聚來車仔麵

营业中

休息中

終於到星期四，今日收工好想食甜野，行左去基隆街見到有爆漿阿華田西多士食，即刻行入去！爆漿阿華田西多士（$33）原本內餡係花生醬餡，加$2可以轉朱古力榛子醬，要邪惡當然要邪惡到底，我當然要榛子！一上枱見到賣相非常吸引，西多士嘅中間好似一個阿華田mix奶漿水塘仔，上面灑滿阿華田粉，一切開就見到澎湃既爆漿，入口先會食到阿華田味同蛋香，慢慢咬落榛子醬嘅味道就會出嚟，再飲啖鴛鴦，正到爆！不過份量都唔細，揾人同你share就最好啦！下午茶食仲抵，只要$33就包埋熱飲，bookmark下次再嚟食！招牌鮮煎餃子($40/8隻）今日揀左韮菜餃，好有驚喜！餃子煎得平均同靚之餘，一咬仲會爆汁，超級juicy！強烈推薦！舖頭細細，坐位唔算多，其實係家庭式經營，啲姨姨叔叔好nice，行過都會問你啲嘢食好唔好食，又問你甜品等你食完主食先上好唔好，感覺好窩心！

已多次光臨，但每次都係食秘製蔥油雞扒飯因為實在太好味，今日唔想食太飽所以試咗車仔麵，冇諗過，揀咗個瑞士汁，真係超好味，本來想食油麵麵，點知自己劃錯左幼麵，點知又一驚喜，幼麵唔係普通鹼水麵，應該係蛋麵，咁就真係覺得好有質素，魚腐好大嚿真係好足料，牛根夠淋，豬腸亦很淋，其他餸都好好，食材用料都唔係馬夫，好驚喜，真係同出面普通一碗車仔麵大大不同，而且店舖係一家人，好溫馨好親情，每次經過開都會嚟幫襯，以後會再幫襯多d🤭寫完都發覺自己好似賣廣告😅但這是真心話，希望這些有質素小店可以延續下去

深水埗有幾間車仔麵都好出名，呢間聚來車仔麵亦漸漸為人認識，而佢最出名嘅並唔係車仔麵。雖然重點推介嘅唔係車仔麵，但都要點返碗醫肚兼過吓口癮。難得佢嘅蕃薯粉唔使加錢，當然係叫蕃薯粉($10)做麵底，配料就揀咗上湯花膠($13)、魚片頭($10)、墨魚丸($9)同紅腸($9)。車仔麵屬正常水平，上湯花膠清得嚟夠入味，我就幾鍾意。蒜泥白肉分量超多，而且鋪滿蒜粒，非常香口惹味。其實呢度必食嘅係佢哋嘅招牌鮮煎餃子，餃子屬自家製，分別有韭菜餃、椰菜餃同芝士粟米餃，而且可以雙拼。椰菜餃入面除咗有椰菜同豬肉，仲有木耳絲，椰菜配豬肉味道鮮甜，而且煎得香脆，非常美味。芝士粟米餃就最啱小朋友食，濃濃嘅芝士再配上煎得香脆嘅餃子皮，感覺有點似食緊pizza。而另一個最值得慕名而來嘅，就係佢嘅爆漿阿華田西多士。西多士本身可以選擇榛子醬或花生醬，個人認為榛子醬配阿華田味道更夾。西多士中間挖空，灑上阿華田粉至完全覆蓋整件西多士，然後再注入佢哋特別調配嘅醬汁，大概係雲呢拿煉奶嘅味道，切開就有如岩漿流出，每口多士都沾有醬汁，真係好味到要舔碟。

✨車仔麵套餐A (牛腩，冬菇米線) $35湯底方面我選擇左腩汁，牛腩好淋身，而且幾入味，啲冬菇都好大隻🤩一咬落去吸晒啲湯🤤✨ 車仔麵套餐A (魚蛋，蘿蔔油麵) $35另一個麵我選擇左咖喱湯同中辣，辣醬會另上，好香口惹味😋同湯底既味幾夾，蘿蔔好入味而且好甜👍🏻✨ 招牌鮮煎餃子(8隻) (韭菜餃+椰菜餃) $40餃子我選擇左鴛鴦，岩晒我兩樣都可以試🤣餃子煎得好香，兩面都金黃色🤩咬落去個皮好脆，餃子既汁流晒出嚟🤤兩款餃子都好多餡，十分推薦😋✨ 爆漿阿華田西多士 $33賣相十分吸引🤩估唔到車仔麵都會有喱款既甜品食💗鋪滿濃濃既阿華田粉，一切落去真係爆晒漿，西多士炸得好香口，食晒成個都唔會話太甜🥰整體感覺，呢間車仔麵比我有種以家庭式經營既感覺，性價比高，食物質素都唔錯，而且服務態度十分親切有善，經過深水埗既話不妨值得一試☺️

深水埗呢區真係隱藏好多正野，呢間餐廳嘅食物即叫即製．熱辣辣，確係有家的味道。「秘製蔥油雞扒飯」蔥油同飯嘅比例恰當，會啖飯都充滿蔥油香味...唔會太鹹，雞扒煎得香脆，仲跟埋飲品。「招牌鮮煎餃子」必試招牌菜，餃子外皮香脆，韮菜豬肉饀料，帶點肉汁幾Juicy。「招牌鮮炸肉丸」肉丸炸得黃金，外層脆口，有10粒都幾抵食。「爆漿柯華田西多士」重點推介...唔係四圍都食到嘅 流心嘅柯華田多士，爆漿嘅味道仲有榛子朱古力 / 花生醬選擇，又一証明...愈邪惡嘅食物係愈好味嘅。

基隆街入面商店多數都係做批發☺️突然間俾我見到一間坐滿人嘅小店～噢！原來係一間家庭式嘅車仔麵店見到佢有啲特色小食🤪就俾佢吸引住咗啦😋😋😋😋😋😋⭕️招牌鮮煎餃子🥟雙拼$40 （8隻)芝士粟米煎餃🥟試咗佢嘅特色餃子🥟食咗落去，好香濃嘅芝士味，而且係會爆cheese 🧀,重點係佢煎得夠香而且唔油膩，食完一隻好想繼續食🤤🤤🤤🤤🤤椰菜豬肉餃🥟用咗新鮮嘅椰菜，醃得好味嘅豬肉，再加左啲木耳絲👍🏻👍🏻👍🏻咬落去爽脆嘅感覺🥰🥰🥰🥰每一日新鮮包製必食推介⭕️淨餸車仔麵$50豬👂🏻，上湯花膠，香辣魷魚🦑，牛柏葉再附送啲菜☺️☺️再配合埋佢哋嘅咖喱汁，全部食材都入晒味😍😍😍湯底唔算好鹹好適合要食得清淡嘅人去嘗試🤩🤩⭕️三餸車仔麵$41魚蛋，蘿蔔，豬手米線🍜豬手超級肥美，勁多膠原🤤🤤🤤蘿蔔清甜，配合埋住得啱啱好嘅米線🍜👍🏻唔錯唔錯⭕️煎釀三寶$20煎得好香口，茄子加魚肉好好味😋配合埋佢哋嘅甜豉油，一流最鍾意嘅光臨小店見到好多客人都係熟客,同老闆有講有笑👍🏻👍🏻👍🏻小店就係會有呢種和諧感😊😊

好耐已經有聽過呢間車仔麵 小有名氣坐底即刻剔爆漿多士同煎餃子先當然要叫返碗車仔麵食啦😆麵店麻餃子一邊煎得皮脆，另一邊可以明顯睇到餃子皮真係好薄，好清楚睇到內裏嘅餡料，我鍾意點餃子汁食，微酸，可以更加調出餃子嘅味道爆漿西多士入面可以揀花生味餡同朱古力榛子餡，我梗係揀最出名嘅朱古力榛子餡啦😂一嚟到即刻影咗幾張相，切開再影相📸️嗱嗱聲趁熱食～多士四邊點滿煉奶阿華田粉加上中間嘅朱古力榛子餡，真係可以食到唔同味道唔同層次❤️醬料都滲透入多士令到麵包都濕潤兩碗車仔麵，我自己食米粉但其實我都好想食油麵🥺驚太肥，蘿蔔鮮甜冇渣，可以再炆腍D，豬紅好入味👍推介，魚蛋亦彈牙冇腥味，豬手我覺得唔算太入味，都怪自己食得太重口味～聽朋友講佢食嘅牛腩都好夠腍😂但唔知味道好唔好味呢唔知你哋又最想食乜嘢呢？！

呢日咁岩係深水埗想食車仔麵，經過呢間見到幾抵食就入去試下.🍜兩餸一麵 $35（凍華田+$3，出前一丁+$3）🍜自選餸 $54（生菜$9，炸魚皮$10，牛筋$13，豬大腸$12，河粉$10，凍奶茶$6）🥟招牌鮮煎韭菜餃 $40.最欣賞呢間的招牌鮮煎韭菜餃！脆底而皮一d都唔韌，入口味道鮮甜多汁脆卜卜熱辣辣超好食😋汁多到彈到對面老公🤣.麵相當大碗好抵食，好足料食到勁飽😂最欣賞牛腩軟身入味牛味濃，豬大腸也不錯冇呃味淋身好大件，魚皮脆卜卜，呢到叫大辣也唔會好辣jo都食到，枱面有辣醬好辣之人可以自己加個夠本😆.如果咁岩想食車仔麵又想平平地食飽，經開附近可以一試🥰

-{深水埗車仔麵🍜}深水埗嘅一間車仔麵😌但出名嘅係餃子同多士🤤車仔腩汁加油麵🤤 ($52)湯底同麵都普普通通喇 餸嘅話豬紅同蘿蔔都出色😆豬紅唔臭有咬口 蘿蔔好清甜冇渣😚👖褲評: 6.5/10🤤招牌鮮煎餃子🤤 ($40)雙拼唔洗加錢🤟韭菜味一咬就爆曬汁🥰椰菜味有木耳椰菜好爽口🥳外皮香脆☺️👖褲評: 7.8/10🤤爆漿阿華田西多士🤤 ($33)有得揀沙花生醬定榛子朱古力醬！我就揀咗榛子😛係滿滿嘅朱古力味😝的確爆曬將仲有阿華田粉鋪滿曬😋超級邪惡🤩👖褲評: 8/10反而鍾意煎餃同埋西多士😙見倒佢地即場包餃 店員都好好人😆會再黎食個西多士💓性價比: 9/10服務: 8.5/10環境: 7/10🚩 聚來車仔麵 🚩地址: 深水埗基隆街172號地舖#fuudjai #fuudjai港式 #fuudjai深水埗

呢間車仔麵小店店面毫不起眼，但內裡都光猛舒服，絕對唔會迫夾。而且內有乾坤，除左招牌名既車仔麵之外，仲有飯餐、小食，仲有爆漿阿華田西多士😎✅ 2餸車仔麵餐(薯粉/豬紅/牛腩)$35今次我就揀左車仔麵餐，指定款式既餸裡面揀2款，另外加$3有凍飲。 湯底有6款選擇，我就揀左豬骨雞湯+小辣😚 薯粉份量頗多，食極都仲有😂 牛腩半肥瘦，大舊得黎又好腍，但味道唔太突出，無乜特別。反而豬紅超入味🤤🤤 推介❤️✅自選2餸車仔麵(河粉/手打魚肉/滷水雞腎) $31$10麵底、$11手打魚肉、$10滷水雞腎，另加$6有凍飲。豬先生竟然剔漏左湯底，自動變左豬骨雞湯配中辣😂😂 手打魚肉唔會腥，夠彈牙👍🏻👍🏻 滷水雞腎非常入味✨✨餸既份量超足料❣️🥇豬紅🥈滷水雞腎🥉手打魚肉✖️牛腩✅ 秘製辣魷魚 $35秘製辣汁唔會好辣，類似沙嗲醬，撒上芝麻，非常惹味🤤 魷魚爽口彈牙，個人推介，必點❣️✅ 招牌鮮炸肉丸 $28呢個肉丸新鮮炸起，咬落味道有啲複雜，原來唔係得豬肉，仲有洋蔥、蘿蔔絲、豆腐等… 幾香口，食吓一粒，食吓又一粒🙊🙊✅ 爆漿阿華田西多士 $33 （花生醬轉榛子醬另+$2）老闆好細心喺我哋就快食完麵時，問係咪上得西多

呢間車仔麵店小本經營，除左有港式車仔麵外，亦有餃子、西多士等小食，當中以爆漿阿華田西多士最受歡迎，好多人都慕名而黎！🌟兩餸車仔麵套餐 $35🍜自選配搭車仔麵簡左牛腩、豬紅配薯粉，牛腩份量多，肥瘦均勻，肉質爽滑，口感唔錯😋豬紅入口唔易散開、口感順滑。湯底就簡左腩汁，加埋秘製辣菜脯，薯粉吸晒腩汁既味道，相當惹味😚另一碗就左牛腩、腸仔沙嗲汁薯粉😬加$3有凍飲😌🌟招牌鮮煎餃子 $40🥟本身好鐘意食韭菜，所以叫左韭菜餃，有8隻，都幾大隻，餃子煎到黃金色澤，好吸引🤤，一睇就知好香脆，入口真係好正，即煎熱辣辣，咬完係會爆汁，好juicy😜🌟爆醬阿華田西多士 $33🥪點可以唔叫人氣西多士🙈西多士上面灑上大量阿華田粉，加上阿華田漿，味道香濃，中間搽上花生醬，口感一流🤤🤤西多士切開真係會爆漿🤩📍聚來車仔麵 (深水埗)深水埗基隆街172號地舖

📍三餸飯套餐 $42三餸我就揀咗豬手、腸仔同咖喱魚蛋，本身配米飯，亦可以轉米線。豬手都幾腍幾入味，肉質鮮嫩。腸仔煎得好香，咖喱魚蛋就夠大粒，湯底揀咗腩汁，整體都幾滿意。以上套餐均奉送熱飲，凍飲跟餐加$3，杯飲凍檸茶都唔錯。📍招牌鮮煎餃子(8隻) $40可以叫兩溝，韭菜餃加椰菜餃，每樣4件，全部即煎，夠晒新鮮，入口熱辣辣。餃子件件都大大舊，食落仲會爆汁添。我自己就比較喜歡韭菜，韭菜味道較香濃，真係會食完一件又一件。📍招牌鮮炸肉丸(10粒) $28肉丸炸到外脆內軟，肉味唔算好重，但食得出有少少肉汁，反而洋蔥味道相對濃烈，但整體都相當之夾，其實食落都幾有驚喜，而且呢個價錢仲要有10粒，都真係幾抵食。📍爆漿阿華田西多士 $33幾乎張張枱都係點呢一樣款食物。西多士嘅上面完全鋪滿住阿華田粉，入面就夾住朱古力醬，加上中間嘅煉奶醬，一切開就湧曬出嚟，完全滿足到視覺嘅享受。食落啖啖都係濃郁嘅朱古力，鍾意朱古力嘅朋友，呢個絕對係必食首選。餐廳：聚來車仔麵 (深水埗)地址：深水埗基隆街172號地舖

這間車仔麵是由一家人開的，店員雖然也是上了年齡的人,但全部人很親切☺️餐牌選擇也很多，也不過$50.💠芝士粟米煎餃 🧀🌽🥟$42這個是新推出，煎餃有7隻，很先可以見到蒸餃有芝士餡，餃子入面有流心、粟米餡也很多，咬落挺爽口.💠爆漿士多草莓西多士🍓🍞 $38見有很多叫這款多士，有阿華田口味，不過見士多啤梨是新推出口味，所以便叫了來士多啤梨醬很多，中間還好像是牛奶，旁邊灑上士多啤梨粉😍多士連中間也夾著士多啤梨醬，超香甜😙口感又鬆軟👍🏻👍🏻💠芝士丸 、牛腩、番薯粉 瑞士汁🍜 $32芝士丸有面有流心，牛腩很滑，炆得夠腍.瑞士汁跟番薯粉很夾😁番薯粉也超爽口.💠肥牛、龍蝦丸 烏冬 腩汁🍜 $34龍蝦丸彈牙，肥牛又不會嚡，烏冬粗壯結實，煙韌又有彈性， 跟腩汁湯底也很夾😙

位於深水埗嘅聚來💛主打經濟抵食車仔麵但今次其實係黎食邪惡嘅阿華田西多士 🤤原來下午茶及小食都非常抵食 爆漿阿華田西多士 $33轉配朱古力榛子醬 +$2賣相吸引 西多士鄧下鄧下一切落去阿華田流唒岀黎 加咗榛子漿非常香口 但完全唔會太甜食唒都完全唔會好膩除咗甜食 仲點選咗 招牌鮮炸肉丸 $28新鮮熱炸嘅肉丸 一咬落去肉汁緩緩流岀沾上甜酸醬 perfect match 食過番尋味😋招牌鮮煎餃子🥟 半打 $32煎得剛剛好 餃子底金黃色外皮香脆餡料豐富 亦相當岀色蒜香雞翼 $28雞翼炸得相當靚 熱辣辣雞翼面灑上爆香炸蒜一咬落去 肉汁都係流唒岀黎😍輕鬆清唒另外香辣豬紅則有少少遜色 $20因為感覺唔夠辣豬紅唔算太入味 但價錢好抵 所以一試無妨總括而言 餐廳性格比相當高之前試過車仔麵已經相當不俗大大碗之餘 又相當抵食今次試埋小食 真心滿意絕對會再幫襯💛💛💛

一點也沒有誇張，店內掛有一個大牌“我的麵給您家的味道” ，小店一家幾口一同經營，標榜不加味精，店內裝修簡潔，食客們都是靜靜的吃，待餐期間邊等邊看電視，就如收工回家坐著等吃飯。💎 自選車仔麵 $47揀咗三餸米粉小辣配咖喱汁。試一口湯，用豬骨熬制，清清甜甜，就如一碗老火湯。牛筋🔸️牛筋入味且炆得非常之淋，而且份量多上湯花膠🔸️花膠發泡合宜，咬落脆脆爽口手打魚肉🔸️魚肉打至起膠，有彈性，魚味鮮甜💎 三餸粉麵套餐 $42豬紅，芝心丸，煎蛋米線。豬紅芝心丸不多說了，煎蛋是半生熟，燶邊及蛋味香，套餐仲包括飲品，非常之抵。💎 招牌鮮炸肉丸 $28有十粒的話份量算多，外皮酥脆，內餡柔軟。💎 招牌鮮煎餃仔 $40餃子香脆金黃，肉汁飽滿。💎 秘製辣魷魚 $35魷魚爽口，配上秘製辣醬刺激味蕾，香辣過癮。人均消費💰 ： ＄ 96總結✍ ： 很温暖，像回家吃了一餐可口的飯