聰嫂私房甜品 (已搬遷) 新店位置

聽過父親的朋友說每次來到聰嫂必點蕃薯糖水但聰嫂一向出名的是冰點而非中式糖水(上次來試過雪耳木瓜便覺一般木瓜雖好但糖水太甜)他們一問之下才知道原來蕃薯批了三次皮只用蕃薯中心最甜最肥的部份一試才知殊不簡單薑味重甜味夠不會因辣失甜變得不像糖水(如佳記)薑以外很實在的有一種甜味蕃薯夠軟冧有口感才14大元正中午時份還不算太多人一丁友通常不用等至多搭枱但三至五時便不時人滿為患

今次食榴槤水晶珠話晒都係招牌菜，我對佢的期望都大。落單5分鐘倒就上枱了。呢味甜品係由榴槤味咆冰、榴槤、水晶珠組成~最好食係咆冰。佢去除咗榴槤的漏，又好有榴槤味。水晶珠畀到口感上的衝擊。略嫌唔夠多，得一茶匙咁多喺頂。最最最差係榴槤肉！食到苦味。。搞到要食返啖冰先中和到！敗筆。鋪頭環境都很窄小，所以夜晚9點後都有條長龍:S其實榴槤水晶珠算係一道消暑良品。佢做到冰都有好濃榴槤味。但又冇真榴槤咁heavy!如果加埋靚榴槤肉就值$30了！

朋友們到聰嫂，通常叫龍眼冰，又或者榴槤類甜品，我卻只愛蜜瓜。我絕不是蜜瓜狂熱者，但這裡的蜜瓜甜品，的確很讚！是次點了蜜瓜豆腐花，棉棉的蜜瓜蓉配上軟滑的豆腐花，口感一流。沒有過甜，也沒有人工的味道，濃濃的蜜瓜味配上淡淡的豆腐花，感覺清新。除了蜜瓜豆腐花，蜜瓜涼粉都很出色呢！

突然好想食甜品, 見到聰嫂難得唔洗排隊一個人走人去叫左南瓜西米露.其實大熱天時我係想叫個凍甜品食, 點知成日都唔記得這裡既南瓜西米露只有熱食.幸好熱既南瓜西米露更香南瓜既清甜味道, 西米夠大粒好有咬口

講真呀,我食左一次後就愛上了!!聰嫂私房甜品次次都排好耐隊, 今次我們8個人就緊係排得仲耐喇! 不過算喇,又好味,又冰凍的豆腐花也值得我排 華D提字!!!落單不用3分鐘時間就全部到哂!我本應想逐個甜品影嫁,但因為朋友仔等唔切已經食左幾啖,所以就一次過影!我們分別叫了- 蜜瓜豆腐花x1- 清甜爽口-芒果豆腐花 x3 芒果味好香-杏汁芒果豆腐花 x1 我自己覺得這個最普通-紅豆茸豆腐花 x1 好香的紅豆味-西瓜豆腐花 x1 沒什麼特別,正正常常-榴槤水晶珠 x1 (不是豆腐花,有D似沙冰蓉) 這一個我完全估唔到咁好食呀!! 喜歡食榴槤的你,妳您,就一定要食呀!!每一啖都有榴槤的香味在你的口中徘徊,而且榴槤味好香,試一啖簡直愛上!!!!!!下次來我一定會叫 " 榴槤水晶珠" !!!!!!!

下午同個friend去試聰嫂甜品!! hehe!沒想到會在假日酒店地下?!舖頭細細咁..但乾淨企理 我同friend一個要咗榴槤水晶珠, 一個要咗芒果奶昔雙皮奶!!好味呀榴槤香氣飄逸..加粒粒珠..口感新穎!芒果夠甜夠靚..雙皮奶..*滑*!!Combinations 好特別, 但仍匹配!!Menu值得一試再試!

幾年前o係 TKO 食過聰嫂o既榴槤水晶珠 , 係好好味呀不過太遠水路 , 所以一直都無再去食第二次 , 直到得悉銅鑼灣開左分店 , 但我地呢 d 九龍新界人 , 都係好少會過海 , 所以遲遲都無的地心肝黎食 ><"今晚我地志在必得o家喇 , 幾長龍都照排 , 仲要唔食飯咁黎務求一次過可以叫到多幾樣野食 , 食過夠本 xd1. 榴槤水晶珠 ~ 呢個真係無得輸 , 好香好滑好多榴蓮肉 , d 水晶珠口感好好 , 一個人食晒成碗都幾飽下o家2. 薑汁意大利涼粉~ 睇個名聽個名好似只係攪綽頭而唔會有咩特別但呢個真係好好味 , 涼粉幼滑, 薑汁濃而不辣 , 好正 !!3. 楊枝金露豆腐花~ 意想不到咁 match o既配搭 , 連我唔鍾意食豆腐都覺得好味4. 芒汁柚子果凍~ 相比之下呢個比較一般 , 不過有水晶珠趙下又加左分## 聰嫂如果有睇 openrice 食評 , 又咁 arm 睇到呢篇o既話可唔可以留言話我知 , 幾時打算開多間分店過黎油尖旺或沙田區呢 ?

星期日下午茶時段，等左幾分鐘就可以進內, 係我第一次VISIT聰嫂!楊枝金露豆腐花: 好足料~ 啖啖芒果肉, 抵食友人的蜜瓜西米露: '筆'一啖蜜瓜SORBET , 再一啖西米露~ 正雖然鋪子細細, 坐就迫狹D, 但質素取勝! 下次要試下那個人人讚好的龍眼椰果冰!!

話說每次經過時代後面都見到好大條龍...有一次得知係"聰嫂"呢間甜品店既人龍...想食好耐但次次個個都話唔想排隊..終於今日友人R肯陪我食啦...佢仲推薦左龍眼冰俾我~~入到去....嗯...地方淺窄..好迫...仲要好大陣榴槤味我唔食榴槤但唔怕聞到既.....所以坐低點左個龍眼冰..友人點左個豆腐花~~個冰冰真係好好食...好多果肉同埋味道好足..無溝水之嫌...差唔多每一啖都有龍眼肉同椰子香~但唔知係咪太熱個冰我食左一半就溶哂咁濟...(已經食得好快),,,相反個豆腐花我覺得唔夠滑,無咩驚喜~~至於相片方面, 我覺得拍黎拍去個個食評都有呢兩碗甜品...無新意...唔想拍...其實大家睇其他人D相都知咩樣架啦呵?!

平日夜晚4人10點幾到達，等了差不多半個鐘，這間糖水店真受歡迎呢。我叫的芒果椰果冰，只得兩粒芒果，比我想像少呢，還有點椰果粒和西米，其餘的是一大PAT的芒果冰，那芒果冰似是用真的芒果做，不是假芒果味，但這麼大一PAT冰實在不討好，質感好實，吃著吃著便覺得悶了，或者只有芒果味有點DRY，加點奶味較好。我想像中的這個冰是少少冰，較多配料，我想錯了，唉。朋友叫了三款不同的糖水，一致認為都很普通，不值得也不會再排隊吃。

係銅鑼灣我至愛既甜品店就係聰嫂, 覺得佢地真材實料, 簡唔中將當造既水果做甜品限期供應.就算平日既晚上此店都是是爆滿...星期四晚8時多就開始要等位, 幸好等左唔夠5分鐘就有位.我叫左個芒果椰果冰, 友人就叫左薑汁芒果豆腐花.其實芒果椰果冰就係由荔枝椰果冰變成, 不過用左芒果肉打成冰就更濃, 再配上芒果肉, 椰果少許西米有點爽口. 至於友人既豆腐花充滿薑汁, 豆腐花內又係加上芒果肉同芒果冰由芒果既香甜去沖淡左薑汁既辛辣真係一個好好既搭檔.其實此店都應該擴充, 店子太細坐位亦唔舒服.

一向都只係叫“開心樂園”，水準之作，但好想試下新野，本來想食龍眼豆腐花，不過豆腐花賣完，咁咪試下芒果奶昔雙皮奶，本來都無咩寄望，點知食落去芒果甜，又有D芒果奶昔喺雙皮奶上，雙皮奶滑滑的口感，加埋一齊又幾好味！可能我個樣真係食得太開心， 連隔離枱都叫咗一客外賣，真係值得推介！

雖然size比較細 但一分價錢一分貨真係真既!mango真係超甜!!!面頭有d透明 水晶珠 好有咬口以上呢個個甜品都非常之凍本人一路食一路咳..所以怕食太凍既野既朋友要注意啦!這個就比較普通味道一般 不過不失

不想在ＭＩＳＴ吃６０大元的甜品，走了５分鐘來到聰嫂。當時八點，不用排隊。榴槤冰蓉入口細滑有奶香，榴槤味不夠濃但好吃，水晶珠爽脆異常，（口爆＞Ｏ＜？），有趣。三十當然不可能啖啖肉，是聰明的做法。

由上年暑假初已經打算到聰嫂吃甜品，但上次朋友不太舒服所以放棄，之後又沒再提及此事，所以一直沒有行動。那天跟朋友溫習，再到餐廳吃晚飯，覺得意猶未盡便到聰嫂吃完甜品才回家。由遠處已經看到那條人龍。其實小妹很少會排人龍，自己不介意排，但家人跟朋友都討厭排。所以排隊令我抱很大期望。等了大約二十分鐘，終於可以入座吃甜品。原來店鋪很小，難怪要排這麼久。聽朋友的建議點了芒果椰果冰，其實自己比較想試一下榴槤，但不是當做季節，還是留待夏天吧！芒果椰果冰來了，樣子很吸引人。橙黃色的雪葩在下層，上面灑上芒果、椰果跟水晶珠，誘人非常。芒果很甜，真奇怪為什麼可以找到這麼鮮甜的芒果呢？椰果是普通罐頭椰果，要讚的是水晶珠，口感超特別，很彈牙的水晶珠。然後吃芒果雪葩－－像是吃一個以鮮甜的芒果做成的雪葩一樣，味道十分像真，但雪葩不夠冰，有點軟的狀況。亦因如此，敏感牙齒才不會痛，哈哈！服務員忙個不停，但亦很有禮貌。面對著長長人龍，我跟朋友在那兒坐了很久也沒有黑面，十分好！而且點菜跟結帳的時候亦很有耐性，雖然笑容欠奉，但面對這麼多客人，和以這個價錢，這服務質素相當滿意。整體真的很滿意，味道好，服務不差，只是需要等位，但這點