聰嫂私房甜品 (已結業)

二月初三‧涼番少少 澳門的星級中菜廳帝影樓，其中一味廚師推介的甜品是一味士多啤梨味道的沙冰，在吃著那個沙冰的時候，我想起聰嫂的各款出色的沙冰，比星店的廚師推介也不遑多讓。與朋友驅車往布袋澳吃海鮮，難得來開這一區，在去程時已說好會來這裡吃甜品。本想去寶琳那邊的，但兜兜下卻來了這裡，誤打卻正著。時近十一時，人客不少的，還有不少人在外邊等外賣，足見仍然是人氣店。 找位子坐下，要了椰果涼粉黑珍珠及龍眼冰水晶珠。在這裡，不同味道的沙冰也是特色，最為人知的當然是榴槤冰，但是晚因為榴槤季節未到，來的時候已經全線售罄，唯有要龍眼冰。這個龍眼冰，味道也很不錯，混雜了絲絲的龍眼肉在內的，加上椰汁打成的冰，味道是又香又甜，內裡的椰果及水晶珠口感爽爽的，加上在面頭的龍眼肉，味道非常不錯。朋友的椰果涼粉黑珍珠賣相比較普通，感覺很消暑。店子人多，不免嘈雜，街坊甜品店，也是如此。 埋單42蚊，以食物水準而言，不貴。說句實話，在香港甜品店雖多，但真正做得好的是少之又少，這個品牌就是做得好的其中一間。

今天想帶點東西給嫂嫂, 中午吃同事生日飯吃得不太飽, 於是獨自一人品嚐此地區之甜品名店!兩排座位整齊排開, 人不多, 原本想試意大利涼粉, 但天氣冷冷的 (已吃了五月糭, 但還是凍凍涼涼), 於是吃我愛吃的杏仁茶燉蛋白, $22, 等了約五分鐘, 開蓋後, 水水的, 再用匙放下, 蛋白還蛋白, 杏仁還杏仁, 蛋白像白烚蛋的質感, 放在杏仁內, 大家都有點格格不入, 杏仁甜味不重, 味卻濃, 下次天氣再熱一點, 應試試那個意大利涼粉條!

同男朋友提起有間叫聰嫂的甜品店, 都幾出名, 專登叫男朋友揸車入去買外賣, 都幾夠神心今晚唔知點解對凍食沒有好感, 改為食熱的, 於是我就買碗芋頭西米露食如果係好的甜品店, 食咩都唔會太難食, 這碗芋頭西米露都幾好味, 芋頭都好香, 打開碗蓋就聞到, 有心思要讚係額外有一小碗西米比我, 如果嬚西米太少仲可以自己加上去食, 拭讚!下次都會再入去食, 仲有好多款甜品我都幾感興趣的, 下次要堂食先得!

食完飯本想去滿記食甜品, 但今次友人提議試新野, 之前未去過, 叫聰嫂私房甜品的甜品店去到將軍澳的分店, 坐滿人, 咁受歡迎應該都唔差得去邊, 門口仲貼了很多報導, 可能又近電視城, 應該都幾多明星幫襯!我嗌左個榴槤慕絲食, 其實係榴槤起肉之後加在mose上面, 另外仲有士多啤梨肉, 都幾特別, 啖啖榴槤肉, 好食! 朋友介紹我食個開心樂園, 係招牌菜, 但係我始終想食榴槤, 都係留番下次先食! 另一樣感興趣的係個杏仁茶, 試左一啖友人那碗, 味道香濃!幾個人食甜品, 大家都幾滿意自己所食的, 似乎都算係一間有水準的甜品店呢!

考完a-level,去開呢頭,就順道去食埋呢間糖水舖,,成日睇雜誌見到,次次都"嚴"遠費事去..今日終於無得抵懶喇!!1)紅/綠豆Q果 $182)士多啤梨椰果西米露 $203)芒果涼粉豆腐花 $224)杏仁合桃露 $18 (take-away)其實只係2個人食ja..但係見唔係行開呢頭就叫多dee lor..平時食開滿記,發記,許留山既朋友..不妨去下呢間糖水舖..如果你想要好有創意呢..就免喇..我相信好多地方都已經有齊。但我最欣賞:1)合理價錢2)舒適環境3)良好服務+先進落單4)料落足..而且食到既感覺好少有e.g. 士多啤梨椰果西米露..係一個雪糕做底..除左椰果,仲有一dee類似食楊枝甘露既西柚既野係入面..食落去好好口感..好新鮮既感覺!!不過,個Q果我覺得麻麻,因為佢係水晶糕既樣..個皮好厚..無乜味咁..$18有6件..都算係咁啦!!p.s. 下次有機會會再去。

家住坑口，幾乎日日經過，不過好少幫襯，因為怕肥…今日心血來潮，好想食糖水，先知原來平日夜晚都坐無虛席，所以買外賣番屋企。我叫左杏仁合桃露，老公要薑汁湯圓。薑汁湯圓無咩特別，不過不失，OK啦。杏仁合桃露就相當有驚喜！我一直好鍾意食合桃露，但唔係間間得，但聰嫂呢個真係掂！一打開已經好香，食落唔太甜，杏仁同合桃味好平均，唔杰唔稀，食落又唔會膩，正！我覺得好味過杏花樓同滿記好多！聰嫂真係唔係浪得虛名，唔怪得華仔都親筆提字俾佢啦！下次再試另一種糖水，對豆漿腐竹好有興趣！

昨天我同朋友專誠去到，想試一試新開分店的味道如何，結果..........我叫了一個『水蜜桃仙子』，甜得好緊要。我朋友叫了一個我一向都很喜歡的『士多啤梨豆腐花』，但係佢話有好多冰，士多啤梨有怪味。唉!我以為會有新都期一期那間的水準，結果令人失望。不過，服務員態度都很好。

從昆明返來已經個幾星期啦,下星期就走啦所以今日從屯門走入將軍澳搵個friend食tea吹水,我對這裡完全唔熟悉,所以由佢帶路,佢先帶我去左"表哥"食tea,當大家食飽吹夠後本來話再去"麥記"食番杯新地,但我突然醒起這裡好似有間甜品屋叫"聰嫂"(因為我係<覓食天下>fans)所以我就叫個fan帶我去,去到第一個feel就係..嘩,,,好正呀...居然裡面一客都冇(當時係大概下午三點幾四點)好似包場咁當然慢慢都有其他客人來,而第二個"正"就係佢地環境好舒服,樓底好高,落地玻璃望出去係一排樹影...好好feel啊佢地選擇都真係唔少啊,除左一般糖水甜品,都有唔少心機出品喎,價錢方面都係十幾二十幾蚊有交易,咁環境加咁出品,絕對值得推介榴槤班cake$18>用黃色皮包住,外表100%似燒賣架當然口感和份量都係一個字.."勁"香芋西米露$20>無論香芋(蓉)和西米份量都好多,,,,所以冇咩糖水在裡面,個fd食左兩啖就問我,你話加番糖水落去會否好?因為而家好似碗粥呀!!我就係薑汁意大利涼粉$20>需然其實只係一般薑汁凍涼粉,不過因為

上星期和家人興高采烈的去吃甜品，原是一行十一大人加一個不足一歲的 BB，但因為等候的時間太長，兩個大人及BB已經先走。雖然在没瓦遮頭及悶熱的地方等候入坐 ，只有數棵大樹及蚊子陪伴，但可以和將快移民的姪仔姪女把握著點點滴滴的相處時刻，那等待..... 除卻蚊子及悶熱也算完美 終於可以入坐了，我們點了:- 薑汁意大利涼粉 ：薑汁欠缺，所謂意大利涼粉，其實是涼粉的外型像意大利粉罷了- 香蕉班戟 ：可以 - 芒果椰果西米露 ：很香的芒果，椰果與芒果的榙配幾好，有口感又有口味，可惜西米露未熟透，硬硬的不是透明的，第一啖吃到的好搭配給扣分了..... - 綠茶杏仁豆花：杏仁好香好吸引，但豆花明顯是買回來的，因為那豆腐邊...看出是百福豆腐，綠茶香味欠奉- 香芋西米露 ：香芋味都幾好- 椰汁芒果黒糯米：大大的芒果放在白白的椰汁及黑糯米上 就好像义燒飯的义燒一樣，令人好有食慾- 龍眼椰果冰 ：龍眼及椰果都全神，但沙冰像雪得太久，不知是否預先做定 ??整體都ok及有創意，希望不會因為太好生意，令素質下降

自己一年四季總會搞4次突如其來既小Hea行*今年既第一野,就揀左呢個短周開始*食唔到東港城既台灣夜市街,順便去呢度食好過冇。叫左個綠茶杏仁豆腐花。坐住Cashier那邊,初時影相都怕俾人話,但好在冇XD綠茶既Jelly其實唔算話好搶,佢既味道同杏汁相輝映,而杏仁既薄冰就令到碗甜品更有口感既層次*p.s:見到張單,猛然知道Cashier那位正係老闆,之後交流左d甜品既心得,原來佢係好鍾意食杏汁既薄冰Gar* 同埋答左我一條好Low B ,但又想知好耐既問題XD

以前聽過好多人話聰嫂甜品點好食, o尋日終於有機會試到. 芒果班戟的班戟皮很薄, 入邊有很多忌廉,但芒果卻不多; 蜜瓜涼粉也算ok, 碗內的刨冰也有蜜瓜味; 但椰汁牛奶芋頭西米露卻好一般, 沒有牛奶味, 吃起來跟街上其他甜品店的沒有分別. 這裡應該是冷甜品比熱甜品好, 下次再食要叫冷甜品了......

已經係第二次沒有蕃薯糖水了當時只係晚上10點多, 很多熱o既糖水都冇曬真係令人有點失望其實佢o既出品唔差, 如果可以做好stock control 會好一點