肆柒食堂

营业中

休息中

從不寫食評但今次真係要分享一下，下午茶叫豬扒薯條嚟到得半塊豬扒都係第一次見，職員聽見即刻話因為件豬扒好大件所以要分一半😓真係聞所未聞，還是我孤陋寡聞？ 其實商家可以選擇改餐價賣貴啲，咁樣比一半食客好似比人食過咁😔真係難怪香港人北上消費，感覺超級差不會再嚟了。

溏心蛋牛蒡雞丼 配 燒五花豚肉 扣底($54) ●●●●○幾特別嘅配搭 肉唔柴 不過所有嘢撈埋食有啲乾身燒翠玉瓜最好食，juicy又香喎整體表現正常啦但係送餐嘅時候成張單痴住我碗飯又冇幫我拎走，心入面扣好多分💢💢凍奶茶 少冰少甜少奶 (+$3) ●●●●○✍🏻 同事話佢哋叫嘅嘢食都唔錯，建議行過唔多人排隊就可以食📍肆柒食堂💰：●●●●○ 環境、服務：●●●◐○

午飯時間過嚟試吓呢間肆柒食堂，點幾鐘都要排咗十分鐘隊。午餐選擇都非常多，以日式烹調為主，我叫了個BBQ燒雞扒煎蛋飯配一串燒翠玉瓜，雞扒燒得皮脆肉嫩加，燶邊流心蛋加上少許甜豉油，好味到隻碟都照鏡😂

肆柒食堂一直都係我返工嘅食堂，基本上一個禮拜三餐走唔甩，但點解會話佢奇怪？原因係佢成日都有驚喜，你永遠想像唔到佢只係間工廈餐廳。例如佢日系裝修企企理理，但係有碟好正嘅海南雞；工廈食堂有燒到脆卜卜嘅雞扒飯，好多啲驚喜。但最驚喜係佢每日都有唔同嘅大廚推介，今日就食左個咖喱漢堡扒蛋蓋飯，呢個飯出邊最少都收88-128不等，當然視乎漢堡質素，用咩蛋等等。今日47呢個收$72，包湯包飲品，質素一啲都唔差，隻漢堡扒夠juicy，蛋又夠滑。咖喱亦都係一路食開嘅。加埋杯生薑蜜都係$84，呢個價錢，呢個配套，呢個質素，冇投訴啦！平時會見到有啲唔同款啲意粉都相當高質，所以話佢就一個奇怪而好食嘅存在

之前食過一次，但食咗乜嘢就唔記得。今次就試咗個兩人shabu shabu套餐，(掛住食，連相都冇影，不過睇返其他板友都有貼)。加咗廿蚊叫牛肉，兩個人得一兜shabu shabu，預咗佢份量少㗎喇。所以叫多一份豬肉。味道不過不失，冇乜大驚喜。不過要提一提，佢啲烏冬真係好好食，又夠滑，應該唔係一般平價嘢，而且冇嗰陣酸味，可能用上湯淥過下，呢樣嘢要讚。套餐內包串燒，有豬肉串，雞軟骨，南瓜，同埋茄子，都好好食。茶碗蒸內得一隻蜆，都係一般貨色都係好食的。唔知係咪蒸得耐咗，啲蛋比較硬，呢樣可能要改善一下。總括嚟講，呢間餐廳都可以翻兜嘅。下次再試下第二樣。

我係比較夜的時間去，無乜客人，但員工都唔係好理人咁，嘢食好一般，唔係特別好食或難食，推薦嘅自家製嘢飲好淡，就係比水有味一點點，如果有得揀就唔會再去囉👎🏻👎🏻👎🏻

今日途經呢間餐廳，我習慣先上網看評語，看到好評便來一試，可惜....都是比較失望的，可能是點了特價早餐吧🙈🙈 因為看到剛好是我喜歡的手撕雞和蟹棒湯米粉，而且只需29蚊，我和叫了一杯茶走，店員說沒有，但可以叫奶茶，另外煉奶可以加1蚊，外表還可以的，但味道就..先說手撕雞一吃進口就是很大雪藏味🙈所以加了辣椒油，加了比較好一點，可蓋過雪櫃的味道，再來是米粉，我覺得是彈牙，煙銀的，但感覺很假，不是由細到大習慣那一種，可能是我不習慣，但感覺也不想再食這米粉，蟹柳是正常味道，最後試我加了1蚊煉奶的自制茶走，不能好喝，就是感覺怪怪的，評分是奶茶比正常低一點點，不至於難喝的，如果今個早餐，評分40（100分完分）或者不應該叫特價早餐😭😭😭😭忍不住立刻要寫評語

喺公司返工嘅時候，間唔中會同同事一齊喺呢一間茶餐廳食午飯。呢度嘅生意非常之火爆，午餐時間一般都係要等位，就算係卡位都係要搭枱。餐點嘅選擇唔算好多，都係一啲經典嘅港式茶餐。味道方面中規中矩，我叫咗手撕雞冬陰功米線，雞肉有啲硬，米線反而就有啲琳，冬陰功湯底算係過關，味道幾濃郁都算係正宗嘅，而且唔係好辣。價錢就50幾蚊，以觀塘工業區附近來講呢個價錢唔算貴，而且仲送嘢飲，嘢飲嘅選擇同質素都唔差，熱朱古力沖調得濃郁香醇。

早上早了好多返到公司，在附近發現呢間茶餐廳。入面都幾闊，有卡位。沙爹牛肉公仔麵餐加凍奶茶 $41沙爹牛肉公仔麵好香，牛肉夠淋，但可惜沙爹味唔夠濃比較淡套餐有多士，炒蛋🥚同火腿蛋超滑超好食多士勁厚身同洪得剛剛好，夠脆及帶有香香的牛油味奶茶茶味夠濃，唔苦唔太甜

  員工服務態度非常之好有一次路過行到去食，發現真係唔錯 個多士好正 員工個個都好有禮貌一啲都唔似茶記可惜星期日唔開😭😭佢哋午餐全部都唔錯 雞扒飯個雞扒好香 應該佢哋公司有嗰個燒烤爐總之一試難忘 好正

又到中午要搵食嘅時間，想簡簡單單食個午餐，就試左呢間面向大路嘅餐廳。第一次黎食，中午1點半仲係人山人海，8,9成座位有客，感覺食物質素應該唔錯。 好多選擇，兩人同行食左火腿絲仿鮑魚絲通粉、花生奶醬多, 炒蛋、糖心蛋牛蒡雞丼配燒五花豚肉火腿絲仿鮑魚絲通粉不過不失，正常通粉，火腿同鮑魚絲都足料花生奶醬多, 炒蛋奶醬多正常，炒蛋幾滑幾香口糖心蛋牛蒡雞丼配燒五花豚肉五花豚肉唔柴，其他中規中矩呢度係想食一個唔貴中午快餐嘅選擇!

午餐走到了呢間比較多特色配搭野食既茶記，比較新派，主打活蜆味噌湯。一坐底拎起餐牌就睇到「溫泉蛋卡邦尼意粉」，以我係一個卡邦尼意粉控，諗都唔諗就叫左卡邦尼。溫泉蛋卡邦尼意粉 配 活蜆味噌湯 及凍飲$68完全係茶記價錢，但質素係高過茶記好多，好抵食意粉偏硬身，唔似一般茶記意粉煮到超淋，汁既份量都足夠，蜆有兩隻跟味噌湯，蜆亦都新鮮，但以我對卡邦尼既高要求，水準還未及西餐，但已經好好以呢個價錢凍檸茶亦都係我必點，一定要少少甜，甜度亦都控制很好。

星期六同屋企人喺觀塘開源道行完街拎住一袋二袋附近都多食肆想搵間茶餐廳食下午茶坐下餐廳地方好大好闊落職員安排咗我哋坐卡位點咗個吉列魚柳配薯條 $38如圖中一樣見到係失望嘅吉列魚柳細份到同茄汁碟只係差唔多大切開兩份，食兩啖就無晒啦份量少到食完好似無食過野咁🫠我覺得依個size既吉列魚柳比2塊先算合理始終吉列魚柳先係呢個下午茶嘅主菜薯條係配菜吧😹檸檬茶茶味都唔係好濃，正正常常啦📍肆柒食堂🔎觀塘開源道47號地舖

觀塘飲食日誌 day 11活蜆米線聽落去好吸引相片好吸睛那麼實際情況如何呢？與相片比較數目相近，共六隻殼的大小也是相同隻隻都打開唔確保熟透兼無砂但蜆肉則較細較瘦削與雪藏蜆肉相比其實都係鮮味欠奉但肉質至少唔太韌太實事實上可能烹煮需時連推介的手撕雞都感到好鞋口這個有少少失望相反，毫不起眼的配角卻教人驚喜米線又滑又爽口湯底帶有淡淡酒味把僅有的蜆肉味帶出飲多幾淡都唔覺口渴侍應反應快同埋可以自助勘水總結，只要不對「活蜆」抱過份期望其實都幾好食食得幾愉快

一講起觀塘大家一定諗起工業區林立🏢問到大家有咩好食第一時間就諗起大量佬飯食堂🌝近年越來越多OL進駐工業區番工👠唔再只得佬🦺餐廳都不斷進化🌟今日就同大家介紹呢間多元化食堂💁🏻‍♀️唔單止有港式茶餐🇭🇰仲有沙律輕食🥗岩晒一班young lady❤️⋯✨肆柒食堂Canteen47✨一齊睇下窮煮婦食左咩💁🏻‍♀️🔸汁燒焦糖豚肉🐷/鹽燒雞中翼🐥👉🏼燒到香脆肉嫩🥰濃濃焦糖味🍭🔸燒雞扒和風沙律🥗👉🏼黑醋醬沙律加花生更有層次🆙👉🏼雞扒燒得夠香🔥沾上沙律醋唔油膩好開胃💓🔸燒五花豚肉燒肉丼🐷🍚👉🏼肉汁足夠配菜多🥒多汁香口💦送飯一流🔸冷泡菊花杞子蜜/奶茶👉🏼滋潤明目，清熱降火，養顏💓👉🏼奶茶香濃，甜度適中👍🏼⋯性價比好味指數 🌕🌕🌕🌕🌑缺點點評：工業區位置少少偏遠，但適合大量附近番工人士☺️