聰嫂私房甜品 (已結業)

食完晚飯唔飽再去食甜品. 哩日落雨, 都幾狼狽, 事關哩間聰嫂係o係商場出面, 而且出面係冇瓦遮頭去到都要等位. 不過好彩都夠快, 唔係真係dup 雨dup死.我地5人比左張4人台我地, 迫到其實食唔到野. 但係之後d 人走左佢就比我地轉台, 都算係咁, 唔錯.天寒地凍, 但熱糖水又冇乜選擇, 所以最後都係揀左凍既.我叫左個d 又係撈黎撈去既野, 唔記得叫咩了.主要係黑珍珠, 芒果, 另外仲有幾粒涼粉, 綠茶糕, 椰汁糕咁. 再加椰汁. 冇記錯應該係$22其實d 料都係現成, 所以冇乜話特別好食.綠茶糕唔甜既, 但食到有茶味芒果幾甜.朋友叫左一個蜜瓜豆付花, 係豆花上面有一層蜜瓜刨冰咁既野.試了一啖, 蜜瓜味非常清香, 真係估唔到咁好食咁夠味. 初時真係以為佢係o係豆花隔離放兩粒蜜瓜o個隻.講真哩d 撈野黎講真係有點貴. 一路食就一路諗如果18區都有松記就好了.大家都係撈, 一間又多料又多款又平, 另一個就賣相都唔夠靚又貴.但係哩間好在都有自己自創甜品. 所以還有立足之地.

一碗芒果涼粉芒果甜的涼粉爽口分量對一個人來說正好食物種類多價錢不多于滿記而保持到品質和賣相店小而精簡清潔去這一區食堂水的話是首選

早已聽聞聰嫂糖水很出名,無奈真係有啲遠,遲遲未有進發,,終於某日同友人去開觀塘果頭,,算係近啲,,就去試下啦~第一次食聰嫂,誤打誤撞到了分店=P下午來到,,人不多,一場來到,，就點一個心目中認為比較奇怪的配搭，士多啤梨豆腐花,,友人點了榴槤黑糯米,,點士多啤梨豆腐花,,可能真係玩緊自己來到既時候賣相唔錯,,面頭是一層類似士多啤梨雪芭,,頭幾啖都唔錯,,幾fresh~但係就越食越甜...仲有少少怪味..自問都好受得甜,,但食到一半已放棄...豆腐花呢,,佢用百福,,都好難話佢難食..不過真係冇乜誠意...友人既黑糯米,,佢話幾好食,,幾特別,,不過真係好杰好杰,,好辛苦先食得完...PS個冷氣勁凍,,食完要即閃...總括來說,,不是太差,,份量價錢OK...但要特登再來就唔會,,或者下次路過試下總店正路啲既野食

從來經過聰嫂但是沒有幫儭過此新店，今天突然很想吃甜食，所以趁她剛開舖就入內吃過疼快。只不過可能是因為剛開鋪所以只有一位阿姐看檔，看見她一邊寫單一邊抹門窗非常忙碌。看餐牌發現比之前的選擇多了不小，起碼多了一些利用四字詞語做名字的新甜品。包括開心樂園，椰林翠影等等。我們於是選了下面兩種來吃：-1.椰林翠影----甜品底子是西米露，比較重椰子味道，相信是加了椰子奶。上面加了多種顏色的Jelly粒所以顏色令人很好胃口，分別有橙色，綠色，白色等等。最初看餐牌見到椰林翠影有香蕉在上面所以才選它，但是當它來臨時不見有香蕉。後來經過那位全能阿姐解析原來是沉了在甜品的底部。而且更發現其實椰林翠影和開心樂園是一樣的，分別只在於沒有香蕉而已。2.芒果Pancake---每次我們一定會點的食物，因為很喜歡那種雪凍之後芒果的味道，而那層黃色的外皮更是令我特別喜歡的製作。兩種甜品總共38元，但是所得到的滿足感不止38元那麼少。高樓底的甜品店總比人客一種心情舒暢的感受。

上次係總店食過士多啤梨椰果西米露。佢係好味，不過就有種一次就夠既個種感覺，好似只需留係回憶咁。見總店勁多人，一行人立即轉場至分店。今次試了杏汁西米芒果豆腐花。好好味，我好中意杏汁。友人食了：薑汁意大利涼粉，真係好長一似意大利麵 feel，不過賣相我都唔係幾慣。薑汁西米芒果豆腐花、榴槤水晶，etc no comment since haven't tried it。黎將軍澳一定去聰嫂。

9月7日（星期一）晚，女友來我家吃晚飯，吃完晚飯後再看一會電視，送女友回家前和女友去吃甜品，就再來這裡了。我和女友來到店外，望入去差點以為去了科大飯堂，入到店內更感受到現今大學生的“熱鬧氣氛”。看過餐牌後，女友就點紅豆蓉西米露，而我就要薑汁豆腐花。女友的紅豆蓉西米露是預先弄好的，因為雪得太耐變得似刨冰，呈固體狀而不是液體狀，紅豆蓉尚算很多；我的薑汁豆腐花就幾新奇，有薑汁jelly和西米在內，薑汁味幾濃，不過豆腐花是用“八褔”一盒盒的即食豆腐花，很失望。我們坐在店內約十數分鐘，有如置身街市般，一群一群的大學生視無忌憚的高談闊論和“歡笑聲”，以及阿姐們如菜檔魚檔的叫賣式招呼，皆令我們眼界大開。吃完了，趕快離開，好讓耳根可以得到清淨。

其實第一次是無意中經過, 原來是門庭苦市.1. 蛋白杏仁茶$16 ~ 其實杏仁味淡到無, 只是得甜味.2. 薑汁意大利涼粉$20 ~ 初吃時覺得很有薑汁味, 但再食下去便發覺越食越甜. 涼粉cut 到一條條是它特別之處.3. 生磨合桃露$16 ~ 唔熱, 而且好稀,內有好幼少的合桃碎,可能以為可增加口感,但其實我唔覺得囉,而且一點合桃香也沒有.4. 開心樂園$22 ~ 很冰凍, 凍到牙較軟. 其實這碗只是MIX品種,內有芒果/涼粉/椰汁糕/黑珍珠/椰果/啫喱…

我今日好想食番薯糖水，所以一早同媽媽講左，食完飯之後黎呢度食糖水。媽媽一早已經話要食榴槤水晶珠，而我梗係食我好想食既番薯糖水啦~一上枱就見到碗野勁多番薯，心諗咁抵$13咁多既~但食落去之後都係覺得媽媽煲得好味D，個人比較喜歡D番薯腍D，媽媽話可能佢係蒸左之後加糖水，因為煲既應該唔會咁早知我食湯丸好過啦~

090426 蜜瓜涼粉$20龍眼椰果冰$22好耐冇食過，之前食開寶琳嗰間，今次嚟開呢頭個<台灣美食節>就探吓佢，佢淨係喺將軍澳開，佢係可以吸引你山長水遠入去食嘅蜜瓜涼粉，有蜜瓜味，涼粉彈彈龍眼椰果冰，龍眼味濃，椰果有咬口，咁耐冇食都冇走樣，真係得兩樣都唔過甜，簡直係消暑佳品090812龍眼椰果冰$22杏仁茶燉疍白$22榴槤水晶珠$25薑汁意大利涼粉$20去完食海鮮，出番嚟坑口搭車，朋友話想食，英雄所見略同，梗係去龍眼椰果冰，水準依然不變的咁好食杏仁茶燉疍白，杏仁味淡好似好水咁，疍白過淋，你見有兩碗，係因為第一碗食食吓，有隻好細隻蜘蛛定蠄蛯從天而降，初頭以為係滴水，好彩碗嘢係白色，所以就見到，如果黑色或者啡色，睇唔到食咗落肚，就充滿疍白質，話俾個店員聽，佢就咁攞走咗，冇講唔好意思，又冇話會俾個碗定唔計錢，我地冇理佢啦，食住其他嘢先，跟住就有碗新送嚟，咦……呢碗好食啲，杏仁味濃番啲，疍白就鬆化，唔係傳統實正嗰隻，佢應該係將疍白打到乳白色似忌廉狀再蒸，我個朋友就唔鍾意呢個整法，所以各有所愛個榴槤超正，好綿似食雪糕，充滿榴槤甜味，又有一舊榴槤喺上面，真材實料，有啲西米幾有咬口，

三個朋友仔, 老遠跑到入將軍澳, 就只係想食聰嫂的甜品我自己食的, 係一碗芒果涼粉豆腐花, 涼粉ok滑, 有少少杏仁味, 溝埋豆花食, 感覺像有點不夠凍, 豆腐花就幾好食, 夠滑, 無黃糖粉改為用芒果汁做甜味, 效果不錯, 芒果肉份量夠, 整碗甜品ok好食!老友食的榴槤pancake試o左一啖, cream 勁滑, 榴槤味夠濃, 正! 下次又再嚟食先得!

坑口店比寶琳店坐得舒服，已去過好幾次嚕～榴槤黑燸米　$2X太甜喇，榴槤／黑燸米都掍了太多糖。但榴槤足料，且是用新鮮榴槤肉製的。士多啤梨豆腐花　$2X這個酸酸的不錯，比想像中好味，豆腐花算不上很滑，但或因topping的士多啤梨茸混了不少奶，才使滑一點。薑汁意大利涼粉 + 芒果肉 $20 + $5辣味超強，加芒果肉match。意大利涼粉幾得意。但薑汁真太勁，吃完會暈暈地，試過你就知喇~椰果龍眼冰 + 豆腐花　$22 + $5同樣是太甜，有椰果和龍眼肉，下面是碎冰+椰茸，大概還混了椰子雪糕。香是香，但好腻。椰子雪糕加太多，有點兒把龍眼味蓋了~就是太甜，要加個走糖的豆花中和一下才好了些。　但加個豆花５分鐘沒來，之後阿姐還說她忘了，怪我這麼久也不會催問她，哼，吹脹呢，什麼服務態度？！！總的來說，甜品選擇多，有些出品也新奇，但，真是太甜了！

6月13日（星期六）黃昏時份，吃完cheese cake後就來了這裡吃中式甜品，一於來個中西合壁。我要了碗熱的生磨杏仁茶，喝一口已肯定不是生磨，而且似杏仁水多過杏仁茶，因為味道稀薄如水；女友的椰汁南瓜露比較好些，因為很足料，吃到有很多南瓜，但同樣是椰汁味不夠，相信唯一好處是兩款甜品都不是太甜。因為晚一些要赴朋友的婚宴，不敢吃太飽，杏仁茶我祇吃了約一半，我說其餘的給女友吃，她很開心地吃掉剩下的糖水，然後樣子很滿足。見到妳這個開心滿足的樣子，我也可以安心“上路”了！

約埋成班同事入將軍澳食聰嫂, 印象只係一般而已我食左一碗開心樂園, 配料有好多, 又有芒果喱, 綠茶果凍, 水間珍珠, 西米粒, 椰奶, 花奶, 芒果汁大混雜, 但唔好味 綠茶果凍配芒果jelly 係十分之不配合的, 味道怪怪地, 都唔知點食..西米粒雪到硬哂, 都唔知點入口...食左一舊share 的芒果斑戟, d cream係完全唔凍, 入口有種怪怪的感覺, 好似隔夜的cream咁, 但芒果肉幾甜, 唔知係唔係個雪櫃壞左第一次食, 印象不太好, 下次除非有人請, 唔係都唔會食

由於之前o係附近讀過書, 所以經常黎呢度食一路食開龍眼椰果冰, 芒果奶昔雙皮奶 都好唔錯!! 今次食士多啤梨豆腐花哇...嚇死人, 我都知佢好多都好"冰", 好凍..就係咁先食佢..但係今次超冰...冰度咩地步? 就係一舊好似士多啤梨醬倒落一大舊圓圓地既冰度太甜, 太大舊冰...好奇怪!!仲有...間鋪好凍 (應該開冷氣開到低過20 度)....再食冰快快比錢走下次再係咁唔幫襯lu!

食完壽司,見到聰嫂甜品,當然要買外賣回家食.分別是紅豆/綠豆q果$18,雖然外皮包得幾厚,幸好都算煙韌,只是餡料比較少,紅豆也較甜,奇怪在綠豆幾似綠茶味只是弊病同樣太甜了,對於不太愛甜的我不甚喜歡薑汁意大利涼粉$20,薑汁味好濃帶點辛辣,涼粉切到好幼好似意大利粉,涼粉做得幾滑又夠凍,最好就是不太甜,這個甜品也不錯榴槤水晶珠$25,水晶珠大個版的西米,好煙韌,榴槤味勁香,中間部粉有少許榴槤果肉,清甜,攪了的榴槤配埋榴槤肉真是超美味合共63元,外賣盒不額外收費店員服務好好,要她介紹榴槤產品也好樂意,非常有禮貌