聚豪閣 (已結業)

今天到葵芳新都會聚豪閣酒樓吃午飯, 點了一味'潮陽鵝絲煨麵線' (HK$58.-). 上檯後, 看見窩中很多黑色幼絲物體, 心想是鵝絲吧. 入口後,發覺衹是鵝皮. 再吃下去, 仍是鵝皮! 於是將窩中所有的黑色幼絲物體抽上來查看, 找到有五條極幼的鵝肉. 我即時想找部長問問是否菜牌上的'鵝'與'絲'之間印少了個'皮'字?此味應是'潮陽鵝皮絲煨麵線'! 但因要趕時間出外辦事, 又怕他們回答些甚麼令到自己難堪.所以放棄投訴. 反正他們大把客人等候光顧.你不滿, 即離開. 有人如獲至寶地衝進來!投訴衹會落得被人心裡責罵: 無謂搏大暮,阻住地球轉!各位若到此酒樓吃午飯, 切勿點這一味'潮陽鵝絲煨麵線'了. 咁樣一窩麵線賣58大元,真無良!

welcome新teammate join我o地team，又有飯食lu~ 都話Arrow有食神，hehe~: )聚豪閣o既點心幾好食架，我o地都係叫點心為主，都有試個黑椒牛柳炒米反而麻麻~ 想講講係佢o既叉燒包，係叫皇潮叉燒包，特別白特別滑，o岩哂我呢個叉燒包fans~ 食到差唔多，大家一齊點糖水。我心儀最好味、最有名o既楊枝甘露，但同時又心思思想試鴛鴦紫米露... 最後同事好好人咁分一碗仔紫米露俾我，唔，兩隻都真係好好味啊!!埋單好似$700 幾，又係公司數，thanks again~ : )

食飯食左個點心拼盤(白菜餃,燒賣,糯米卷,芋角)粟米魚肚羮,肉碎蒸豆腐,上湯灼時菜,沙薑雞,玉蘭炒絲苗,芋茸西米露同馬豆糕白菜餃～好多菜做餡，ok啦燒賣～好大粒，冇乜肥肉，幾好糯米卷～冇乜特別，唔食都算芋角～炸得好香脆，但唔油，而餡有芋蓉加少少好似糯米雞既餡，最好食呢樣粟米魚肚羮～足料又多一粒粒完整粟米，唔係罐頭開成肉碎蒸豆腐～用百福豆腐整，肉碎唔多肥肉，好健康，味道一般啦，冇乜特別上湯灼時菜～有少少瑤柱舖面，味道清淡，不過都幾油沙薑雞～好滑但冇乜雞味，好似係冰鮮雞玉蘭炒絲苗～一般啦，唔油，有新鮮蝦仁芋茸西米露～唔太甜，但唔特別馬豆糕～唔太甜同多馬豆ｏｋ啦，好彩唔駛俾錢

9月初時因工作需要黎食過一餐,點知大失所望,當日有一個點心拼盤d點心真係一般無乜特別係最尾上既合桃酥同黑糯米好味d好彩唔駛自己俾錢唔係就一定呻笨了

又係同同事去飲午茶，都好多人好嘈o下~~我o地8個人左右，都唔係叫左好多野，十幾個點心左右啦（冇叫魚翅灌湯餃之類o既名貴點心，不過最後一人要左一個糖水），大家都唔係太飽，但都要$80 per head 喎，比同區有ｄ貴~~~

現時聚豪閣的價錢可以比美心大酒樓更便宜，即使茶錢亦只是$6，小點中午$13，下午茶更大中小一律$9.8，真係世界難熬了。「湘西霞映炒麵皇」係2003年度香港旅遊協會美食之最的金獎，墨魚汁意粉做炒麵好好食。

呢間同屬美心集圑，但食物味道同選擇都比隔離美心好，所以雖然價錢較貴都經常大排長龍，等枱等個幾鐘都係等閒事其實佢既點心唔係好出色，只不過葵芳選擇太少，對手水準太弱，所以先成日咁墟冚我就鍾意食佢地既腸粉，尤其係羅漢齋腸，另外銀針粉都好好味，而家好似好少酒樓有得食咯

聚豪閣屬潮式酒家, 無論午市同晚飯o既食物做得幾好, 服務都好殷勤。有次我地一家人去食晚飯, 由非吸煙區轉去吸煙區, 又嫌冷氣太大要再轉位, 個部長都好好笑容幫忙, 一D 都無唔耐煩。<br>個酥炸Q 版蘿蔔仔好得意o架, 入面其實係奶皇, 外面係類似咸水角o既皮, 不過包裝到成隻紅蘿蔔咁, 好抵死。

我去過食晚飯, 水準絕對稱得上中上以上, 食物水準一流, 服務亦唔錯, 冇發覺上一位讀者所講咁劣0既服務, 個人意見覺得各方面都好過同集團附近0既美心酒樓, 絕對值得推介

原本叫o左個螺頭湯，點知個侍應上o左個例湯，諗住算數，費事換；反而個傳菜阿姐重好「寸」，問我係咪唔要個湯，之後每上一碟菜就問我有無叫。同個部長投訴，佢重話︰「阿姐係咁。」既然知道個阿姐係咁有性格，都任佢講，莫非係呢間酒家o既特色？