影片
点心款式唔多，味道普通，等候时间耐，最重要人手不足，服务态度极差。切勿贪平就好。不会再帮亲，每次来都系一肚气。大家要留意，好生意，唔一定是好。食到一肚气，都唔会帮亲。
继续阅读
上环一间好吃又便宜的点心店 店里地方很小有些挤 不过气氛蛮不错的了 周六中午来的没有排队 竟然忘了拍雪山叉烧包 春风得意肠粉也好吃 中间夹的不是油条是春卷 萝卜糕也很赞 其他就比较普通一些 性价比很高来的 是会常来的店 不错 喜欢
继续阅读
呢间聚点坊，喺上环呢头都有十年八年，睇住佢由细舖搬大舖，最近再开多间店添，喺上环咁多茶楼嘅竞争底下，都可以做得咁好，真系好犀利！佢间中都会推出新产品，所以我都会keep住去帮衬！😪其实呢度服务真系麻麻，唔知系咪平时太忙或者系做得太耐，呢度嘅楼面讲嘢真系好大声，而且当我催食物嘅时候，佢哋净系叫我等，睇到根本冇帮我跟进，最后到食晒啲嘢仲未嚟，就唯有取消😪🌟今日食咗🌟鲍汁凤爪🌟豉椒排骨蒸陈村粉🌟鲍鱼烧卖🌟招牌糯米鸡水准依旧咁好味，新产品都冇得输～特别值得一题，系个鲍鱼烧卖，虽然粒鲍鱼只有手指公大，但系烧卖绝对童叟无欺，虾同猪肉嘅比例好平均，而且咬落去咇汁，值得一赞👍
继续阅读
呢间位于上环苏杭街嘅聚点坊，长期系外地游客嘅餐厅之选，以前莫讲话食饭时间排长龙由门口排到转弯，几乎早午晚都要排队！但近排几乎冇咩游客，见唔使排队就去试下都唔错😆今次觉得食物水准真系好参差，春风得意肠、凤爪排骨饭就同平时一样咁好食😋肠粉够薄够滑，包住嘅春卷真系好脆好新鲜，明显系即叫即整！排骨肥瘦适中，所以食落够嫩，凤爪亦炆得够淋够味👍真系每次黎都要叫，但美中不足系今日试到个虾饺唔太新鲜，失望到连张相都唔记得影🤦🏼♀️希望店家会留意到啦！
继续阅读
聚点坊点心专门店 #上环见到有好多外国游客系呢一间点心铺度食，基本上有成七成都系外国人，本身都惊系呃外国游客生意，点知又几好㖞，仲唔算好贵，都算食得过㖞！细个唔特别钟意食点心，觉得呢啲系老土野，大咗又反而几钟意，识得欣赏呢啲香港传统食物。呢一间都几适合二至四个人食吓点心倾吓计，不过就冇大枱，唔系for一大班亲朋戚友。萝卜牛筋金钱肚🍲$48冇谂过喺点心铺会食到呢啲煲，仲要份量多，无论系萝卜、牛筋定系金钱肚都好入味，仲要煲到好淋，大满足。炸流沙奶皇包🍞$19好少见到炸嘅流沙包，都炸得几香脆，多咗一阵油香，一咬开啲流心奶皇仲流晒出嚟，都算几高质嘅流沙饱。四宝滑鸡扎🐓$27讲真其实真系好难难食，只要旧鸡就滑脱脱已经好正，佢仲配埋软绵绵滑脱脱嘅鱼肚、好厚身嘅冬菇、同埋平时较少见嘅螺片，虽然冇咗我好钟意嘅芋头，但系成个鸡扎都好足料！北菇滑鸡饭🐓$32滑鸡够滑就不在话下，仲有个饭都好香，每一粒饭都好分明，俾啲油香包住，夸张到就咁食个饭都唔错。炸鲜奶🍶🍼🥛炸鲜奶真系买少见少，第一次食系喺新兴度食，当时真系觉得系世界级美食！呢一间炸鲜奶相比之下，口感比较淋较䊢，但系都几香奶味，而且炸得几香脆，系另一种口感但都唔错。味道: 4.2/5性价比: 4.2/5 见到上网有人话呢间餐厅嘅服务态度好差，当日又唔系好觉，收银𠮶个同我地有讲有笑。不过都目击到因为餐厅入面好多姐姐都唔识英文，经常有鸡同鸭讲嘅情况出现🤣几搞笑！聚点坊点心专门店 (上环)上环禧利街27号富辉商业中心地下
继续阅读