聖安娜餅屋 (已結業)

上次食過法式粟米軟包,覺得唔係咁好,今次係揀無可揀既情況下又買左個黎食,又發現比上次好左d喎!粟米多左好多(上次少到都唔似粟米包!),沙律醬都多左,食落有少少似食緊熱狗包既感覺,只係條腸變左粟米。另一樣好d既地方係包面上既粉無咁多。照咁睇, 聖安娜既水準都幾唔穩定喎!咁好難令人對佢有信心。

見到聖安娜既丹麥條都幾長,買左黎試下,口感似一個較硬身既包, 甜甜的,提子份量唔太多但足夠,不過可能面頭加左d糖卦,所以食完隻手同個口都有d立黐黐既感覺。總1括黎講,算唔錯,幾好食!

可能食開蛋糕上左癮…琴日再買埋聖安娜另一隻味既毛巾蛋糕,係朱古力味,味道比咖啡味濃d,但係都係唔夠鬆軟,同埋多cream,又有少少鞋口,普普通通而已!

見到聖安娜10蚊三個獨立包裝既蛋糕,幾抵,咁就買左兩個雙色雪芳蛋糕同一個咖啡蛋卷,仲一次過食晒添!雙色雪芳蛋糕好好食,咖啡蛋卷普普通通。雙色雪芳蛋糕有兩層,一層黃色,係普通蛋糕,另一層啡色,食落似咖啡味,兩層之間係cream,唔太多,份剛剛好(我最怕d蛋糕勁多cream!),蛋糕好鬆軟,所以好食,兩隻味都配合得幾好,好食過美心同嘉頓既雪芳蛋糕;至於咖啡蛋卷,蛋糕比較”實”,cream亦多d, 蛋卷又厚d重手d,感覺heavy少少,不過味道ok既,咖啡味唔係咁濃囉!

琴日係聖安娜買左個湯種麫包黎試,係蘋果味。先講個樣,又真係幾得意,似個蛋糕,有張蛋糕紙包住,上面插左枝餅乾條,可能扮蘋果卦!再講味道,其實個包除左比較軟之外就唔覺有乜特別,個餡既味簡直同蘋果批一模一樣,我仲以及自己食緊蘋果批添喎!我個人覺得甜左d!