聰嫂私房甜品 (已結業)

第一次食聰嫂，點左一個蜜瓜椰果冰。佢既冰好綿密，我最鍾意呢種質感，蜜瓜都好清甜，完全無果種好假既感覺，配料仲有啲珠珠係度可以俾我𡁻下過下口癮。佢仲有一款龍眼冰我都好想試，聽落幾特別少地方會有，決定下次黎再試！另一碗合核芝麻糊，不過不失，都好難做得難食掛呢啲中式糖水 基本野啦😛

是日晚餐食完日本野，同朋友諗住搵個地方坐下傾吓計咁就揀咗食糖水，附近有聰嫂同另外一間甜品舖，聰嫂係一個人都冇，另一間就坐到岀户外，其實有食開聰嫂既杏汁燉蛋白，係好好食嘅，但其他就未有試過，見隔離鋪咁多人，咁就食返 聰嫂啦，點知就出事啦，首先我朋友 距地叫左楊枝甘露同芒果西米露，兩碗都有芒果，但唔知點解有一碗係勁酸，咁我哋每個人都幫佢試吓，點知發覺原來係壞咗，個d酸吾係芒果嘅酸，不過見都食左一大半就算，另外想講下，啲員工可能太得閒，冇嘢做一個玩電話一個坐喺度用電腦，其實返緊工，點都要企一下專業少少，都吾知你係客定我係客，anyway下次外賣反我個杏汁蛋白算，免堂食

衝入元朗本來去泛后甜品朝聖但太多人等仲要太多產品暫停供應 失望唯有上網search其他甜品店啦点知有聰嫂彈出仲要零負評 所以值得去試下不過之前已經响旺.角試過除咗貴及冇服務冇態度都唔知講乜好！！懷著再試心態有驚喜店員有禮貌又會介紹新產品及優惠活動淨糸呢個舉動都吸引我下次再入來我叫了個新產品椰皇燉桃膠有驚喜桃膠多滿不是出面既一小撮蛋白嫩滑椰汁夠香不太甜.！绝对有下次 各位重點糸元朗分店比其它分店便宜更超值啊！

聰嫂甜品元朗分店環境清靜 但係較偏僻好難搵最後都找到 叫咗店員推介 桃膠燉椰皇 給南北杏雪耳燉木瓜店員還介紹了一些優惠如吃滿一百元可送十元現金劵下次用仲有加十元有芒果布甸 加十二元有椰汁椰果西米露真心超值桃膠份量冇呃秤抵贊蛋白夠滑嫩雪耳燉木瓜甜道適中岩我口味本來想去泛后朝聖旦太多人又太多產品停售啲吖姐'又冇禮貌所以選擇第二間較為有特色好采揾到聰嫂甜品店最重要糸店員超有禮貌及肯介紹下餐牌感覺好似去咗西餐廳咁超贊重點來了原來元朗分店價錢比其它分店平可惜它們缺乏宣傳冇人知！！！我绝对有下次😌😌😌😌😌

榴槤水晶珠，果真有榴槤去到元朗嘅聰嫂試食榴槤水晶珠地方細細不過環境都算乾淨～～夏天咁熱，梗係叫個凍嘅冰食啦甘啱聰嫂做緊優惠$15就有一碗榴槤水晶珠(>^ω^<)上面佈滿有水晶珠，透明嘅一粒粒...咬落去卜一聲(≧▽≦)唔似珍珠奶茶嘅珍珠口感\(//∇//)\感覺就好似爆珠既感覺⁄(⁄ ⁄ ⁄ω⁄ ⁄ ⁄)⁄跟住下面就係榴槤冰啦☆*:.｡. o(≧▽≦)o .｡.:*☆好開心真係有榴槤肉㗎榴槤味都幾重(⁎⁍̴̛ᴗ⁍̴̛⁎)只係榴槤分量唔算多(　ﾟдﾟ)

以前喺元朗有好多甜品店，最近我食來食去都係果兩間，其中有時都會有來聰嫂，因為覺得幾抵食，味道都唔錯，而且好多都唔多人。位於利發大廈地下，鋪頭唔算好多位，裝修都係好簡單，我果日就星期日下晝時間來，全店得一枱客人，所以好舒服。天氣好熱，我都係想涼快一下先來。呢度嘅甜品以冰類為主，水果配搭都多，草莓，芒果，龍眼，蜜瓜等，配涼粉，豆花之類，價錢唔貴，有時仲會搞活動特價添。我地一人點左一份，龍眼冰係每次來都會點的，一來覺得佢特別，唔係好多地方食得到，而又整得好食；二來係佢真心足料，啖啖都有龍眼肉嘅口感，食落清甜，冰底滑身，入口即融，而且份量都唔少，加埋D珠珠，口感豐富，太涼快了。另外我都多數會點蜜瓜涼粉，面頭有蜜瓜粒，冰底都有係加左蜜瓜，雖然偏甜一點，但我都覺得味道好自然，唔會有藥水味，好難得。因為好多蜜瓜甜品都會有陣假假的味。涼粉底，偏實淨。

以前係銅鑼灣食聰嫂要排好耐隊，唔知係因為分店開多左定某d地區人流少呢，其他鋪都幾次見到都唔駛排隊呢晚元朗食完飯好飽，本來經過b仔朋友話食唔落就走啦，行行下見到聰嫂，跟住朋友又話好想食，哈哈聰嫂始終冰係最好味，朋友話一定揀龍眼冰，我同另一個朋友就唔想食咁大碗冰，揀左豆腐花龍眼冰始終係招牌，清甜好味蜜瓜豆腐花 $30 - 顏色好fresh，比龍眼甜少少士多啤梨豆腐花 $30 - 甜中帶點酸，有點似乳酪，都好好味，不過上層既冰溶得好快揀豆腐花既話就一半冰一半豆腐花唔想食太多凍野既朋友就可以揀呢個啦

相信很多人都吃過聰嫂甜品， 但我想和大家分享的係只需$15的甜品，還要係王牌的甜品。由5月20至6月2日， 聰嫂私房甜品(只限元朗分店) 有四款嘅糖水做特價， 分別係椰汁意大利涼粉、士多啤梨椰果冰、王牌嘅龍眼椰果冰和榴槤水晶珠 。趁最後一日(6月2日)做特價，專登 和朋友乘車到元朗來到聰嫂私房甜品，等咗大約十分鐘， 就已經可以入座。之前都食過龍眼冰，覺得好好味，份量多，而且又甜又多汁。 所以，今日嘅重點係想試佢嘅榴槤水晶珠 ，榴槤果肉好香、味道好濃，鍾意食榴槤嘅你，一定會食指大動。而且裏面嘅水晶珠 ，配埋榴槤果肉，味道真係好夾， 實在太好食啦。我地兩個人， 忍唔住每人再叫多一碗招牌嘅龍眼冰。雖然十五蚊，但係龍眼冰仍然保持水準，d 龍眼好清甜，都食到d碎碎嘅龍眼粒，真係勁抵。 不過就算冇十五蚊，喺炎炎的夏日之下，我都會想食佢地龍眼冰﹗

同女友黎開元朗，晚飯過後天氣又焗又熱，就想食碗透心涼糖水，行開嗰頭就見到聰嫂個招牌，又多人食就沖左入去涼下冷氣😆我叫嘅椰果龍眼冰上，上高鋪左椰果，而冰係用新鮮龍眼打出嚟，好香龍眼味😋👏🏻，仲有一粒粒龍眼碎添。女友點的芒果雙皮奶🥛芒果唔算特別好食普普通通。。但下邊雙皮奶就真係好滑同香，而雙皮奶甜度適中我覺得唔加芒果仲好👍🏻二人埋單$81,中距中舉價錢

由5.20-6.02聰嫂 (只限元朗分店)有四款糖水做梗特價分別有龍眼椰果冰 榴連水晶珠 椰汁意大利涼粉 士多啤梨椰果冰適逢最後一日優惠就一定要post下.士多啤梨椰果冰 (原價: $39)以前有出過士多啤梨西米露 但而家冇左 上面個paste正正係士多啤梨冰 佢似冰感重啲嘅士多啤梨味雪糕 不過食得耐有啲寡同埋都幾甜😂 所以如果唔係特價 我會揀返有返有豆腐花底嘅.龍眼椰果冰 (原價: $39)龍眼冰入面真係會食到啲龍眼粒粒 相信係椰汁+龍眼味道幾清新幾清甜 呢啲咁熱嘅天氣就最岩食！

相信聰少大家都識,可能仲熟過我TIM. 所以今日都係當同大家分享咁.今日既主角就係近期全城既熱話, 15蚊甜品. 我地叫左龍眼冰同榴槤冰. 龍眼冰既龍眼肉份量多,好甜好多汁,不過有D小珠溝番淡. 下面冰既部份令我意外,估唔到整得咁綿,有龍眼味得泥又唔會太甜,但好清涼同味道清新.榴槤冰上面既果肉唔算太重味, 平時冇食開榴槤既都容易接受, 佢呢到用既榴槤除左一入口果下濃味外,之後係好香甜. 冰既部份一樣,不過變成有淡淡既榴槤香散出泥.題外話,店外面雖然有幾十人等緊,但係等10分中都冇就入得. 所以大家唔洗怕,吹吹下水好快就到你.地址: 聰少甜品Wise Bro Dessert元朗仁樂坊5號利發大廈地下D號舖

店子感覺十分光猛，座位有廿多個。這兒的甜品選擇好多，既有生果豆花、西米、涼粉、燉品、班戟，仲有創新的椰果冰同水晶珠，當然不少得傳統糖水$20-$49。芒果涼粉豆腐花$35這芒果小冰山賣相可愛，橙黃色圓圓的芒果冰下，有黑色的涼粉同雪白的豆花。這芒果冰芒果味十足，滿是甜甜酸酸的味道，加上爽口微甘的涼粉同滑啫啫的豆花，味道有層次，口感大滿足。淨湯圓配薑水$22今天既然元宵佳節，當然要按傳統食下湯圓應下節，取其意團團圓圓。這湯圓有別於傳統大大粒的湯圓，這是细細粒，一口一顆，吃曬六粒也不會飽滯。湯圓皮十分煙韌軟糯，而且真的皮簿饀多，一咬下去，濃香的黑芝麻餡在口中爆發，加上甜甜又帶辛辣的薑水，香甜中加一點薑的辣勁，是十分的傳統湯圓味道，正！簡單的廿三十元的甜品，雖不是珍饈百味，與人共享，吃完全身總有一份甜蜜感覺，無論是在口𥚃，還是在心𥚃。就算肥了，也是值得吧！

和伯娘拜年完畢，我們全家都想吃個甜品才回家。為了方便弟弟泊車，我們去了仁樂坊那邊吃甜品，本身打算吃滔滔甜品，但太多人了，媽媽說不如試試新開的聰嫂私房甜品，比較那間甜品最值得再光顧。不知是新開業還是新年的關係，甜品餐牌只有一頁可選，而且種類不多，所以我們都很快選好。沒想到弟弟和他女友跟我一樣都吃芒果奶昔雙皮奶，媽媽則吃芒果椰果冰，我笑說我們是芒果家族。我們都不太滿意芒果奶昔雙皮奶，我的芒果都有渣，弟弟的芒果酸得討厭，弟弟女友的芒果比我們都正常，忽然有遲來先上岸的感覺。我們三人都認為奶昔跟雙皮奶不合襯，奶昔水汪汪的，和雙皮奶味道完全分開，怪怪的嚼感，寧願只有雙皮奶和鮮芒果就好了，奶昔存在就像畫蛇添足。媽媽的芒果椰果冰比我們芒果奶昔雙皮奶整體正常，芒果雪葩以鮮芒果汁冰凍製成，口口都是芒果濃郁香味，媽媽略嫌雪葩過於冰凍。椰果和西米露豐富雪葩的口感，可不單調品嚐雪葩的滋味。