影片
相关文章
其实长期都响中上环工作，经常去文娱中心旁边嘅熟食市场食午饭，间间都食过但唔会间间写。依一档不是最近出入口，下午也只有数款粉面饭拣，还有事头婆从来唔会主动揾客，大多数时候坐低玩手机。不过，我食过一次午市特价干炒牛河，晚上都会约朋友上去炒下小菜、饮下啤酒。最后再食，究竟有几好呢？就讲下碟干炒牛河，上枱先是一大碟出晒烟，再而有淡淡韮黄香气，河粉条条分明及颜色均匀，牛肉份量亦是合理。开始进食第一片牛肉，不会老而少少咬口，再试韮黄、芽菜无出水，河粉有㶶边、完整及软硬适中亦够味。我相大家去食晚饭，都唔会失望。可惜我食晚饭时无影相。
继续阅读
呢间真系隐藏在熟食中心的潮州打冷舖，平靓正Yeah。卤水鹅片唔系好肥，卤水香得黎唔会太咸，下面垫底嘅卤水豆腐够香够滑。本来想食虾蟹枣，但系只有虾枣，照杀，味道唔错，粒虾枣入面都算多虾，唔会成旧都系粉，点埋个汁好食D。叫碟沙嗲牛河试埋佢个潮式沙嗲汁，同样好食，香得黎唔会太甜，牛肉份量合理，唔会太少，D河粉唔无jam埋晒。椒盐鲜鱿同炒芥兰都够镬气。反沙芋比想像之中好，不过层糖浆皮都系有D厚，好彩个芋头算靓，补返数。
继续阅读
呢间都系叫X兴，都系喺上环，不过比起其他食潮州菜嘅「兴」，呢间明显价钱平好多但系质素又唔错。卤水拼盘嘅卤水够香够入味，好欣赏佢𠮶个卤水墨鱼唔系油到橙色，卤水猪腩肉大部分都唔系好肥，不过其中有一嚿系成旧都系肥膏。潮式春菜煲好多春菜，开头都惊佢好咸，不过好彩佢又唔系㖞，因为好多地方食咁样春菜煲都比较咸。普宁豆腐个味就比较淡，一定要点佢𠮶个汁先至好味。白饭鱼煎蛋好正，老板娘话今日啲白饭鱼靓所以叫我哋椒盐或者煎蛋，我哋拣咗煎蛋。四个人每人百几蚊真系抵食。
继续阅读
疫情后, 今日茶餐厅午餐加饮品已经要5/60蚊, 通常都系饱肚而已, 唔难明白优质两𩠌饭点解会大行其道, 由于工作嘅关系, 近期好多时在上环找吃, 一直都觉得上环上班好幸福, 好多嘢食, 已经吃过八刀, 龙邦烧味, 两间都好味,但冇谂过写食评, 直至今日.联兴沙爹牛河一向系我嘅comfort food, 晚饭多, 午餐少, 食到花生既沙爹, 有处理但吾过火嘅牛肉, 有炒蛋嘅河粉, 付上45蚊, 可以享用简单扎实的潮州味道, 一个字,正！
继续阅读
今日朋友介绍咗嚟呢间上环街市熟食中心嘅潮州打冷小菜,本来都冇谂住写食评,但系好想赞下佢哋好食夹大件, 我哋点咗椒盐鲜鱿，秒杀咗冇影到相, 通菜炒牛肉食咗一半先至记得影相，够镬气多牛肉通菜青绿好食, 潮州𩠌好似叫做水瓜烙,第一次食朋友点嘅,几得意, 有啲似煎蚝饼但系中间系水瓜,脆脆地烟烟韧韧啲水瓜又爆汁,潮州菜梗系唔少得薄壳啦,唔好意思又系食到尾声先至记得影相，个汁好香加埋啲九层塔真系食到停唔到口，鲜甜到不得了，卤水鹅啲鹅真系够入味，鹅又真系又嫩又滑，椒盐九肚鱼，我平时真系好怕食九肚鱼因为其实好多骨要𦧲返出嚟，但系呢度佢竟然将九肚鱼拆骨，你可以一淡食落去，脆卜卜又有椒盐味,又系食到一半先醒起影相，今次真系抵赞,有水准价钱实惠嘅潮州小菜！b/t, 本来朋友话上熟食中心食嘅时候都有啲惊热辣辣，但系估唔到佢𠮶度冷气啱啱好，坐得又舒服松动,我真系对熟食中心完全改观。赞赞赞！
继续阅读
您可能会有兴趣的...