聰嫂私房甜品 (已結業)

係銅鑼灣細舖既時候已經有幫襯聰嫂，到宜家搬左去大舖同有好多分店，水準依舊係旺角同朋友晚飯後，大家都想食個甜品作完結。係夏天熱辣辣既天氣最好就係食個冰涼下啦! 當大家行緊去聰嫂時都擔心要等位等好耐，去到時先發現原來舖位擴充左，去到無耐就已經可以入座。我地叫左一貫至愛既榴槤冰同龍眼冰榴槤水晶珠 - 當好掛住同無得食新加坡或泰國榴槤既時候，呢個甜品絕對係可以止住癮先。冰上面既榴槤肉甜度同香味都剛剛好龍眼冰 - 每一啖食落都充滿龍眼味，口感一流

聰嫂私房甜品都係比較多人讚嘅新式甜品鋪之一，分店亦都開始越開越多，終於開到嚟旺角了！由於一直都覺得佢哋嘅榴槤幾好所以之前經過開見到有都會食，新舖喺旺角真係幾方便我！但係鋪頭細細，可以容納嘅人就不多了。所以都係決定選擇外賣吧！門口有排行榜，揀完就直接畀錢喺門口，算係幾有效率。但外賣要加一蚊，不過其實都算合理的。最後我揀咗〈榴槤水晶珠〉，成盒都係榴槤肉，一打開就勁大陣味，唔食榴槤嘅老婆當堂嗌曬救命。榴槤肉都幾香甜軟滑啖啖肉，質素幾高！水晶珠仲會另外裝起，幾貼心！$50一碗糖水算唔算貴呢？但有得食高質榴槤肉喎！