影片
相关文章
揾紧地方一班人庆祝生日，见呢度好评如潮，又未有"closed"字样，即管打去希望有机会试下。电话有段录音留言，交代由于租约期满暂停营业，但好快会揾到地方再开门，叫大家迟d再打黎，同埋多谢大家多年来既支持。留言既阿姐说话唔系好流利个种，但感觉真系好亲切温馨啊~ 几时开返一定要试试！
继续阅读
26/8(六) 8pm再次被几位专业机师放了只大飞机,本来的8人友人饭局顿变4人,雅兴无损,照食可也!订了8点,准时到达.此餐厅位于后街,位置隐蔽.推门甫入住家感觉浓厚!无论装潢,环境,设备及餐具皆不太讲究,仅是墙上挂了三数幅越式壁画作有限度的装饰;幸好环境颇整洁光猛!不知女友人近来对海鲜有点敏感,订位时已预留的椰青蟹$200,蒜蓉牛油焗大虾$180及油炸笋壳鱼$90均不能取消.唯有另加了蒜蓉包$15五件及椒丝炒通菜$35.椰青蟹--用上大陆羔蟹,肉厚结实弹牙,鲜甜的椰青汤底令蟹的鲜味提升,一绝!蒜蓉牛油焗大虾--2大只缅甸入口的大虾将其开边,体积巨型!虾头极之多膏,入口甘香非常,牛油蒜蓉舖面焗至微焦,惹味极!超水准之作!油炸笋壳鱼--另一佳作,2条笋壳体积不算大,外层炸得十分松化,鱼肉仍保持鲜嫩,略嫌蘸鱼的酱油咸了点.蒜蓉包--一篮5件,牛油蒜茸浓香,同时亦烘得香脆!椒丝炒通菜--碟头适中,青通青翠嫩绿,炒得爽脆!服务方面几位中年胖侍应戴上衞裙增添不少亲切感,态度亦颇和善.埋单$520,价钱合理,水准高超!据老板娘说因租金高昂而无法经营下去,倘若觅到适合地方定会东山再起,期望再见!
继续阅读
友人生日一行十三人上左意卢开餐哗俾间独立会议室我地太好了可以大吵大闹都得正今次ORDER左个十二人套餐加两只椰子蟹份量及味道都OK 起码我地碟碟都清到干干净净招呼呢度出哂名麻麻系失策在食完埋完单走埋先发觉无上个海龙皇汤真搞笑做埋今个月就休业想再试都难矣....
继续阅读
从openrice得知意卢在月底结业，一直都没机会去，星期日决定和喜欢食越南菜的男友在此餐馆庆祝birthday eve。这里的「阿姐」全都非常和蔼可亲，我们点了醋浸牛肉($45蚊)、焗大头虾($90蚊两只)、庶虾和椰青蟹($200蚊)。-酷浸牛肉非常大碟，估计有20块，在滚醋中轻轻涮两下己十分美味醒胃-大头虾肉质爽嫩，虾膏香浓，蒸得啱啱好-庶虾不及老赵的弹牙，较失色-椰青蟹十级好味，简直可用惊为天人嚟形容。椰青水极鲜，蟹肉有弹性，硬膏软膏参半，多多钱都值。送咗只己剥壳的完整蟹钳比男友做生日礼物，个傻瓜感动到吖！
继续阅读
第一次去系因为想「赶尾班车」，试下呢度o既蒜蓉牛油鸡翼，结果返转头帮衬几次。蒜蓉牛油鸡翼：香口好味。不过个人钟意牛油味比蒜蓉重，始终唔及n年前的清亭。（回忆呢。非战之罪。）椰青蟹：哗，汤鲜甜冇得顶。以前饮阿妈o既椰子煲鸡，已觉椰子煲汤好味，但原来椰青同蟹先系绝配。蟹虽然新鲜好肉，蟹羔又爆棚，但在汤同椰青肉的光辉下，只能沦为二线主角。春卷，粉卷及海卷：春卷系我返转头o既理由之一──因为好多时所谓越式春卷都用中式春卷皮，一咬又成口油，但系呢度无。后来试埋我平日唔食o既粉卷同海卷，嗯，我觉得粉卷好好味。醋点牛肉：一碟生牛肉连炸过蒜蓉，一窝醋汤，另附生菜。牛肉唔系肥牛，切得又薄，所以唔可以「渌」太耐。我自己觉得一般。最好味系另叫一碗干檬粉自己放汤。咖喱牛腩煲：番茄底ｏ既咖喱几好味。送法包一流。炸软壳蟹：想唔到咁大只有肉，皮浆够薄，松化得o黎又唔会成口油。香口但又冇话死咸。油浸笋壳：皮炸得松化，肉鲜嫰，配埋豉油，好味。香茅烧鸡：呢个尚算皮脆肉嫩咁啦。不过唔系好觉有香茅味。椰汁拉糕：暖暖的，软软的，一层一层，有椰汁香但唔系好甜。Ok啦。服务就ok啦。系阿姐做o野比较「o拿西」少少──例如佢好心同我地清下枱，点知将只汤勺同蟹壳放埋一齐之后，先记得只汤勺仲有用，o拿o拿声又放返佢落ｏ黎枱面。次次都有d咁虾碌ｏ既ｏ野，扣少少清洁分……
继续阅读