影片
相关文章
K先生同我一向都几好钟意食雪山叉烧包，今次我同K先生去到上环食好西，我就带佢去聚点坊饮杯茶，食几个雪山叉烧包先先。我地两个都未食早餐，饿饿地，点咗几碟点心，包括我地至爱雪山叉烧包，我至爱马拉糕，好好味。我地都觉得呢间d点心系好有水准，好食过香港mtr 站添X运。 但聚点坊服务就麻麻地，叫加茶时，尤其个女待应成曰黑住面，叫佢加茶要睇佢面色。希望服务态度改变下。不过，个雪山叉烧包真系好正，下次都会再encore 雪山叉烧包 ，马拉糕同试理佢其他点心先
继续阅读
今日同朋友一齐去上环食嘢，朋友话想食点心，所以带咗佢去上环一间出名嘅点心都食嘢。 虽然系夜晚九点钟，但成间舖都系挤满咗人，我哋两个人入到去都要同人搭枱，同成间铺头入面超过一半都系外国人。 我哋睇枱上面啲图，同埋𠮶张点心纸上点左5样野，分别系凤爪排骨饭，咸水角，叉烧包，流沙奶皇包同埋虾饺。 虽然我哋九点钟食， 但啲反仍然好干爽应该系啱啱蒸出黎，同啲排骨熟得啱啱好唔会黐住啲骨，啲肉新鲜弹牙嘅。 流沙奶皇包热辣辣，搣开过包，两面啲流沙流晒出嚟，啲流沙重蛋黄味一啲都唔会漏。虾饺层皮好薄，入面好多虾肉，全部都爽脆弹牙。 叉烧包个酥皮好脆，入面系啲肥叉烧， 啲密汁同个包好夹。 最后仲有咸水角，啱啱新鲜炸出来，层皮好松脆。
继续阅读
很喜欢点心, 经过几千年的文化洗礼，点心的种类层出不穷，看见此间点心专门店午间大排长龙, 就试下。叫了12种点心, 点心包括了包点、饺子和肠粉, 加上每人3元茶钱。先上虾饺, 马拉糕, 奶皇包及煎腐皮卷。虾饺是一间点心店最具代表性的点心, 澄面皮包著虾爽口弹牙, 但皮不太薄, 一般水准。马拉糕呈深褐色, 发酵足够, 柔软但不太蓬松, 香味口感不俗。奶皇流沙包雪白完整, 咬开流沙馅汹涌出来, 奶味足够而蛋黄味不足, 但都算有水准, 好吃。煎腐皮卷金黄香口, 但馅料一般, 得虾, 芽菜及猪肉。春风得意肠以肠粉包春卷, 通常用上炸両, 此出品有脆度及香口, 好吃。招牌烧卖皇以切碎猪肉, 鲜虾为主要馅料, 猪肉馅有点肥肉也没有筋, 水准不俗, 但仍有进步空间。鸡扎有冬菇, 鸡肉, 鱼肚及火腿, 都是 一般水准。雪山叉烧包皮薄松化, 热得烫口, 叉烧酱料适中, 好吃, 但笔者觉得在IFC的点心专门店比较好。红油炒手秘诀在于红油, 麻辣呛全没有, 差。奶皇流沙包雪白完整, 咬开流沙馅汹涌出来, 奶味足够而蛋黄味不足, 但都算有水准。粟米鲜虾肠看不见有粟米, 其实粟米加虾笔者都是首见, 可能粟米在米浆内, 但食不出来, 但算好味。店内坐得算密, 不太从容, 但内裹很多外籍人士在此品尝, 食品水准算中上, 同样的点心专门店中未算最好, 在中上环区是一间已性价比取胜的食店。
继续阅读
终于遇到 "热腾腾" 点心, 不是平时在酒楼的温热, 而是即使点心上枱后10分钟都仲可以见到蒸气冒出的热。在微凉的天气, 只系这一招, 已可以KO 食客。 未到十二点, 午市已爆满!开茶并非一张枱, 一壸茶加小茶杯, 而系阿姐俾一只寿司茶杯, 再以铁水煲斟茶, 饮完阿姐会再斟。唔好以会啲茶好唔得, 实则非常清香。问阿姐, 饮完要再加时, 会唔会斟错茶? 阿姐话, 用茶杯颜色去认饮乜茶, 包无斟错!!!SUPER推介: 春风得意肠 ($20) 估你唔到, 唔系炸両, 系肠粉包春卷春卷保持脆度, 唔油, 并无俾肠粉整淋, 但两者又好FRIEND, 好配合。外软内脆, 口感特别。 PS 师伙可能为免豉油浸淋春卷, 所以只俾小小豉油, 各豉油怪, 如要多豉油, 请同阿姐响。雪山叉烧包 ($15)雪山名不虚传, 轻轻一咬, 外皮如落雪, 如酥皮松化, 但卖点是皮更薄!!叉烧酱汁甜度及浓度适中。鸳鸯腊肠卷($16)平时好怕叫腊肠卷, 怕条肠唔知要同副牙搏斗几耐, 先咬得开。但呢到腊肠卷好软, 唔干, 一咬就开!膶肠肥肉十足, 无滴油, 正!腊肠唔会死咸, 食完两件都唔觉油腻。黄沙猪润肠($20)猪润起沙, 唔老, 只系呢两个卖点, 已经偷咗我个心!黑椒安格斯牛肉粒 ($22)见到点心纸注明 "全新/再度推出", 个名又叫安格斯牛, 以为一定惊为天人!上到枱, 原来系洋葱炒牛肉。可能其他嘢太好食, 此点心只是一般。仲有好多正嘢食, 就睇定张点心纸做下次 "食前准备"
继续阅读
一早醒咗训唔返决定去经过好几次嘅聚点坊饮茶. 可能真系未到 Lunch Hour 唔使等位 (对我来讲极紧要) 就坐低咗，感觉几光掹同干净. 店内可以坐35-40人, 最大6人台.我地两个比较细食点左5个点心试下，价钱我觉得ok.雪山叉烧包, 唔算好好攞出来嘅时候都几热下轻轻摊涷啲个皮会脆啲. 我觉得偏甜同埋叉烧偏小.黑糖马拉糕, 极普通. 有黑糖味但系唔够湿.春风得意肠(肠粉包春巻), 好食!! 会建议豉油另上因为耐咗会浸软啲炸得好香脆嘅春巻. 唔食葱嘅朋友记住叫走青呀.蕃茄腐竹巻, 比个X佢. 个人唔系好钟意呢个配搭, 加食到少少油益味但系唔严重.鲜虾菜苗饺, 好食~ 绝对改啱名, 菜嫩虾鲜. 啲皮再烟韧啲就开心死啦.总结: 经开冇人排队可以试下, 啲嘢食普遍来讲都唔错有机会会再试下其它嘢.
继续阅读