職業樂師同樂會(意盧) （Closed） (已結業)

搵緊地方一班人慶祝生日，見呢度好評如潮，又未有"closed"字樣，即管打去希望有機會試下。電話有段錄音留言，交代由於租約期滿暫停營業，但好快會搵到地方再開門，叫大家遲d再打黎，同埋多謝大家多年來既支持。留言既阿姐說話唔係好流利個種，但感覺真係好親切溫馨啊~ 幾時開返一定要試試！

26/8(六) 8pm再次被幾位專業機師放了隻大飛機,本來的8人友人飯局頓變4人,雅興無損,照食可也!訂了8點,準時到達.此餐廳位於後街,位置隱蔽.推門甫入住家感覺濃厚!無論裝潢,環境,設備及餐具皆不太講究,僅是牆上掛了三數幅越式壁畫作有限度的裝飾;幸好環境頗整潔光猛!不知女友人近來對海鮮有點敏感,訂位時已預留的椰青蟹$200,蒜蓉牛油焗大蝦$180及油炸筍殼魚$90均不能取消.唯有另加了蒜蓉包$15五件及椒絲炒通菜$35.椰青蟹--用上大陸羔蟹,肉厚結實彈牙,鮮甜的椰青湯底令蟹的鮮味提升,一絕!蒜蓉牛油焗大蝦--2大隻緬甸入口的大蝦將其開邊,體積巨型!蝦頭極之多膏,入口甘香非常,牛油蒜蓉舖面焗至微焦,惹味極!超水準之作!油炸筍殼魚--另一佳作,2條筍殼體積不算大,外層炸得十分鬆化,魚肉仍保持鮮嫩,略嫌蘸魚的醬油鹹了點.蒜蓉包--一籃5件,牛油蒜茸濃香,同時亦烘得香脆!椒絲炒通菜--碟頭適中,青通青翠嫩綠,炒得爽脆!服務方面幾位中年胖侍應戴上衞裙增添不少親切感,態度亦頗和善.埋單$520,價錢合理,水準高超!據老闆娘說因租金高昂而無法經營下去,倘若覓到適合地方定會東山再起,期望再見!

友人生日一行十三人上左意盧開餐嘩俾間獨立會議室我地太好了可以大吵大鬧都得正今次ORDER左個十二人套餐加兩隻椰子蟹份量及味道都OK 起碼我地碟碟都清到乾乾淨淨招呼呢度出哂名麻麻係失策在食完埋完單走埋先發覺無上個海龍皇湯真搞笑做埋今個月就休業想再試都難矣....

從openrice得知意盧在月底結業，一直都沒機會去，星期日決定和喜歡食越南菜的男友在此餐館慶祝birthday eve。這裡的「阿姐」全都非常和藹可親，我們點了醋浸牛肉($45蚊)、焗大頭蝦($90蚊兩隻)、庶蝦和椰青蟹($200蚊)。-酷浸牛肉非常大碟，估計有20塊，在滚醋中輕輕涮兩下己十分美味醒胃-大頭蝦肉質爽嫩，蝦膏香濃，蒸得啱啱好-庶蝦不及老趙的彈牙，較失色-椰青蟹十級好味，簡直可用驚為天人嚟形容。椰青水極鮮，蟹肉有彈性，硬膏軟膏參半，多多錢都值。送咗隻己剝殼的完整蟹鉗比男友做生日禮物，個傻瓜感動到吖！

第一次去係因為想「趕尾班車」，試下呢度o既蒜蓉牛油雞翼，結果返轉頭幫襯幾次。蒜蓉牛油雞翼：香口好味。不過個人鍾意牛油味比蒜蓉重，始終唔及n年前的清亭。（回憶呢。非戰之罪。）椰青蟹：嘩，湯鮮甜冇得頂。以前飲阿媽o既椰子煲雞，已覺椰子煲湯好味，但原來椰青同蟹先係絕配。蟹雖然新鮮好肉，蟹羔又爆棚，但在湯同椰青肉的光輝下，只能淪為二線主角。春卷，粉卷及海卷：春卷係我返轉頭o既理由之一──因為好多時所謂越式春卷都用中式春卷皮，一咬又成口油，但係呢度無。後來試埋我平日唔食o既粉卷同海卷，嗯，我覺得粉卷好好味。醋點牛肉：一碟生牛肉連炸過蒜蓉，一窩醋湯，另附生菜。牛肉唔係肥牛，切得又薄，所以唔可以「淥」太耐。我自己覺得一般。最好味係另叫一碗乾檬粉自己放湯。咖喱牛腩煲：番茄底ｏ既咖喱幾好味。送法包一流。炸軟殼蟹：想唔到咁大隻有肉，皮漿夠薄，鬆化得o黎又唔會成口油。香口但又冇話死鹹。油浸筍殼：皮炸得鬆化，肉鮮嫰，配埋豉油，好味。香茅燒雞：呢個尚算皮脆肉嫩咁啦。不過唔係好覺有香茅味。椰汁拉糕：暖暖的，軟軟的，一層一層，有椰汁香但唔係好甜。Ok啦。服務就ok啦。係阿姐做o野比較「o拿西」少少──例如佢好心同我

今次係正式的新一次, 也是最後的一次了.第一次食椰青蟹, 不是想像中的好吃. 覺得是口味問題, 相信在座的其他朋友覺得不錯, 但我覺得太甜和不是最好食蟹的煮法.筍殼魚, 不錯, 外皮煎/炸得脆脆的, 裡面頗滑, 豉油很香, 很甜.最好吃的是咖喱牛腩, 真的很好吃, 既入味, 又唔靭. 用法飽點來吃, 最好不過. 全晚最好吃的一道菜.蒜蓉竹籤蝦, 不錯, 蒜蓉味夠但不過火, 蝦也幾鮮味.但其餘的越南春卷, 炒金邊粉, 越式冷盆, 牛肉蝦片, 炒芥蘭就很一般. 其實都不錯, 係服務好一般. 可能忙卦....不過都最後一次, 都算係咁啦!

我嘅摯愛越南菜館--- 樂師，將於本月底暫停營業....無限嘅惆悵，想起以後可能冇機會再食佢哋嘅蒜茸大頭蝦、油炸筍売、椰青蟹、牛油雞翼、咖喱牛腩、醋浸牛肉、海卷....更係心中一酸...>________<約埋幾個志同道合嘅好友，再加埋女友，向佢哋作最後嘅致敬...筍殼、咖喱牛腩及炸軟殼蟹依然精彩，某部份菜如椰青蟹及雞翼雖然有D失手，但正如我不斷向女友講，佢哋今晚就算煮得點唔好食我都會話good gar la...衷心希望佢哋只係"暫時"停業，好快又會再大展鴻圖...祝福老闆娘....永遠等待...P.S. 呢個喊臉唔係因為食物質素，而係反映我依家嘅心情

多謝網友介紹，如果唔係都唔知呢間好嘢。叫咗拼盤($70)、香茅牛肉米粉涼伴($22)同扎肉餅($22)。拼盤有春卷、蔗蝦、豬肉蝦片同肉餅，分量唔算細，而且有水準，蝦片夠脆而沒有丁點軟韌，肉餅就爽口彈牙，蔗蝦亦好，連條蔗咬落去重有清甜嘅蔗汁。老婆最鍾意檬粉，夠哂清爽。有位阿姐幾好傾講，佢話扎肉係從越南定番嚟，算ok。佢又話啲茶係花茶，係老闆娘將玫瑰花同茉莉花溝幾隻綠茶而成，飲落幾舒服順喉。阿姐話佢哋做埋今個月咋，依家搵緊地方搬。希望佢哋搵到好地方繼續做。

尋晚同個識20年既好友呢度慶祝生日, 專登因知道佢就關門.食了四個- 春卷,夠脆,但又唔係話好特別咁,我諗第二度都唔難食到- 油浸筍殼魚,真係皮脆肉滑,個豉油類似酒樓蒸魚豉油,但甜少少.的確幾好食,但越南feel就無乜.- 大頭蝦,我的至愛之一,每次都好正!蝦夠大隻,又多膏,肉又彈牙,總之就好食啦!- 炒金邊粉,佢札肉同粉都好彈牙,味道冇乜驚喜.今次冇食到炸軟殼蟹,但呢個又係必食,好難食到炸軟殼蟹係有咁多蟹肉,唔係得一舊炸粉.服務就普普通通,一般既老店都係呢種啦.但我非常鼓勵大家在它關門前食番餐正宗的越南.

冇誇大... 剛剛過去果個星期真係去足三晚. 事原上星期一冇心水去邊道食飯咪上黎搵搵料....點知發現一個似曾相識名字... 意盧... 其實幾年前我已經在某雜誌上見過佢D報導.但總係冇試過.就係咁星期一晚就去左.. 試左個椰青蟹... 嘩!!! 隻蟹不單好多糕..D椰汁仲好甜好有蟹糕味.. 一個字講哂..正!!!!!!到左星期三,老公話想再encore...本有點猶豫..不過唸下我重有油浸筍殼魚未試....所以又去過...正當我上黎Check下其他網友重有嘜必食推介時先發現意盧做到月尾就唔做.咁緊係食多幾次啦... 今次叫左個筍殼魚同咖哩牛根腩煲.條魚好好味--表皮香趣但內裏保存有魚汁,加埋D伴碟豉油..又係一個正字.而個咖哩牛根腩煲..色澤帶D燈紅色.我唸佢用左鮮茄.所以味道少辣中帶甜.根腩都幾唸.重有幾件紅蘿蔔. 本人覺得跟法包就至正. (這裏的蒜蓉包非常一般).咁好的餐廳梗係公諸同好啦..於是昨晚拉大隊一行七人又去刷過.今次食左:-1. 越式大拼盤(包裝庶蝦,魚餅,春卷,豬肉蝦片)---朋友話庶蝦好食2. 生牛河x 2--- 都ok, 但本人都係鍾情老X果碗3. 油浸筍殼魚--

尋晚一眾網友飯聚, 黎左呢度食飯, 之前其實已經黎過, 不過就印象唔深, 今次再黎, 除左可以同網友相聚之外仲可以試定菜為日後朋友既飯局探路, 一舉兩得!是晚食左:1. 蒜蓉焗大蝦-開邊焗既, 幾好味, 我覺得燶燶地個d部份最好食2.雜錦拼盤-有越南春卷, 蔗蝦, 蝦餅, 豬肉蝦片, 我覺得個蔗蝦好味, 春卷都幾香口, 唔錯, 點埋d汁好味d..3.油浸筍殼-好脆好味, 但記得一定要點埋d鼓油食, 我唔食魚既都鍾意食(亦係上次飯局中唯一一味有印象既菜)4.椰青蟹-蟹無食到(嫌麻煩), 個湯就人人話正, 不過因為我唔好椰青既, 恕我唔識欣賞....5.咖喱雞同牛腩-d汁配埋法式麵包或蒜蓉包一流, 因為無叫飯, 相信送飯都一流, 牛腩同牛筋, 個腩仲要係我鍾意食個種(即係有筋膜黐住個種)夠諗不過係嫌d薯仔少, 好快就無哂~~ 6.醋浸牛肉-呢個無咩特別, 無特別評價7.牛油雞翼-好味, 炸得夠香, 同埋d炸蒜蓉一齊食, 正!8.炒芥蘭同油墨菜-眾人認為咸左少少p.s. 最後老闆娘送左碟拉椰汁糕俾我地, 都ok啦, 夠熱同唔算太甜, 同埋因租約期滿, 佢地只會做到8月31日, 暫時未知會否繼

看了大家的食評寫得那麼好, 就去試下, 嘩, 從來沒試過食得咁勞氣. 問個老闆娘有什麼好介紹, 悔悔氣氣, 好像不想說. 落單時, 態度和眼神極之不友善, 而且, 凍到死都不可關冷氣. 點了咖哩雞, 馬拉盞抄芥蘭, 蒜蓉包, 脆味蝦, 并盆, 個咖哩雞來到的時候已經是凍, 馬拉盞抄芥蘭不但凍而且一點火氣也沒有, 味道又不夠, 其他的菜也沒有大驚喜. 最討厭就是我們還在食飯, 她們就在收拾另一張檯的碗筷, 乒乒乓乓, 好煩, 好像想趕你走, 又不是好多人, 遲些"拾" 都可以啦. 說真的, 價錢又不平, 個脆味蝦都要$80 , 重要受氣, 終於知道什麼是貼錢買難受.

近年自己地頭已經荒廢,總愛在別人地方有破壞,不過總有建設.唯有將自己所認識的,同大家分甘同味.搞飯局就係最直接的表達方法.日前講開越南菜,友人提議不如要我來個越南菜飯局.即刻扑槌去意盧.求其叫都差不多有一打半人列席,始終大班人坐低食飯吹水,係最佳聯誼方法.好過隔住個螢光幕,默不作聲在打字.訂位前已預留部份菜式,再叫個包羅萬有的套餐,諗都唔使諗.只屬低難度動作.越式拼盤呢樣唔叫套餐的話,都會必備的自選動作.同玩自由體操先來個後空翻三周半一樣.實有保証.春卷,香茅牛蝦片,十幾個人也夠分.越式海龍皇湯,用魚,蝦,青口等海鮮百鳥歸巢煲成一窩,味道非常鮮甜.如果同前宗主國Bouillabaisse比,也不失禮.酸辣鳳爪,只屬間場戥腳貨色.無特別可言.油浸荀殼,套餐得一尾,所以額外叫多一尾,炸得酥香之外,肉質亦很嫩滑.真係吃得個個朋友叫好,連骨頭也酥脆到照吞.咖哩兩味,一雞一牛,這個時候,亦時麵包出動的時候.咖哩汁微辣,亦有甜味.眾人為左這兩味咖喱.麵包頓成搶手貨.燒香茅雞燒得皮脆,香茅味亦充滿在雞肉內.肉質亦係嫩.不錯的一味.洋荵蝦相比之下,只屬大排檔其中一味海鮮菜式,沒有甚麼特色.不過,蝦肉亦

近排實在係食太多水準以下菜la...昨晚跟眾食友去樂師，終於一舒之前鬱氣la..^___^每一次去呢度食都唔會失望ge...水準真係keep得住，昨晚食呢餐就更加係超水準---- 1)拼盤--- 都係D例牌春卷、蔗蝦、牛肉蝦片等等，水準保持；2)蒸粉包--- 水準可接受，但老趙(渡船街間)出品比呢度好；3)油浸筍--- 呢味真係全晚精華所在。一上就知佢得，身邊未過友人一試更加係"嘩"幾聲。一入口，表皮既香且脆，裏面肉又滑又嫩，我第一時間夾起條魚尾送啤，真係人生一大樂事；4)炸軟殼蟹--- 非常香口，D蟹亦非常大隻，雖經油炸，但仍保留蟹鮮味；5)牛油雞翼--- 皮薄餡靚，食到唔停得口，生痱枝都話之你la...實在跟上星期去清亭食D相差太遠；6)咖喱牛腩煲連法包&蒜茸包--- 呢個我就食唔係咁多(因忙於食前三樣)，試兩件腩根，都頗腍，D包就普通la(香港係食唔到係澳門炭燒水準)；7)椰青蟹--- 呢度招牌菜，預佢ok，反而驚喜不大，蟹膏依然係多到瀉(因佢地用頂角膏蟹)，椰青湯依然係清到痺；8)洋蝦--- 平時我多數係食蒜蓉焗，今次我個friend話試用洋煮，又ok喎，D蝦夠乾身，D汁入哂咪

見到呢間餐廳咁好評如潮似乎去到不可不試既地步星期五晚一行三人就去試試地點都幾隱蔽一打開門見到差唔到滿晒座但地方光猛乾淨闊落人多點都唔覺迫無叫套餐因價錢都唔平最後散叫左荀殼魚-甜, 但魚似夠滑入味, 無得頂蒸粉包-熱騰騰, 一般蒜蓉包-熱熱脆脆的, 但無蒜蓉味, 得一pat無味醬係面法包-熱熱的, 正酸辣鳳爪-好差, 完全唔入味, 千祈唔好叫炒芥蘭-新鮮夠碟頭,唔錯咖哩雞煲-第一次食偏甜既咖哩(日式咖哩除外)生牛肉河-一般可能係菜式偏甜大家都唔覺真係有幾好味但都可以接受價錢唔平, Total $401試下就算了如果路過都可以去下