聯記川王涼粉 (已搬遷) 新店位置

琴日去開紅磡,可以去買好耐無買過既辣野食~ 原本好開心家~不過食完就覺得........D野食差左我叫左涼粉,青瓜,魔苧同皮旦全部都咸到飛起同埋好明顯有加味精因為我8點幾食完,一邊食已經因為口好乾要勁飲水到11點幾都仲勁口乾同埋記得佢以前果D青瓜係拍家,不過琴日買既已經變左係切既D野亦都加左價,但份量仲小左...........睇黎以後如果唔係去開果頭,都唔會再去買了...........失望...............

食完時新就過嚟聯記買外賣喇，今次係我哋第二次食！因為大嚿唔想食咁多辣嘢，所以我叫咗個水煮牛肉酸辣粉(中辣)，口水雞(小辣)，麻辣青瓜(中辣)，土豆炒肉絲，同埋涼伴貢菜(小辣)！今次想講嘅係，個土豆炒肉絲感覺好油，而其他食物都唔使多講，好多油啦，我都明白呢D係四川菜特式，但係我同大嚿都唔鍾意太多油嘅食物，雖然我超勁鍾意食辣嘢所以，今次之後，我應該都唔會再要大嚿陪我嚟食架喇P.S.我知道大嚿係因為我鍾意食，所以先會陪我嚟呢度，而佢自己就唔係太鍾意架咋！多謝你呀

今日經過紅磡,順便試下呢間,估唔到有咁多人嚟,等左大概20-30分鐘,就有位坐低.叫在個川北涼粉($15),蒜泥白肉($40),土豆炒肉絲套餐(跟飯+湯)($28),首先個川北涼粉,柔滑得來不彈牙.別看不彈牙便不正宗,其實要柔滑不彈才是四川風味.相反彈牙便不正宗,而且醬汁麻香非常,正宗得很.蒜泥白肉的醬汁也美味,而且肉質爽彈,正!土豆炒肉絲的土豆爽脆無比,而且新鮮即炒,咸受得到餸菜的熱辣.再配一罐可樂($4)簡直無得彈,下次一定再嚟!

川王d野食正宗又好食，地方真係細d，有次川后仲要我將將凳當枱叫我地食住先，佢d酸辣粉、蒜泥白肉真係會食上癮，但係川王一個月有成半個月都休息，擺明吊住食客條癮。二月二十八號先開呀!(去四川入貨入咁耐…)試過其他酸辣粉eg 對街果間川粵，但都不及哩度咁好食，哩度落好多芫茜、花生同肉碎，好重料! 雖然個湯都幾多油，但係可能咁樣先正宗gua!蒜泥白肉d 蒜泥份量超多，仲有爽脆青瓜片，不過我覺得咸左少少。雖然d野辣到第二日肚柯，但實在太好食，照食可也。川王快d o係四川返黎啦!

食品味道: 非常好味. 我老公本來唔肯同我o黎食, 因為佢去深圳聞到d酸辣粉陣味好臭(好酸宿). 但來食過呢度d水煮牛肉酸辣粉後都愛上咗.坐位環境: 雖然是坐街邊, 但因街道寬闊, 所以不會太辛苦. 只是怕熱的人夏天就咪去. 肯定濕晒 (又辣, 又熱, 又曬.... )唯一最不滿係這店常不開舖, 我去5次, 只有2次食到. 雖然已標明每月月尾不開工, 但我避開呢d日子, 還是吃不到多.(市面很多自稱正宗四川口味, 但其實只係車仔麵... 雖然未去過四川食當地味道; 但這裡起碼不是芝士腸加獅子狗麻辣米線)

第一站揀咗我最愛既辣東西 呢間聯記川王聽同事推介好耐啦, 今日終於有機會食到 ^^（注意呢間舖頭每個月 21 - 27 號都會休息，因為老細要返四川入貨呢~~）一間很細的店舖只有露天的幾個座位未叫嘢食之前，已經見到在座有位大哥食到滿頭大汗 ^.^lll同友人試咗兩樣嘢： 木耳川北涼粉（小辣）– 唔記得走蔥 >.<，開頭唔知道涼粉係咩，估計係雞絲粉皮啲 friend一食之下，涼粉比一般粉皮較爽口，這碗東西麻味比辣味重，不過我同友人都覺得啲味道好表面，即是辣還辣，涼粉還涼粉，木耳還木耳。因為似乎啲辣油係 order 後才淋在涼粉上，沒有入味。正宗的就是這個食法嗎？不知道呢~~~ 水煮牛肉酸辣粉（小辣）– 好好味呀！！！尤其是個水煮牛肉，大大舊，但超腍~！勁正！！！我第一次覺得一個肉片 / 肉塊好味道呀~~~ 啲酸辣粉都好入味，正！！！ ^^必定會再嚟食下次一定要試水煮魚同埋蒜泥白肉，嘻

過了令人沮喪非常的一天, 取道紅磡回家途中, 又想起了聯記川王, 便來吃點辣, 激勵一下自己。去到的時候, 雖然人還不算多, 但我一心想吃的蒜泥白肉竟然已經賣哂! 嗚嗚… 結果要了:木耳川北涼粉 ($18) – 即場幹掉的一味, 要了中辣都不是很辣, 而且以麻味偏重, 而且今次的太多蔥了。木耳爽口, 涼粉仍然爽滑, 不過比起我上次 (大半年前) 來的時候, 貴了而且份量少了; 搞到我要再去時新吃包, 此乃後話。口水雞 ($40) – 拿了回家吃, 辣油的味道跟川北涼粉的辣油味是一樣的 , 倒是有不少辣椒乾, 都給我掃清, 比那個離開了辣油就沒了味的雞好多了。再說, 用那滿滿麻香的辣油來拌飯才是王道, 食完即刻成身暖哂! (反而自稱食得辣的我媽今次卻說好辣!)走的時候才見到有些只約 $30 的套餐供應, 而且已連油菜或涼茶, 早知吃套餐啦...看來, 我下次可以試試大辣了!

走完上場, 當然係嚟隔離的人氣王~聯記川王! 只記得對上一次嚟時新, 已發覺有陣陣的麻辣味飄送過來. 原來這店已開了差不多兩年, 但那次才係首次我有印象的一次. 好! 就嚟個牛肉麻辣粉. oh! 一片血池地獄, 散發著陣陣的麻香味. 小心, 千萬不要深呼吸, 否則那辣味滲入心脾... 那種麻辣味, 不只怎的, 有種令人想跟著走的感覺, 有少少上癮, 好想食咁樣. 急不及待, 吃一口, 又唔算好辣, 可能我要小辣吧! 不! 等多10秒, 有一陣暖意從喉嚨上番嚟...個咀開始有少少麻. 還可繼續.... 粉係圓圓的一條條, 我想就是那川粉吧! 跟瀨粉很像, 不過唔會咁易碎, 有彈性. 不屬於很吸味那種, 只會略略帶著那麻辣味, 還好. 川粉挺滑溜, 好正. 湯底加入了花生碎, 芫茜....ok 香, 但跟大陸那些相比, 還有點距離吧! 大陸那些麻辣, 真的奇香無比, 這裡的, 還差遠呢... 牛肉, sorry, 唔係牛肉, 我覺得係鴨胸之類, 味道嘛嘛.$20, 似乎貴了點, 係沒有多大的選擇下, 我覺得還可以!

其實我係大半年前去聯記食野...但一直都好懶 ! 所以而家先寫個食評 當晚同呀爸呀媽唔知食乜好 , 於是係openrice搵野食 , 想食四川菜....見到聯記平平地 , 又好吸引 , 於是渣車去食 !說明 : 本人超級中意食辣 ! 而且自問都幾食得辣下 酸辣粉份量唔算多 ! 不過我地都係想試下味ja , 而且好似$15左右 , 抵 !睇落好多辣油....口感好麻辣 , 而且好香 , 唔知係咪落左麻油呢 ? d粉既口感好特別 , 有d似魔芋 , 正 !蒜泥白肉呢個真係意料之外咁好味 ! 平時我好怕食蒜架...好怕果陣味 !不過呢個醬有其他調味 , 所以唔覺有好臭既蒜味d白肉好正好大塊 ! 切到好薄....而且肥瘦分明 , 一定要一試 ! 麻辣豬耳都係一個字 ! 辣 ! 好爽口 水煮魚我每次食四川菜 , 都一定會試水煮魚或水煮牛肉 !好中意麻辣既感覺....不過呢 , 呢間d水煮魚比較厚身 ! 如果可以切薄d就更好....但始終唔及大陸果d四川食店咁好味

6-1-2009其實我完全唔食得辣 (e.g. 譚仔的 5 小辣, 對我0黎講已經好辣: http://www.openrice.com/restaurant/commentdetail.htm?commentid=1937874), 但偏偏對呢度的蒜泥白肉好有興趣, 今日專程 late lunch 0黎試試. 一個人 2:30pm 0黎到, 一「攝」到位, 立即叫了一客蒜泥白肉 (好似 $40) 加一份「小辣」雞絲川北涼粉 ($18) 獨食, 真係唔識死. 先食蒜泥白肉... 片到好薄的白肉好靚, 肥瘦分明, 肥0既部分十分滑, 瘦肉就好鬆化, 配上紅 bok bok 但又唔算好辣, 蒜味濃烈又好有層次的醬汁, 正! 平日我一定會唔食底部的青瓜 (賣相咁「岩岩 chaam chaam」, 「拍」出來的?), 但呢度勁濃醬汁實在好0岩, 同青瓜一齊食, 係又爽又甜又香口又惹味, 好食. 好出色的一客蒜泥白肉, 值得試試.再0黎雞絲川北涼粉... 賣相好似無乜殺傷力, 涼粉半透明, 一夾即斷, 口感好似銀針粉; 頭0個幾條食落冰冰涼涼, 但食食0下就見到勁多紅油及花椒粉 (?),

一直都知道這間很出名，是日終有機會一試。去到時人頭湧湧，是一位難求的。原本我們都打算等的，但最後還是外賣好了。幸好我們買到最後一盒蒜泥白肉，另外再來一份口水雞酸辣粉，小試牛刀。口水雞酸辣粉︰酸辣粉我們只要小辣，但湯已經是紅通通的一片了。試一條粉，真的辣得我要噴火了(只是我吃不了辣)。再吃一塊雞，雞肉不算滑，但十分夠辣。我放棄了，男友在冷氣底下一邊吃一邊流汗。蒜泥白肉︰蒜泥十分多，白肉切得很薄很好味，不用蘸那些辣汁就已經很好味，我很喜歡呢﹗男友問我下次還要不要再來，我想要等我不怕辣的時候了。

這店的辣，真的會令人心思思的…前陣子考試，在校溫書溫得太晚，都會在紅磡覓食。今次走到黃埔附近吃聯記川王，即使到了九時多，僅有的堂食位都坐滿食客，津津有味的吃著麻辣川菜；門外依然堆滿了要外賣的人。沒辦法，心思思想再吃，為了美食，唯有乖乖的等~終於等到位，每人要了一客酸辣粉，三人都要了小辣，麵條每條都是煙煙韌韌的十分有咬口，配以辣油、花椒、蒜蓉、蔥粒、保寧酸醋等等製成的麻辣湯，先麻後辣，刺激了味蕾，吃得我們三人渾身冒汗，唇也麻了~ 再說一下我們酸辣粉的配菜，我要了麻辣牛脷，牛脷軟，稔熟入味，與湯底十分相配！男友要了紅燒排骨，排骨香而不辣，而且炸得鬆化，配上豆瓣醬的香濃，惹味非常！朋友的是麻辣牛肉，比起之前兩個，味道不特別，中平水準…**小小提示：酸辣粉吃前最好先拌勻，否則會愈吃愈麻辣、亦愈來愈鹹** 我們另外叫了兩個小菜，大家都超想吃蒜泥白肉的，但已經賣光了，失望得很！最後就要了麻辣豬耳和魔芋燒鴨。麻辣豬耳，平時的豬耳多數都是大約5mm厚的，但這邊的豬耳切得非常薄，薄得晶瑩通透！豬耳爽脆，咬下去嗦嗦聲，爽口極了~ 再伴以蒜蓉、花椒粉等等調味很惹味！但必須注意一定一定要把花椒粉和豬耳絲拌勻，

每次去到一定要叫蒜泥白肉,因為佢整得比出面好食!夠晒味,肉又嫩,唔太肥至於口水雞就差少少,味就夠但雞唔鮮,不過咁既價錢就抵,因為好大碟!!川北涼粉口感好正,好爽,呢個菜有驚喜總括而言,係最唔鍾意佢用發泡膠,因為太唔環保啦!!但食物實在太好絕對正宗!唔係港式川菜而且平靚正,相信呢度會成為我既飯堂^___^

在大多人的眼中,紅磡黃埔街時新漢堡包隔離的"聯記川王",可能是一間很有性格的小店.點解?每個月尾都會自行放一星期假.心想這店是否"唔憂做"?事實上,店方月尾的一周假期,是回到四川去入貨,等大家可品嘗到正宗的川味,在現今功利主義,節奏急促的社會,好像有這種堅持的小店,差不多近乎絕跡.而早前川王曾經關舖兩個月,令到眾麻辣狂迷牽腸掛肚,大約在想:{是否索性結束營業?}久休兩個月多後重開不久.便急不及待找個中午前來,一個人的下午只能夠吃兩味,未有涼粉之下,便來個麻辣豬耳涼麵,同酸辣血旺.前者用的麵條很煙艱,而且吸汁力強,中度麻辣的辣汁全盡吸收,食落麻香濃厚又刺激,豬耳亦同樣地爽口.另一味酸辣血旺即是豬紅.與其是酸辣,不如說是麻辣,因為我吃得到的是麻,不是酸,更好.小弟是愛麻辣,多過酸辣的.幾天之後,便相約幾位"窮鬼"成員來晚飯.周五的晚上,門外堆滿外賣的食客,僅有的幾個位,一早被人佔據,問問老細可否開多張檯,老細說:{如果開到的話,就一早開左啦.食環處見到,唔會同你講玩的.}為了既平又正宗的川,唯有繼續等下去.幸好是日中午已致電來留下一些菜式,圓檯的食客

我本身係唔食得辣的..但食過一次之後就好想再返黎食!頭先外賣左酸辣粉同蒜泥白肉..一路等一路聞住老板娘炒餸d味...好香好香呀返到屋企即刻拎出黎食..酸辣粉就算索左小小湯都仲係好彈牙..個湯好好味..清哂!蒜泥白肉又係好好味XDD片片都肉都好大塊..唔鞋D蒜泥更加係極品..撈埋一齊食超正!係我食過最好味的蒜泥白肉!呀..諗下諗下又想再食喇...