘅人，可以盡情狂點，唔怕無位放😂😂枱與枱之間有足夠嘅空間，絕對冇你眼望我眼😌店內有提供無限量嘅1664啤酒、汽水和各種無糖茶，勁啱一班鍾意飲酒嘅麻甩佬。仲有，不得不讚餐廳嘅服務速度非常快，啱啱喺電話落完單，兩分鐘內就送到，仲有位員工姨姨非常親切(可惜我唔記得佢個名，只係記得佢戴眼鏡)。整體嚟講，用餐氛圍好值得三五知己，再黎幫襯🧏🏻‍♀️

今日黎咗呢間以電影為主題既火鍋店打邊爐，一入鋪頭就比佢既二創電影海報吸引，以漫畫形式呈現，連餐牌上既介紹都有融入電影元素，幾有沉浸感無限時火鍋放題有三種級數選擇，價錢分別係$248、$298同$368，我地就揀咗最正既$368，呢個價錢就有齊所有肉類海鮮等等，最吸引當然就係A4和牛任食，性價比好高湯底方面點咗期間限定既特濃沙爹鍋，同普通台式或日式火鍋店比真係濃上幾個級數，沾落配料有點漿口餐廳中間就係自助區，包括有近四十款邊爐配料、十幾款醬料、兩款涼拌冷盤、炸物小吃例如薯格同炸燒賣、十幾款飲品拎完醬料同飲品返埋位就已經見到鍋底同點既靚肉，每款肉都有自己既名牌，有A4和牛都有分後腿肉、肩胛肉眼同牛胸片，後腰肉比較有口感彈性，油花分佈平均；肩胛肉眼味道濃香，油脂有如雪花般入口即溶；牛胸片則是有如大理石紋，肉滑柔嫩不膩另有都有點澳洲M5和牛同安格斯牛，主打肉味香濃，配上汁料就更上一層樓，海鮮就簡而精有越南虎蝦、北吉廣島蠔同埋黑魚片，生猛食落夠鮮美特色產品仲有台灣阿給同埋牛滑，牛滑係必試級別，牛味香濃仲爆juicy，食到上哂癮最後會送上甜品就係Haagen dazs雪糕，有士多啤梨馬卡龍同藍莓馬

以前有一個一睇就好似會超爆笑嘅廣告，個廣告問打邊爐最緊要係咩，個食家話系個爐既安全。其實當時個女主角講嘅嘢先至啱，打邊爐最緊要系湯底同的料。不過嚟到呢間餐廳，佢又提醒咗我其實最緊要系朋友。 🍖同呢個朋友都一樣好鍾意食牛，咁當然就係揀好多牛肉選擇嘅呢間啦！牛背峰，封門柳，仲有和牛選擇，牛肉嘅紋理各不相同，口感亦都好多變化，當然我哋都系最鍾意M5和牛，簡單系胡椒豬肚湯底616，牛味充足而且非常幼嫩。 🍖其他嘅素材都好好味，而且新鮮。你睇吓，我哋簡單叫隻蝦，都好似企喺度勁生猛。仲有個牛肉滑，牛味勁濃，佢哋又有搞鬼嘅餐紙，放喺雙刀火雞上面影相，真係好有那些年嘅感覺，"佢食翻嘢啦"。跟住佢哋都與時並進，墻上面亦都有魷魚遊戲同埋各式各樣嘅電影主題，打卡必去。 🍖呢個朋友傻傻地，佢好鍾意飲嘢，平時只系飲啤酒嘅我，呢晚都陪佢癲。 你睇我飲咗幾多嘢，呢度嘅選擇真係好多。 呢度提醒翻我最緊要就係朋友，但係遺憾嘅係，我離開之前都唔記得問間鋪頭，佢哋個爐安唔安全，🤭

女人街原來都有高質牛肉邊爐大家去食既話記得係Deli 入口入去上2樓！今次約左朋友黎e間肉浦團打邊爐揀左set B價錢都ok 仲要有4款牛揀 全部都唔差😝仲點係無限時湯底個方面都有好多選擇 可惜當日無曬壽喜燒 最後叫左蕃茄豬骨濃湯 個蕃茄濃湯好足料！🍅 唔係淨係加雞湯得啲色水🤭餐廳入面係經典懷舊電影風位置都相當闊落 而且好貼心有準備小籃 畀客人放袋四款牛肉都各有特色 重點係 好有牛味！ 雪花分佈平均 只要唔好淥太耐 全部都好好食!大推M5和牛同埋牛背峰！牛滑🐂一定要試下！ 喺出面通常都只有蝦滑墨魚滑 好少有牛肉嘅滑口感好特別 好彈牙 亦都好有牛味 鍾意食滑嘅人一定要試下🫶🏽至於自助區嗰方面 蔬菜類丸類都有好多唔同嘅選擇 亦都好新鮮🥬🌽🍢竟然仲有一個炸物區 有椒鹽燒賣 響鈴 薯格 麥樂雞等等至於飲品區 亦有分凍飲同熱飲仲有啤酒 啱曬鍾意飲酒嘅你哋如果食得太濟 都可以沖杯熱茶飲下🍵最尾仲每位送一個häagen-dazs嘅雪糕添🍨今期係草莓馬卡龍/藍莓馬卡龍👍🏽👍🏽餐廳闊落 唔會太迫啱曬 鍾意打邊爐 又想靜下嘅你哋！下次再黎🫶🏽

作為食肉獸一年四季都想打邊燼瘋狂食肉，依間大獲好評嘅任食放題火鍋店感覺好吸引。分咗3個set，今次叫咗set B，都已經好多肉類揀。湯底試咗期間限定嘅特濃沙嗲湯同埋秘製麻辣鍋。座位都幾闊幾好坐，裝修都好有特色，平日晚市都好多人幾乎坐滿所以就無影到。同menu一樣都有好多電影相關嘅特色設計好靚。肉類同海鮮用手機落單，菜同丸類就自助拎。仲有好多飲品同埋熟食，種類都好豐富。飲品有啤酒、唔同種類嘅汽水、冷泡茶之餘，有無放入雪櫃嘅罐裝茶，居然仲有熱水可以自助沖茶﹗依個小細節超甜心，因為有時約好咗一大班朋友但又遇上period果陣，就唔洗無野岩飲。而菜同丸類數量同種類都好多，有成兩大個雪櫃，仲有啲較少見到嘅品種，例如翡翠苗，即刻夾一轉先，食落都幾爽。而炸嘢都好出色，炸燒賣好好食之餘，響鈴真係超級好食超級出色。炸到脆卜卜仲好多層好厚身，放入湯唔係一下就即淋，浸耐小小就變成吸晒味之餘內裡仲係脆身有咬口，一食完即刻忍唔住再encore。打邊爐嘅重點除咗肉，湯底都好重要。上枱果陣已經聞到分別勁香嘅沙嗲味同埋麻辣味，連唔食得麻辣嘅男朋友都話聞落勁香。兩種湯都好香好濃，配肉食一流。而麻辣食落都幾辣，睇辣椒嘅數

今日同個friend去行街，經過波鞋街再去通菜街見到一間打邊爐位於2樓嘅，覺得個名幾特別叫做肉蒲團。環境都幾乾淨座位好闊落。基本全部都係卡位湯底我哋叫咗個鴛鴦鍋打邊爐，當然係牛肉啦封門柳 ： 肉質鮮甜有咬口，卓五6秒就可以食得，澳門M五和牛：入口即溶，香油滋味，本人較為喜歡呢個。全部蔬菜都好新鮮，同埋好多種類。啲蝦爽甜新鮮，唔會話好細隻。醬料我只係鍾意嗰幾款，但係其實佢都好多種類俾你揀。當然放題都係全部任飲，包括啤酒，種類都唔少。如果一大班人嚟呢度係一個好嘅選擇，因為多啲人可以食多啲嘢。一個價錢方便快捷。

尋晚去咗旺角食肉浦團火鍋放題，地點真係好方便，唔難搵。一入去就見到啲地道劇照漫畫，好鍾意啊！好有香港特色，打卡一流！我哋兩個人坐卡位，超舒服！呢度最正就係無限時放題，我哋揀咗C餐任食。先講下食物，有個飲品櫃俾你自取，成十幾款可以揀，仲有啤酒添🍻，我好鍾意！食材櫃就有好多普通火鍋配料，全部夠新鮮，選擇都多，自助調味區都幾好👍🏻，仲有我最愛嘅魚皮，真係好脆口，正！熟食有鳳爪，超好食👍🏻，落單係自助掃碼，方便到痴線！  我哋點咗秘製麻辣湯底，真係好香又夠辣！食到我哋出哂汗，啱晒鍾意挑戰辣味嘅人！湯底方面，我哋揀咗蕃茄湯底，湯底超濃，完全唔使再加蕃茄，已經夠晒味。最正係，食到最後加咗湯都唔會淡，依然保持濃郁。  套餐入面嘅肉質方面真係冇得輸，有封門柳同M5和牛，質素非常高。我哋仲加點咗A4和牛眼肉同胸肉，真係食到升級，好滿足。海鮮嗰邊，嗌咗蝦，浸落去濃郁嘅蕃茄湯之後，鮮味更加突出。最後有甜品，雪糕仲可以揀Häagen-Dazs，真係正！無限時放題真係正，可以慢慢食慢慢傾，啱哂同朋友黎食！

放題，係好多香港人心目中嘅回憶，亦都係香港人好鍾意嘅飲食模式。香港有林林總總嘅放題，包括日式火鍋、韓燒等等等等。作為90後嘅，我最鍾意嘅就當然係火鍋放題啦！🥰🥰今次我就嚟到食店林立嘅旺角區，旺角區以往都係唔同放題店嘅集中地，今次我就搵到間隱世放題店～「肉蒲團火鍋放題專門店」🥘🥘首先佢個位置都幾隱蔽，喺通菜街其中一間商業中心嘅2樓，一坐低，個裝修幾特別，佢用咗唔同嘅電影同劇集海報做主題，玩諧音gag😂😂成晚唔算多人位置好寬敞坐得舒服，而Menu選擇比起其他放題店係少啲，但係貴精不貴多，見到有A4和牛，梗係唔可以放過，即嗌！我就嗌咗牛板踺、牛後腿肉同埋牛五花，其他火鍋配料，例如丸同埋菜等等就係出去自助區度自己攞嘅😍😍喺我夾緊嘢食期間見到個海報竟然係$38任飲1664！！我即時呆咗😨😨咁嘅價錢可以任飲咁嘅質素嘅啤酒！？如果我唔係揸車我都一定會嗌黎試吓🥺🥺真係大癲！坐咗一陣啲嘢食好快送上嚟，牛肉嘅質素唔錯，食落有牛味，絕對唔係市面上一般嘅Hea牛，非常有驚喜！而海蝦亦都好新鮮彈牙，亦係我意想不到！其他食物水準亦都係中上。另外值得一提嘅係店員嘅服務態度非常之好，好有禮貌，亦都會好主動收嘢同加水，

又到星期六放假即刻約朋友去旺角睇戲，睇完戲喺戲院附近搵間放題食下，朋友帶咗我去一間性價比高食物質素好好嘅餐廳。肉蒲團火鍋放題 ，地址喺旺角通菜街1A號威達商場大廈2樓,上到餐廳地方好闊落，出面嘅火鍋配料全部都係任食，擺放整潔畀人感覺好舒適。今日嗌C餐 368蚊一位澳洲m5和牛，牛肉味勁香濃，加上油脂分佈均勻，入口即溶。美國安格斯牛板腱，牛肉味比較重，脂肪比較少，鍾意食牛肉香味嘅朋友一定喜歡。A4和牛後腿肉, 肉質比較瘦牛肉味香濃。最好味就係A4和牛肩胛肉眼,入口即用油脂分佈均勻牛肉味最香。如果唔鍾意食牛肉嘅仲有五花腩，豬梅肉，雞髀肉。海鮮我情有獨終廣島蠔，虎蝦。廣島蠔size唔算大但係非常新鮮，豪生爽口味道鮮甜。虎蝦蝦肉爽口彈牙，一食就知道好新鮮。呢間火鍋放題性價比高火鍋配料種類繁多衛生程度滿分。