影片
营业时间
今日营业
12:30 - 23:30
星期一至日
12:30 - 23:30
以上资料只供参考，请与餐厅确认详情
铜锣湾聪嫂返嚟了！系我中学回忆，即刻约朋友嚟试吓。佢嘅水果沙冰都好好食，我哋叫咗芒果冰仙草冻同士多啤梨豆腐花。两款冰都好香甜绵密，士多啤梨仲见到一粒粒士多啤梨籽，证明真系新鲜水果打出嚟。上面嘅水晶珠脆卜卜，口感好得意。配仙草可以中和甜味又Q弹，豆腐花都好滑同夹。另外叫咗中式甜品杏仁蛋白茶同椰皇炖莲子双皮奶。杏仁茶好浓郁香甜，饮落温润顺口，配上炖蛋白好滑嫩。椰皇个个超级丰富，有好多莲子，又霖又绵密。仲有香滑嘅双皮奶，椰肉，同充满椰香糖水。聪嫂真系好好食嘅糖水舖，以后铜锣湾食完饭又可以嚟饭后甜品了。
继续阅读
聪嫂既龙眼冰真系得佢做到咁出色！令人念念不忘 😻 未够钟食dinner，竟然见佢系铜锣湾开咗分店！一定要食咗先啦 系咪 龙眼一如既往好清甜，再加上佢用龙眼汁打成冰，真系啖啖都有龙眼味！夏天食就更加正！解暑一流而榴梿冰豆腐花，就有成球果肉之外，个冰又系有榴梿味，豆腐花既豆味又唔会被盖过 👍🏻👍🏻杨枝甘露就超级足料！成碗满满既材料 🤪食到尾都有！芝麻合桃露，一上黎劲香！又有芝麻香同合桃香！ 😍😍😍
继续阅读
陪住好多人成长嘅【聪嫂私房甜品】，返嚟啦！真系食一啖旧时回忆就返晒嚟😍 店舖位置都系同之前同一条街，味道不变，都系咁好食🥰🥥 我叫咗两款 超怀旧人气甜品：🔹 龙眼冰豆腐花滑到不得了，入口即化✨豆香味浓，配上清甜冰冻嘅龙眼冰，有两粒冰冻龙眼肉，一啖即消暑！口感同味道都保持得超好～以前几乎每次嚟都会叫！🔹 热椰皇炖桃胶双皮奶真材实料，椰香香气扑鼻，炖得好滑好入味，桃胶份量都多，食落口感啖啖胶质感觉～暖笠笠好治愈，养颜又暖胃🫶
继续阅读
同朋友喺铜锣湾食完晚饭🌙然后直落去「聪嫂私房甜品」食甜品😬.热椰皇炖桃胶双皮奶🥥单点$69💰椰皇清甜，加上浓郁椰汁😋桃胶Q弹滑溜🤎充满胶质☺️双皮奶奶香十足🥛椰肉亦炖至滑嫩👍🏻.榴梿水晶珠🍨 单点$59💰采用泰国金枕榴梿🇹🇭 榴梿入口绵滑甘香🤤加上榴梿雪糕🍦水晶珠口感清爽弹牙🫧.热南北杏雪耳炖木瓜🥣单点$39💰木瓜软腍甜美，带淡淡南北杏香味🌰加上爽脆雪耳😗非常滋润😌.黑芝麻汤圆配桂花糖水🍡单点$32💰黑芝麻汤圆软糯😆黑芝麻味香浓😛桂花糖水甜中带阵阵花香🌼
继续阅读
话说呢排铜锣湾真系热闹到爆，各位甜品控注意啦——聪嫂私房甜品终于返嚟铜锣湾啦！记得以前佢哋系呢度开舖嘅时候，成日排队排到转角，而家重返旧地，粉丝们个个都话「终于等到呢一日」！讲到聪嫂嘅招牌，龙眼冰同榴梿冰认第二，冇人敢认第一！先讲个龙眼冰，真系讲究到极点。选用嘅龙眼全部系精挑细选嘅「石硖」品种，果肉饱满多汁，甜得嚟带少少清香，绝对唔会涩。师傅会逐粒剥壳去核，再用慢火熬成龙眼糖水，冰底系自家制嘅碎冰，浓郁嘅龙眼肉，顶头再加新鲜龙眼肉，一啖落去，冰凉透心，龙眼嘅甜同冰嘅爽完美融合，夏天食返一碗，简直系人生一大享受！至于榴梿冰，简直系榴梿爱好者嘅泰国金枕高级榴梿，果肉捣成泥，香浓到隔住个街都闻到！冰底一样系细腻嘅碎冰，拌匀榴梿泥之后，口感滑溜到好似雪糕，浓郁嘅榴梿味在口腔里面爆开，甜中带少少独特嘅「回甘」，钟意榴梿嘅朋友一定会觉得「劲过瘾」，唔钟意嘅可能会话「太霸道」，但呢种真性情，先系聪嫂嘅风格嘛！而家重返铜锣湾，舖面比以前更有味道，不过个排队人龙仲系一样夸张。无论你系住附近嘅街坊，定系专程过嚟嘅游客，都记得过嚟试返碗「童年回忆」，畀个龙眼冰同榴梿冰「洗礼」下，保证你食完会话：「呢种味道，真系等几耐都值得！」
继续阅读
您可能会有兴趣的...