肆柒食堂

营业中

休息中

靚太去開觀塘上堂, 放飯搵個地方醫下個肚😌黎到呢間新食堂, 試左兩個我的最愛咖喱吉列豬扒飯 配左一枝樽仔奶茶一枝樽仔咖啡件豬扒上枱就被切一刀, 望一望都好厚身啊我把刀吉落去就感覺到好鬆脆! 咖喱用日式, 開正靚太心水🥰無港式咁油淋淋, 甜甜地送飯開心啊食完飲埋枝樽裝奶茶, 小甜配方, 口感滑味道濃, 樽仔咖啡有啲驚喜, 好濃係即濃咖啡嘅感覺!👍🏼食完成個餐飽到反轉左, 飯量好夠, 汁量岩岩好! 👍🏼👍🏼👍🏼

星期六係觀塘遊下，意外尋到寶☺️撞到個好驚喜既咖喱吉列豬扒飯，餐牌寫到明用新鮮麵包糠，即係手工野啦，咁要揀佢啦！日式咖喱汁底，加左大量薯仔粒甘荀粒，食到有洋蔥蘋果，相當唔錯。講下件豬扒先，一切開有聲，個包糠的確係鬆脆，有啲返左家鄉日本🇯🇵既感覺，仲要不得不提個厚度，用料十足！少少美中不足係個白飯唔係用珍珠米，但單單睇個吉列豬扒同咖喱汁，驚喜高質！估唔到小店有呢個質素！飲品加左枝樽裝綠茶，清清地☺️

見新開餐廳就去試下 點知伏！間餐廳都好大油煙. 入到去霖住快d食快d走. order左個是日午餐中既溏心蛋牛蒡雞丼加雞扒. 如是者等左20分鐘 見後面入左d人都好快送上餐就知不妙. 叫姐姐去問問. 原來漏左單. 再等多10分鐘都依然未出.仲要趕返返工既大佬！

喺地鐵站大概行5分鐘就會見到呢一間新開嘅餐廳，都幾大間㗎好多卡位！我哋嗌咗個活蜆米線 ，可以揀唔同嘅湯底，呢個係冬陰功。都算抵食，好味！另一個係咖喱吉列豬扒飯，有半隻糖心蛋，啲吉列豬扒好脆、上碟嘅時候熱辣辣，係新鮮炸起嘅！另外套餐仲包埋燒物，呢個係燒雞軟骨，上碟嘅時候個串燒棒超熱，證明真係即刻燒！食落口脆卜卜跟住我哋嗌咗兩個樽裝嘢飲，一個係咖啡一個係奶茶，甜度適中，好飲！如果喺觀塘返工都可以試吓❤️

呢間餐廳係觀塘工廠區新開，餐牌比普通茶記特別啲，經過門口又派coupon就試下。叫左1.活蜆手撕雞米線麻辣肉碎湯底配燒五花肉串2. 9分鐘雞翼餐，配沙嗲煎蛋公仔麵奶醬多士3. 黃金娃娃菜4. 熱同凍檸茶通常對茶記嘅米線湯底都無乜期望，呢個都唔例外。唔太夠味，調味單調。啲餸就okay，蜆無沙，無腥，係新鮮嘅，信佢係活蜆。手撕雞唔嚡口，幾好。呢個真係驚喜，係好好食，熱辣辣，唔靱。用汁燒，日式，五花肉啲肥膏燒到入口即溶，好有油香！就算串燒店都未必燒到呢個水準。娃娃菜，佢話係用蒸烤方法做，所以外表乾身，但食落口係保留到水份，幾特別。黃金即係蒜蓉，蒜蓉係偏乾身，唔係嗆口嘅蒜蓉。份量唔多，當佢一串串燒咁會好啲，叫嘅時候以為係一碟，我諗大概半條娃娃菜咁上下。雞翼都幾大期望，因為佢話9分鐘雞翼，相信佢係想賣肉質，對比五花肉，呢個普通，瑞士汁做法，咸左啲，肉質okay，唔柴，少少少少少過左火啦。煎蛋唔comment。公仔麵一上枱好大陣麻油味，明明叫沙嗲㗎？食落個湯又偏咸，似係出前一丁湯再加沙嗲，我諗佢唔好加埋一丁個湯底會好啲，麵質就煮得剛好。奶醬多啲醬好多，但個花生醬食落口無乜花生味，重煉奶味。佢好多野

Blue Monday!!!!!又黎到要奮鬥既星期一，點先可以有個Goooood morning？🌞前一晚就諗好左今日要黎47食個靚早餐話說呢間開左兩個月既小店已經慢慢變左食堂，不過平時主要都係lunch，坐定定食早餐都係第一次揀左個茄湯慢煮手撕雞湯米粉，火腿炒蛋厚多士先講份量，係豐富嘅☺️個炒蛋厚身，手撕雞同米粉份量亦相當足再講味道，滿意嘅😛茄湯唔算好杰，米粉係用透明米粉，唔容易浸淋發漲，口感亦較一般餐廳好，加分細心位！慢煮手撕雞，浸左茄湯都唔算鞋，效果唔錯多士都烘得幾香順帶一提，平時食開午餐，覺得佢地好有心整食物，吉列豬扒特別上癮，有機會再分享！

蜆呢家野，眾所周知係麻煩、多沙甚少餐廳會選用新鮮貨，但係觀塘呢間食堂比我發現到！晚市燒物套餐，揀完米線仲有小食，跟埋飲品，配搭好豐富我就毫不猶豫揀左活蜆冬陰米線配香茅豬扒+燒茄子+樽仔奶茶朋友就揀左海南雞飯+香茅骨+樽仔咖啡先上飲品，好飲！本身都飲開樽仔奶茶，貪在冇冰唔會變淡講返呢度先，一入口奶茶茶底濃、口感滑咖啡亦都好香，聽店員講係用即磨咖啡有誠意活蜆米線，蜆漲卜卜，無沙！冬陰湯唔辣但好惹味香茅豬扒，好重香茅味肉質Juicy，淋身海南雞飯，雞好滑！配酸酸地嘅汁，相當開胃食物質素整體相當有驚喜環境亦相當舒適晚餐係一個好選擇

「食堂」級價錢，menu卻有出乎意料的新意思。每星期只准自己吃一餐雞翼的我，就是把quota給了這新食堂的招牌「9分鐘雞翼」。先被雞翼的色澤吸引，隻隻漲卜卜的, 剛剛好的入口溫度，豐富的肉汁瑣在皮和肉，咬一口即感覺到雞翼實在浸得好，應該是浸了9分鐘吧。餐加$18享用3隻，性價比高，份量正好，飽口福之餘又好快有點掛住，想明天再多食一次。其實午餐都有個「葱油麵9分鐘雞翼」，麵是公仔麵，葱油味香濃卻不至於太油膩，偶然放肆食一客無妨，讚！

新開觀塘食堂一入去裝修相當企理人唔太多，坐位亦相當闊落一個人食下午茶聽侍應講岩岩轉左新餐被推介叫左個吉列魚柳包大癲！！一黎到個包熱辣辣，一睇就知條魚即炸用刀開半，切落舊魚柳係有聲既一個字 鬆脆！魚柳肉係滑既有汁既包係熱既同其他同區茶記相比呢個吉列 冇！得！輸！真係比到家鄉日本既感覺我加埋有得揀梳打水 都只係加$3岩曬我呢啲又想偷食 又想扮健康既人回頭率100%因為想試午餐咖哩吉列豬扒飯成件事出色！性價比高！

喺觀塘附近返工💼難得呢個地區咁多小店食店成日都會特別想發掘一下美食今日經過開源道就見到有間新餐廳開張於是就入去試吓睇吓好唔好食☺️本人比較鍾意食辣同海鮮所以見到餐牌上面有冬陰功蜆米線🍜就即刻諗都唔諗落單嘢食好快出到👍🏻喺觀塘返工最緊要就係快😂然後送到出嚟都已經好大浸冬陰功香味😋然後如圖，啲蜆超級大隻！每粒都脹卜卜 ！無沙！超乾淨！完全冇啲話好腥嘅怪味👍🏻而且啲雞絲都唔會話好靭湯底都調校得好好唔會話太咸 唔會話好辣所以鍾意少少辣嘅朋友仔都食到另外同事叫咗個咖喱吉列豬扒飯啲豬扒都炸得超好每舊都係卜卜脆好開心之後又多一個飯堂☺️最近新開張買單仲有優惠券送大家可以趁早快啲去試吓🤣

TGIF! After a lonnggggggg day, I’ve found a new restaurant nearby. Canteen 47 @Kwun tong Hoi Yuen RoadBig surprise!Surprise 1.Clam Miso Soup $9Really fresh Clams with white miso and sake. Surprise 2. Hainan Chicken Rice $62How tender the chicken! And the thai sauce , which mixed with red pepper, garlic, vinegar I guess, is soooooo fresh.

肆柒至尊脆熱狗 配 法蘭克福腸 再加和風雜菜。熱狗外脆內軟，秘製醬汁野味可口配以青瓜蕃茄肉醬及法蘭克福腸，令整個熱狗美味豐富。流心奶醬西多士，有別於一般西多士多的油膩感，香甜嫩滑的花生醬及奶醬配，美味可口而不會太甜。兩件食物及兩杯飲品及一碗活蜆味噌湯共需75元。價錢實惠，食物美味，環境舒適，驚喜之選。

觀塘真係一個美食天堂，有好多唔同嘅食肆，最近又開左間新店，一於去試下個lunch 先。一入到去發現原來都幾大，走木系日本風，地方寬敞，一啲都唔迫👍🏻午餐選擇很多，有啲選擇困難添😜1️⃣ 活蜆手撕雞米粉(味噌清酒湯) $56湯底有陣陣清香嘅清酒味，反而味噌味不太岀，蜆到幾大隻，有4隻，新鮮仲有些少海水味，最令👱🏼驚喜嘅係竟然係用新竹米粉，手撕雞味道適中。2️⃣ 泰式無骨海南雞飯🐔 $62油飯好香，海南雞肉質滑嫩，啖啖肉好滿足🥰配上個甜甜酸酸嘅汁醬，非常開胃，份量亦非常足夠。3️⃣ 日式咖喱吉列魚柳飯 $62一上枱就俾件吉列魚柳嚇親，好大塊，差不多係隻碟嘅一半，砌開後仲有肉汁流岀，而且餐廳用上新鮮麵包糠作為炸粉，非常香脆，做到外脆內軟😋4️⃣ 9分鐘雞翼 $28/3, $42/5其實係瑞士汁雞翼，煮得剛剛好，非常入味🤤5️⃣ 樽裝冷泡綠茶 套餐+$6帶有陣陣清香嘅茶味，可以解到吉列魚柳嘅油膩感。整體來說，價錢非常化算，味道亦算中上，而且座位舒適，服務也不錯，下次會再去幫襯。✳ 新開張期間仲送coupon，非常優惠

睇到有新餐廳，今日lunch來試下。咖喱幾易入口，唔會太辣，魚柳都好好食，餐牌上寫用了新鮮麵包糠，撈麵味道都幾舒服。仲有奶茶幾好飲😍Btw 餐廳空間都幾大，一啲都唔迫。

新開食堂，地方乾淨，間格寬敞，唔怕同隔離枱太近，環境舒服係大街行幾分鐘就到，門口冇咁明顯，但唔難搵到食物用心好味！賣相吸引有肉燥加左牛蒡，健康又好味，份量好夠，食到尾都仲有🤤🤤🤤另有烤節瓜，好好味！ Juicy 👍👍嗌左可樂，另送左滿滿一標杯冰，嚴嚴夏日最mitch👍👍👍 侍應好有禮貌！ 叫左杯水似，竟然係檸檬水！係唔同細節都感受到食堂既用心同細緻而且價錢平！ 50左右就有！ 幾驚喜好滿意既一餐