影片
同朋友食完饭，时间尚早，觉得要食埋甜品先满足～朋友话想食呢间，揾左阵终于到，好彩因为早去到唔驶等位～不过呢度位置唔算多，枱同枱之间有D逼，坐得唔系几舒服。唔算好多选择，难得大家都食榴梿，所以叫左榴梿黑檽米同榴梿pancakes。黑檽米比想像中多，唔算好甜，食到后期有D饱，榴梿都几香几浓，不过太少唔够多。Pancake有两件，入面有D cream同榴梿肉，不过我地都觉得太甜，同埋榴梿肉如果可以再多少少就好。
继续阅读
由大学时期开始食聪嫂，果阵仲系廿几蚊一碗，今次黎到旺角分店，一个蜜瓜冰已经要＄４２，仲要用细细个胶兜，好似唔会重用，感觉唔环保。因为细兜左好多，三两下就食晒。冰底唔够冻，好快溶，无之前咁绵滑，好似普通ｓｏｒｂｅｔ咁，唔会再食了。
继续阅读
呢个鲜杂果水晶珠，𠮶啲生果好甜嘅。芒果，蜜瓜同西瓜都好甜。佢中间会有啲芒果沙冰嘅，跟住底下呢就舖满咗好多西瓜 价钱就要58元。食完饭，有小小口渴啊，食呢个生果盘就啱晒
继续阅读
食完晚饭个感觉仲系好空虚， 返屋企途中见到聪嫂， 即兴入去食糖水，晚饭食了吉列牛怕热气叫咗碗鲜杂果椰汁凉粉$58 ， 然后再叫杏仁茶炖蛋白$39。鲜杂果椰汁凉粉～ 望落都几大碗， 有士多啤梨，芒果，香蕉，西瓜，蜜瓜和哈密瓜， 芒果超级酸， 其他几款生果普通啦，冇乜特别， 椰汁和凉粉比较少。杏仁茶炖蛋白～ 杏仁茶有点稀， 蛋白口感太实， 整体味道一般。聪嫂甜品的价钱都唔算平，味道普通， 觉得佢新开嘅时候质素好过现在， 有进步嘅空间！
继续阅读
小妹以前好钟意食聪嫂，次次同朋友出街食完饭都要食返碗冰做甜品不过人大左，通常食完饭就直接解散，好少再食甜品今日难得再encore即刻叫返我最钟意嘅蜜瓜冰试吓<红豆蓉水晶珠$35>朋友仔件见有个红豆蓉水晶珠新出几得意，叫左个试下只味都OK嘅，好似饮紧红豆冰咁，比起蜜瓜冰红豆蓉嘅呢个刨冰系用粗嘅刨冰食落去更加有口感<蜜瓜椰果冰$42>蜜瓜椰果冰系小妹嘅最爱基本上每次去到一定要食蜜瓜味，依然系最清香嘅味道不过感觉上份量就好似细咗啲，同埋加价加咗好多明明以前食嘅时候都仲系$30头，而家已经要$42啦
继续阅读