肉浦團火鍋放題 (已結業)

打邊爐係無分心情同埋季節，而要滿足突如其來嘅食慾，任食一定係最好選擇。呢間火鍋放題而家逢星期日至四做緊二人同行，一人半價優惠！見到咁抵，我哋即時入去試下。店長裝修好有心機，好多地方都掛左電影漫畫，尤其呢張餐枱紙，相信花咗好多心機設計👍🏻🤣 我地點左澳洲M5M8和牛任食Set，配壽喜燒湯底。呢個set 既都有好多款牛肉可以試：澳洲M5和牛牛肩胛澳洲M8臀腰肉心澳洲殼飼牛臂尖美國安格斯牛板腱美國安格斯牛頸脊美國安格斯牛背峰薄切封門柳👍🏻牛肉既油花豐滿，霜降亦好均勻，牛肉掛滿壽喜燒汁後更好味👍🏻兩個人食左八碟牛🫣😋除咗和牛，仲有越南虎蝦、廣島蠔同埋幾十款配菜可以去自助區自己夾👍🏻配菜選擇好多，而且自助區、飲品區乾淨企理，值得一讚！飲品仲有啤酒任飲👍🏻👍🏻廣島蠔都算大隻厚肉，食落去無腥味👍🏻即刻點多幾隻黎食😋 最後，每個客人都會送一款Häagen-Dazs雪糕或者芝士蛋糕。結果我同朋友飽到捧住個肚走，推薦大家去試下。

🌟🌟同朋友喺旺角行完街，又見近排天氣涼涼地，所以就去咗肉浦團試吓個火鍋放題。🌟🌟入到肉浦團，發覺裝修真係好特別，好有型😎食物方面，除咗肉類、海鮮等用QR code order,🌟🌟飲品、丸、蔬菜、菇、炸魚皮、響鈴等就喺出面攞，非常之多嘅食材選擇。🌟🌟我哋揀咗壽喜燒湯底，配搭肉類和蔬菜都一流👍🏻🌟🌟值得推介之食品-魚肉春卷，質感彈牙，魚香味重-澳洲M5和牛，口感軟嫩、多汁-牛板腱，脂肪較少，有咬口、肉味濃郁-鹿兒島黑豚肉，肉質緊緻多汁、口感柔軟有彈性-芋頭，香甜鬆化-炸魚皮，炸得夠脆口，吃下滋咔滋咔聲-蝦滑，夠爽彈，唔會鬆散-蝦，新鮮-蟲草花，口感不錯，健康之選❤️最後以芝味濃郁的cheesecake 作結尾😋

呢間係我食完打邊爐想即刻再食既一間餐廳呢間打邊爐比我想像中食物多好多選擇🥘而且出面仲有好多哈同款式既沙律/蔬菜種類揀另外仲有乳酪等等 🥦🥬🥒🫒🍅平時其他日打邊爐有既款式呢到有齊而且有突主打和牛 佢既五花腩 牛舌 肥牛 魚滑 墨魚滑食落feel到係高質牛既牛脂分佈好平均好靚 而且每位食完都有杯哈根大師雪糕😋🍨我地點左好多野食 廚房送黎既真係無送漏呢樣真心抵讚 而且服務都好好環境都唔會逼又乾淨 坐得好舒服 成個氣氛好好會推薦比朋友試🥰

講真，呢個肉蒲團真係好正啊！啱啱一開始見到佢，就已經被佢嘅外觀吸引住啦。佢嘅色澤好深，深啡色嘅蒸餾皮包住一粒粒紅色嘅豬肉，好似啱啱出爐嘅樣，即刻就會令你食指大動！而味道亦係非常棒！豬肉鮮嫩多汁，而且肉味都好濃郁。蒸餾皮薄身鬆軟，好咬唔夠口感，而且仲有一種微微甜味，同豬肉味道好夾好啱，真係一啖接一啖停唔住！不過，如果真係要講創新，我覺得可以加啲芝士或者其他嘅醬汁，增加啲層次同口感。不過無論點樣，呢個「香港肉蒲團」都係一份好正嘅食物，絕對值得一試！

今日突然好想打邊爐，諗住搵下邊到有好食既邊爐，然後個fd就推介左呢一間肉浦團火鍋店環境比普通火鍋店乾淨同闊落，坐得幾舒服，感覺完全唔似一間港式火鍋店一入到去坐低二話不說更係出去拎野食，佢個款式幾多，有我最鐘意食既萵筍，淮山，仲要係大大件，丸都幾齊全，仲有炸薯條，咖哩魚蛋同打邊爐非常重要既響玲！打邊爐既配菜準備好了，壽喜燒湯底已準備！咁跟住落黎緊係到主菜！一黎就送左d頭盤靚肉黎食，非常之打卡able啦重點係呢個牛背脊同牛頭脊實係非常之好食，食落去勁有牛味，肉質幼嫩呢個臀腰肉心亦都係我誠意推介，本人比較鐘意食少脂肪同肉味重既肉，呢隻肉岩曬我口味！仲有邊少得更係海鮮，我最鐘意食蝦，食左勁多隻，新鮮！

今晚收工同 bf 去旺角食火鍋, 聽個名就......嘩咗一聲 對住劉華, 真係嘩嘩嘩, 打下卡先 各類新鮮蔬菜 ： 唐生菜、紹菜、 翡翠苗、 白蘿蔔、 甘菇菜、南瓜、紫薯等......仲有龍蝦丸、香芋貢丸、墨魚丸、芝心丸、腸仔、午餐肉、魚腐等, 數唔到咁多 汽水、 茶類、果汁、椰子豆奶, 梗有一款啱你口味.即食炸魚皮、響鈴、薯條.可能係因為用燈照住, 保持熱度, 所以特別脆口, 個炸魚皮好好食, 我食咗唔少 要咗個藥膳花雕醉雞湯底, 藥膳味超濃, 睇住隻蝦慢慢變熟, 好殘忍吖 .唔同嘅牛及部位, 一目了然等自己慢慢品嚐哪款好食.肥美生蠔, 唔係間間火鍋店有得食. 我鍾意芝心丸一絲絲芝士嘅感覺 最後食杯哈根戴雪糕, 滿足的一餐.

🔥🍲肉浦團火鍋放題🍲🔥旺角通菜街1A-1L號威達商業大廈2樓A號舖一間玩味十足既火鍋店提供多種口味的湯底和新鮮的肉類、海鮮、蔬菜等食材，讓顧客可以按照自己的口味和喜好自由搭配 有舒適的用餐環境和寬敞的座位，提供舒適愉悅的用餐體驗價格不同時間段的優惠價格有彈性好多調味料 迎合到多人需要 2 人同行其中一人半價M5和牛Set 都幾正澳洲M5和牛牛肩胛 安格斯牛板腱牛頸脊 牛小排 安格斯牛骨髓 薄切封門柳豬里脊肌 牛腱肉 豬面頰肉 牛五花腩 俄羅斯豬梅肉豬五花腩 鹿兒島黑豚肉 特選雞脾肉 牛滑廣島蠔 日本帶子 石班魚片 越南虎蝦 蝦滑原隻魷魚仔五香肉丁餃 咖哩牛肉餃 鳳城雲否重點提下 蝦滑勁多蝦肉 封門柳牛味之最！石班魚片啖啖肉 好食🤤 日本帶子鮮甜越南虎蝦可以話係成餐食得最多 haha

朋友介紹依度d牛肉放題好正，有7種唔同既牛肉，3款澳洲牛M5/M8/穀飼牛； 4款美國牛肉，有肉味重既，亦有油香重，味道各有特色， 除左牛肉之外，仲有大眾化既港式火鍋，款式都好多，有海鮮、豬皮、牛柏葉、各式丸類同蔬菜。 依度既響鈴同炸魚皮係自家制，熱辣辣鮮制， 特別鬆脆。 特色湯底有8款，今日叫左個冬陰公湯底，好濃酸辣味適中，食物吸收湯底既味道，好醒胃及提升味道。依度既裝修環境非常別緻，地方好寬敞，又夠光猛，檯與檯之間夠晒安全距離，地方又好清潔衛生。 自助飲品幾有特色，除左港產飲品外，仲有台灣同韓國出既飲品。依度個勝價比超高，仲要有質素，食完仲有雪糕一杯 Häagen-Dazs。

這次去試一間火鍋放題老闆應該是個電影迷，到處都有電影海報融合了火鍋主題很有趣自助區除了各式火鍋配料和丸類之外，居然還有炸生蠔！記得試試🫶🏻我點的是M5和牛套餐基本的肉類都有還有廣島蠔，石斑魚片，日本帶子，越南虎蝦等等但A4鹿兒島泰元和牛肩胛肉眼必點！入口即化！想不到放題居然有這種質素的和牛！太好吃了！生啤放題是日本麒麟，一開始我以為是一杯杯或是一瓶瓶上來的沒想到店員端上的是一個3公升裝！這家店實在太豪爽了吧？！朋友聚會，酒鬼必去！💰人均：$430

今日聽朋友介紹嚟到旺角嘅呢間肉蒲團火鍋放題，朋友呢度食物選擇多又高質，今日一試果然名不虛傳！見到有一個湯底叫清酒味噌卜卜蜆，非常特別，就試一試喇～本身就咁試就覺得係普通味噌啦，又無咩清酒味，d蜆雖然唔算太大隻，但都無沙嘅，正正常常咁，但食食下發現原來有壺清酒喺隔離🤣🤣🤣可以任意加幾多就幾多，一加左個感覺就出黎喇，成個湯底有番酒味又清甜曬！牛肉方面完全唔會揸流攤，全部都係靚肉，最值得稱讚嘅係佢每一份牛都展示晒係牛嘅邊一個部份，令到你可以選擇追加番鍾意食嘅牛肉，我個人比較鍾意食油脂比較多淋身d嘅牛板腱，朋友就比較喜歡食牛味重身d嘅m5和牛，所以佢有晒標示就唔驚叫錯啦👍🏻總括而言呢度嘅環境舒服，食物種類豐富，肉嘅質素高，而且菜同丸嘅種類都好多，仲有可以無限添加嘅出前一丁同辛辣麵，打邊爐真係一流，加埋少量熟食，真係任何人都會搵到啱食嘅野👍🏻

👧🏻 打邊爐最緊要係朋友啊! 🤣同朋友出街食飯想傾耐d計 去打邊爐真係一個唔錯既選擇-肉浦團既風格主要以工業風為主 有d 霓虹燈作裝潢 仲有d好搞笑既二創電影海報poster🤭🍴M5 M8 和牛 set 餐廳呢排做緊優惠😏 星期日至四既晚市叫呢個set 有2人同行1人半價 好抵👍🏻🐂牛肉方面叫得肉浦團 餐廳肉既質素真係唔錯😆 除左M5 M8 和牛之外 仲有薄切封門柳、美國安格斯牛板腱同澳洲穀飼牛臂尖🤤個人比較中意食牛臂尖 除左因為穀飼比較健康、脂肪含量較低之外 肉質都好爽口 同好重牛味✨🦑🦐海鮮方面有廣島蠔🦪同原隻魷魚仔😍好吸引 同埋都幾新鮮! 另外蝦滑都幾彈牙 唔錯🤣但要注意既係 每次落單最多叫4樣食物 廣島蠔係逐隻計的 如果想食多d 可能要分幾次落😏🍢丸類及其他方面😍✨推薦流心芝士魚蛋 好邪惡 芝士真係好流心的 食個時要小心d🤭 另外鳳城水餃同廣東雲吞都唔錯 可以一試😋 餐廳好似每晚既甜品/雪糕都唔同🤤但👧🏻覺得最後收尾一定要食番杯Haagen-Dazs雪糕 滿足曬❤️ 📍肉浦團火鍋放題 @旺角通菜街1A-1L號威達商業大廈2樓A號舖

收工行完旺角想打下邊爐，係餐廳食肆林立嘅通菜街搵到肉浦團，見位置方便裝修又有特定就試下啦。我哋揀咗M5和牛SET同藥膳花雕醉雞湯，帶位途中見到好多各式各樣醬料一應俱全，誠意十足!餐坐低之後侍應就捧上我哋叫嘅藥膳湯、一壺花雕同一碟雞肉。藥膳湯香氣濃郁，倒入雞肉同灑上花雕之後酒香四溢，雞肉酒香超級香，藥材味十分入味。然後到主角牛出場喇，一盆充滿仙氣嘅牛分別有A4牛頸脊、牛板腱、牛五花、牛背峰各數件，比我哋小試牛刀。個人覺得牛板腱最好味，肉質嫩滑，肉味濃而不膩。食完呢幾款牛仲有好多牛可以叫，澳洲M5和牛、M8臀腰肉心、薄切封門柳等等，總有人款啱心水。其他打邊爐配料當然唔小得啦，各式菜類丸類都有，我最鐘意芝心牛丸，咬落去芝士味係中間慢慢流出嚟好正。咁都唔夠?仲有麥樂雞，薯條，出前一丁同平時唔會見到嘅辛拉麵，我見到都要拎個試下食完真係好飽，下次經過可以再試!

「打邊爐最緊要係朋友呀！」今晚朋友推介平日星期四至日，二人同行一人半價優惠，岩哂食肉獸黎旺角肉浦團食火鍋放題🤩 火鍋店有大量打卡位，裝修走年輕漫畫大牌檔風格😎揀左清酒味噌卜卜蜆湯底🥘 新鮮感十足!加日本清酒，湯頭鮮甜蜆肉易入口嘅湯底😆必揀M5M8和牛Set $368/位 無限任食澳洲和牛120分鐘 😍主打澳洲M5和牛、M8臀腰肉心、美國安格斯牛板腱、牛背峰及牛頸脊外、仲有薄切封門柳、牛五花腩、牛腱肉等任叫任食😋 用QR Code落單方便快捷，和牛無得輸，絕對滿足到牛迷嘅你!除了任食靚牛外，仲有北吉廣島蠔、石斑魚片、越南虎蝦🦐、原隻魷魚仔🦑等，夠抵食😉自助吧任選 火鍋配料包括魚皮、小食炸物、特色丸類 (芥末餡貢丸、流心魚蛋丸、墨汁墨魚丸、芝士魚腐等) 、時令蔬菜 (蟲草花)及啤酒汽水(冬瓜茶、燒仙草爽)飮品，一應俱全🍻最後送上Haagen Dazs雪糕杯做甜品！😁

香港人真係一年四季都鍾意打邊爐，今次嚟到美食天堂旺角試下呢間肉浦團。$368有 M5 M8和牛set都幾抵。入面啲裝修幾特別，有好多好靚好搞鬼嘅惡搞畫，去開嘅可以留意下！講番野食先，醬料區應有盡有，連花椒油都有🤣環境都幾乾淨~野飲都係基本大路野，有糖無糖都有仲有個小食吧，有燈照住啲麥樂雞同炸魚皮都脆😍自助區野食都非常多，丸類同蔬菜都好多款~特別推介蟹子豆腐~好食啲菜都好新鮮，又refill得幾快湯底揀咗清酒味噌卜卜蜆湯~味噌味好出，卜卜蜆勁多🤣不過要快啲食，唔係會搞到個煲好嘈😂到重頭戲，無限牛牛牛！先嚟一盤打卡仙氣滿滿嘅牛先幾鍾意呢盤牛，有得比你試幾種部位，之後可以再encore!!!每種都有牛味，油花豐富，唔鞋！另外個餐仲包埋M5 M8和牛個人覺得M8臀腰肉心正啲肥啲😍😍海鮮方面仲有蠔、蝦、蝦滑同魚片~蝦滑非常彈牙👍🏻甜品仲有haagen dazs~完美😙

午市90分鐘放題(澳洲m5和牛牛肩胛，美國安格斯牛背峰) 二百零蚊一位，有八個湯底選擇，有22種食料，及飲品任飲。環境方面，地方乾淨整齊，椅子七彩繽紛，港式嘅裝修風格，充滿玩味及時尚感，帶出一種年青氣息。食物自助區有多種火鍋食材提供，各式各樣嘅丸類/腸仔，一應俱全。 仲有響鈴，炸魚皮，公仔麵，辛辣麵… 蔬菜/瓜類亦都有唔同選擇，全部都清洗乾淨，分門別類擺放好，整體都好新鮮，特別係蔬菜，款款都是翠綠鮮嫩的。每枱都有兩大個食物兜提供，想食乜就拎乜， 除咗可到食物區提取食物之外，餐廳亦有q r code落單食材。今日揀咗清酒卜卜蜆味噌湯，湯底非常清甜，帶有日式風味，蜆肉鮮甜飽滿肥美，重點係冇沙。火速將所有食材放進湯底，一嚟可以令到個湯底更甜，層次更豐富之外，亦都可以爭取用餐時間。餐廳會先安排幾款牛，好細心全部都標有名稱，吃過好吃可以無限任點。不得不讚，這家的牛全部都很有牛肉香味，絕對是上乘的肉質，對於打邊爐重點吃牛的人必定會喜歡，絕對吃完會繼續想再吃。另外除咗肉呀，菜呀，丸類之外，亦有海鮮提供，隻魷魚好大隻，好彈牙。越嚟越少火鍋店有蠔食(除非自費)，對於放題有蠔任食，本人相當驚喜。另外亦有大