聰少甜品 (已結業)

大家好，今晚同太太又係元朗捐窿捐罅搵食，第一眼見到間舖，人流唔算多，可能因八點幾仲係食晚飯時段，唔使點等就入座裝修環境唔多講，可睇相就有評價，重點講食物，本人較大食(講緊對食物需要)，就同太太食左3樣必食推介的凍食甜品:1)榴槤水晶珠(我評4分)榴槤愛好者可以一試，保留到香榴槤肉的原味，水晶珍珠係幾彈，都唔錯，攞唔到5分原因，可能榴槤冰太多競爭者，令到我只覺好味，而未能喜出望外，市場場係可以找到類似的食物，但味道係好的2)龍眼椰果冰(我評5分)如果你唔討厭龍眼，係我覺得係應該一試，不是因為龍眼冰真係有龍眼味咁簡單，我幾欣賞佢的口感，我估佢係先將龍眼肉打碎再混合碎冰同椰果中輕輕再攪，而唔係直接龍眼混冰混水一齊打碎，因為後者會偏向似龍眼汁，亦未能保留龍眼肉的口感同清甜，而佢係成功保留到龍眼肉口感同清甜，就好似你食緊冰凍龍眼肉咁，值得一試3)芒果奶昔雙皮奶(我評3分)味道ok的，略嫌芒果肉品夠凍，但底層的雙皮奶的特別，但芒果味同雙皮奶有少少互相搶為主味的感覺價錢我覺得係抵食總括係元朗算突出捐窿捐罅特等員 AF 字 完

以前喺港島區食開聰嫂，依家終搬左入新界終於開左聰少。食嘅甜品有d近似，都有我鍾意食嘅龍眼冰，自從搬左入新界之後已經好耐無食喇，依家終於俾我等到新界開聰少，可以再去食冰喇。雖然元朗本身係有好多甜品鋪，不過一直都念念不忘佢地嘅龍眼冰。今晚經過心血來潮想食甜品，心動就不如馬上行動。夜晚8點幾左右，鋪入面得幾枱客，可能都命未到甜品時間，反而見到隔離間安娜餐廳仲有勁多人等緊位。今日唔食我至愛嘅龍眼冰，試左另一款招牌--榴槤水晶珠。甜品一上枱已經有榴槤味飄埋嚟，食左一啖，真係好有榴槤味，好香又好凍（因為佢係雪芭）。水晶珠卜卜脆，好特別。至於糖不甩有好多椰絲喺面，唔會過甜，不過相比榴槤珠就略為失色，無榴槤珠咁特別。到我差唔多食完，店鋪開始多人，早少少食果然係有著數。而且個名有個“聰”字有8折，咁岩有人有個聰字，即刻抵晒！

對聰字頭嘅龍眼冰大大話話都追隨咗十幾年，仲記得細個為咗個龍眼冰特登揸車過海去將軍澳食，宜家搬咗入嚟元朗住， 幾個月前，佢哋亦都喺元朗開咗間分店。佢哋對每一間店舖嘅質素都控制得好好，每一間嘅龍眼冰都保持到個水準，都係咁重龍眼味，喺個冰入面仲食到粒粒細碎嘅龍眼肉，對於元朗友嚟講，唔使喺銅鑼灣排半粒鐘隊之後仲要同人玩俄羅斯，實屬福音。

早排一去到元朗新開既聰少 不知不覺間佢地又靜悄悄出左新甜品了 成個草莓系列貼合番情人節 春天期間都可以食到 新開既元朗分店 係正鮨文隔離 對我泥講幾方便草莓班戟 $28用上原粒美國草莓 甜美度不亞於日本草莓 cream又吾會太多 相片係可以參考啵 個比例好fit草莓雙皮奶 $37上面係草莓特種冰 一向好鐘意佢地既特種冰 係出面找吾到既味道 好濃既水果味 一次過食兩種滋味 雙皮奶啊!! 好味程度力超芒果奶昔雙皮奶 上面草莓冰真係夠晒濃~

元宵佳節，我和幾位朋友一起到了聰少甜品試一試。行到入餐廳打開個餐牌先知原來沖銷甜品係同聰嫂甜品有關係。我哋四個人叫咗六個甜品，分別有芒果奶昔雙皮奶，士多啤梨豆腐花，士多啤梨pancake ,杏仁茶燉蛋白，哈密瓜刨冰，合桃露。我個人最鍾意芒果奶昔雙皮奶，最上面係新鮮芒果，中間係芒果奶昔，最底係好滑嘅雙皮奶。另外喜歡嘅係杏仁茶燉蛋白，佢建議一啖一啖咁食唔好攪勻佢，佢係最底有燉蛋白杏仁茶就係上面。另外哈密瓜刨冰。都好refresh 不過天氣太凍啦都係夏天食會好啲。總括來講佢嘅甜品都幾滿意會再返嚟

聰少甜品於元朗新開張，成為第三間分店。今日就吃食左「(熱)紫薯豆腐花$34」，賣相紫色的，表面見到有不少的粒粒紫薯。食落好香濃紫薯味，但豆腐花質地比較易散，而味道及甜度剛剛好。🍠🍧「熊出沒雪山$47」材料有熊仔糖、水晶珠、小丸子、椰子冰、椰果、西米、椰汁糕、龍眼冰、荔枝果凍、豆腐花等。簡直係一次過滿足晒咁多個願望，可以食晒咁多樣甜品，好滿足。🎉為慶祝第3間分店開店，只要Like 「聰少甜品Wise Bro Dessert」Facebook page，於元朗店6pm前結賬，並出示已like呢個page，咁就可以以$3嘆到菠蘿冰喇！🍍❄️

小的係聰嫂粉絲，好愛佢地既特種冰！神奇的濃水果味，又好綿密。令人好印象深刻，今次相反揀左佢地既中式糖水。未食過，帶點期待既心情。眾多中式糖水，芝麻糊燉蛋白 $33俾我感覺好特別，就像把兩個經典融為一體一樣。芝麻糊配豆腐花食過、配雙皮奶也不意外，但依次同燉蛋一同出現，有驚艷到我。燉蛋採用左蛋白部分，更滑更襯托出芝麻糊既香。如果摻入蛋黃，味道會較濃烈。而佢地既芝麻糊係幾濃滑，兩樣野一齊送入口係好幸福一件事。中式糖水最大特點就係熱燙燙！特別依個係燉製既，更加熱。十分適合最近食，食完全身好暖和！