影片
以上资料只供参考，请与餐厅确认详情
陪住好多人成长嘅【聪嫂私房甜品】，返嚟啦！真系食一啖旧时回忆就返晒嚟😍 店舖位置都系同之前同一条街，味道不变，都系咁好食🥰🥥 我叫咗两款 超怀旧人气甜品：🔹 龙眼冰豆腐花滑到不得了，入口即化✨豆香味浓，配上清甜冰冻嘅龙眼冰，有两粒冰冻龙眼肉，一啖即消暑！口感同味道都保持得超好～以前几乎每次嚟都会叫！🔹 热椰皇炖桃胶双皮奶真材实料，椰香香气扑鼻，炖得好滑好入味，桃胶份量都多，食落口感啖啖胶质感觉～暖笠笠好治愈，养颜又暖胃🫶
继续阅读
同朋友喺铜锣湾食完晚饭🌙然后直落去「聪嫂私房甜品」食甜品😬.热椰皇炖桃胶双皮奶🥥单点$69💰椰皇清甜，加上浓郁椰汁😋桃胶Q弹滑溜🤎充满胶质☺️双皮奶奶香十足🥛椰肉亦炖至滑嫩👍🏻.榴梿水晶珠🍨 单点$59💰采用泰国金枕榴梿🇹🇭 榴梿入口绵滑甘香🤤加上榴梿雪糕🍦水晶珠口感清爽弹牙🫧.热南北杏雪耳炖木瓜🥣单点$39💰木瓜软腍甜美，带淡淡南北杏香味🌰加上爽脆雪耳😗非常滋润😌.黑芝麻汤圆配桂花糖水🍡单点$32💰黑芝麻汤圆软糯😆黑芝麻味香浓😛桂花糖水甜中带阵阵花香🌼
继续阅读
话说呢排铜锣湾真系热闹到爆，各位甜品控注意啦——聪嫂私房甜品终于返嚟铜锣湾啦！记得以前佢哋系呢度开舖嘅时候，成日排队排到转角，而家重返旧地，粉丝们个个都话「终于等到呢一日」！讲到聪嫂嘅招牌，龙眼冰同榴梿冰认第二，冇人敢认第一！先讲个龙眼冰，真系讲究到极点。选用嘅龙眼全部系精挑细选嘅「石硖」品种，果肉饱满多汁，甜得嚟带少少清香，绝对唔会涩。师傅会逐粒剥壳去核，再用慢火熬成龙眼糖水，冰底系自家制嘅碎冰，浓郁嘅龙眼肉，顶头再加新鲜龙眼肉，一啖落去，冰凉透心，龙眼嘅甜同冰嘅爽完美融合，夏天食返一碗，简直系人生一大享受！至于榴梿冰，简直系榴梿爱好者嘅泰国金枕高级榴梿，果肉捣成泥，香浓到隔住个街都闻到！冰底一样系细腻嘅碎冰，拌匀榴梿泥之后，口感滑溜到好似雪糕，浓郁嘅榴梿味在口腔里面爆开，甜中带少少独特嘅「回甘」，钟意榴梿嘅朋友一定会觉得「劲过瘾」，唔钟意嘅可能会话「太霸道」，但呢种真性情，先系聪嫂嘅风格嘛！而家重返铜锣湾，舖面比以前更有味道，不过个排队人龙仲系一样夸张。无论你系住附近嘅街坊，定系专程过嚟嘅游客，都记得过嚟试返碗「童年回忆」，畀个龙眼冰同榴梿冰「洗礼」下，保证你食完会话：「呢种味道，真系等几耐都值得！」
继续阅读
聪嫂宜家开多左 旺区都有齐哂夏日天时去食番碗舒服哂椰汁芒果黑糯米 紫米好软糯，带天然甜香 碗面有新鲜芒果切块，酸甜多汁，下面就有啲芒果粒粒全碗都有浓郁椰奶，有热带风味 另一个冻既叫左龙眼椰果冰 系一贯既味道 系清凉解渴既夏日首选 泰国既龙眼肉甜味温润 食得舒服另椰皇炖莲子双皮奶 唔系普通蛋白而系原个椰皇作容器，炖出椰香双皮奶 ，啲双皮奶口感丝滑，奶香浓郁 叫左莲子做配料，莲子炖至粉糯，清心降火 成个甜品有椰子天然甜味，又有莲子平衡杏仁合桃露好滑 坚果香气浓郁 唔算太甜 味道几好 够健康
继续阅读
曾几何时聪嫂系铜锣湾最高知名度又最多人帮衬嘅甜品店，䇄立十几年，然后因为种种原因执笠，到今日又重回铜锣湾，去返差唔多嘅位置开舖，味道都系不变，芒果双皮奶好香甜，芒果绝对唔酸，同双皮奶味道好夹，龙眼冰好清新，特别适合夏天清清地，卖相非常华丽，份量黎讲两样野都算足料，食完都唔会话好似冇食过咁。落单系scan qr code再即时俾埋钱先，人流都ok唔洗等得太耐，不过整体价钱就同旧时一样偏向进取，如果有缘经过食返一次都系唔错。
继续阅读
您可能会有兴趣的...