聯發燒臘飯麵家

营业中

休息中

身為荃灣人,聯發的燒味是不容錯過的。今日午飯要去藥房買嘢,午餐就食佢啦入到去,中年阿哥,老人家,地盤三行大叔,各自為政,老人家細食,一碗切雞飯吃得津津有味;體力勞動較多的就雙拼飯一碟加例湯。我呢,叉燒燒肉飯一碟吖唔該你落左單,侍應叔叔就會記得邊個食啲乜,我就未試過"食錯嘢"碟頭都幾大,飯亦軟硬適中燒肉皮唔係件件都脆,一條燒肉通常中間較脆,邊位較un,這是可以接受的,肉地有肉汁,肉的表面的調味没有過咸,good.叉燒比較黏,夠蜜味,有人可能會覺得過甜,但我就覺得ok,部位係柳梅,肉質軟腍唔鞋口,有肉味,食到有極微量鬆肉粉,甜甜咸咸,好味。燒味豉油汁色水較淡,有花椒八角的香味,似鹵水汁多啲,唔會好咸,送飯一流!食完行去櫃枱比錢,侍應就會講個數比掌櫃你照比就得,好少收錯錢。聯發貴為荃灣老字號,出品一定唔差(我公司切豬都係佢),雖然貴少少,但荃灣最好燒味三甲一定有佢份(大集團除外),不過如果要干里迢迢來荃灣食就不必啦,市區都有佢今的質素。斬料,去聯發啦。

有時候遊走荃灣，深知荃灣有很多食店。下班後刻意走來荃灣，除了逛街外，最大樂趣就是吃了。在荃灣，肚子餓的時候，隨便選擇任何食店果復。吃燒味除了去太興外，還有這間聯發燒味。當在下發現這店子時，毫不猶疑地想進去吃一碟飯，這裡還有粉麵吃滿足不同需要。雖然是店舖小小，卻倘算乾淨。看過餐牌後，在下來一個叉燒燒肉飯。叉燒燒肉飯端上時，叉燒色澤較為深紅，而燒肉肥瘦均勻，而且並沒有甩皮甩骨。吃一口叉燒時很鬆化，而且甜味豐富，而燒肉的皮卻硬了一點,，不過仍是脆的。這裡斬燒味的都已經是上了年紀的叔叔伯伯，而且店子不大，加上牆上沒半點餐牌，也算是少有的。地方還算清潔。

端午節，在家中做節，要買义燒、燒肉應節。下午六點左右，經過荃灣，就想起聯發，這時排隊的人不多，等一兩個人左右。我想買义燒、燒肉，竟然同一價錢賣$80／斤（一般燒臘擋燒肉會賣貴少少），我每樣都買一斤。果然，燒肉比較一般，同义燒剛好相反，肉質淋滑，肥瘦平均，燒汁咸甜適中。超好味！

早上未夠11時, 已經有客人在鋪內吃「飯」, 早餐時段吃「飯」... 幾特別呀~ 橫豎中午時有事要辦, 早點兒吃飽也有能力好辦事店鋪乾淨整齊, 牆身周圍沒有一點裝飾或廣告海報, 所以估計店鋪沒有冰凍汽水出售(炎炎夏日, 冰凍cola與燒味飯是絕配嘛~) 上了年紀的男侍應生待客風趣幽默, 有如黎根叔上身 (有老婆婆叫燒鴨雙併飯,黎根叔就問要併什麽? 老婆婆答:「燒鴨雙併飯」...咁黎根叔語重心長咁講:「唔係呀,雙併即係可以併埋义燒、燒肉、油雞呀, 妳想併乜嘢?」 老婆婆答:「燒鴨雙併飯」 如是者兩老溝通了一大論, 唔知多久才攪得掂)燒肉肥义飯(碟上)$35 ... 燒肉是光皮, 皮雖脆但偏硬, 燒肉是暖的, 肉質軟嫩帶肉汁, 皮下脂肪不厚, 味道不過鹹；肥义燒是半肥瘦, 脂肪位呈透明, 义燒味道鹹中帶蜜, 肉質同樣軟嫩。 奇怪的是此店的燒味飯是不會落豉油蜜汁, 每張枱都會有細樽豉油, 落少少撈飯都已經超鹹 不落也罷飯偏軟或適合老人家。燒鵝油雞飯(碟上)$40 ... 燒鵝已退骨, 鵝皮脆、肉嫩、鵝油多, 撈飯更勝豉油或葱蓉 , 不過鵝肉味就不夠濃, 要用熱飯來蓋住去迫味道出

今早安排好工作，下午找藉口到荃灣辦點私務，順路去聯發食燒臘飯。experiences tell that if you order barbecue pork,  you must mention 肥叉 otherwise you may have "柴皮＂般的豬肉。好，就跟老伙計點了肥叉切雞飯一碟！肥叉，正！肥瘦比例剛好，自然肉嫩又夠林。切雞，一般！不要期望有雞味，幸好師傅斬了雞翼部位，勝在頗滑。此食店之服務和衛生皆一般，再次幫襯只因其叉燒！

今日plan 左上城門水塘行山, 因遲左出發所以要來一個fast lunch.男話特然想食燒味飯, 燒肉+叉燒燒鴨+叉燒 一碟$35 一碗$27心想其實都不是好好味, 但門外卻長期有人龍.~~味道一般(叉燒味道很怪) 不夠熱, 份量頗多, 價錢可以接受, 位置較迫不太舒適** 記得要叫多汁呀.

還是新年的紅日,怱然想吃叉燒抄蛋,就隨便去了聯發.門外人龍很長,一路排隊時,發現大家都是排隊買燒肉的比較多.排了現在百物騰貴,就問刀手到底最少買幾多,他說最少$20.好吧,就$20.回家打開一看...我登時呆了.只有寥寥數片,還要很多舊都是又乾又肥的白色肥羔.這樣也要收$20?!!!crazy~~~肉質也很"鞋", DISLIKE!!太揾笨啦!!以後唔會再幫襯!

原本打算不吃飯便回家睡覺，可是肚子又不爭氣，還是先吃點東西才打道回府。走到了燒腊店的門口，見客人不多，有卡位，便進去了。沒想太多，來一碟叉雞飯。叉燒切得厚身，但十分之鬆軟，亦有肉味，估唔到又幾好；雞雖然是預期中的沒有鮮味，還幸肉質仍是嫩滑，都沒有投訴。把薑蓉撈飯，又是美味的一餐。見好多人外賣燒肉，我想應該都不錯的，下次又試試。

今日(8-10-2011 Sat)買餸,男友今晚會o黎食飯,我又諗唔到買乜餸好,就問佢,佢答斬料,我問斬咩o野料?佢話叉燒,啊.咁好啦.今次走我走o黎買,就指定要$30.00半肥瘦同燶啲o既,師傅幫我揀o左.返到屋企,影完相就偷食先,先食瘦o個啲,同樣係軟唔硬o既,而半肥瘦o既呢?唔係我想像中o既半肥瘦咁好食,反而有啲肥o既部份有啲實,奇.而味道o既,係有蜜汁o既甜但都幾鹹,睇o黎佢調較o既味道唔係我杯茶.

中學時代，在洗衣街火車橋附近就是聯發，一個星期總有一至兩次在那裡解決午餐，地下是茶檔及燒味，二樓是較貴的港式西餐，三樓就專做學生餐。放學後有時也會去吃個飛碟。那些美好的日子，令人回味。這次，經過荃灣，發現街市街有間聯發燒味，二話不說，和蘋果小姐就這樣貢了入去來個晚餐。要了一碟例牌叉燒油雞雙拼，加個郊外油菜，兩個靚仔，就足夠兩個人了。叉燒蜜味和鹹味的平衡做得很好，不會太甜或太鹹，加上是半肥瘦的枚頭肉，燒得有少少焦的，好吃。而油雞就是上脾位，是嫩滑的，當然雞味就不太有了。白飯不太濕的，配燒味是一流。這裡的燒味，高水準。不過地板是油淋淋的，是街坊型式的燒味飯店。吃著吃著，像回到那個年代........

(24-9-2011Sat)朝早空肚做完body check後返荃灣,諗住去黑白飲用埋o個張券,點知11:32am又未開門,今次重要係連半閘都冇拉開,咁食咩o野好呢?食燒鵝瀨啦,去太興,陳記?我硬係對連鎖式燒味店冇乜好感.不如呢間老字號啦,都好耐冇o黎喇.但佢有冇瀨粉o既呢?行到去問問先,師傅話有,咁我即行入去卡位坐低,要個叉鵝瀨,又睇見例湯只係$6.00一碗,就問係咩o野湯?店員答白菜豬骨,好,要一碗啦.好快,例湯到o黎,勺o左好多白菜畀我,之後叉鵝瀨都到o黎,睇個樣好似唔差,食喇!叉燒唔係半肥瘦,有畀啲好味o既燶位我,蜜汁好夠,甜甜地,但雖然係瘦叉燒,肉質仍然鬆口,唔乾硬,唔錯.而燒鵝呢?畀o左下半部o既位置我,唔肥但冇乜肉,而最後o個件更係近pat pat位.燒鵝皮唔脆lu,但肉o既味道OK.瀨粉滑滑,湯唔夠鹹,不過我有例湯,所以呢個都冇所謂,而且我都唔飲呢啲湯o既.例湯呢?味道清清淡淡,冇乜問題.不過o衣o家寫食評至睇到,佢o地o既湯好似十年不變.環境:依然係舊裝修,但冷氣唔夠,秋涼喇,但仍可以食到我出汗.衛生:有烏蠅.上次食評: http://www.openrice.com

發現燒肉得白肉一片，無皮的，重要係下欄位，點可以賣得比客人，點會好食，重要成33蚊，都唔係平，同老闆講，佢就係咁話有，睇都唔睇吓盒飯，到最後只食得兩舊, 所以, 以後就算點好食都好，都唔會有下次!!!!!

叫左個燒肉油雞反和例湯共$38, 燒肉好多肥膏, 皮和膏分開, 皮很脆但勁硬, 好明顯係隻豬吾靚. 油雞又好肥, 肥膏凝固,看到好吾開胃. 例湯冇味, 但夠熱,可接受.絕對吾會再食, 建議大家食對面的太興會好些.亦令人懷念永合隆的美味燒肉, 完全吾同GRADE

最近出得街食多，又諗唔到食乜好，先去Burger King食左個平包。之後老公提議去呢度食叉燒瀨，因為都幾鍾意食。呢間燒腊真係幾傳統，留心睇餐牌，連珍肝都有得食，依家好多地方都無了。叫左碗叉燒燒肉瀨，叉燒燒肉另上。碗瀨粉唔係好大碗，睇到隔離碟飯大碟ｄ又抵食ｄ，呢度好在可以叫一碗，下次都係叫一碗飯算了。叉燒好鬆化，帶點蜜汁好味。燒肉層皮甩左出黎，而且唔多脆，老公話呢間ｄ燒肉係撞手神，唔係條條都好似去食太興咁件件脆皮，但佢既燒肉醃得幾好味，燒肉同叉燒都好味呢。埋單一碗$28，下次如果想食叉燒瀨，唔駛再食美心了。

晚飯叫左 叉肉飯..服務講講先..算唔錯..有杯熱茶..筷同根都拎埋黎..講返個飯..黎到時賣相原全下面那兩福水準"肉身均暈"同"有蜜汁"..結果叉燒味道亦唔係我杯茶...麻麻地..有舊仲腥腥地..佢係唔係食開個隻叉燒味..類似豬頸肉味似d..所以各有各口味..我就接用唔到la..無計..但幾好肉質..所以尚保留個ok..但睇返價錢就爭d想劣評了..之後燒肉就皮夠脆..肉都ok..好過叉燒la..但,整體唔值過3字頭個人認為..