肉浦團火鍋放題 (已結業)

見到OpenRice寫住無限是任食，轉至評論話有啤酒，所以即刻約咗班朋友去。 對呢個優惠就淨係比揀Set C 嘅人用嘅。 湯底揀咗鴛鴦火鍋一個麻辣味，一個清酒卜卜蜆煲。 好細心嘅係佢會額外比一壺清酒我哋，如果唔夠耐或者蒸發咗可以再加，佢仲話清酒係任加嘅添。 ❤️肉類方面有 A4 和牛牛後腿肉，A4 和牛牛胸片同埋A4 和牛牛肩胛肉眼。 其餘仲有一啲澳洲A5 和牛。 A4 果然係唔同啲，油花好均勻牛肉味亦都好重。食落去唔會太肥膩，仲要好軟熟添。除咗牛肉之外，仲有虎蝦，黑魚片同埋生蠔。 都好新鮮一啲都唔腥。 仲有好多脆口嘅嘢。薯格薯條同埋響鈴魚皮。 菜同丸選擇好多。無限時任食真係好掋！ 最驚喜嘅係除咗有普通啤酒之外仲有黑啤。 成晚食吓嘢飲吓嘢都掋翻曬！ 食物質素又ok 環境衛生都唔錯！下次一定會encore✌🏼

今日去左旺角一間無限時打邊爐試下，呢間肉蒲團火鍋性價比幾高，食物質素都好好，款式又夠多我地叫左中間個$298 set見佢有d比較靚既牛肉種類，岩哂我地中意狂食牛既朋友湯底我地揀左花鵰醉雞湯，清清地，雞件夠哂入咪，份量十足又好滑主打最出色既係美國安格斯牛背峰，同埋澳洲M5和牛牛肩胛，兩款我地都叫左幾round海鮮類都唔錯另外出面都有好多熱辣辣既小食，咖哩角、麥樂雞、雞翼等等菜類丸類同飲品選擇都非常豐富，有埋蛋糕做甜品，夠哂滿足

放假最好就係約埋一班朋友去打邊爐，有咩好過喺旺角咁方便嘅地點，仲要係任食冇限時打邊爐放題，仲要有唔同牛嘅部位食呢？呢間火鍋店地理位置好，枱同枱之間距離相當合適，無論係三五知己定係一大班朋友嚟食都唔會太過擠迫。有唔同嘅價位嘅set可以選擇，湯底亦都有唔少特色湯底。大家可以按着自己嘅喜好揀。當日就揀咗卜卜蜆清酒湯，湯已經加入咗清酒，另外店員會比一小壺清酒，當覺得唔夠味嘅時候可以自行加入湯底吊味，相當貼心。同其他火鍋放題店一樣，大家可以自行調配唔同嘅醬料，呢度嘅醬料選擇非常之多，而且擺放得相當整齊乾淨。前菜一樣有得揀，但嚟得食火鍋放題，前菜就少食啦。豬牛雞肉就係透過QR code任點嘅，喺自助區一樣有好多蔬菜同埋丸類任拎。呢間火鍋店，最特色嘅係有唔同牛肉嘅部位可以選擇。大家可以點每樣點少少試一試，睇吓喜歡食邊個部位。牛肉質素非常之高，就係睇花紋都已經知道質素唔錯。全部切到薄薄嘅一片，一放落火鍋已經熟晒。即刻食得。食完之後透個QR code再點，店員上菜上肉類嘅速度可以話非常之高，唔使驚要等好耐先有得食。飲品方面，除咗一般嘅茶飲之外，亦都有一啲韓國罐裝飲品同埋啤酒可以拎。當日見到喺自助區亦有一

今個星期返工咁多嘢做星期五晚就緊係要同朋友放肆吓嚟咗呢間火鍋任食放題佢分別有Set A/B/C可揀Set A冇和牛食 比起Set BSet C加多$70食到A4和牛叫做多少少肉類同海鮮- - - - - - - - - - - - - - - - - - - - - - - - 1. Set C本身都有7個湯底可揀其中一個仲要寫住期間限定識玩可以好似開盲盒咁XD不過我哋就揀咗日式壽喜燒湯底因為想用嚟淥3款A4和牛包括A4和牛肩胛肉眼A4和牛牛胸片同埋A4和牛後腿肉其實三百幾蚊任食和牛好抵另外都有普通牛豬雞魚、餃類海鮮方面就有虎蝦同蠔唔夠可以喺出面拎其他火鍋配料數過都有50幾樣 都算幾多選擇側面櫃面仲有少量炸物、涼拌前菜呢間都幾特別 有埋西米露糖水添隔離雪櫃都放有唔少嘅飲品重點係無限時!! 成班人傾住計食嘢 食吓唞吓～ 又係食到好飽最後仲有焦糖味嘅日東卷蛋!!

同朋友去旺角打甂爐，揀了這間看似評價不錯的肉浦團火鍋放題。入座前，就要先揀餐及火鍋湯底。第一次試，就揀中價位的套餐 ($298/位)，火鍋料的選擇可以多一點點。甫進店內，就心知不妙，星期日的7pm晚市時段，偌大的店內僅有三數枱食客，看似一半入座率都沒有。火鍋湯底選蕃茄豬骨濃湯，雖然有蕃茄在鍋內，但味道似加入大量茄膏調味多於慢慢煲，沒有家中煲蕃茄湯的那份感覺。套餐包四款牛肉部位，點了其中三款，澳洲M5和牛肩胛、美國安格斯牛板腱及薄切封門柳。食物一上桌，就只見三份薄薄，幾乎沒半點油花的牛肉。薄切封門柳如其名，薄得透光，比另外兩款更薄！灼熟後食，三款牛肉都完全沒分別，同樣的乾柴。其他火鍋料也就普普通通，沒任何一款特別好吃。甜品是芝士蛋糕或抹茶芝士蛋糕，每位可選一款。牛肉質素不濟之外，個別店員的服務態度亦差。問一位大叔店員可否給我們常溫飲品，他就回應說只能取雪櫃內的，不會有常溫飲品供應，或者可自行沖茶包。後來見到個有點笑容的呀姨店員，才能從她手上得到常溫飲品！這家是絕不會再光顧的火鍋店！

星期日同四個朋友，諗住去食火鍋就搵到呢間，話冇限時嘅肉蒲團 去到攞位嗰位小姐 ，好似未瞓醒咁十問九唔應 ，入到去得我哋一台客， 有個好似店長嘅男人態度勁差😠食食下仲聽倒，佢同後面台客人有啲衝突， 佢老闆請著佢真係慘😤 食物質素亦都唔ok ！啲牛肉薄到透光 😮‍💨食物款式又少又唔新鮮 ，好似擺咗好耐咁😒 8點30分左右，我哋就食完坐喺度傾緊偈🤗佢即刻攞張單過嚟，畀我哋埋單😲 到9點10分佢就叫我哋走話要清枱喎😡乜唔係講明無限時嘅咩🤬 後面兩台仲喺度食緊疑似店長嘅男人真係好討厭🤨成日𥄫住我地食完未 仲要畀人趕走 一定唔會有下次，列入黑名單

朋友喺旺角話搵到間冇限時任食嘅火鍋店 中價已經係有靚牛食，所以就去試一試今日就揀咗B餐298入坐就講明不限時 入座揀咗湯底，我要胡椒豬肚湯坐低就即刻攞嘢飲先基本可樂，啤酒，茶飲都有調味料任拎，我自己拎咗好多芫茜， 見佢拎完之後都好快再添加未嚟湯底就先攞熟食， 都有啲前菜同埋炸物炸物都幾有誠意， 有熱住 炸嘢凍咗好難食，今次呢度幾好食蔬菜選擇都幾多，同埋自己攞覺得幾好，每樣拎少少都得，我自己比較鍾意食肉之前先烚啲蔬菜感覺健康啲冬菇好似有兩隻樣，都好好食， 夠厚肉另外今次拎咗好多呢個叫翡翠苗的菜， 爽口重菜味重頭戲食靚牛一開始唔知邊隻牛好食，梗係每樣叫一個先睇落好似樣， 非常對版， 肉色睇落都好光澤新鮮同埋好鍾意佢有張紙寫住係邊一種牛， 非常清楚， 邊隻好食又可以再叫返嗰種唔會撈亂我自己覺得呢個牛背峰最好食仲有我呢個牛骨髓控，一個人食咗兩碟牛肉係掃qr code落單嚟得好快又冇漏單前後叫咗17盤牛肉加兩碟牛骨髓唔知算唔算好多不過，食落又唔覺得好漏我哋主要係食牛背峰+封門柳多係咁食係咁食係咁食， 前後差唔多食咗兩個半鐘兩個人埋單$596覺得呢個餐都好夠食埋單嗰陣原來每人仲包多一杯häagen

今日好開心同一大班朋友出嚟會去咗一間旺角附近食一間唔限時嘅餐廳食放題，佢哋呢一間打邊爐食物嘅選擇非常多，好豐富， 分量十足，有豬肉，加入，海鮮類，餃子，面都有，可以任君選擇，真係啱晒我呀，而且呢一間放題上網好多人讚，所以有食物嘅保證，有水準，而且牛嘅質素都非常不錯，我都好推介佢哋嘅牛五花腩，美國安格斯牛板腱，仲有簿切峰門筆，仲有美國安格斯牛等等，每一款牛嘅味道都非常吸引，我哋最後揀咗個日式壽喜燒嘅湯底，因為呢個湯底配埋牛，同埋蔬菜真係非常夾同埋味道一流，仲有呢一度有唔同嘅凍飲，出面有啲茶包可以沖茶嚟飲，都係好香好好飲，而且呢度嘅雞髀肉，都非常滑，好鮮嫩，非常正，好好食，仲有呢度嘅一流手打稻庭烏冬，口感非常軟綿綿，有口感，所以一定要利是

{肉浦團火鍋放題set B - $298/人頭}最近工作壓力太大，打邊爐治療覆診次數要增加，朋友介紹下，原來旺角有間無限時，質素幾高，而且坐得舒服嘅邊爐治療公司都幾正！對於麻甩佬嚟講，最治癒莫過於個名「肉浦團火鍋放題」，肉食麻甩佬真係聽到個名都企唔穩！初來報到，冇叫到最勁嗰個餐，小試牛刀來個Set B! 唔錯喎，性價比很高！澳洲M5和牛肩胛、美國安格斯牛板腱、薄切封門柳！肉肉來得幾高質，任叫又好食！但令人驚喜嘅，呢度竟然仲可以任叫牛骨髓！真心少見！而且處理得好乾淨，搞到本麻甩勁開心！除咗現場仲有炸物同埋其他火鍋配料俾你出去任攞之外，今天必須推介嘅係，佢竟然有台灣嘅淡水阿給！！豆腐入面釀咗木耳、魚漿、肉燥！講真真係第一次用嚟打邊爐，實在令人回味無窮，真係有去咗台灣嘅感覺！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #肉浦團火鍋放題 (旺角)旺角通菜街1A-1L號威達商業大廈2樓A號舖

呢間想試好耐 之前喺社交平台見好多人講🤣🤣一試真係不得了 3百幾蚊任食有咁既質素！最貴最貴和牛Set都係$368，完全唔似一般放題既平價牛肉！啲牛完全冇筋，重肉味，大大塊，超級高質！今次真係大推‼️仲包3款海鮮任食，有蠔、蝦、魚😋湯底都好多選擇，仲會有期間限定，今次試咗花膠雞湯&沙爹湯。另外最重要佢係真. 無限時，呢樣野真係好吸引，有陣時約埋成班fd出黎聚下，水都未吹夠，又比餐廳催住走，真係勁無癮😮‍💨，呢度完全唔會！真係食到關門都得，嘉士伯任飲，開番個吹水大會都仲得，夠哂盡興🫡🫡-湯底：今次試左花膠雞湯&沙爹湯，花膠雞超濃雞湯味，建議黎到之後，即刻飲番碗暖暖胃先！沙嗲味都好濃，好重沙茶醬味！攞嚟look牛肉真係ichiban呢！🤣個清酒卜卜蜆湯都好似好正，下次要再試埋其他湯底先！🤟🏻🤟🏻🥩肉類：🔺A4和牛肩胛肉眼肉&油脂的比例岩岩好，有啲似平時壽喜燒會食到嘅牛，超飽肚！口感彈牙有咬口，完全唔韌！勁鍾意呢款肉🥹🔺A4和牛胸片真係A4紙咁薄，放落去幾秒已經可以攞番起，入口個感覺好特別！🔺A4和牛後腿肉食落第一啖已經好重牛味，啖啖肉，鍾意重牛味既你必試！🔺牛背峰肉油脂分佈比較多，食落油香味都

今日跟朋友嚟旺角打邊爐，跟佢介紹嚟到呢間肉浦團火鍋放題，最正嘅係可以無限時放題，食飽唞吓再食過，果然冇介紹錯！我哋嗌咗個set B ，麻辣同埋清酒鴛鴦湯底，湯底非常香濃，麻辣湯底麻中帶香，有啲辣椒碎，但唔會好辣，比起出邊其他火鍋店呢度嘅麻辣湯底非常之入味，食牛肉幾乎唔需要調味料都已經好好味，好推薦大家調味料嗰度可以落多啲花椒油，佢可以將麻辣嘅香味帶上另一個層次！清酒湯底好特別，清酒係有個樽裝住另上嘅，如果覺得清酒味太濃嘅可以自己調整落幾多！Set B 嘅牛肉全部都好吸引，其中我最推薦嘅係牛背峰同埋牛滑，細細塊嘅牛肉唔會好飽肚可以有多啲空間試多啲其他肉，同時牛味亦都非常出，放落火鍋淥5至10秒就啱啱好，牛肉非常之嫩滑，入口即溶！牛滑就要錄耐多少少，牛滑幾好咬口，同樣都係食得出好香濃嘅牛味，我哋都encore咗三round！各種丸類、蔬菜、飲品任飲一定有啦，唔使多講，最估佢唔到嘅竟然係仲有熟食，可以當係前菜，想食乜都有！最特別嘅係呢度竟然仲有黑啤提供，真係估佢唔到，我哋都忍唔住整返一罐！整體嚟講都係一間質素好高嘅火鍋放題，呢個價錢亦都咁高質嘅放題，非常抵食！

今日星期閒日同個friend去咗食打邊爐放題，坐得舒服，就算隔離2人位都好闊落，幾個朋友嚟食，一邊打邊爐一邊傾計就啱哂。呢度湯底有6款選擇，簡左清酒味噌卜卜蜆湯底，味道啱啱好，食得出味噌同蜆嘅海鮮味但又唔會太咸太濃味，湯底本身都有唔少蜆，小編同朋友仔每人都食左10幾隻。去到野食方面，丸類同蔬菜都係自己出去夾，想食咩就夾咩，啱哂心急人士，另外抵讚就係佢提供一人一個兜去裝野食，人多都唔使爭。基本嘅肉丸款都齊，而且質素唔錯。蔬菜除左有基本嘅娃娃菜，生菜同金針菇，萵筍。飲品方面有汽水飲品同幾款茶類飲品，而且仲有啲熱茶同茶包俾你自己沖，如果食肉得太飽，飲杯茶解下膩都係唔錯嘅選擇。叫得肉蒲團重點梗係食肉啦，今日係食set C嘅套餐，係可以任食A4和牛。封門柳係薄切所以一放落個鍋度5秒就食得，口感比較鬆軟，牛味唔太突出。A4牛肩胛比較厚身，纖維感比較明顯，有咬口但唔會好韌，好有食肉嘅滿足感。而A4牛胸片同後腿肉都係正常嘅和牛片，口感軟有油脂感。M5和牛睇落雖然啲雪花無咁靚，但食落都係軟嫩有油脂嘅香味。一讚個豬肉片口感軟熟小小爽口，唔會有奇怪嘅豬臭味，幾唔錯。海鮮方面，因為前面已經食到飽飽地，咁小編就

開心星期五 🥳想搵個地方同朋友吹水食飯見呢間寫無限時火鍋放題!!! 🤩帶位入去前，要先揀好叫邊個Set同湯底一共分三個價位$248/298/368有七種口味湯底可以揀👅環境好大，枱之間都闊落坐得幾舒服牆身有好多港式電影的元素🇭🇰又有經典對白的LED燈🔆氣氛好好 十分有地道感前菜吧 有兩款小食：青瓜、木耳跟住仲有港式糖水：木瓜西米露熟食方面，好驚喜竟然有瑞士雞翼大量炸物，如燒賣/薯格/咖哩角等等飲品櫃任飲，花款都好多😍有黑啤，果汁，茶類，仲有紅豆薏米水店員仲會Keep住Refill，唔會怕無哂旁邊仲放左公仔麵任拎😛我揀左中間價Set B其實已經包括左7-8款牛肉 相當夠食唔同套餐包的肉類都係要用QR落單而普通丸類、蔬菜就可以去自助吧任夾😝上餸速度極快，點完無耐😮就一次過上哂咁多款牛肉啦份量都唔少架，一份都已經最少有四塊我地各款都點左一份黎試整體全部都好食，肉味好濃，完全唔韌😬我自己最鐘意係薄切封門柳同澳洲M5和牛牛肩胛封門柳個口感好柔軟好嫩👍🏻而牛肩胛就比較彈牙、咬落去爽D仲有一個好特別的餸叫「阿給」🫶🏻絕對要試，係出面小見腐皮入面包住豬肉, 魚漿, 粉絲同木耳用黎掛湯一流！！吸晒壽喜燒

這間餐廳以提供豪華的火鍋放題為主打,提供了多種優質食材和特色湯底,讓顧客可以充分享受火鍋的美味與樂趣。其中最受歡迎的就是他們的M5M8和牛套餐,主要包括:- 澳洲頂級M5和牛牛肩胛,肉質鮮嫩多汁- 美國安格斯牛板腱和牛背峰,肉質軟嫩多油花- 新鮮的生蠔和海蝦,提供豐富的海鮮選擇這些優質食材搭配上餐廳獨特的醉雞湯底,湯頭鮮美濃郁,能夠充分激發食材本身的美味。除了這套餐,餐廳還提供多種其他湯底和食材供客人選擇,如清湯、麻辣湯、番茄湯等,以及各種蔬菜、豆製品等配料,滿足不同顧客的口味喜好。餐廳的環境也頗為舒適,提供了寬敞明亮的用餐空間,並配備有個人火鍋爐,讓客人可以根據自己的喜好隨意調整火鍋的烹調方式。總的來說,「肉浦團火鍋放題專門店」是一家頗有特色的火鍋餐廳,無論是想品嚐頂級和牛還是新鮮海鮮,又或者只是單純享受火鍋的樂趣,這裡都是一個不錯的選擇。提前預訂可以確保有位置,與親朋好友一起來這裡共享美食定能創造難忘的回憶。

上星期去左隔離食大排檔既時候經過見到依間肉浦團火鍋放題見個名同價錢都幾吸引，即刻問frd有無興趣試試，結果今日就黎左食喇🤣點解我frd咁快應承既原因，就係依度有嘉士伯/黑啤任飲！真係唔多地方有，黎到之後除左飲品多選擇之外，火鍋配料都唔少🤔一大堆唔同款式既蔬菜/丸/菇，仲有幾款炸物，薯格/薯條/麥樂雞/咖哩角/炸燒賣，我都試左少少，味道可以，要新鮮炸起果陣拎！A4和牛牛胸片/後腿肉/肩胛肉眼🐮A4和牛保留牛肉原汁原味，牛味濃郁有嚼勁，好好味！👉🏻牛胸片，肉質鮮嫩多汁，配壽喜燒湯一流，牛肉細膩入味，口感豐富👉🏻後腿肉，肉質細膩，牛肉纖維緊密👉🏻牛肩胛肉眼既部位肉質豐潤，含有較多脂肪紋理，較重油脂味，口感滑身少少。牛背峰/牛板腱/封門柳/牛五花🐮👉🏻牛背峰肉眼筋膜切下既上蓋肉，油脂花紋分佈均勻👉🏻牛板腱肩胛上方既肉，中間有條透明既嫩筋，脂肪少肉質口感酥脆👉🏻封門柳係橫隔膜，空腹肉附近，稀少部位，肉質桀軟牛味較濃👉🏻牛五花油份較多，層次豐富，配合壽喜燒汁非常滿足。各種配菜都幾好食😁菜既款式基本都試哂，旺菜、生菜、菠菜、萵筍等等🥬全部索哂我最愛既壽喜燒汁，超級入味，食足全程一點都唔油膩，另外仲試