聯旺燒味滷味

营业中

休息中

呢間雙拼燒味25蚊飯盒，應該平絕深水埗，絕對係糧尾之選！是日叫咗個叉燒油雞飯，份量啱啱好，夠一個女仔食。 叉燒半肥瘦，唔算太皮，味道上可。油雞略嫌 偏瘦，咁啱畀咗雞背我，冇乜幾多嚿肉食。雞皮有啲乾，盒飯本身已經咗燒味豉油 ，同大量蔥油。總括呢個價錢，不過不失，唔好抱太大期望。唔算好食，都唔難食，經過可以一試。 見佢其他斬料，豬手嗰啲都多人買。適合一家大細，唔夠餸嘅時候加單。深水埗窮人恩物，絕對係糧尾之選！

所謂嘅燒肉真係難吃到不得了，又不新鮮，又係凍肉，仲不斷推介人哋買，買完之後先至知道中伏😠😠😠真係唔想再幫襯呢間😤😤😤唔知道有冇其他人食咗之後有咩投訴呢🤷‍♀️

早前聯旺初開做特價，買咗隻外賣切雞返屋企，免切只賣$55，冰鮮雞價錢，但食落有雞味有咬口肉質鮮嫩，點葱蓉食，好味道。今日行過想買番隻白切雞，可惜冇得減，但义燒做緊特價大約正價一半，就要了一條瘦义，叫師傅一開二免切加汁落盒。回家打開，义燒還有餘温，雖然瘦但不柴口，有香味，肉質不淋不硬，雖然不是濃邊和半肥义，味道絕對不錯，吃了又健康，質數比同區的禮記好，和朗益差不多，但$68一斤义燒相信是同區最平的。

今日下午係近石硤尾深水埗一帶放飯，話就話深水埗多野食，其實來來去去咪又係個Ｄ，行行下，見到間新開張既燒味店，寫住２５蚊一個雙拼燒味飯。都算平，又唔想再周圍行，決定買個飯，然後係公園坐底食就算。排左約５分鍾，買左個叉雞飯，姐姐話前幾日開張有野飲送，依家無野飲了，有Ｄ可惜。叉燒係瘦既，已經份量都算多。不過切雞就相當份量小Ｄ，得４件，仲要切到好薄，不過可能因為雙併先俾小Ｄ雞。食落就不過不失咁，雞就唔算多肉，但２５蚊係依家呢個世代，算係平。