聚興家

营业中

休息中

.終於有時間去試依間米芝蓮推介嘅小店，見到佢已經租埋隔離間鋪去擴充營業，估計佢嘅價錢以米芝蓮來講都相對算平。不過裝修同環境一般，唔會有高級嘅感覺。.今次叫咗豉汁蒸大鱔，份量都幾足，條鱔新鮮肥美，肉質爽口。佢用咗豆豉同埋欖角黎蒸，魚嘅鮮味仲喺度無比個汁蓋過，味道算濃同有少少偏鹹，不過送飯一流。.其實重叫左其他餸，食得出廚師係有功架嘅，下次再食過。.餐名: 豉汁蒸大鱔價錢: $250評分: 8/10餐廳: 聚興家 (太子)地址: 太子砵蘭街418號地舖

平時同BB食開西式米芝蓮，今次BB提議呢間米芝蓮推介嘅小店，我地即日打電話去訂位，都要8點先有，好嘅餐廳係值得我等。首先講芥蘭，用左少少蝦醬，少少肉碎，少少咸魚，煮出黎係咸咸香香，重點係好林好甜，難得！有個女明星話，如果老公唔剝蝦佢係唔會食，呢D都係兩個人之間嘅恩愛，唔洗放閃嘅。不過今晚男人拆蟹，女人食蟹就係真嘅。同星加坡嘅胡椒蟹唔同，唔會有一大盆汁，但係都好入味香口而唔辣，重點係好~多~蟹羔~肥都咁話，食完先減~然後到大蜆蒸水蛋，蛋係好滑，但食唔到大蜆嘅鮮味，早知就蒸左D蜆~下次再黎~最平平無奇反而係乳鴿~都OK嘅~不過今晚的主角係海鮮~珠玉在前難免失色。最後係男人的浪漫：九肚魚~BB話唔係太食到椒鹽味~但本身D魚夠鮮，又炸得好，唔會一口油~正~

男朋友日日夜夜都提住哩間食店！終於帶我去一試！聚興家！老闆仲係門口 咁岩影到老闆係門口既相！男朋友真係滔滔不絕講呢間有咩咩好食 咩必叫，始終我和男朋友兩個人，都試不到很多美食，這次叫了三道菜。新鮮鹽焗雞，味道真的很好食很有雞鮮味，加上好嫩滑，要加埋薑溶一拼食，實在太好味龍蝦煎米粉底，龍蝦是足料肉，啖啖都是肉，配上煎米粉，卜卜脆，十分有咬口，小朋友必點菠蘿生炒骨，係開胃的菜式，配搭甜甜酸酸醬，而炸得可口，啖啖也是肉，小心內裡是有骨的，我給這道菜滿分當然鹽焗雞也是滿分下次再戰！太是美味，而職員服務態度也是很好👍

有種風味叫「麻甩大叔風」，平實中見功架，市井中見個性，形容隱於太子的米芝蓮食肆「聚興家」，最合適不過。 此店剛得到 2018年米芝蓮車胎人推介，門口有多張明星合照，「深宮計2」皇后胡定欣、阿倫等曾是坐上客： 舖面外有大水缸養著海鮮： 正所謂「山不在高，有仙則靈」，餐廳不重獲獎次數，也不重明星拱照，好食又抵食就正。「聚興家」堅在碟碟餸都好食，少見也！ 今次去是為大叔 K先生賀壽。店的鋪面細，有大約六張枱，人頭湧湧： 店用速度搭夠，上菜及返枱快，卻沒有被催促的感覺。Book 枱時，沒有講明時間限制，阿姐侍應服務很好，不見得因為「米芝蓮光環」而變得傲慢氣粗。 當日我吃八點那輪， 已經轉了兩輪枱，而且仲有第三輪入席。 今餐真係樣樣都好食，「椒鹽鮮魷」$98， 炸得金黃酥脆，好下酒： 必食推介「新鮮鹽焗雞」半隻 / $198， 配蔥蓉上枱： 好食之處，是醃得非常入味而不過鹹，味是深入骨肉， 且保留肉汁。 不點調味料， 已經好得。 「紅燒乳鴿」$68 / 每隻，即炸上桌，點了兩隻一開四： 甫撕開已見到粉嫩肉，肉汁是流出來的，沒誇張！皮脆肉嫩， 誰不愛？ 不得了的「上湯

早想光顧這間被米芝蓮飲食指南推介的小店，這一夜，趁著舊同學聚會，一於試試。相信是因為生意愈來愈好的緣故吧，這小店現已擴充營業，把比鄰的舖位也拿過來，變成左右兩間地方較大的舖頭。不過早於一星期前已致電訂座的我，仍然被安排坐在舊舖靠近門口的六人桌子，通道既窄，店子的人手又不夠，無論環境與招呼都不是太理想。幸好，好味的食物很大程度上可以彌補到這兩方面的缺陷，來此吃飯，總算不枉。六個人一人點一道菜，有肉、有菜，有海鮮，夠吃了。「花甲蒸水蛋」（時價）最出色，蛋滑而香，滲透著花甲的甜味，與滑得溜口，一級棒的蒸蛋相比，花甲也不禁由主角降格為配角。「海中蝦煎米粉底」（時價）當然沒有上湯龍蝦煎米粉底那麼吸引，不過價格方面也便宜得多，海中蝦足有六隻，正好一人一隻，配以香脆的煎米粉，讓人吃得齒頰留香。「豉汁蒸大鱔」（$250/半條）份量不少，濃味，惹味，好味的大鱔，不吃飯的話可能會鹹了點，佐以白飯，美味度立刻極速提升，教人欲罷不能。「薑蔥桶蠔煲」熱騰騰的上桌，香氣撩人，蠔好吃，蔥也好吃。半隻「新鮮鹽焗雞」（$198）最不抵吃，雖說這雞肉嫩皮滑，味道不差，但半隻雞看來只像例牌，每人吃到的實不太多，早知這雞那麼

久仰大名，周邊朋友都話呢度出品「正」又話好多食評人都比滿分。可能今次自己闖進去，只係滿肚子受氣連續幾日都爆滿，訂枱訂到晚上九點半，去到原來要搭枱！如果話俾我聽要搭枱，我係唔會去！訂枱的時候預留了鹽焗雞，去到竟然同我講賣咗比其他客人。如此混亂不堪，不如話冇得預留食物，來到有就有。見到大家都話「上湯大蝦煎米粉」係必定要點的食物，所以一心黎試吓。不過出品就唔係想像中咁好！米粉確實煎得好香脆，不過冇味。蝦的大細距離大蝦有一段好大的距離。我哋點煎蓮藕餅結果來的是「鹹魚煎蓮藕餅」喊到不得了吃不到蓮藕，應該改名「煎鹹魚肉餅」。大蜆蒸滑蛋，豉油蓋過了蜆的鮮味，很多其他地方也可以做到這樣的蒸滑蛋。呢個餸點左三次先點到，伙計的服務真的要改善。一行四人，希望越大，失望越大！大家離開的時候只有三個字「冇下次」。

記得初訪是某平日的一個黃昏，跟老媽和老公三人之行拍下此照。此後再來，總也找不著如此人稀疏落的狀況，每每是墟冚的場景，幾乎連店內唯一的走道也看不清！ 三人行後，第二回到訪是好友們替我預祝的生日飯。 第三回是與家人一起慶祝老爸的生日。 驟眼如同一般的普通飯店，門外設置了典型的魚缸和堆放的發泡膠箱子，可見龍蝦、鮑魚、螃蟹、蟶子、海蝦、花蛤等活海鮮。 不管外觀怎樣平凡，門口的膠膜如何的矇矓不透光，成為米芝蓮推介食肆已是不爭的事實，自然引來愛飲愛食的香港人。 這裡不光是大廚們喜愛宵夜的地方，現在也成為我與為食家人及友人前來的選址 — 「聚興家」！ 上湯大蝦煎米粉底 在三訪中，有好幾道菜式是我們必點的。 上湯大蝦煎米粉底是其中一道，可隨喜好配搭龍蝦、豉椒蟶子或鮮魷等。 上湯大蝦煎米粉底 游水大蝦非常新鮮，肉質嫩滑、味道鮮甜，質量與火喉無庸置異。 上湯大蝦煎米粉底 此菜特式在於上湯分量較輕，輕描淡寫的點綴，令如蕾絲的米粉底不易變潮變腍，保留脆口焦香的賣點！ 上湯大蝦煎米粉底 第二及第三訪的米粉底，雖不及第一訪的纖薄幼細，幸好風味依舊不變！ 上湯大蝦煎米粉底 海大蝦依然新鮮味美，所以三次到訪仍愛以蝦為

今晚跟隨好友朝聖近年火紅的「米芝蓮」平民街坊食肆！👇🏻😘白灼新鮮牛肉-嫩滑有牛味！豆酥蒸蟹-豆酥味道特別、可惜味道沒有混入蟹肉、可能蟹殼沒有適當處理之故！但一試也無妨！豉椒蒸白鱔-賣相夠澎湃、色香味俱全！大蝦煎米粉-冇得輸！拔絲生炒骨-酥脆甜酸度適中我至愛！👍🏻😍今晚略為遜色反而係兩味蔬菜！「酸菜游水筍殻魚」用游水筍殻魚、個人覺得有點不切實制、而且味道只覺一般！😳不過、整體唔錯! Yummy...有回頭!👍🏻😍😍😍是晚菜單：白灼新鮮牛肉豆酥蟹拔絲生炒骨酸菜筍殼魚豉椒蒸白鱔大蝦煎米粉啫啫芥蘭椒絲腐乳通菜

上個月，跟一班好姊妹食飯，又是傷腦筋選擇餐廳的時候嘞！ 有位姊妹建議道太子砵蘭街的 2018 米芝蓮小店 <聚興家>！真是最好不過呀！之前，我跟一位長輩朋友、他太太及他一眾好友聚首一堂在這裡，品嚐過出色的小炒！令人回味無窮！上次到訪，由於他是熟客，還介紹了老闆兼大廚給我認識，因此！今次直接找老闆娘幫忙留枱！這裏嘈吵得很實在傾不到計， 而且坐得頗為逼夾，以圓枱為主，加上樓底不高兼座無虛席！ 可見實力所在好旺場呢！清秀漂亮的老闆娘熱情好客，向我們推介店子的招牌菜！自從店子早前獲得米芝蓮推介之後，餐牌上的菜式已加了價！她推介我們食花甲蒸水蛋 $198等位期間我們已見門外有一大兜花甲新鮮貨色！這是我們首次嘗到這個的配搭，蒸水蛋加了花甲，吸收花甲的精華，鮮味無比！ 而且花甲粒粒新鮮飽滿，鮮甜味美！意想不到是這樣出奇的搭夾配，食得津津有味又驚喜，令人一試愛上！不容錯過呀！生炒排骨 $88秘訣在於加入麥芽糖烹調，當我們舀起排骨，好像芝士拉絲的效果呀！ 甜酸有致，排骨外脆內嫩，配料還有彩色燈籠椒及菠蘿粒，酸香醒胃而不油膩！椒鹽鮮魷 $98這是令人又愛又恨的邪惡小食！ 師傅弄椒鹽鮮魷做得

上星期日幾條冷成員為6月18生日的清麗村姑提早預祝生辰！選了近期火紅風味十足的聚興家來慶祝，這夜吃得盡興、飲得高興，希望壽星女也滿意這場生日飯^0^ 這夜要喝得清爽出動紅、白加氣泡酒，以凍飲來解暑！！ 首先上檯是新鮮鹽焗雞，個子的式的鹽焗雞入味得很，鹹香滋味很好下酒！ 對小炒充滿期望的我勢要吃菠蘿生炒骨果然沒有令我失望！還帶脆口的腩排肥瘦均稱，被甜酸恰好的汁醬緊緊包裹著，唯一要挑剔是我最喜歡的菠蘿實太少了！ 接下來的更見精彩！這味是蒜蓉籐椒蒸歐州海老鼠混青斑，貌似老鼠斑的混血兒魚皮滑溜不腥，肉質細嫩嫌帶有鮮甜味道，配合麻香不蓋主的籐椒蒜蓉好吃得沒話說呢！ 當混血兒剩下棚骨時恰好送來兩款美食，我們當然狂性續發瘋狂的大快朵頤！ 先吃上湯大蝦煎米粉底，大蝦新鮮彈牙肉很甜，煎米粉香脆不油顯出大廚的上乘功架！但如果上湯汁能再鮮甜些便更加吸引我呢！ 鮮花甲蒸滑蛋質感滑溜得像布甸，花甲的鮮味也能渗進蛋內，蛋香可以濃一點更妙！ 麻辣水煮鮮牛肉得到吃牛的冷友讚賞不已，而我則嚐了配菜香辣度不弱，絕對能止辣癮！！ 是時候清爽一番！來一客清爽的上湯絲瓜，軟滑的絲瓜吃下口感舒適，一顆香甜蒜子令它

因住在附近都經常經過這間食店，但一直都無機會光顧，而去年得知獲得米芝蓮推介，今日足之有機會一試，但一試後非常失望，名不符實，價錢貴味道一般又較鹹。18:20入座，起第一碟菜，就話有人等緊我們張枱，19:00已催我們埋單，慘過食快餐。一送上半隻鹽焗雞，我們都驚訝，咁細隻？似得1/4隻喎，肉質都算滑，但太少了，價錢還要$198。咕嚕雞好酸，汁又稀，不好吃鹹魚煎肉餅，煎得算香口，味道還可以椒鹽鮮魷好鹹滑蛋蝦仁煎米餅，都幾大碟，煎得香口，不過要2百幾稍貴呢

其實已經是早兩個月前光顧的小店，未上米芝連榜訂位已經不容易，相信現在更加困難，不過是值得的，食物的確有水準。因為人多所以我們一點就兩味雞，一隻口水雞另一款係蔥油雞口水雞看似很辣但入口花椒油香並沒有想像中辣，加上花生和芫茜蔥，媲美正宗川菜白灼鮮牛肉，淋口而已有鮮味香酥蝦，蝦頭炸得特別美味，脆口蒜香骨就比較一般，不過炸過後肉質仍然保持濕潤酸菜魚算是不過不失，以班肉來說尚算彈牙但味道不夠酸辣，可能是不想蓋過魚鮮味，但有點覺得不倫不類蟹，用薑蔥炒是最好的中式配搭，香口惹味乳鴿肉嫩，皮脆不乾身，喜歡肉類客人就不能錯過滑蛋蝦仁煎米粉，米粉脆口，配上滑漏蛋槳，可以作為飽肚主食花甲蒸水蛋，又嫩又滑豉油皇炒麵，幾飽都要試一口，乾身不油膩，鑊氣一流總括食物是非常有水準，但如果要求座位舒適度，服務體貼，就未必此價錢可以看齊

星期日晚一行五人5點半去了這間米芝蓮新公布之聚興家吃晚飯，極之失望。只點了四個小菜:咸魚茸炒白菜、蝦乾四季豆小炒王、藕片炒爽肉、菠蘿生炒骨。另半隻鹽焗雞、10隻豉油王蝦，一碗白飯及一支維他檸檬茶。1)上菜超慢最快上來的是生炒骨，其他餸菜一碟一碟慢慢上，以為去了飲宴！出菜慢，結果完成整個情序是7點20分。2)味道不合格話說第一道生炒骨酸不酸、甜不甜、趣不趣，我已經覺得有點中伏，其後小炒王多油，菜老有渣，鹽焗雞一般、藕片超咸，只有咸鱼炒白菜尚算合格，至於豉油王蝦本人因要戒口故沒有品嘗，不作評論。3)取價不老實味道可說是見仁見智，但食店取價不老實。以上小菜也有菜牌定價合共约$500左右，唯獨豉油王蝦，我們order時，没有問"時價"，埋單，張單只有手寫幾條數合共$982。因我們坐在飲品雪柜邊，自拿了一瓶維他檸檬茶，不想小店吃虧，便問店员有否計數，他說没有，結果埋單齊頭$1000大元。當晚吃得實在不甚暢快，因此放下銀両即閃去前面永合隆吃個燒肉飯加例湯，鼓勵自己！話說到此，負評說盡，自己做了港豬，也不就沒有下次光臨罷！只是什麽明星飯堂、米豬連推介，也只是一場虚榮宴，今次受教了！

我明訂位唔係大晒，但訂8點，我7點幾就到，一早同你講左人齊，到8點比台我，但8點到左，一直都比唔到台我，，好嗱，到比到台，竟然係叫我地搭台坐住先，但搭張台坐唔晒我地所有人口講就話佢地已經最後一味餸，就快食完，結果果幾個人陸陸續續黎多4個餸，最後等到八點七先比到張坐得晒既台比我⋯⋯嘢係幾係好食既，不過真心，人多要諗清楚⋯⋯

一年一度重陽周早上登高,晚上同家人大吃大喝一枱都係食物是指定動作! 去邊配合?!?二叔話聽佢老板講呢間係叫緊糊米芝蓮中菜館,食定先!水煮牛係塊塊肉香靚牛,底下d芽菜最係精華生炒骨夾起做到拉絲視覺效果,果道酸甜適中,唔送飯就咁食都唔會好濃.乳鴿反而無咩特別, 可能係d小炒太突出.招牌雞,肉質未至於好突出,但已好味過好多高質素地方, 所以大家都爭住食,可好惜只得半隻無緣再加單.薑蔥生蠔煲, 非常之香薑蔥味,隻隻蠔都好飽滿食完有少少擔心下次要大排長籠,仲有好多野未試店員得2個忙到暈都唔得閒應我地,不過有禮貌.都唔係傳說中講到咁差啫